لو مل منك زوجك لو خانك وتبين حل ..لو مل منك ومن شخصيتك هنا الحل يابنات

[روحي تحبك!!]

لومل منك زوجك ماذا تفعلين.....؟؟؟
لو مل من شخصيتك؟؟منك؟؟من كلامك؟؟

من اخباركـ من مشاكلك؟؟؟
يعني بصريح العبارة...
ماعاد عندك جديد
لاجديد في حياتك عزيزتي!!!!!!!!!!
لاجديد بعرفه زوجك؟؟كل اخبارك؟؟..
حافظها وحافظ حتى اسلوبك في الكلام
والشرح والتفصيل الممل او حتى المختصر..

يعني بااختصار صـــــــــــــرتي...

ممــــــــــــــــله..
قال تعالى{{ان الله لايغيرمابقوم حتى يغيروا مابأنفسهم}}..
اذ ابدأي بتغيير نفسك..وزوجك خليه على جنب..؟؟؟؟
أذن نبدا المشوار على بركه الله....
بسم الله الرحمن الرحيم...
اولا_والمهم جدا هو انك تتوقفين عن عرض موجز الاخبار
ولاحتى التفصيل واعطي لنفسك قرار بوقف وكالة الانباء
عن العمل..
يعني بااختصار..
قللي الاخبار على قدر الامكان..ولكن ليست لدرجه الصمت المطبق
نريد ان نحل مشكله لا ان نزيدها...
وحاولي تتدرجين بالموضوع..
اذ متعوده مثلا خلال الاربع والعشرين ساعه توصله
اخبار المجتمع حواليك..
اعطيه بس اخبار بسيطه جدا جدا واوقات اخرى من اليوم
ابتسمي فقط!!!!!!
{{السبب}}..
تعود زوجك منك في اوقات معينه ياخذ
اخبارك..
مثلا وقت ماتتقهون....
وقت رجوعك من الدوام...
وقت رجوعك من عند اهلك..
وقت رجوعه هو.......للبيت
{{النتيجه}}
راح تلاحظينها يمكن من اول مره..
راح يسألك...
وش الأخبار؟؟؟
أو بيقولك..غريبه اليوم ماعلمتيني
بااخبارك؟؟؟
اومن هالنوع؟؟؟
راح يكون ردك عزيزتي كالتالي...
ابدا حبيبي..ماعندي أخبار؟؟؟
او ماصار شيء..
أو اختري وقولي الحمدالله...!
ثانيا_لاتسالينه سؤالك المعتاد وهو راجع للبيت{{فين كنت}}؟؟
وأكتفي بالابتسامه واسأليه اذ يحب يشرب شيء أويحتاج مساج
وانتي وافكارك بهالخصوص..
السبب_انه مبرمج نفسه للجواب على سؤالك المعتاد؟؟؟؟!!
سؤالك الي مايطيقه؟؟وأنتي؟؟ماتدرين؟؟
النتيجه_راح تصدمينه خاصه لو تكرر
تصرفك هذا مرات ومرات
راح يسأل نفسه..اويمكن يسألك..
ليش ماعدتي تسألينه؟؟؟
ماعدت مهم عندها لهدرجه؟؟ويبدأيشغل نفسه في التفكير فيك؟؟
ويمكن مايبين لك كل هالاهتمام بالتغيير
اللي حاصل لزوجته الحبيبه...
.......
ثالثا_قللي جلوسك معه.؟؟!
السبب انه تعود وجودك حواليه؟؟؟
ووين ماكان؟؟
وهو يتفرج على التلفزيون انتي معه!!!!
وهو يقرأ الجريده..انتي معه!!
وهو بالغرفه..
بالصاله..
بكل مكان انتي كانك حارسه
الشخصي؟؟؟
يمكن هالكلام ماينطبق على الكل بس الغالبيه من الزوجات
كذا حالهم!!!
النتيجه بااختصار...
راح يفقدك!!
فأكيد راح يسألك عن السبب؟؟
قولي مثلا مشغووله..
اوبكل دلللع.....حابه اكون وحدي!!!!
ولاتنسين الابتسامه.. مهمه
وحاولب بهالموقف بالذات تكونين
طبيعيه يعني كأنه من حقك تكونين
لوحدك
لاتحسسينه ان فيه شيء...
النقطه الرابعه خاصه جدا..
للي يعانون من الخيانه الزوجيه.. وتعبت اعصابهم من الشك والغيره
