لوني دمر حياتي

[احبك يا خطيبي]

حبيبتي عادي والله اهم شي الصحه قولي الحمد لله والله في وحده اعرفها ما تمشي يعني معاقه وما احد خطبها قولي الحمد لله وانا اعرف وحده سمررره مره بس لو تشوفينها وربي شياكه مرره كل الناس يقولون شياكه وتجنن خليكي واثقه من نفسك يا قلبو

 

[اريـش العين]

احمدي ربك ما لازم تقولين هيك في ناس يتمنو انهم يكونو مثلك المهم الوحدة تكون بصحتها و ما فيها اعاقة لازم لما تشوفي نفسك في المرات اتقولين اللهم حسن خلقي كما حسنت خلقيحبيبتي اظهري جمالك بكل ما تقدري عليه و اقتنعي ببشرتك و بحالك ككل و رح تشوفي كيف ثقتك رح تزيد يوم عن يوم يلا اعملي شو قلتلك عليه و بعد 3 أيام بالكثير رح تكتبين و تقولين خلاص أنا حلوة و بشرتي أحلا

الحمدالله مليوووون مره...بس مجتمعنا والبيئه الي عايشين فيها عودتنا ان البيضه هي المرغوب فيها.. مثلا يدتي تكره السممر.. وتحب البيض وتحطهم ع راسها ...ما اقدر انسى الكلام الي كنت اسمعه وانا صغيره ... ((يالسووده يالخاله يالسودانيه يالصوماليه))!! تعببببت.. الكلامات هذي تتردد في اذني فاليوم 1000 مره .. خواتي ماشالله عليهن ناعمات وبيض.. انا اسمر عنهم وملامحي اخشن منهم ... عشان جيه اتعقدت .. مع اني اسمع من ناس يقولون عني حلوه, وانا يوم اشوف عمري فالمنظره احس اني عاديه .. بس التعليقات السلبيه الي سمعتها ااكثر من الايجابيه..ماااعرف شو اقوووول .... استغفر الله الذي لا اله الا هو الحي القيوم واتوب اليه:8:

 

[اريـش العين]

حبيبتي أنت جميله خلقك الله في أحسن تقويم .....تحتاجين فقط لكثير من الثقه في النفس ....أقول لك سر ------الشخصيه هي التي يرآه الناس ويتعاملون معها .... ركزي على شخصيتك كوني ككما تحبين متفائله منطلقه مرحه أما لون البشرة ألبسي الستايل اللي يتماشى مع بشرتك ويبرز من جمالها وبالتوفيق

تسلمين الغاليه.. والله اعرف ان الشخصيه الحلوه تلعب دور.. بس احس شخصيتي ضاعت .. من سنيييين ... ماقدر ارجع نفس ما كنت ... لدرجة اني استشرت دكتوره نفسيه بس ما استفدت من نصايحها ابدا . خلاص احس ها الشي استوى جزء من شخصيتي .. او بالاحرى (هذي هي شخصيتي .. والي هي : يأس, ضعف, غباء, ممله, ضايعه) ... ساعات ادعي ان الله ما يخلي هالموضوع اكبر همي.. وان شا الله يفرج همي

 

[اريـش العين]

يا قلبي عليك أنتي تبين البياض و الغربيات يتسدحن في الشمس عند الشاطي يبن السمار


خلي ثقتك في نفسك عاليه و الحمد لله ان ربي انعم عليك هاللون الروعه والحمدلله أنك ما معاك مرض بالجلد و زوجك لا تبينين أنك مو عاجبك لون بشرتك بالعكس تفاخري ياأختي أحلى ناس و أحلى ملامح في السُمُر​

نحن نقص على عمارنا بها الكلم . ان احلى ناس هم السمر, بس لو نرجع للواقع, بنحصل ان البيضه والي ملامحها ناعمه هي المرغوب فيها .. خلاص انا احس اني منبوذه وبشعه .. حسبي الله على وصلني لهاي الحاله .. الله ياخذ حقي منهم ويبتيلهم ياااارب مثل ما دمروا حياتي وانا مالي ذنب

