لو تقدم لك زوج...وظيفته بهذه المواصفات تقبلينه؟؟

[**الماسه**]

دمعة سحاب2.....ربي يسلمك ويكتب لك الخيره حيثُ كانت .

 

[طاغيه الانوثه]

استخيري كذا مره

 

[دمعة سحاب2]

شكري لكل من ردت......

وكلام قمر يخووووف بصراحه....

عموما اكرر شكري للكل
لانه فعلا فيه حريم.....وشفت بنفسي....حاطه مكياج( روج احمر فاتح_وبودرة خدود...ومسكرا وكحل..).وهي عندها عملية.....

ووحده ثانية....كانت معي بنفس الغرفه التي تنومت مرة فيها.....وقبل العملية.....كانت تقول لي كلام جري( انا ماعطيها وجه) بس ليش قالت كذا
قالت:
الله يستر بيكشفون على البلاوي(وتقصد منطقه العورة) ويشوفون السواد...وضحكت وقالت: انت يمكن تعجبينهم.....مشيرة للون بشرتي افضل منها..فهي سمراء قليلا.(بكل وقااااحة....)
قلت: ليش تقولين كذا؟؟؟
قالت: اش يعني تظنين؟؟؟اكيد انهم يقارنون


هذا كلام مريضة....فكيف بالصاحية اللي اي تبي دلع ....

 

[ريحانه 87]

هم يبكي وهم يضحك

استخيري وربي راح يسهل امورج

عجبا عجبا امر الناااس
يعني الطبيب مار اح يتزوج لانه يكشف على النساء
شو ما كان تخصص الطبيب عام ولا باطنيه ولا تجميل ولا نساء وولاده ولا انف واذن وحنجره الخ الخ الخ
يعني مايتزوج ؟؟؟؟

هذا رايي

 

[حـرم المهندس]

بصراحــهـ لو انا ما أوافق:31:
والله يسخرلك ​

 

[بتاال]

لااااااااااتعليق...

 

[sesebombom]

مستحيل أوافق

خلصت تخصصات الطب يوم انه مايلاقي الا هالقسم !!!!!!!!!!!

اكثر ماكثر الله الطبيبات وشوله يدخله

احس مايدخل هالقسم الا الداج قليل الحيا ولا وش له وعورات المسلمات

ههههههههههه
بيدخلوا القسم مو لهاد السبب عزيزتي بيدخلوه لانه اكثر تخصص بيجلب المال اكثر من الجلديه...............الخ

 

[بقاية جروح]

الله يهديكن خليتن الرجال مذنب ذنب اذا اختي ما ارتحتي لا توافقين والله هم لمن يولدون الحريم بس عشان هذا مهنة وغير كذا مافي شي يدور في بالهم الله يكتب اجرهم

 

[تشكرات]

أكيد توافق هذا طبيب ومثقف وهو يشوف عورات النشاء للضرورة

أنا من رأي أختي هادفا ....بارك الله فيها ..

 

[منووو أم بوبو]

باوااااااااااااااااااافق على طوووووووووووول ...
وبعدين هو طبيب نساء وولاده ايش بيشوف يعني في الحريم ؟؟؟؟
اذا قصدك وقت الولاده الحرمه وقت الولاده حالتها حاله وكل شئ فيها متغير اظن فاهمتني ..
شكلك تحسبين وقت الولاده الواحد يفكر بحب ورومانسيه خخخخخخخخخخخخ
باقولك موقف صار لي ..
في ولادتي الثانيه بعد معاناه مع الطلق من الفجر الى قرب المغرب والحمد لله ولدت طبيعي وطبعا اللي ولدتني دكتوره والله مو مذكره كم وحده ولدتني .
المهم جا وقت الخياطه ،دخلت الممرضه تقول لي اللحين بيجي الدكتوور يخيط لك طبعا رفضت قلت لا قالت مافي احد اللحين الا الدكتور هذا لانه مو وقت دوام رسمي قلت يالله خلاص المهم اخلص .
يوم دخل الدكتوور غطيت وجهي خخخخخخخخ
انا شفته استحيت وخاصة توه شباب ووسيم .
المهم انا مغطيه وجهي بالطرحه وهو يخيط من تحت .
والله ماالتفت علي ولا قال ولاكلمه مشاء الله عليه ،يعني هو يؤدي وظيفته وبس .

:31: أنا صار زي كذا بس يعني قبل الولادة وكانت ولادتي مره عسر ه وصار يعلق بالأنجليزي على باله ما عرف :33:....
أختي إذا كنت غيوره من النوع الحار الناري ما أيد وشكلك غيوره حييييل من سؤالك لكن ما تصلح له إلا الباردة يعني تلزم له وحدة باله طويل والله يوفقك والله أشوف بعضهم مايخاف الله قسم ولا جاب المصحف وحلف عليه أهم شي أخلاقه روحوا سألوا عنه بالمكان اللي يشتغل فيه تروح وحده من جماعتكم وتشوف أخلاقه مافي غير كذا والله يوفقك

 

[عيون عزيز]

أصلا لو الزوج يشوف زوجته وقت الولادة وشاف المنطقة لحظة خروج الجنين كان طلق زوجته من زماااان ...

هاي ولادة حبيبتي ....دوري فالنت عن الولادة الطبيعية وشوفي فيديو خاص ...أنتي مرة بتلوع جبدج فما بالج بالرجال !!!

