لمتنا الحلوه

مساء الخير لبنات
تعيشو ميس راها مريضه بالزكام
وش نقدر نديرلها
راني راحا نهبل
تعيشو لبنات فيدوني
 
مساء النور
سلامات على ميوسة
راقبي لهل الحمى لانها احيانا تكون داخلية لاتظهر على جسم الطفل على هذي لازم مرة على مرة تقسيهالها حتى و ماكانتش سخونة
انا كي تمرض خولة نستعمل الزيت و العسل للتخلص من السعال
مرة نشربها ملعقة عسل مرة ملعقة زيت
ربي يشفيها و تصبح لاباس بيها يارب
 
عسي سخانة لا تطلع بالترمومتر وكي تلقيها فوق 37 ديرلها شمع يهبطوا سخانة وكمادات ماء بارد لكرشها وراسها كانوا سخون
شربيها عسل وزيت زيتون وكثرلها فيتامين
 
يا عمري صغيرة على المرض
عسي السخانة ادا طلعت فوق 38
وديريلها شربة الدجاج ادا كانت تقدر تاكل
واذا مازلتي ترضعيها ديري ليك الشربة بالدجاج وتنتقلها عبر الحليب
حاولي تنحيلها من نيفها باش تقدر تتنفس سينو ما تقدرش ترقدلك في الليل
ماتكتريلهاش الدوا خاصة ​
 
مساء الهنا بنات
الله يعطيكم العافيه حيرتكم معي
بس حالتها بتسوء أعتقد حكموها القراجم
غدوا ان شاء الله نديها للطبيب عياتني
الحمى راني نعسلها فيها ونشربلها دوليبران سيرو
عسى الله لا يحرمني منكن
 
مساء النور
ربي يشفي ميوسة
والله انا تاني خولة بيتتني قاعدة و اليوم ظالة تبكي
ديتها العشوة للطبيب
جديدي اليوم لبنات اني تأكدت من حملي
والله بكيت حتى تنفخو عينيا
راني راضيا بمكتوب ربي و فرحانة بيه لكن كلما تفكرت النفاس أخاف كثيرا و ارتعب من الموت
علبالي تقولو هاذي مهبولة و ايمانها ناقص لكن الله غالب
ادعولي ربي يسهلي
 
اسفه اخياتي ع التأخير انشغلت ها اليومين مع البناء .اختي صبرين ان شاء الله خير انا ولدي نستعملوا دولبيريف ودوليبران للقراجم والحمى والحمد لله في 24 سا يكون تحسن . الله يشفي ميس يا رب .
ام خوله خليها ع الخالق واستعدي للحمل بنفسيه جيدة اشعري انه انيس من الله ارسله ليعوض المك عن بعد زوجك الله يرجعلكم سالم ويحفظك ويتتم حملك ع خير يا رب
 
بوركتي أختي ضحى و الله عم حاول لكن لااعلم لما شبح الموت مسيطر عني
متوسوسة كتير اني رح اموت على النفاس و اترك اولادي يتامى و يتزوج زوجي بمرأة اخرى و ينساني
والله حالتي النفسية صعبة كتير حاسة حالي متوترة و منزعجة و جد خائفة
اعلم اني على خطأ لكن لا استطيع اقناع نفسي
و اعلم ان الاعمار بيد الله و كل شئ في هذه الدنيا قسمة ونصيب
لكن لا اعلم لما احس بهذا الضعف
ادعولي تبعد عني هالوساوس و يعدي حملي على خير
 
اخيتي خولة توكلي على الله واستغفريه واكثري من الصلاة على النبي صل الله عليه واله وسلم واقرئي القران واشغلي وقتك بتحضيرات المولود الجديد واهتمي لخوله لن تموت نفس حتى تستكمل رزقها والاعمار بيد الله سبحانه وتعالى والخوف الباعث على اهباط النفس وقله العمل منبوذ شرعا وهو مجرد وساوس شيطانيه لتتقاعسي عن الطاعة .

توكلي على الله واكثري الدعاء والاستغفار وانشغلي بالكروشي وهذه هوايه جميله وتبدد التوتر النفسي وسلي نفسك بتحضيرات البيبي من صنع يديك وان شاء الله اقترح عليك بعض الموديلات التي تساعدك على حياكه اشياء جميلة للمولود
 
ام خولة شعورك هذا طبيعي جدا لا تخافي
انا حاسة بيك لأني نررت بنفس المرحلة لما اكتشفت اني حامل بآية
وميس كان عندها بس 9 أشهر
تأزمت نفسيتي وكنت دائمة البكاء وكنت مدايرة في بالي بلي راحا نموت
على الطابلة بصح لا اله الا الله ديري ربي ديما في بالك وكوني متأكدة بلي مش رح يتخلى عليك
أكثري من الدعاء و الاستغفار وقراءة القرآن
ويقينك بالله انو ما رح يضيعك
واذا عندك ماء زمزم اشربي و ادعي و الله انا عالجت روحي غير بيه
*************
وألف مبرووووك مسبقا.
 
