لو سمحتوا ممكن خبيرة أوربا للــ(Honny Moon)

[سفيرة السعداء]

بسم الله الرحمن الرحيم
السلام عليكم ورحمة الله وبركاته


أخواتي العزيزات أختكم في الله شموخ متورطة حدها


كنت أكلم أبو الشباب ويقولي أنه قاعد يحضر لشهر العسل و وين بنقضية وقالي وين تبين تروحين وأنا بيني وبينكم ما أندل أي مكان غير مصر :in_love: وعمري ما سافرت بلد ثاني فياريت حبيباتي اللي عندها خبرة أو سافرت للدول الأوربية تساعدني وتقولي الأماكن الحلوة هناك عشان يوم يسألني على الأقل أعرف أرد عليه بشي :nosweat: صح ولا ؟؟


يعني : بلجيكا ،،، النمسا ،،، فرنسا ،،، سويسرا،،،

:1eye:


واللي عندها أي معلومة عن النقاب والحجاب هناك
تنبهني إلها بارك الله فيكم











أحترامي
شموخ الإيمان

 

[القلب الطفولي]

مرحبا الغالية ..

ألف مبرووك و الله يجعل ايامكم كلها عسل

:
:

بالنسبة لـ شهر العسل يعتمد على المدة و الميزانية .. انتي حددي المدة و الميزانية الي تقدرون عليها و ان شاء الله بسويلج برنامج حلو مميز

مبدئياً اذا حاطه فبالج أوروبا أنصحج بهالدول (النمسا - سويسرا - فرنسا)

و اذا تبغين خيارات ثانية ممكن اقترح عليج هالدول :
- جزر المحيط الهندي ( المالديف - سيشل - موريشيوس )
- استراليا
- جنوب أفريقيا

 

[هـايدي بلقيس^_^]

باريس مدينة الرومانسيه والعشاق انا تعجبني مره باريس بس عيبها وين ماتلتفتين تلقين ناس من ديرتك يعني ماتاخذين راحتك وبعد النمسا روووووووووعه وطبيعه شي خطييييييييييير جنة الله في ارضه واذا تبغين مدن ساحليه عندك في فرنسا نيس وكان وفي ايطاليا ريميني وريتشوني برضوحلوه ولا تنسين تاكلين الأيس كريم يم يمي ههههههه والله يوفقك ويسعدك ويهنيك ويسخرلك

 

[سفيرة السعداء]

تسلموووون خواتي وما قصرتو

مرااااااحب أختي القلب الطفولي :icon30:

يزاج الله خير على حضورج الكريم وتشريفج

والله يا أختي الميزانية الله اعلم فيها بس هو قالي أنة بيرتب كل شي من هني وبيدفع حتى القطارات

والمدة من 20 إلى 30 يوم تقريباً

بس بسألج كم المدة المناسبة لهالدول؟؟ وامس يقول زيد ألمانيا بعد :nosweat:

وشو هي الأماكن الحلوة المشهورة هناك عشان اقوله يحطها في الجدول ؟؟


ويزاج الله خير :icon31:






++++++++++++++++++++++++


ميييموو


هههههاااي:nosweat:


تسلمين أختي على حضورج الكريم ونصايحج:showoff:

والآيس كريم لازم وواجب علية أقولج أنا من الحين كل يومين اقولة يمر يجيبلي آيس كريم من أي مكان :bleh: لأني فعلاً عاشقتنة عشاق ..

 

[القلب الطفولي]

هلا اختي شموخ ..

السموحة فديتج تأخرت عليج
الحينه كنت بطلع و اتذكرت اني ما رديت عليج و قلت بدخل على الطاير لوول

يوم انه زيّد المانيا زين عيل خلينا نشوفج هناك هههههه

:
:

بكتبلج المناطق الحلوة و المعروفة في الدول الي اخترتوها :

-النمسا : فينا (العاصمة) / زيلامسي / سالزبورج / انسبروك
-سويسرا : جنيف (العاصمة) / انترلاكن / زيورخ / لوغانو / لوسيرن
-المانيا : ميونخ / أوروبا بارك ( ما كتبت باقي المناطق لانها بعيدة وايد عن سويسرا و النمسا )
-فرنسا : ستراسبورغ / باريس (العاصمة) .. و ممكن بعد تضيفين نيس و كان مع اني ما افضلهن عسب الشواطىء و انتي ادرى بالمناظر !


* ستراسبورغ الفرنسية وايد قريبة من أوروبا بارك يعني تقدرين تسكنين في ستراسبورغ و تسيرين اوروبا بارك أو العكس .
* جنيف في وايد مناطق فرنسية قريبة منها و بكتبها لج خلاف ان شاء الله لان جنيف بروحها مافيها شي.
* اذا ناوين تسيرون 4 دول و على راحتكم أعتقد 30 يوم مده مناسبه و تقدرين تخلينها 25 يوم .
* بعد ما تشاورين بو الشباب و تختارون المناطق الي تناسبكم بكتبلج الأماكن السياحية في كل منطقة بالتفصيل .


