لمن لديها زواج بالاجااازه تسارع وتدخل

[noway]

شموخ اسهل شي تروحين اريج او باريس غاليري رح تلاقين كل العطور
وبتختارين من تشكيلة واسعى
انصحج تاخذين شي بريحة الياسمين (بربري) يجنن وايد
وهم في ياسمين عند سيد جنيد اسمه اعتقد رازنجي ب100 درهم
وهم عند القرشي ريحة فل بيموت عليها ريلج التولة 210 والريحة يااااااااسلاااام خيال ووخبال
في وايد بنات بيقولو نشتري اخر شي نزل بلسوق
بس انتي وذوقج انا احب روائح معينه وماممكن استغني عنها
مثل ديور عندهم عطورات قديمة بس انا وايد اذوب فيها
وهم جرلان عندهم عطور حلوة
على فكرة في برجمان رح تلاقين باريس غاليري ويداخلة في جزء للعطور العربيه
عندهم مسك علبته ورديه ومايغلى على العرايس سعرة 400 درهم ولما تحطينه مع البخور يصير شي عجييب
وعندهم هم انواع عود ممتازه سواء الحطب او الدهن
في نوعين ممتازين واحد ثقيل ولما يبرد يصير روعة
وواحد خفيف للاستعمال اليومي بس ريحته تهبل رح تلاحطين انه مزعفر بس مثل هلعود ما شفت ابد ورخيص ربع التولة ب 250 درهم والصراحة ريحته وايد مميزة
بااااااااي

 

[love4life]

noway البخورات والأعواد اللي تطرينها من باريس غاليري؟!! والمسك الوردي .. تقصدين هذاك اللي زجاجته مدورة يقولون عنه للعروس في باريس غاليري؟

noway حبيبتي قريت ردج في موضوع عن انج شريتي مفارش حلوة من النوع الراقي وبسعر ممتاز .. دخيلج دليني عليها .. بدعي لج (خخخ أصلا أنا دعيت لج وللكل الله يهني الجميع ويسخر أزواجنا لنا ويسخرنا لهم ويحببنا فيهم ويحببهم فينا (عاد كل وحده وزوجها))

وأختي "شموخ انسانة" .. جوفي مثل ما قالت noway كل واحد وله ميوله .. يعني هي مثلا مدحت الياسمين وأثق في ذوقها بس تبين الصدق انا الياسمسن ما أطيقه ويعور راسي .. أنا بقول لج شو شريت من عطور بس انتي شميها وجربيها وخذي راحتج .. أنا العطور شميتها في يوم ورديت شريتهن بعد اسبوع أو حتى شهر .. يعني اقتنعت فيها ..

أنا خذت آيليان من ثيري موغلر مع الشاور جل والبودي لوشن والبودرة (فيها لمعه ذهبية)

وعطر مونت بلانك فيم دو مون بلان مع البودي لوشن

وبعد ان شاء الله باخذ عطر جيفنشي والبودي لوشن (الكريم المعطر) .. ولو ان عندي اكتفاء بس هذا رووووعه والأول نصه هديه وانا كملت عليه

باقي لي العطور العربية والبخور


أختي .. "برناديت" .. ليش انتي وين ومن وين؟ .. أنا أعرف حرمة بالامارات تأجر فساتين وكل اللي عندها روووعه وما يتكرر (يعني هي تتأكد بنفسها ان الموديل اللي في محلها مب قديم ولا مكرر .. والافكار اللي عندها يديدة)

وبالنسبة للكوشة .. كل واحد وذوقه .. بس أنا شخصيا أنصح بالألوان الملكية (المارون (الخمري=العنابي)، الذهبي، البنفسجي الغامق (لوني)، يعني من هالأشياء) .. وأكرر كل وحده وذوقها .. وأعرف محل رائع في الامارات (انتي وميزانيتج)

أختي Al-Hanoof .. هممم عبايات ؟ّ!! مالك الا مركز "أبو هيل" في دبي .. عبايات من كل الأشكال والتصاميم (وبعض المحلات مستعدة تصمم لج على ذوقج) .. أنا صديقتي مفصلة عباية (فقط بدون شيلة) بـ 2100 درهم وأنا فصلتها بـ 700 درهم مع الشيلة (عاد لين الحين ما جفتها .. بتخلص 31 من هالشهر ان شاء الله.. وبخبرج .. بس عموما عندهم أشياء رووووعه وبأسعار مميزة .. بس سوي مثلي أنا لفيت في كللللللللل المحلات وعقب رجعت للي عجبتني والحمدلله فرحانه ومرتاحه لعباياتي ..
وبالنسبة للبخورات .. والله أنا بعدني محتارة .. مدحوا لي "محل ملك العود" وnoway قالت عن باريس غاليري .. وبالنسبة للجلابيات انا أفصل (أخيط) عند محل يمكن شوي غالي بس شغلاته مبتكرة .. وبقية الجلابيات شريتها من معرض فتحوه في أبوظبي ولو انها ما كانت رخيصه .. اذا انتي في الكويت لا تطلعين منها عندهم خير ونعمة من الجلابيات والأسعار خياااااال (يا ريت كنت أقدر)


با قي لي مسكة ورد .. انا واعده صديقتي اسوي عندها والحين متلومة في محل شغلاته حلوة وفي منطقتي (يعني أأمن لي)


والله يبارك في كل من هنانا ومشكوريييييييين

 

[اشرقي يا شمس]

اختي love4life انا الحين ساكنة في امريكا وادرس واهلي واخواني موجودين معاي. كان خاطري انزل للامارات بس للاسف ماقدر. تدرين هني عندهم مكياج روعة ماركات ورخيص لان اصلا هم المنتجين. اكوشة اقدر اسويها هني عندهم محلات حلوة حق اغراض الحفلات والاعراس. انا كان غايب عن بالي لون العنابي مع ان انا من عشاق اللون العنابي .بس المشكلة في الفساتين. هني ذوقهم ناعم وبسيط . في الولايات الرئيسية مثل العاصمة راح الاقي شي يعجبني. بس صعب علي اسافر. انا احب الستايل المزيج من الشرقي والغربي الفخم. هو يقول انا اخلي اخواتي يطرشون لج واحد من الكويت (هو كويتي) بس انا ابيه على ذوقي. اختي ممكن تقولي عن اسم هالمحل ...او هل عندهم ويب سايت والا شي وعطيني عنوانه. يمكن اخلي حد من عندنا يتولى الموضوع .

 

[love4life]

الله يهنيج ويسعدج .. بعطيج رقم الحرمة على الخاص (وما أعتقد عندها ويب سايت)


بس سؤال .. انتي وين بيكون عرسج؟ في أمريكا؟

ونصيحه فساتن عرسج .. خليه على ذوقج لأن الناس أذواق وانتي هو عرسج انتي

your day & you're the queen so you better choose it yourself *_^

 

[اشرقي يا شمس]

شكرا الله يهنيج انتي ايضا انا عرسي راح يكون في امريكا للاسف. لان دوامه ماراح يعطونه اجازة هالصيف عشان يسافر.

 

[love4life]

I can't send you a message coz you disabled the Private messaging feature