 

[اريـش العين]

زوجك شافك يعني اخذك وهو مقتنع فيك حطي هالشي في بالك وترى اخوي وكثيرين بعائلتنا بيض وماخذين سمروات وسمار غامق بعد والله مااكذب عليك لاتخربين على نفسك هو مقتنع فيك وهالشي يكفيك ولو ماعجبتيه مااحد يجبره ياخذك خليك واثقه من نفسك

الحمدالله .. بس كله اقول (اكيد بينه وبين نفسه يقارن بيني وبين البيض الي نشوفهم فالاسواق او فالتلفزيون) .. راااااسي بينفجر من التفكيير .. ياليتني امووت ... الله ينتقم من كل واحد كان السبب في دمار نفسيتي وضياع شخصيتي ..:8:

 

[هند بنت عتبة]

تصدقين عاد البيض الحين يسوون تان ويسمرووون جسمهم

وبعدين خل تكون ثقتج قوية وماتهتز ابدا

بالعكس شفيهم السمر شحالاتهم

انا زوجة اخوي سمرا واحنا اهل ريلها بيض بس عمرنا ما نظرنا لها انها غير عن الناس حتى اهلنا عمرهم ما انتقدوها مع انه كل عايلتنا بيض وهي غريبة وسمرا

لاتهتمين باحد سمرا وجسمج حلو يعني قمر

اجل انا شقول الي عندي تشوه في كتفي وعيزت وانا اتعالج مافي فايدة وقالو لي انه عين

لانه ياني بعد ملكتي وعلى فكرة البس الي ابيه جدام زوجي عمري مافكرت انه هالشي بيشيني وعمره زوجي مالمح لي انه متضايق من التشوه

خليج قوية وثقتج عالية وعيشي حياتج ​

 

[وحيده في دنياي]

زوجك شافك يعني اخذك وهو مقتنع فيك حطي هالشي في بالك وترى اخوي وكثيرين بعائلتنا بيض وماخذين سمروات وسمار غامق بعد والله مااكذب عليك لاتخربين على نفسك هو مقتنع فيك وهالشي يكفيك ولو ماعجبتيه مااحد يجبره ياخذك خليك واثقه من نفسك

ــــــــــــــــــ

 

[اريـش العين]

حبيبتي انتي مكبرة الموضوع ...طالما ان زوجك بيحبك و اختارك متل ما انتي لا تخربي حياتك لها السبب ..حاولي تقوي ثقتك بنفسك و هي خلقة ربنا و انتي ما فيكي تغيري شي ..تعاملي مع الموضوع بكل بساطة الجمال جمال الروح و لاتنسي كتييير من المشاهير و الفنانين سمراوات مثلا الفنانة وعد سمرا لكنها جذابة و جميلة و عند عارضة ازياء زنجية و هي رمز الجمال و الاناقة و كتير من هالامثلة ..شيلي من بالك هالافكار و خلي حضورك بين الناس يطغي عليه الذوق و الفهم و الاناقة و خلي ببالك شو فايدة المرا الجميلة وتكون جاهلة و لي مانها اجتماعية و لبقة ؟؟؟؟

بس انا دمرتني التعليقات الي سمعتها والي بعدني اسمعها .. ليش الناس ما عندهم احساس ... ليش يوم يشوفوني ويشوفون خواتي تبدا التعليقات والمقارنات السخيفه ؟!!؟! .. في شي ابا اقوله بس والله مستحيه واخاف تفهموني غلط .. بس والله العظيم ان قصدي شريف.. مرات يوم نطلع انا وخواتي, الشباب يطالعونهم ويغازلونهم ... وانا محد يشوفني.. لا تفهموني غلط. نحن من عائله محافظه ومتسترات وما نحط مكياج يوم نطلع ولا نتبرج ابدا .. بس ماقدر اتحكم في مشاعري. كل بنت تحب تسمع كلام حلو يقوي ثقتها بنفسها. ولا مره حد شافني. دايما الكلام يكون موجه لخواتي. احس بنقص ... والللله مابا حد يغازلني... بس في نفس الوقت مابا حد يجرحني :'( !! يارب متى بتاخذني وبفتك.. لا شخصيه ولا حضووور ولا جماااال .. احس اني عاله عالمجتمع ... منبوووذه مالي اي دوووور .. كل اخاف زوجي يشوف خواتي ويبدا يقارن .. بمووووووووووووووووووووووووووووووووووووت

 

[اريـش العين]

لونـــــــــــــــــــــك دمر حياتك ؟؟؟؟؟

معذرة ياغالية ولكن ...

تخيلي لو انك تعانين من تشوه ؟!

أو إن رجل عندك أقصر من رجل ؟!

أو وجهك جزء منه في حريق ؟!

احمدي رب العالمين وياما ناس يتمنون اللي عندك ولا يلاقون

( وَإِنْ تَعُدُّوا نِعْمَةَ اللَّهِ لَا تُحْصُوهَا )

الحمدالله على كل حال. وانا والللله العظيم ما عندي اي اعتراض... بس الناس هم السبب.. اللللله ينتقم منهم يااااارب... صعب ارجع قويه نفس قبل. تراكمات السنين دمرت قلبي ونفسيتي وعقلي..مااااااااااعرف شو اسوي مااعرف!! ساعاااات من القهر والضيق اضرب عمري واضرب ويهي.. اكره ويهي ماااحبه ماحب اشوف عمري فالمنظره .. كل اسمع فاذني (سووووده خاله سوداااانيه )) ,,,, واللللللللللله العظيم ماقصد اهين اي فئه من الناس لاني عن نفسي ما افرق بين اي حد .. حسبي الله ونعم الوكيل. ماعرف انتحر والا اطلب الطلاق

 

[أم الداعية طارق]

اهم شي انك عاجبة زوجك
وبالنسبة لكلام اخوانك والماضي هذي سوالف صغار وخلاص انتم كبرتوا ولازم تنسين هالشي
صدقيني اختاري مكياج مناسب لبشرتك وتطلعين احلى من البيض بكثييييييييييير

 

[اريـش العين]

بالعكس انا يجذبوني السمر اكثر من البيض


اهم شئ تلبسي وتمكيجي شئ يناسب لون بشرتك عشان يبرز جمالها ​

ياليت احصل كريم اساس يناسبني, والللله مااااشي .... راتبي كله يروح على كريمات الاساس, واخر شي اعقهم فالزباله . والله ماعندي كريمات اساس.. كلهم ارف.. شكلي يطلع زفت .. اتعقدت من الدنيا ... اتريا الموت يفكني .. والللللله تعبت وانا احاول القى طريقه تشغلني عن التفكير في لوني وشكلي.. والي زاد الطين بله يوم طلعتلي حبوب من اربع سنين في ويهي.. والحين ويهي كله اثاااار سوده . انا اتعالج الحين بس احس ماشي فايده .. خااايفه من كل حد. اخاف من المناسبات . خايفه من العيد ما عندي مكياج .. اهل زوجي مايشوفوني ابدا مع اني عايشه وياهم. بس كله عازله عمري في جناحي.. ادري الي اسويه غلط بس قسم بالله مب مني. من سخرية الناس ...يالله تاخذ روحي واتدخلني الجنه, خلاص شبعت من الدنيا .. مافيها شي حلو .. كله نكد في نكد ... ماحب عمري ولا احب الناس ولا احب اطلع ...خلااااص انا ليش عاااااايشه فهاي الدنيا !! والللله مالي دووور فيها ...:8:

 

[اريـش العين]

احمدي ربك انك كاملة الخلقه ولو تلاحظين الشعراء دايم شعرهم في السمر وترى اول مايوضع في الميزان حسن الخلق فاخلاقك هي الي تبرز شخصيتك مو اللون

صدقيني هذا كلام فاضي. البيضه هي المرغوب فيها .. حسبي الله ونعم الوكيل. اللهم اني اسالك حسن الخاتمه . خلاص انا ماقدرت اطلع من هاي الحاله من سنين, كيف بطلع منها الحين؟! احس حتى عيالي بيطنزون عليه اذا الله رزقني..