و السموحه على القصور الغالية لاني مستعيله

 

[إيمان القلوب]

أختي القلب الطفولي بارك الله فيك .. انا رايحه ع فرنسا بس دائما اروح نفس الأماكن الشانزليزيه.. ديزني لاند.. غاليري لافاييت.. لادي فانس.. قصر فرساي.. بس هاذي الأماكن.. دليني على اماكن فيها شلالات وأي أماكن سياحية نستانس فيها.. ردي بسرعه الله يخليييييييييييييييج..

 

[القلب الطفولي]

مرحبا أختي (إيمان القلوب) ..

ان شاء الله اقدر اساعدج .. بس ليش ما تغيرون فرنسا ؟ شي دول أوروبيه أحلى من ناحية الطبيعة مثل سويسرا و النمسا ^.^

أو تقدرين تروحين (باريس) و معاها مدن ثانية ، مثلا أقترح عليج هالبرنامج :
- جنيف اسبوع ( تسكنين في قرية ديفون الفرنسية و تزورين الريف الفرنسي الي على الحدود السويسرية مثل آنسي \ ايفيان \ فرنيه \ شامونيه ... الخ ).
-ستراسبورغ الفرنسية 3 أيام (اول يوم تستكشفين المدينة و ثاني يوم تروحين ملاهي اوروبا بارك الي في قرية (ريست) الألمانية و هي أكبر مدينة ملاهي في أوروبا ، و اليوم الثالث تزورين المناطق الألمانية القريبة).
- باريس المدة الي تناسبج و طبعا عندج خبره فيها .

 

[مثل الورد]

اختي انصح لاتفووووتين زلاااااااااااامسي طبيعه ولا اروع....

وعموما اروبا حلوووه لشهر العسل....

والله يهنيكم ياربي ويسعدكم

 

[سفيرة السعداء]

القلب الطفولي


يزاااااااااااج الله خير يالغالية على المعلومات :clap:

ما شاء الله تبارك الله :icon30: يعني المدة اوكي الحمد لله

والله للحين ابو الشباب يزيد مناطق :1eye:

الله يعيني بس قالي أكيد إن شاء الله فشهر اغسطس بيسوي الحجوزات والترتيبات مع طيران الإمارات



-النمسا : فينا (العاصمة) / زيلامسي / سالزبورج / انسبروك
-سويسرا : جنيف (العاصمة) / انترلاكن / زيورخ / لوغانو / لوسيرن
-المانيا : ميونخ / أوروبا بارك ( ما كتبت باقي المناطق لانها بعيدة وايد عن سويسرا و النمسا )
-فرنسا : ستراسبورغ / باريس (العاصمة) .. و ممكن بعد تضيفين نيس و كان مع اني ما افضلهن عسب الشواطىء و انتي ادرى بالمناظر :sly: !


شوقتيني والله :nosweat: بس طبعاً بعيد عن الشواطي أحب الهدوء والطبيعة مثل المناطق الريفية :msn-wink: يا سلالالالالالالالالالالالام جو جو




يزاج الله خير الغالية تعبتج وياية :in_love:







إيمان القلوب الله يهنيج أختي:blushing:













مثل الورد
شاكرة لج حضورج والدعاء
بصراحة شفتها زلامسي من الصور تخبليييييييت :1eye: بتنحط في اللستة بإذن الله





يزاكم الله خير خواتي وما قصرتو :icon30:

أخدمكم في الأفراح :msn-wink:

 

[القلب الطفولي]

لا شكر على واجب الغالية
تعبج راحة ^_^

و أي وقت تحتاجين مساعدة انا في الخدمة و ما يردج الا كيبوردج ^_*

 

[سفيرة السعداء]

:a200:



:a200:




:a200:






احم احم


أخجلتيني الصراحة يزاج الله خير حبيبتي وما قصرتي

وإذا احتجت إن شاء الله ما بيردني عنكم شي بإذن الله :smoke1:

 

[شمس مشرقة]

حبيبتي أنصحك بالنمسا
جدا رائعة ورومانسية
روحي فينيا ثلاثة أيام
ثم اذهبي منها الى سالزبرقوامثي فيها أربعة أيام ومنها تستطيعي الذهاب الى
ميونخ في ألمانيا بالقطار صباحا والعودة في نفس اليوم
ثم اذهبي منها الى عالم الرومانسية والحب زيلامسي واجلسي فيه 6أو7أيام حسب الميزانية
من أجمل الأيام وأحلا البلدان النمسا لاتفوتي الفرصة
صحيح هناك بلدان جميلة مثل سويسرا وباريس
لكن الأجمل النمسا
زوري موقع العرب المسافرون سيفيدك كثيرا
الله يوفقك ويسعدك