لو سمحتوا إستشاره عن المحكمه وابنتي

[الدنيا عكسي]

الســـلام عليكم ورحمة الله وبركااته

​

الله لايهينكم ياأخوااتي أريد منكم المشوره في ::::

السالفه ومافيها ان طليقي جاء قبل فتره علشان يزور بنته مثل مايقول<<<

و السالفه عنااد لانه هالآدمــي يحب المشاكل وفيه اشياء كثيره يطول شرحهاا

وطبعاً البنت ماتعرفه وتخاف منه لانها ماشافته الا مره وحده بس ويجي ياخذها

بالقووه لدرجة انها تصيح وتصارخ بصراحه صياحها يقطع القلب

المووهـــــــم ......... علماً ان بنتي في حضانتي ومكتوب في الصك اذا جاء عمر

البنت ثلاث سنوات يأخذها والدها للزياره ثلاثة ايام فقط علماً اننا لم نمنعه من

زيارتها وطبعاً هو لمن اخذها قبل فتره لمنطقته ومارجعها الابعد خمسة عشر يوماً

طبعاً بعد مارفعت عليه بلاغ ورجعها نفسية البنت مرره صايره عصبيه واي شي يبكيها

استشارتــــــي ..... هل اقدر ارفع قضيه للمحكمه والقاضي بأن يغير موعد الزياره

مثلا تكون ساعتين اوثلاث ساعات ؟؟؟؟؟؟؟؟ وهل استطيع تغيير القاضي الذي حكم بهذا ام ماذا ؟؟؟


افيدونــــي جزاكم الله خيـــراً​

 

[همم شامخة]

الله يكون بعونك طيب حبيبتي ممكن اسالك سؤال الحين بنتك كم عمرها ؟؟ وهل القاضي حكم ان والدها ياخذها البيت عنده لعدد معين من الساعات انا مثلك ابني بيكمل سنتين وخايفة يحكم له القاضي انه ياخذه زيارة عنده البيت وهو متزوج واهله مش هنا وابني ما يعرفه ويخاف من الاغراب والاب منتظر حكم الرؤية فابي اعرف بايش يحكمون

 

[أ. بيان زهران]

اهلا اختي العزيزه :
يمكنك رفع قضيه ولاكن لابد ان يكون نفس القاضي حسب قانون المرافعات الشرعيه

الدعوى ترفع لوجود اسباب جديده ادت الى ضرر المحضون وهي ابنتك ،،،
اتمنى لكم التوفيق ،،،،

 

[ام لموووو]

بسم الله الرحمن الرحيم)تقدري ترفعي دعوه عليه بانه مالتزم بالقانون واخذها خمس عشر يوم وتقدري تقنعي القاضي بان ياخذها بالساعات وقولي له بنتي تطلع من عندي مافيها الا العافيه وترجع نفسيتها تعبانه وكله بذمتك ياشيخ

 

[ميمي33]

قطعتوا
قلبي الله يعينكم يابنات

 

[الدنيا عكسي]

الله يعطيكـــم العاافيه كل من رد علي ويجزاكم ربي خير الجزاء


ههم شامخه شوفي حبيتي بنتي عمرها ثلاث سنوات والقاضي لما حكم انه ياخذها ثلاث ايام ماذكر

في الصك انها تكون خارج المنطقه التي اسكن فيها اتوقع انها لازم يزورها في نفس منطقتي

وبنتي مثل ماقلت ماتعرفه وتخاف منه الله المستعان


سؤااال همم شامخـــــــــه؟؟؟؟ لييش انتي مامعك صك بالحضانه وتحديد مواعيد الزياره

انا الصك اللي معي موضح فيه مواعيد الزياره من سنه الى سبع سنوات

الله يكـــــــــون بعوننا رجال مامنهم أمااااااان

 

[رندة @]

ارفعي دعوة من جديد

 

[همم شامخة]

ابني عمره سنتين ومعاي صك حضانة بس مافيه اوقات الزيارة ابوه في نفس مدينتي بس ممكن اعرف منك من متى يبدأ ياخذه عنده في البيت سواء زيارة او مبيت يعني من عمر كم ؟وهل انت تقصدين ان القاضي حكم له انه ياخذها بيته 3 ايام بالاسبوع موكثييير ؟؟ حسبي الله ونعم الوكيل يعني الموضوع سهل ياخذ ابني وهو اساسا مايشوفه ولا يصرف عليه ولا يسأل عنه ؟؟ مافي مراعاة نفسية الطفل

 

[الدنيا عكسي]

شوفي حبيبتي همم شامخه

مثل ماقلت لك ان الصك اللي عندي مكتوب فيه اوقات الزياره من سن سنه انه يزورها ثلاث

ساعات فقط وبعد ثلاث سنوات حدد له القاضي ثلاثة ايام كل اسبوعين لأنه خارج منطقتي التي

اسكن فيها وطبعاً القاضي لم يذكر كما قلت لكي بأن تكون الزياره خارج المنطقه ......

بس انتي تقولين انه طليقك ساكن في نفس منطقتك يمكن تختلف مواعيد الزياره

والله أعلم أنشاء الله الاخوات يفيدونك ....... الله يعينا بس

حسبي الله لاإله إلا هو عليه توكلت وهو رب العرش العظيم

 

[همم شامخة]

اها افهم من كلامك انه ياخذ الطفل عنده البيت اما يكمل 3 سنوات

 

[همم شامخة]

يعني ياخذه زيارة هذا اللي اقصد