اقول تفاءلو باذن الله تنحل المشكله..
اصلا لابد من حل يرضيك عزيزتي وان ماكان حل جذري
لكن راح ترتاحي..رجاااااء هذاي افكاري بااتجاهي بهذا الخصوص
عليكن الالتزام بها..
وعودي نفسك عليها اذ اردتي الراحه..
...مهم جدا عزيزتي تبتعدين عن مصدر
القلق النفسي لك اعطيك مثال؟؟؟
جوال زوجك!!!!
ابتعدي عن جواله..لاتشوفينه{{اصلا مو موجود}}
خليها ترن براسك..
لاتسألينه....من المتصل؟؟منارسل لك رساله؟؟
فيه رقم اتصل عليك...لمين؟؟
لأنك حتى لو رن جواله سوي نفسك ماسمعتي؟؟
يعني انسي او تناسي شيء اسمه جوال!!
انسيه فعلا لاقولا..
مااقصد قدامه هالتصرف........
ومن وراه تفتشين...لا والف لا..
نحتاج حبيبتي بهالخطه اللي وضعتها انك
تكونين نفسيا مرتاحه
فلو فتشتيهولقيتي شيء راح تتعبين... وتقلقين..
واحنا نحتاجك مرتاحه ومبسوطه!!!
ايضا ابتعدي عن التلميح والتصريح عن الخيانه
وتذكرين قصص,,ومواعظ..لانه اذكى من كذا
بكثيــــــــــــــــــــــــر..!!!
ولو هو تكلم عن الموضوع قولي بااختصار
الله يهدي شباب وينات المسلمين..
السبب ..
حتى هو صار يشك فيك..يشك انك تفتشين من وراه
مو مرتاحه ولاتبين تريحينه..!!
ماعندك ثقه فيه والشك بكل تصرفاته..
النتيجه؟؟
راح يقول لنفسه اكيد ومن دون مايوضح لك ذلك..
تدعين للناس بالهدايه هذ كل اللي عند!1
اكيد صار شي لعقلك؟؟
اكيد مو مصدق...وياليت يتكرر هالتصرف منك
دائما..
لاتلميح لاتصريح لامزيد من الاسئله؟؟
يمكن يقول انا مقصر اكيد معها؟؟
في مشاعري في عواطفي عشان كذا
معادت تغار ولاتسأل؟؟
والرجل يكره ان المرأه تبدا بالملل
{{هذا اعتقادي والله اعلم}}
فراح يعيد حساباته.....
اقلها وممكن انتي بتلاحظينه...{اذ اتصل عليك
يكون رقيق جدا ومهذب}}
وراح تتذكروني عند هالنقطه بالذات...
النقطه الخامسه..والاخيره
وهي مرتبطه بكل النقاط والافكار اللي ذكرتها
مهم جدا
انك تكونين مبسوطه,,مرحه ,,مرتاحه
صحيح صرتي غامضه لكن مبتسمه!!!!
السبب
الكأبه والحزن راح يضيع الجهود اللي بذلتيها
راح يعطيه تفسير غلط
راح يقلب الموازين
راح يقول انك مريضه نفسيا وماعندك توافق نفسي
وهذي رده فعل عكسيه..سببها انك منت قادره
تغيرين زوجك مثل ماتحبين
منتي متكيفه معه....ولامتفقه معه..ولامرتاحه معه..
هنا فقط..راح يهرب منك زوجك للابد
اتمنى لكل الزوجات ومن قلبي الالتزام
تقربي لربك..كل ماقربتي منه سبحانه يقرب منك..
اشتكي لربك....ادعي والحي وابكي؟؟
نقطه مهمه جدا..؟
مشاكلك..لاتطلع لاحد خاصه اهلك
ارضي زوجك عزيزتي واصبري
احتسبيهاعند الله وتوكلي على الله
.....الموضوع ناقلته من جوالي من قناه كشكول للامانه
بس تعبت وربي وانا اكتبه
بس ابي منكم دعوه بظهر الغيب
ان الله يهدي زوجي
ومااحلل احد ينقل الموضوع بدون مايكتب اسمي
وتحياتي لكم اتمنى ينال اعجابكم ورضاكم

روحي تحبك!!:22:

 

[حياتي معك غير]

مشكورة اختي على كلامك العسل
ويارب تهدينا جميعا

 

[لودققتو]