الله يبارك فيكن اخياتي ضحى و صبرين
والله راني نحاول و اليوم شوية حسيت حالي تحسنت
ربي يعديها على خير
دعواتكن
 
هاجس الموت وترك الاطفال وحدهم للاسف يحكم كل النسا

غير النسا تاع بكري الله يبارك
تجيب 16 ماتخاف ماوالو

وكل مازاد الحب للاطفال زاد الخوف
ان شاء الله ربي يعطيك وقفة ساهلة
وكي اليوم تجي تبشرينا بالبيبي

لازم تعرفي بانو البيبي يتاثر بحالتك النفسية
ارحميه وارحمي روحك

اتهلاي

​
 
اللهم آمين
شكرا اختي ليلاس
الحمد لله راني في تحسن مستمر
 
دك بشوي تلقاي روحك نسيتي هذا الحالة النفسية و
تولي تخمي غير كيفاه تربيهم مع بعض
على بالي خولة مسكينة راهي تمر بمرحلة صعبة تاع الغيرة
لخاتش راها حست
دك تلقايها غير طالقة روحها و تبكي وتبطل الماكلة لفترة
ومن بعد تتحسنلك
راها حاسة بلي كاينة حاجة جديدة راحا تباعد ماماها عليها
منكدبش عليك انا سوفريت من هذه الناحية بصح دك الحمد لله
بداات توالف ختها وتتعلق بيها دك انت تهلاي في روحك
وفي خوليتا متخليهاش تحس بلي حنانتك راهي تنقص
تهلاي فيها مسكينة
ودك تبدا تباعد عليك وتلصق في باباها كتر
بصح انت ديما حسيها بلي تحبيها بزااااف وعنقيها و لاعبيها
راهي تجوز عليها هي صعيبة كتر منك
ربي معاك ورانا هنا كي لخواتات نحكو مع بعضانا ونحو على خاطرنا
واي استفسار راني موجودة
دمتي بود.​
 
اهلا اختي صبرين
شكرا على مساندتكن اخياتي
والله من حكيكم احس نفسي مرتاحة
حبيت برك نسقسيك ويلا احسلس الطفل و الغيرة امر ثابت علميا
هادو النهارات خولة حكمها زكام قاوي و لات تبكي ليل نهار و جداتها تقولي ياحسراه بدات الغيرة من الان
والناس كامل هكا تقول وانا لا اؤمن بهذه الاقوال
نقول كاش حاجة توجع فيه و هوما يقولو غيرة
على هذه حبيت نسقسيك
مع اني لا اعتقد ان اي طفل سيحتل مكان خولتة في قلبي
وستبقى باذن الله الاولى في حبي و رغايتي و اهتمامي
دمتن اخياتي
 
صح واش قالولك
مرضها من الغيرة وكان تقولي للطبيب راكي بالحمل يقولك نفس الكلام
أرواحي معاها غير بلعقل وسايسيها وان شاء الله تريحلك
اي سؤال راني موجودة.
 
اهلين بنات ام خوله وصبرين راني نشوف غير احنا لي ندردشو هههههه وييييينهم البقيه في لمتنا الحلوة ؟


مشكله الغيرة صعبه وتأثر على الصغير والله انا ولدي كان عمرو ثلاث سنين وكنت نحكي معاه فترة حملي وكان متفهم مسيكن والحمد لله وحتى كي جات اختو كان متفهم وفرحان .
المشكل ضدرك كي عادت في عام الله يحفظها وهو اربع سنوات عاد يغير وبشدة لدرجه انو ماياكولش ويبكي لاتفه سبب ويضرب فيها
اييه يا ام خولة الغيرة مشكلة نفسيه كبيرة تؤثر جسديا وسلوكيا على الطفل وشرايكم لبنات نبحثو على حلول ونتشاركو في الحل ؟
 
مساء الخير لبنات
وشراكم و شراهم وليداتكم
كنت ندور كيما قالتها الاخت ضحى عن حلول لغيرة الطفل من حمل امه
من بين ما وجدت انه على الام الا تخبر صغيرها بمجيئ اخ له في بداية الحمل حتى لا تبدأ المعاناة المبكرة من الغيرة
بل تترك الامر حتى يبرز بطنها ثم تخبره انها ستنجب له اخا او اختا لمشاركته في اللعب
ايضا تشتري هدية قيمة و عندما تلد تخبره ان اخاه هو من اشترى له هذه الهدية و هكذا سيتعلق به و يحبه
سأوافيكم بكل ما استفيد به في هذا المجال
ننتظر ابداعتكن اخياتي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل