لها مليوووون دعوه بقيامي الليل اللي تعطيني حل لها العيشه المميته

الله يعينك بس انا اشوف انك تتمسكني حتى تتمكني المفتاح زوجك واستغلي بحملك قولي وحام في اي شيء اصتنعي التعب بسبب الحمل واستغلي بحملك وادلعي على زوجك لانك اول سنه ليكم وغير كده لما تكلمي زوجك لاتتشكي كثير على اهله راح يضايق انتي بيني من غير مباشر باسلوب لطيف وذكاء ايش رايك مثلا نستعيد ذكرياتنا لوحدنا ومشتهيه اكون لوحدي متوحمه فيك يعني الجي شويه بحركات دلع واسلوب وعلى راتبه مثلا اساليه باسلوب برضوا تقولي ايش رايك ندخر للبيبي الي يجي على الاقل كل شهر 500ريال وطالبي بنفقتك عشان يكون قد المسئوليه وغير كده راح يجي المولود هو مسئول اكثر خلي يتعود يصرف بس بحدود مو فوق طاقته
 
امممممم انا من رأأيي استني ايلين تولدي بالسلاامة ان شااء الله
وبعده اذا صاار اي شي ازعلي ورووحي بيت اهلك وخليه يحط لك بيت
لحاالك بعيد عن اهله
 
احترميهم وبنفس الوقت خلي لك شخصيه قويه يعني عندك اختبارات او مشغوله ارفضي تستقبلينهم
وانصحك لاتكثرين مشاكل وشكاوي مع زوجك انتي اللي راح تخسرين حياتك

موقفك صعب وعورتي قلبي لكن اصبري
واكثري الاستغفار ودعاء اخر الليل فوالله انه له عجبا
وسيفرج الله همك قريبا بس تحلي بالصبر واحترميهم وبقدر الاستطاعه احتوي زوجك واذا متضايقه من موقف تكلمي بحزن وبيني انك مقهوره بس ساكته علشانه وانصحك لاتحرضينه على اهله اسال الله ان يسخر لك زوجك ويسهل لك ولادتك يارب
 
الله يعينك على ماابتلاك من جد شي يطفش ...بغيت اقولك شي مهم الميانه لاتطيحينها معاهم ابدا خليك دايم رسميه وفيه حدود بينكم مايتجاوزونها ابدا... انتي تقدرين تخلين بينكم حواجز مثل :لما يكون عندك اختبارات اعتزليهم تماما ولاتنزلين لهم ابدا لين تخلصين لو تقعدين شهر كامل مو مشكله اهم شي دراستك وخلي حجتك دايم مااقدر اذاكر وفيه احد يهمس في البيت لازم الجو يكون قمه الهدوء وحتى لو ماتذاكرين خلي الكتاب جنبك واذا دخل زوجك افتحي الكتاب كانك تذاكرين عشان ماينشب لك ويكذبك وحتى الويكند لاتنزلين في وقت الاختبارات ولا تستقبلين احد منهم خليهم مو يحرقون الجرس يحرقون البيت بعد لا تفتحين ..واذا جا زوجك وفاتحك قوللي كنت بالحمام كنت اصلي كنت نايمه كنت اذاكر اللي هو بس خير وش يبون تراهم نشبو يعني ماعاد عندكم سالفه غير طالعين نازلين وش ذا القلق والبنات لما جوك وش يبون بالضبط كبار ماهم صغار المفروض قايلتلهم يلا حبايبي يلا ياشطااار تحت ..عندي مذاكره ماني فاضيه لكم ومره على مره ماراح يجون والعجوز بتزعل وبتسوي مشاكل بس تعرفين نظام كشت طبقيه معاها لاتردين عليها واللي مايستحي منك لاتستحي منه وولدهم المنغولي تقولين مايروح من عند الباب لين افتح واعطيه بسكوت لانك انتي عودتيه لاتفتحين لو ينام عند الباب يقوم زوجك الله لايهينه ويبلش باخوه ماخلفتيهم ونسيتيهم انتي >>>مره تحمست صح ههههه
بس انقهرت لو بنتهم مارضو لها بهاالشي وااخر شي اذا خلصتي اختبارات بماانك رسميه معهم لاتنزلين لهم الا بالويكند يعني مره بالاسبوع وشوي واطلعي بيتك وعودي زوجك على هالشي وشوي شوي بيتعود بعناد بهوااش قوللي هذا اللي عندي عاجبك عاجبك موعاجبك بالطقاااق >> لا عاد انتبهي امزح بس لازم تكون لك كلمه وتكون شخصيتك قويه عشان يحترمونك لانو والله العظيم مجربه كل اللي قلتيه وكنت اقدر واستحي لين الناس تمادت علي لكن يوم شافو العين الحمراء اهجدوا ...والله يوفقك ويعينك عليهم
 
مشكورات الله يرزكم اللي تتمنونه وصدقوني مارح انساكم من دعواتي

ياحبيباتي اللي تقولي احترميهم انا ماعمري غلطت عليهم انا محترمتهم بالحيل حتى امه يوم تستفزني قدام الناس وتقولي وش هاللبس او اي شيء تبي تفشلني قدام الناس اسكت ماقول شيء مارد عليها ولا عمري تشكيت له منهم عشان مايطفش واعرفه لو قلت شيء بيشنقني بينجن في اهله شايفهم طيبين بالمره وان محد مثلهم

وسالفه اعتذر واقول اني مشغووووله اقولهاللمره المليووون هي تدق ع ولدها ماتدق علي وهو حتى مايقولي انهم بيجون يروح يفتح الباب ع طول مره خاصمته عشاني قلت لابسه لبس عاري قال عادي بكره يتزوجون ويلبسون نفس اللبس شف القهرررررروهي اصلا متعمده تدق عليه ولا تدق علي عشان تحطني امام الامر الواقع
 
الله يعينك يالغاليه اسمحي لي زوجك لازم يقوي شوي من شخصيته كل شي له حدوود ...قوليله اسراري انا وياك لا تطلع لاحد طلبتك في شي رحنا جينا لا تعلم احد الله يعينك عليها وعليك بالدعاء اخر الليل صدقيني راح تمشي حياتك زي ماتبغين اكثري من الاستغفار اكثري من قوله اللهم اكفنياهم بما شئت في كل دخله وخرجه قوليها ... الله يسخرلك زووجك يارب
 
والله مشكلتك مررره صعبه...

قولي لزوجك اذا يقدر يطلعك في بيتك..والا

الشكوى على الله اصبري
 
الله يكووووووووووووووووون يغونك ويفرج عليك ياااااااااااااااااااااااارب
 
حسه فيج اختي اذا على اخواة الزوج

انا اول معرسة اقول حق زوجي عيب اطلع والبنات لا لازم نطلعهم

واجا الوقت الي تضيقت وصرت اقول يارب ميعلقون اخواتك ويانا

والحين الحمد لله عرسن


الحين اذا زوج وحده منهن خرج مع اخواته وزوجته

ينقهرن ويتذكروني ويقولون

وديما يقولون لي كيف كنتي تتحملينا

>السر عشان اكسب محبة العالئه كااااااااااااااااامله
الله يصبرج
 
اصبري وعليك بالدعاء والاستغفار وادعي اللهم من اراد بي سواء او بي زوجي وبيتي فرد كيده في نحره واشغله في نفسه واجعل تدبيره تدميرا له
 
الله يكوون في عوونك وربي اني مررره طيبه
ونصيحتي لك انقلي من عند اهل زووجك
واقنعي زوجك بالنقله بكل ادب وذووق
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل