لم نتفق على الاسم

[نوسه علي]

السلام عليكم ارجو منكم المسسسسسساعدة لانى في وضع غريب زوجي متكتم على تسميه المولود علما بانى مو عارفه اذا كان ولد والا بنت والان باقي شهر على ولادتى وهو الى الان متحفظ هو يريد ان يسمى والدته مع انها مو سامحه لاى واحد من اخوانه انه يسميها لان اسمها قديم الكل عندهم بنات وما احد مسميها الكل مسمي اسامى حديثه بس انا رح اولد بالغربه ومارح يكون لها تاثير عليه انا ما اريد انى ابين انى مو حابه اسم امه يمكن يفهمنى غلط لاكن اريد ان يكون اسم بنتى جديد وجميل هذا الشق الاول من المشكله:sadwalk:
الشق الثانى اسم الولد هو مسمى ابوة بس الاسامى اللى اخترتها انا كلها مو عاجبته وهو ما عنده اسم محدد .
احس ان فرحتى بالمولود الجديد ناقصه ومع اننا مابينا اى مشاكل فانا مو عارفه كيف اتصرف افكر اختار اسم بنت واصر عليه حتى لو صار بينا مشكله لانى بالتفاهم ما لقيت نتيجه لانه في كل مرة يقول لسه بدري وانا الموضوع مسببلي قلق يمكن انتو اتشوفوا انه مو ذاك الاهميه بس الرجا من كل وحده عندها طريقه اومر عليها موقف مشابه تفيدنى :sadwalk:

 

[نوسه علي]

وينكم يا بنات

 

[بدون مدح]

عادي حبيبتي لاتفكرين من الحين دووم الريال يحب هو الي يسمي بس اكيد يوم يجي ان شالله راح ياخذ رايج في فتره لين مايطلع شهادة الميلاد لاتحاتين ولاتفكرين

 

[نوسه علي]

الله يطمن خاطرك مثل ما طمنتى خاطري شكرا لاهتمامك

 

[رشات المطر]

والله يا نوسه انا مرت علي مرتين
الله يعينك ما تتخيلين قد ايش تصير سالفه
ومشاكل يسمعونها كل الناس
بس الحمد لله دايما انتصر واقنع زوجي
ولله الحمد اخر وحده قبل عشره اشهر
انصحك تتفقين من الحين وتحاولين انك تقنعينه
بطريقتك لانه لازم تقنعينه وادعي كثري من الدعاء

 

[نوسه علي]

بارك الله فيك اختى رشات المطر على اهتمامك وانا بقدر الامكان ما اريد انه تصير مشكله فكنت كثيرة الدعاء الحمدلله امس قالى زوجي اذا جاء ولد بيسميه على سيدنا محمد عليه الصلاة والسلام واذا جت بنت سميها انتى الحمد لله

 

[ام نون]

ولا يهمك
الاسم مكتوب
اسم الولد ما اعتقد انه مشكله
ولو جبتي بنت وشافك تعبانه ان شاء الله بيخليك تسمينها
ولو اصر حطي له كم اسم وخليه يختار
الله يقومك بالسلامه
ويارب يخليك تسمين اللي تبينه وهو راضي

 

[غبووش]

ما يحتاي اتفكرين وتحاتين بالعكس افري باسم المولود مهما كان واهم شيء طاعة الزوج
وربي ييسر عليج يارب

 

[نوسه علي]

بارك الله فيكم بنات على اهتمامكم ودعائكم الله يكتبلكم الخير انشاء الله

 

[جنة أمل]

مع أنه الموضوع قديم، بس هو مثل ما ينقال قديم متجدد. مريت بها الموقف، أما بالنسبة لإسم الولد فما في مجال أناقش فيه، خلاص الزوج هو اللي يحدد ونا علي الرضوخ خخخخخخخ. أما بالنسبة للبنت ففيه أخذ وعطاء، وكان في إسم لوحده من بناتي أحبه من قلبي ومن زمان ونا خاطري أسمي بنتي به، وكان يريد يشاور ناس ثانيين بتسميتها، صراحه وايد زعلت وشلت في نفسي، لأني أنا اللي حملت فيها، ومحد ذاق تعب الحمل غيري، ونا اللي كنت أحرص على رعايتها من وهي جنين، في تغذيتها، في صحتها، في ولادتها اللي أشوف معاها الموت، وبعد هذا كله يخلي حد ثاني هو اللي يسمي؟! طبعا شليت في قلبي بقوه وأثر فيني هذا في الحمل. ويوم ولدت شاف في عيني غصتي لكن ربي يسر لي تسمية البنت بالإسم اللي أريده.