لا حول ولا قوة الا بالله..!
فيه ردود من جد تنرفز...............!!
البنت طلبت مساعدة ما قالت لكم انتقدوني وانتقدوا امي وابوي واخوي وزوجته..! شي عجيب!!!!!
أولا:
مو صحيح مقولة أن كل الرجال خونة..! مو صحيييييييييييييح!
فيه رجال ما يخونون.. وبالعكس.. فيه رجال مستحيييييييل يخونون مهما كانت المغريات حولهم.!
ثانياً:
مو صحيحة مقولة أن الملتزم ما يخون.!
أنا أعرف رجال فاهمين الدين غلط وعلى بالهم ملتزمين ويصلون بالمسجد.. ومع ذلك يخونون.!
وبالمقابل الحمد لله.. أعرف رجال دينهم عادي بس يخافون الله ويعرفون الصح من الغلط..!
يعني اللي قالت كيف تتزوجين واحد مثل ابوك واخوك!! يا حبيبتي كيف تضمنين انه زيهم ولا مو زيهم..!
الديييييييييين وخصوصا الظاهر منه.. مو بالضرورة يعكس نفسية الشخص..!
ثالثاً:
الفاضلات اللي قالوا كما تدين تدان!!!!!!!!!!!!!!!!!!!!!!!
اتقوا الله في البنت حرام عليكم....!!!
تحسسونها بالذنب على ايش؟؟؟؟؟ تقول لكم كانت طفلة!
وش تتوقعين من بنتك الصغيرة اللي تحب ابوها مثل ما تحبك...!
كيف راح تفهم ان ابوها غلط وانها المفروض تجي تعلمك..!
لا اله الا الله... من جد ترفعون الضغط
رابعاً:
اللي يسألون قبل الزواج مو شرط يوصلون للمعلومات هذي..!
انا ما استخف بالسؤال قبل الزواج.. بالعكس هذا الشي مهم جدا..
لكن لا تلومون البنت لأن فعلا مو شرط اللي يسأل يوصل لمعلومات مثل هذي..!
ممكن يكونوا اصحابه مثله مغازلجية وقذرين ويخبون على بعض..!
أرجع أقول مو كل الناس يخافون من الله..
بالأخير... ردي للأخت صاحبة المشكلة:
حبيبتي أنتي لسة في بداية حياتك.. والخيار لك..
في عندك حلين لا ثالث لهما.. وأنت اختاري..
1. أنك تقدرين تسامحينه.. وفي هالحالة انتي محتاجة خطة محكمة تقدرين ترجعين زوجك لك فيها وتخلينه يبطل هالحركات.
2. أنك مستحيل تسامحينه.. وفي هالحالة لازم تتركينه اليوم قبل بكرة لأنه ما يستاهل يوم زيادة من حياتك يضيع معاه!
وفي هالحالة كمان.. أنصحك أنك تأدبينه وتردين اعتبارك منه قبل ما تتركينه.. لو أنا مكانك واخترت أتركه.. راح أخليه يدفع الثمن غاااااااالي صدقيني.. وأقل شي أسويه.. أني بأمسك عليه أشياء مثل الرسايل وايميلات وصور وأي شي أقدر عليه.. وأبلغ الهيئة وأواعده وأخليهم يمسكونه متلبس بالجرم.. علشان يتأدب ويمكن يقيمون عليه الحد بعد..
لا تقولون لي أني مجرمة هههه
آسفة بس اللي يخونني بوريه أن الله حق.. وأن بنات الناس مو لعبة.. ودام هو وصل لهالعمر ولسة ما تاب ولا شكله ناوي يبطل... فجا اليوم اللي أخليه يبطل غصب عنه.. وهو يستاهل اللي يجيه..
لأن اللي قاعد يسويه مو قليل..
كلمة أخيرة..
حبوبتي الغالية... صدقيني أنتي مالك أي ذنب باللي صار لك هالحين.. ولا لك ذنب بغلطات ابوك وأخوك.. بالعكس هم اللي استغلوك واستغلوا طفولتك وبراءتك..!
واذا كان زوجك كذا.. فهذا ابتلاء من الله عز وجل.. وليس عقاب..! لأنك ما سويتي شي تتعاقبين عليه
وآخر شي.. انتي لسة صغيرة وفي بداية حياتك.. صدقيني يمديك تبدين حياة جديدة بالطريقة اللي تناسبك..
وما تدرين يمكن ربي يعوضك خير ان شاء الله
آسفة عالإطالة
