لمن زوجك يتصل يبي يتفاهم معاك 00ويبكي شنو الحل؟؟؟؟

[لمااااااااااار]

بنات كما عودتوني بفضل الله ثم بفضلكم00انقذتوا حياتي من عدة انهيارات هذا انا الجأ اليكم بعدالله الذي احمده ليلا ونهارا ع نعمه التي لاتحصى00الزبدة لمن تزعلين من زوجك وطبعل الموضوع مو سهل00 خيانة ع مستوى ويتصل عليك يبي يتفاهم00وانتي ماهاوشتي ولعنتي وسبيتي لا كل السالفة حكيتي لكن باسلوب متفاوت بين الشدة والصرامة والمدح والتشره وقعد يبكي اقول شفيه صوتك يقول مافي شيء00مو قادر يقول شيء لانه غلطان وبزيادة بعد00واكملت كلامي الين انتهى الرصيد00؟؟وسكرت منه ابي افهم اللي يبكي شنو تفسرونه00 ادري اصعب شي دمعة الرجل بس اللي مرت بنفس الموقف00تقولي او تقدر تحلل او تنصح او تبدي راي00اكون شاكرة لها من اعماق قلبي00والله يجعله في موازين حسناته ويفرج كربه ويرحم والدينه00

 

[miss-dl3]

الله يكون بعووونج .. بس انا اعقتد انج تتفاهمين معااه وكل انساان يغلط وان شالله تنحل الامور ..
والبنات بفيدوونج اكثر

 

[بلقييييس 3]

دلييييييييييييييييييييييييييييل انه يحببببببببببببببببببببك
فلا تخلينه لبنات بلييييييييييييييييييييس ولاتقطعييييييييييينه بتاتا

 

[marchdaughter]

ممكن يكون ندمان بس مو معنى هذا انك تسمحينه بسرعه او تقولين اوكي اهو كسرالثقه مابينكم لو كنتي انتي الغلطانه كان عمره ماسمحك ونظرك بحتقار , خليه يتجرع مررت القهر مثل ماانتي تجرعتيه
سهل يغلطون بدون اي اعتبار ويذرفون دموع التماسيح واحنا بطيبتنا نسامح

 

[marchdaughter]

الي يحب مايخون مهما كان ...

 

[ام صفوان321]

حبيبتى انا زوجي لما كشفتة بكى بكاء يقطع القلب وبعدين رجع للخيانه لان اقلبهمماماهم صادقين بس مايبغاك تروحين بيت اهلك وتكبري السالفة

 

[دانة الامارات1]

ممكن يكون ندمان بس مو معنى هذا انك تسمحينه بسرعه او تقولين اوكي اهو كسرالثقه مابينكم لو كنتي انتي الغلطانه كان عمره ماسمحك ونظرك بحتقار , خليه يتجرع مررت القهر مثل ماانتي تجرعتيه
سهل يغلطون بدون اي اعتبار ويذرفون دموع التماسيح واحنا بطيبتنا نسامح

انا مع الاخت
خذي وقتج و فكري عدل زين ما زين ,, بعدين حتى لو يحبج كان مفروض ما يسويها
خليه يندم على كل دقيقه مرة و هو مع غيرج او يفكر في غيرج
لا تشدين وايد لا ينقطع الحبل و يدور غيرج
و لا ترخين له وايد لا يستخف فيج و يرجع يستهين منج



ماتحسبنيش على ذنب عملته انت يا حبيبى ومتلومنيش
طول عمرى بخاف انى اجرح يوم احساسك
ماتسبنى اعيش انا رافضه ارجعلك بعد خيانتك ليا مافيش
عمرى ماشكيت لو حتى ثانيه فى اخلاصك
ياما قولت عليك ان انت انانى مابتفكرش غير فى روحك
بتقولى عايش لك وانت عايش بس لروحك
انت شوفت عليك وكمان بتكدب عينى وجاى تقول حكايات
كل ما اقربلك تبعد عنى مسافات
منك لله
منك لله قلبى بيتألم من اللى انا حساه
ماشيه ومش شايفه انا قدامى ولا حواليا
بقى سهل عليك انك تجرحنى وتظلمنى انا هونت عليك
كان نفسى تجرب احساسى صعب عليا

اهديه هذي الكلمات ,, و اذا يسمع اغاني خليه يسمعها اغنية شيرين
انا اهديته له و كان يلس يمي ,,, تم سااااااااااااكت
و عرف شعوري و طبعا قال لي انه ندمان ..
بعدها بفتره كتشفت انه رجع ..؟؟..
و منه لله
:tears:
تعرفين الريال لم يضمن انج لو شو ما كان بتسمحينه و تغفرين له
يرجع مره ثانيه الا الي يخفون ربهم و يكونون بغفله و بنات ابليس وايد
فا ادلل اشوي و قولي له عطني وقت لين ما ارتاح شوي
​

 

[لمااااااااااار]

شكرا للكل وكلامك درر يادانة صدق انا سامحته وايد عشان كذا شكله أتأطمن من ناحيتي بس هالمرة انا بايعتها متساوية عندي ماتفرق000الله يهداهم ومدري يا دانة انتي عند زوجك والأ انفصلتي ؟؟ وشلون التجربة وشلون قدرتي تأقلمي نفسك0000

 

[التا ئبة*]

الله يعينك

 

[فتاة الحاسر]