وافقي حبيبتي وزوجج يمارس مهنة صعبة مب دلع وفرجة ,,,

 

[أحلى جديلة]

بصراحة والله مااوافق انا زوجي بس يرد على استشارات وفيهل اتصالات نسائية قومت الدنيا علية اجل لو يروح يشوف اشياء ثانية ؟؟؟؟؟؟؟؟؟؟؟؟؟بأذبحه وارمية وبعدين خير ؟؟؟؟؟؟؟؟؟؟؟ عفوا وجة نظر ليس الا...............

 

[رنودة**]

انا مستغربة من ردود البنات عيب وحرام و.......................الخ

ياناس مهنة الطب مهنة عظيمة ومتعبة جدا في دراستها وما اعتقد يدخل يدرس طب واحد صايع ضايع

يفكر في رؤية عورات المسلمات

هو بيدرس طب عام وبعدين يتخصص حسب احتياج البلد

وبعدين لا تنسوا ان من انجح اطباء النساء والولاده رجال ولا ننسى ان من المشاكل الكثيرة عند عدد كبير من النساء

تأخر الحمل وكثير من النساء عانوا من مشاكل كعمل عمليات اطفال الأنابيب او التلقيح المجهري وغيرها

يعني ليش التفكير السئ في طبيب النساء والولاده

شي غريب

انا لو مكانك اوافق ورب يكتب لك الخير

 

[perfume]

:23:
والله شوفي يا اختي سحابة أنا عن نفسي ما راح اوافق
من دون سبب
بس ادعيلي انتي والبلقيسيات انه الله يرزقني الزوج المناسب لي واللي مواصفاته على بالي ياااااااااااارب

 

[سنجار]

إذا غيرتها شديده لاتوافق
واذا لأ ...فما فيه وحده ترد دكتور إلا مجنونه لأن الطب مكانه مرموقه ودخلهم عالي جداً بيوفرلها كل الي تبيه

 

[احلام واماني]

استخيري والله يوفقك

 

[&زهرة القرنفل&]

والله اتحدى البنات اللي يقوولون لاتوافقين او اذا خطبني راح ارفض ،
والله لو خطبكم دكتووور راح تواافقون على طووووووووووووووووول ،
اصلا البنت اللحين مهبوله على الزواج لو خطبها واحد ماعنده وظيفه ولا عنده شهاده وافقت كيف دكتوووور ؟؟

يعني مافكرتم الا انه يشوف عورات النساء ، هو يشوفها للضروره ماسوى شئ حرام ..
هذا انسان تعب ودرس وتعلم عشان مهنه عظيمه وشريفه ،ومااعتقد بيدرس ويتعب السنوات هذي كلها عشان يشوف عورات النساء ،
واعتقد انكم عارفين اللي بيشوف شئ حرام الايام هذي مافي اسهل منه مو يدرس مدري كم سنه عشان يشوفه ..
الحمد لله والشكر بس ..
اقووول خلوا عنكم الكلااااااام الفااااضي بس ....

 

[القوية]

يعني الوحدة فينا بتموت حتى تتزوج وممكن توافق على واحد فيه عيوب الدنيا ومع هذا بتنضرب على قلبها وبتوافق يعني الحين هلدكتور اللي بدوا يتزوجها كثير مبسوط من القرف اللي بدوا يشوفوا يعني لو كان طبيب تجميل احسن بعدين اذا مدور شوفات في طرق انظف واحلى تتكل على رب العالمين وربنا يقدملها اللي في خير

 

[أم البيان]

استخيري والله يكتب لك اللي في الخير

 

[ذاكرة الجسد]

السلام عليكم
ارجو انكم بخير يا احلى بلقيسيات...

سؤالي ما اريد ألف وادور....:22:

لو تقدم لك...(إن كنت غير متزوجه) أو سبق لك الزواج...أو تقدم لأختك...
رجل....مواصفاته.....زينة...وبشكل عام جيده.....بس المشكلة....إن كانت مشكلة في الاصل..إنه يعمل طبيب نسااااااااااااء وولادة...!!!:24:

يعني كل يوم بيشوف اشياء وبعمل امور.كل متزوجه عاااارفتها وفاهمتها......طبعا هي من صميم عمله...ماقلنا شيء....بس اش رأيكم؟؟؟؟
هل توافق عليه....لانها تشوف انه صعبه عليها..إن زوجها في المستقبل...إن وافقت طبعا.....يكون يتعرض لكشف عورات النساء المغلضة....(ارجع اقولكم من طبيعه عمله ومهنته) لكنها تشوف انه صعب تتحمل كذا....تقول يمكن يقارن....او يفكر....هو بشر مهما كان...!؟او ممكن ينفر مني لما يكشف على وحده فيها مشكله او مرض......او يولدها....؟!!!:39:
ياترى بيننا زوجات...اطباء...نساء وولادة...ياليت احد يجاوبني....من تجربة....

صديقتي زوجها طبيب استشاري نساء وولادة

وحياتهم ماشاء الله

سعيده

زوجته مثقفه جدا وعقلها كبير وبينهم حب وموده وثقة

وابدا مااشتكت من تخصصه واثرها على علاقتهم

اعتقد ان السبب يرجع للافكار الموجوده في مخيلة المخطوبة

نظر الطبيب للعورة للضرورة غير نظرته بشهوة

ممكن يكون ماله علاقة بالطب من اساسه ولكن لايوجد فلم اباحي الا وهو شايفة ومدقق فيه.

يعني بالمنطق هذا مو سبب للرفض ...

لأن الانسانة المثقفة والواثقة من نفسها ماراح تخلي هالشئ يأثر عليها خاصة اذا كانوا متفاهمين

تحياتي