معلومات راجيه الرضا
- إنضم
- 18 فبراير 2017
- المشاركات
- 14,542
- مستوى التفاعل
- 9,665
- النقاط
- 113
لماذا لا يحبني أحد بالبيت؟
ما زلت مع أسئلة فتياتنا الصغيرات التي تأتيني عبر الخاص:
ليه باشعر أن محدش بيحبني في البيت؟ ليه ماما مش بتكلمني ولا بتضحك معي زي أمهات صديقاتي؟ ليه كل واحد في بيتنا في وادي؟ كتير بابكي وباحس أني وحيدة رغم وجود ماما وبابا وإخواتي!
شوفي حبيبتي، مش بس أنتِ اللي حاسة بكل ده في بيتك، لو لكِ أخت ممكن تكون زيك بس منغلقة على نفسها وبتكلم صديقاتها وما كلمتكيش عن وحدتها! لو لكِ أخ ممكن يكون ده حاله أيضًا، وجايز تكون أمك نفسها عايشة وحدة صعبة رغم وجود أبوكِ في حياتها! جايز كمان يكون أبوكِ نفسه عايش وحدة وغربة بسبب إهمال أمك له وعدم حوارها معه أو عدم انسجامهما لأي سبب!
صحيح أنه على كل أم وأب احتواء الأولاد ذكورا كانوا أو إناثا، لأن الحوار مهم جدا بين الوالدين والأبناء ويكسبهم خبرات وتجارب ويعطيهم فرصة للتعبير عما بداخلهم، لكن الأبناء لهم دور كبير وعليهم ألا ينتظروا بدء الحوار من الوالدين، وعليهم أن يقدروا كثرة الضغوط النفسية والمادية والعملية اللي بتأثر على صحة والديهم ونفسيتهما بشكل كبير.
وبما أن الكلمة الطيبة صدقة، وجزاء الإحسان الإحسان.
يمكنك حبيبتي كتابة رسائل حلوة بها كلام طيب لأمك أو لأبيك أو لأختك ومش لازم تكون الرسائل دي لها سبب! يعني مش علشان أنتِ عاوزة طلب أو هدية لكن لتعبيرك عن حبهم لوجه الله، يمكنك شراء وردة أو هدية غير مكلفة لأي منهم، ويمكنك لما ترجعي من المدرسة والجامعة أن تسألي أمك عن أحوالها بلطف، قولي لها كيف حالك يا أمي، وحشتيني، عاوزاني أساعدك في حاجة؟ ولو لقيتيها عاملة تسريحة حلوة أو لابسة بيجامة شيك قولي لها: إيه الحلاوة والشياكة دي يا ماما؟ لو لقيتيها نايمة على سريرها تعبانة لكن صاحية: روحي عندها وقبلي يدها ورأسها وقولي لها: سلامتك ألف سلامة، تعبانة ولا زعلانة؟ وابدأي اتكلمي معها، تأكدي أنك لو عاملتيها كصديقة وبدأتِ تهتمي بها هتبقى معاكي لطيفة جدًا ومع الوقت هي اللي هتلجأ لكِ وتحكي وتشكي وتقول لك على كل حاجة لأنها هتشعر أنك كبيرة وأنك صديقة، وقلبك حاسس بها، وأنها مش مجرد أم بتخدم وتربي وخلاص.
نفس التصرفات اتبعيها مع أبيكِ وأختك أو أخيكِ، ما تنتظريش بداية الحوار من حد، ابدأي أنتِ وتأكدي أن كل شيء سيتغير للأفضل بإذن الله، لو أحسنتِ النية والعمل ليحدث الاستقرار والسلام النفسي والاجتماعي داخل الأسرة.
ا.هناء المداح
ليه باشعر أن محدش بيحبني في البيت؟ ليه ماما مش بتكلمني ولا بتضحك معي زي أمهات صديقاتي؟ ليه كل واحد في بيتنا في وادي؟ كتير بابكي وباحس أني وحيدة رغم وجود ماما وبابا وإخواتي!
شوفي حبيبتي، مش بس أنتِ اللي حاسة بكل ده في بيتك، لو لكِ أخت ممكن تكون زيك بس منغلقة على نفسها وبتكلم صديقاتها وما كلمتكيش عن وحدتها! لو لكِ أخ ممكن يكون ده حاله أيضًا، وجايز تكون أمك نفسها عايشة وحدة صعبة رغم وجود أبوكِ في حياتها! جايز كمان يكون أبوكِ نفسه عايش وحدة وغربة بسبب إهمال أمك له وعدم حوارها معه أو عدم انسجامهما لأي سبب!
صحيح أنه على كل أم وأب احتواء الأولاد ذكورا كانوا أو إناثا، لأن الحوار مهم جدا بين الوالدين والأبناء ويكسبهم خبرات وتجارب ويعطيهم فرصة للتعبير عما بداخلهم، لكن الأبناء لهم دور كبير وعليهم ألا ينتظروا بدء الحوار من الوالدين، وعليهم أن يقدروا كثرة الضغوط النفسية والمادية والعملية اللي بتأثر على صحة والديهم ونفسيتهما بشكل كبير.
وبما أن الكلمة الطيبة صدقة، وجزاء الإحسان الإحسان.
يمكنك حبيبتي كتابة رسائل حلوة بها كلام طيب لأمك أو لأبيك أو لأختك ومش لازم تكون الرسائل دي لها سبب! يعني مش علشان أنتِ عاوزة طلب أو هدية لكن لتعبيرك عن حبهم لوجه الله، يمكنك شراء وردة أو هدية غير مكلفة لأي منهم، ويمكنك لما ترجعي من المدرسة والجامعة أن تسألي أمك عن أحوالها بلطف، قولي لها كيف حالك يا أمي، وحشتيني، عاوزاني أساعدك في حاجة؟ ولو لقيتيها عاملة تسريحة حلوة أو لابسة بيجامة شيك قولي لها: إيه الحلاوة والشياكة دي يا ماما؟ لو لقيتيها نايمة على سريرها تعبانة لكن صاحية: روحي عندها وقبلي يدها ورأسها وقولي لها: سلامتك ألف سلامة، تعبانة ولا زعلانة؟ وابدأي اتكلمي معها، تأكدي أنك لو عاملتيها كصديقة وبدأتِ تهتمي بها هتبقى معاكي لطيفة جدًا ومع الوقت هي اللي هتلجأ لكِ وتحكي وتشكي وتقول لك على كل حاجة لأنها هتشعر أنك كبيرة وأنك صديقة، وقلبك حاسس بها، وأنها مش مجرد أم بتخدم وتربي وخلاص.
نفس التصرفات اتبعيها مع أبيكِ وأختك أو أخيكِ، ما تنتظريش بداية الحوار من حد، ابدأي أنتِ وتأكدي أن كل شيء سيتغير للأفضل بإذن الله، لو أحسنتِ النية والعمل ليحدث الاستقرار والسلام النفسي والاجتماعي داخل الأسرة.
ا.هناء المداح
اسم الموضوع : لماذا لا يحبني أحد بالبيت؟
|
المصدر : فضاء البنوتات الفسيح