دايما يوم اتواجد في مكان فيه اطفال يتمون يشوفوني بنظرات غريبه .. كأني وحش.. من فتره ولد خالي الصغير تم يشوفوني جان يقول (انتي ظلام) . طبعا واضح شو يقصد. كرهت عمري وصحت وحسيت ان الكل ظالمني.. شو ذنبي اذا هلي كلهم بيض الا اناااااا ! ... كرهت اليهاااال اكرهم كره العممممى ... حتى ساعات يوم بنت اخو ريلي تي عدنا, امثل جدام ريلي اني استلطفها. وانا من داخلي اتمنى انها ترووووح قبل لا اسمع منها اي تعليق.. كررههههههتم واللللله العظيم

 

[وصية رسول الله]

ياحبيبتي ..
بيضاء - سمراء - زرقاء - خضراء : أهم شيء الثقة في النفس والروح الحلوة
.. كم وحدة بيضاء وجميلة بس أعوذ بالله من تشوفينها يكش جلدك ..
وأقولك قصة مشهورة عندنا : أنو كان فيه وحدة سمراء وزوجها أبيض وأهله كمان
وكانوا رايحين لاستراحة وبيتسبحون في المسبح هي راحت تتسبح وياهم بس من شافتهم تحطمت وضاقت فيها الدنيا وصارت تقول : أنا شينة وسمراء وأكيد ريلي ياخذني على قد عقلي بس مايبغى يجرحني ..
ويوم رجعت للبيت شافها زوجها وقال: شفيك ؟؟
قالت: مافيني شيء .. وجلس يهاوشها ويصرخ عليها تدرين شو يقول ؟؟؟؟؟؟؟
يقول: أنا قلت لك لايشوفك أحد وأنتي تلبسين عشان مايحسدونك بس أنتي ماتسمعين الكلام أكييييييييد حسدوك

 

[أمنية الحياة]

أختى .. على شو كل هاد ؟!!
اسمر ابيض احمر ما بتفرق
المهم الاعمال والقلب الصافى ..
انت ما شاء الله عليك أكيد حلوة وزوجك معجب فيك لذلك خليك واثقة من نفسك
صدقينى أهم شى تكونى واثقة بنفسك وبالذااات

 

[أمنية الحياة]

أختى .. على شو كل هاد ؟!!
اسمر ابيض احمر ما بتفرق
المهم الاعمال والقلب الصافى ..
انت ما شاء الله عليك أكيد حلوة وزوجك معجب فيك لذلك خليك واثقة من نفسك
صدقينى أهم شى تكونى واثقة بنفسك وبالذااات قدام زوجك
انا عن نفسى بيضا متل التلجة والحمدلله :39: بس ما عندى مين يشوف هالجمال
ربنا يوفقك ويبارك فيك واحمدى الله على كل شىء​

 

[روح بريئة]

سمعي حببتي انا بشرررتي حنطاااوية وكنت يوم صغيرة ما احب لوووني بس كبرت وعرفت انها احلىىى الوان البشرة والله عطاااني عيال وزوج بيض بس تدرين اني دااائما اتفاااخر بحلاة بشرتي وان البنات يحاولون يوصولون لها بالتشمس وغيره والشيء الثاني اقول له ان البشرة الحنطاوية ما تكبر عكس البيضة بسرعة تشيخ وتكبر وهاي المعلومة صحيحة \

^^^^^^^

من قاااال هالمعلومة صح [ أن البيض يكبرون بسرعه] ؟؟؟؟؟

موشررط ع حسب اهتمام الوحده بنفسهااا سواءً بيضا أو سمرررة

أجل الآسوياات من اليابان والصين والفلبين شوفي بيااضهم ترى تعطينهم اصغر من اعمارهم بواايد وهم بيضاان يعني موشررط
وارجع للموضوع والبناات ما قصروا اهم شي الثقة بالنفس والرضاااا وترى اهم شي الملح بالبيضا ولا السمرة ....وشكرآ

 

[كلي مرح]

عادي على قولت اخواني وبنات مدرستي<<<اغلبهم من الشام<<اقصد انهم بيض<<كانو يقولون السمار جماااااااااااااااااال

 

[اريـش العين]

حبيبتي عادي والله اهم شي الصحه قولي الحمد لله والله في وحده اعرفها ما تمشي يعني معاقه وما احد خطبها قولي الحمد لله وانا اعرف وحده سمررره مره بس لو تشوفينها وربي شياكه مرره كل الناس يقولون شياكه وتجنن خليكي واثقه من نفسك يا قلبو

الحمدالله .. و الله يعينها ويعوضها يارب ...

 

[اريـش العين]

تصدقين عاد البيض الحين يسوون تان ويسمرووون جسمهم​

وبعدين خل تكون ثقتج قوية وماتهتز ابدا​

بالعكس شفيهم السمر شحالاتهم​

انا زوجة اخوي سمرا واحنا اهل ريلها بيض بس عمرنا ما نظرنا لها انها غير عن الناس حتى اهلنا عمرهم ما انتقدوها مع انه كل عايلتنا بيض وهي غريبة وسمرا​

لاتهتمين باحد سمرا وجسمج حلو يعني قمر ​

اجل انا شقول الي عندي تشوه في كتفي وعيزت وانا اتعالج مافي فايدة وقالو لي انه عين​

لانه ياني بعد ملكتي وعلى فكرة البس الي ابيه جدام زوجي عمري مافكرت انه هالشي بيشيني وعمره زوجي مالمح لي انه متضايق من التشوه​

خليج قوية وثقتج عالية وعيشي حياتج ​

المشكله ان ملامحي غريبه شوي ., مادري على منوووو طالعه !!! ... سمرا .. عيوني كبار وجاحظه .. حول شفايفي لون غامج.. كأنه تحديد اسود ... الحمدلله جسمي حلو ... بس الناس خلتني اشوف نفسي قبيحه ...

و الله يشفي كتفج يارب.. حطي ايدج على التشوه وقولي بسم الله 3 مرات . و اعوذ بالله وقدرته من شر ما اجد واحاذر 7 مرات ... واقري فماي زمزم وامسحي مكان التشوه .. و الله يشفيج ويفرج همج يارب

 

[اريـش العين]

اهم شي انك عاجبة زوجك
وبالنسبة لكلام اخوانك والماضي هذي سوالف صغار وخلاص انتم كبرتوا ولازم تنسين هالشي
صدقيني اختاري مكياج مناسب لبشرتك وتطلعين احلى من البيض بكثييييييييييير

ياليييييييت احصل مكياج يناسب بشرتي ياااااالييييييييييييييت :8: العيد قرب وانا مب عارفه شو اسوي.. احس لو اتطلق احسن لاني تفكيري فهالموضوع زاااااااااااااااااد بشكل فظيييع .. قمت اخاف من المقارنات اكثر من قبل. اخاف ريلي يشوف خواتي.. اخاف حد من الاطفال الي من اهل زوجي يعلق على لوني جدامه . والله لو استوى ها الشي عااادي اطلب الطلاق لان بنحرج من زوووجي .. واااااااااااايد خااااايفه بمووووووووووووووووووووووووووووووووووووووووووووووت بمووووووووت .. اكره الصغااار اكرهم مابا اشووووووفهم ... اخاف حد يعلق عليه جدام زوجي.... والللللللله ماتخيل هالشي يستوي ... احس بيشفق عليه .. احس بنصدم وبتم اصيح لين ما امووووت