معلومات الدنياسراب
لمن طالبني باخبار(حياتي انا ونواف قصة حب تلاشت..)تكمله
سلامي الحار لكل وحده اسالت عن رنا و دعتلها وكل الشكر للي راسلوني على الخاص
وطلبو مني اقولهم عن اخر اخبار رنا ونواف لكم خالص حبي وتقديري....
اسال الله ان لايريكم مكروه ويسعدكم دنيا واخره ولايجعل الدنيا اكبر همنا
احب انوه انه الامر لازال مافيه تحسن واضح بس لعيون الي طلبوني اضطريت اخبركم لعل فيكم من تدعيلها من قلب لعل الله يوفقها بالي فيه الخير
هذا رابط قصتها
http://www.niswh.com/vb/showthread.php?t=330161
وهااااكم اخر اخباره.....
جلست عند اهلي حوالي شهرين وانا اقري على نفسي واستخير اني اتركه واجد نفسي ارتاح
واظبت على الاستغفار والدعاء والله يابنات مافيه احلا من لذة المناجاة والقرب من الله
ففيها السعاده الحقه وتحسين بقربك من الله وانشراح البال الله لايحرمكم اياه
في ذاك الوقت جلس معاي اخوي خالد وتكلم وسال عن وظعي وطلب مني اذكر له مميزاته وسلبيات
نواف وقلت الشي الي مصبرني انه حنون وعلى طول يتحسف لكن حرارته وعصبيته ماقدرت لها
ابد بعد ماخبرته عن كل شي
خالد<<يكون بعلمك يارنا ان سلبياته اكثر من ايجابياته بكثيير وماشفعتله الا حسنه وحده الحنان
خلاص ربي يعوظك بافضل منه وماوقفت على نواف يكفيك انه مايقدر ينام معاك........يعني العين
حاستكم الى متى تبتلون حياتكم حوسه ان شاء الله ربي يعوضك افضل منه وحنا ماراح انقصر معاك
بشي فكري بكلامي زين وقرري واستخيري وخبريني وماعليك من الباقي
عشت ايام مادري وين الصح امي مارتاحت للطلاق ابد وانا متلخبطه وتفكيري منحاس
ايام اكره واقول خلاص مااابيه <<<لكن بعد كم يوم اكتشف اني اكابر على نفسي واظحك عليها
واقول مابيه لاني مجرد ماقلب جوالي واشوف صور نواف احن له وودي بشوفته
مرت الايام وزارنا اخوي الثاني بدر وجلس معي وقال قولي لي كل حياتك
خبرته عن التفاصيل وكل شي
بدر<< رنا جاوبيني بصراحه تحبين نواف
انا<<اممم ايه احبه بس ماني قادره اتحمل تقلباته وتقصيره بالمصروف و....
بدر<<خلاص وكلي امرك لله ثم علي
فرحت بفزعة اخوي الله يحفظه ووكلت امري لله
حاول بدر يدق على نواف
بنات معليش بكمل بعد شوي او العصر ان شاء الله
لكم خالص ودي
اسم الموضوع : لمن طالبني باخبار(حياتي انا ونواف قصة حب تلاشت..)تكمله
|
المصدر : الزوج والزواج