انا من راااي انك تسامحينه لأنه مثل ماقلتي الرجال مو سهل يبكي
فإذا بكى من جد فهووو ندمان ويبيك ومحتاجك ....
الله يوفقكم ياااارب يا كريم ويسهل الأمورر بينكم

 

[مايصحش هالحتسي]

انا اقول تشرهي وحسسيه بالذنب الي هو سواه عشان مايعود له
وقوليله لو انا سويت مثل ماسويت انت وش بيكون موقفك؟؟؟؟؟؟؟؟؟؟
واسهجية الما يدور عليك
همن عاد سامحية وخلي يجيب لك رضاااااااااوه غاليه عشان يحرم يسوي فيك كذا

 

[مرافئ الصمت]

غاليتي لماااااااار
اتوقع والله اعلم ان 90%من النساء ذقن مرارة الخيانة من أزواجهن بشتى أشكالها ...........
ولكن العاقلة منهن من تجعل من تلك السحابة السوداء مصدر قوة وثقة لها ولشخصيتها وتستطيع أن تحكم نفسها فلا تخسري زوجك وتتركيه لقطط الشوارع بل اعملي العكس تماما احتويه بكل حب وحنان وذكريه بين فترة واخرى بزلته
لانه سوف يندم على فعلته حتى لو لم يبين ذلك فهو في داخله يعلم سوء فعلته وسوف تكبرين في عينه وقتها
ربي يسخره لك ويبعد عنكم الحرام ويسعدكم

 

[عيوني فداه]

اتوقع انه ندمان

 

[كييوت]

انا اسميها دموووووع التماسيح من شب عل شي شاب عليه والعود من اول ركزه انتبهي منه
الكل يسووي نفسه بري بس من تحت لتحت مو كل مره تسلم الجرره

 

[om tooti]

غاليتي انا مريت بنفس تجربتك بكى مو بالجوال بكى قدامي وسوا العجب سوا اشياء ماكنت متوقعه انه يسويها لي
طبعن لانه حاس بالغلط فاكيد يبي يرضيك باي طريقه انتي لاتسامحي بسرعه بس برضوا لاتشدي معاه عشان مايرجع للخيانه مره ثانيه حاولي تحتويه اساليه عن سبب خيانته وش اللي كان يدوره عند غيرك وش اللي ناقص
قوليله لو كنت انت مكاني وشلون بيكون احساسك وكيف بتتصرف معاي !
خليك عند اهلك ولاتطلبين رضاوه وهدايا بعض الرجال مايحبون اللي يفرض عليهم هو اكيد راح يرضيك بهديه
وتاقلمي ياعمري مثل ماانا تاقلمت وحاولت ارجع الثقه اللي انعدمت بيوم ..لاتخلينه لوحده دايم كوني معه لادق عليه احد اساليه من كلمت من ارسلك ؟ حسسيه انك تراقبيه كذا راح يحاول يثبت لك انه ماعنده علاقات غيرك وانه ترك كل شي ..

والله يوفقك وياه ويسهل امووووورنا واموركم ..

 

[ام سعود11]

جائز تكون دمعة ندم

اعطيه فرصه ثانيه

وفهميها ان ينتبه لانها اخر فرصه له وادعي له باهدايه

وفقك الله

 

[#ريوم#]

لاحول ولا قوة الا بالله
الخيانة ليست سهلة ونقول سامحيه او لاتسامحية !!!هذا مرتكب لكبيرة من الكبائر الا وهو الزنا وهذه الكبيرة لها حد من حدود الله وهو الرجم حتى الموت لأنه رجل محصن -يعني متزوج-
انصحيه وذكريه بالله وانه مرتكب كبيرة من الكبائر وان لم ينتصح
فقولي له سأشتكيك في المحكمة


اسأل الله ان يهدي ضال المسلمين

 

[لمااااااااااار]

مشكورررررررررررررررين ع الردود الله لايحرمني من اخواتي البلقيسات انا رفضت ارجع له وقلت كلام وايد المهم وضحت له اذا مو خايف من الحرام انا اخاف ع نفسي والله بيسألني يوم القيامة عن شبابي وبنات الشوارع مايسون أثر جزمتي واذا ناقصك شي قلي كل اللي اقدر عليه اسويه وانت جالس تلعب لي براالبيت مع الحشرات وانا شنو خانتي بالبيت لمن تحس بقيمتي نتفاهم00اليوم كلمني وقال راح احلف لك ع المصحف ان هالطريق راح اتركه وراح اكون بطريق ثاني وافعالي ماراح اكررها وكرامتك راح تكون محفوظة ووو0000المهم انا قلتله اذا بتترك شهرين ثلاثة سنة وترجع لنفس الحكاية ماله داعي نرجع لبعض واذا تكررت تطلق بدون نقاش00انا ابغاك تترك هالشي عن قناعة00 واتركني لمن ترتاح اعصابي ووو00الله اعطاني براعة بالكلام انا استغربت من نفسي شلون رتبت الجمل وشلون صرت قوية بس جد هزه كلامي وتصدقون للحين محد يدري من اهلي انو انا زعلانة عليه00الله 000يهديه ويصرف عنه كيد النسوة كما صرف كيد النسوةعن يوسف ويبعد عنه رفقاء السوء00

 

[الامومه]

الله يفرجلك همك يارب واستخيري الله

 

[عاشقة المجهول]

مبين انه يحبك وانه ندم عاللي سواه ودمعة الرجل ترى مو سهله مايبكي الا على سبب قوي مو على اي شي يبكي من رايي كلميه وتفاهمي معاه وشوفي شنو بيقول