الله يهدي زوجك ويسخرة لك

 

[88الوحيدة88]

تسلمين اختي الله يسعدك على هالنقل وبالفعل الكلام كله صح في صح وصار معي

انا من انوع اشكاك زوجي مل من تفتيشي لجواله ومن كثرة كلامي لاني احكي كل شيء يصير وبالتفصيل اساله وين كنت ولو الجوال انتظار كنت اسال مع من انتظار

بس من فترة قررت اتغير ما صرت اصلن ادق عليه لو طلع الا لشيء جدا ضروروي من غير ما اسال انت وين ولا متى تجي واقفل

ما صرت اهتم بجواله ولا اطالع فيه

كلامي صار قليل ولو سال اقول ما فيه جديد

فعلا صرت اروح اجلس وحدي ادخل غرفه اصلي فيها واقراء قران

ارد اجلس معه شوي وارجع ادخل غرفتي يوم يناديني وينك اقول لا بس ارتب اغراضي

وبستمر لي اسبوع وبرد لكم واقول النتيجه

 

[شتتنيــ غيابهــ]

والله يالغاااليه انا في صدد التغيير بس مااقدر استمر يعني اجلس اسبوووع بدوون اخباار وبدووون اسئله بس القى نفسي بعديين رجعت لطبعي
لااازم كل يووم ادق علييه وقت ماايخرج من الدواام او امسجله مع العلم انه مااايتصل علي ابد ولاايرسل
بس انا مااقدر تعووودت مع اني اشوووف اهتماامه ويبسطني لما يفقد اتصاالي ويقووول وينك اليووم مشغوووله ومن هالكلاام بس مااقدر استمر بالكثييير يوومين ماادق وبعد كده ارجع زي مااكنت
امس سالته تعجبك شخصيييتي ؟ قاالي لا ومااارضي يفسررر لي انا عاارفه لييه مااتعجبه بس مااقدر اغيير لانه انا كده,,,
وبس قرقرت وااااجد هع هع

 

[دلع النعيريه]

كلام قمة في الروووووووووووعه سلمت اناملك يالغاااااااااااااليه فلا تحرمينا جديدك

 

[اموت علي]

كلام مفيد جدا


مششششششكوره



باذن الله احاول اطبق



دمتي بود

 

[ڛـζـر أטּـثى]

والله يالغاااليه انا في صدد التغيير بس مااقدر استمر يعني اجلس اسبوووع بدوون اخباار وبدووون اسئله بس القى نفسي بعديين رجعت لطبعي

والله نفس حالتي :24:

 

[جميلة2008]

حلو واسلوب راقي مشكورة الغلا

 

[عيوني فداه]

روووووووووووووووووووووووووووووعه

 

[عين زوجي]

مشكورة اختي على الموضوع الرائع والله يهدي زوجك وازواجنا جميعا ويجعل بيننا موده ورحمه

 

[غروري في نجاحي]

مشكورة حبيبتي وجاري التنفيذ

 

[BaBy_GirL]

والله مشكوووووورة يا الغالية ... معلومااااااااات مفيدة وعن تجربة ... تسلمين

 

[حنين احمد]

يسلموا

 

[روحي تحبك!!]

يارب يسلمكم ربي ..من كل شر ويهدي ازوجكم يارب ويهدي زوجي
كلنا خانطبق ونشوف النتايج وش بنخسر يعني يارب يهديهم
والله يعافي كل من ردت يارب ويسخر زوجها لها
لاخلا ولاعدم وسامحوني على القصور بالموضوع
ونقبلوت اطيب
تحياتي روحي تحبك!!

 

[هـنادي]

مشكورررره...

 

[شموع وورد]

مشكوره اختي على تعبك علشان اخواتك والله يسخر لك زوجك ويجعلك اجمل النساء بعينه

 

[روحي تحبك!!]

هنادي تسلمين على المرور ياقمرر
شموع ورد فديتك ويعافيك يستاهلون اكثر
تقبلوا اطيب تحياتي

 

[faith85]

hi , ana 3o9'wa jadeeda ,, 3endi nafs almoshkela ,, nafsi asma3 esh 9ar m3 alwa7eeda..

 

[غلاي عادل]

مشكوره ياقلبي الله يعطيك العافيه

ويسلم يدينك والله كلامك صحيح بس من انخلي الهذره له

انا ماعندي حل وسط اما قرقره والا ساكته هههههههه