ليت المقابر تستقبل حريم !

الحالة
مغلق و غير مفتوح للمزيد من الردود.
م

ماعاد يعنيني

New member
إنضم
2009/09/09
المشاركات
11
صبـــــــــــــاح الخيــــــــــــــرات لكل الحلوووين
خاطره كتبتها بأحسااااس حزين اتمنى تلامس احساسكم
اختكم : نبض قطــــــــر


ليت المقابر تستقبل حريم

كان جيتك


ايه جيتك


حامله جرحي الاليم


وشوية اوجاع تذبح


انفض ترابك واناااادي


<< انا توي ماااااااااانسيتك >>>


..........


سنتين وانا اتخيلك!


سنتين وانا اتخيلك!


في غرفتي قاعد معي


اسولف لك عن كل شي


وعن اي شي


واسالك !


هو السما نفس السما


الي كنا نناظرها سوى ؟!


واسمعك


ايه اسمعك


تضحك معي !! وتبكي علي!


وعطرك معي .. كل ما حنيت لك


عطرت به كل المكان وانفجرت باكيه


وانام وانا اتخيلك ماسك يدي


تهدي من روعك علي


واقوم و كفوفي خاويه!


................
تذكر


لين بكيت وبلل الدمع وجهي


كنت تذوق لي دمعي


وتضحك بوجهي وتقول


ليه دمعك ما هو مالح


حيل ( حالي )


شكله وجهك ماخذ الملح منه


ولين ضحكت تصرخ باسمي تنادي


لبى هالضحكه تعالي


غمضي عينك في حظني


لعنبو هم(ن) خذاكِ


ويوم رحلت اغرق بدمعي واشهق


وانتظر منك تواسي !​



::::


ذاك الشهر


على شاشة جوالي


هزني مقطع لنا


خلى دمعي ينهدر


كنا انا وانتا سوى


نضحك ويداعبنا الهوى


اعترف


توني استوعب عيونك


فيها اشواق وقتهااااا


يوووه يا ليتني ادري


كان بادلتك مثلهااااا


تذكر وقتهاا


كيف كان هرجنا؟


هز ارجاء المكان


كنه ما به غيرنا


اذكر اني يومها


قلت لك حبيبي بالغلط


وحلفت علي اعيدها


وانا بيذبحني الحيا


قلت لك عيب يا ولد


واذكر مسكت يدي


وقلت لي بقولك شي اقربي


وهمست لي


((والله لاخليك لين الصبح


بعد عرسنا تقولينها ))


ومادريت


لا عرس ولا صباح


ماني مصدقه رحيلك


ضايقه حد النياح


وعاجزه استوعب انك


رحت عن دنياي توك


ااااااه على ربي العوض


في جنته يجمعني بك


واضمك فيها با أضلعي


يبلل ثوبك مدمعي


واسألك


تدري بعد ما رحلت


كيف كانت فجعتي؟​

.............
 
اه بس جيتي عالجرح الله يعوضك بزوجك ويعوضني انا بعد ويجمعنا بهم في الجنه لما قريت قصيدتك حسيت انها تتكلم عني نفس المشاعر الي قلتيها تختلج في صدري الله يعطيك العافيه ولا تحرمينا من اشعارك الحلوه
 
سندريلا :
حبيبتي... يارب يعوضك في جنات النعيم
ردك برد لي قلبي الحمدالله ان احساسي اوصلك

 
:sad_1:


ثبت الله فؤادك
..

لا أعلم يقتلني الحنين عن فكرة اني أفقد حبيا لي ..إنما هو قدر الله على عباده إصبري واحتسبي..


...........


:icon31:

خاطرتك رائعة .. ذبحتني الكلمات ..أحببتها جدا ..أسلوبك بالفعل مؤثر ويدخل القارئ بالفعل في عالمه ..

دمتي بحفظ الله..
 
ملكة ناسي :
مرورك اعذب من الشهد
الله لا يفجعك في حد غالي
وشرف لي ان كلامتي نالت على اعجابك
دمتي بود يا بعدي
 
تحايا عطره لصاحبة هذا المتصفح الرائع ..
لصاحبة ذلك الحرف الدامع ..
لإضاءة دمع سطورك.. أسمى إعجاب ..
غاليتي عوضك الله خيرا وجمعك مع خليلك الذي تحبين في جنان الصابرين

إحترامي

​
 
اكبر قهر لما تكتب باحساس ويجي غيرك لا ذمه ولا ضمير يلطش وينسبها لنفسه
يعني عشان الامانه بس اكتبوا ( منقول):thumbdown:
 
الحالة
مغلق و غير مفتوح للمزيد من الردود.
عودة
أعلى أسفل