::لماذا تحرمني... يازوجي من كلمة "ماما"؟؟؟::

  • بادئ الموضوع بادئ الموضوع HaTTan
  • تاريخ البدء تاريخ البدء
HaTTan

HaTTan

New member
إنضم
2007/05/17
المشاركات
84
السلام عليكم و رحمة الله وبركاته​


والله ياخواتي انا لا أجيد صف الكلمات ولا تنميق العبارات
لكني قصدتكن بعد الله تعالى لتشاركنني همي وتنقذوني من الحيره اللي انا فيها...:tears:​


وإليكن قصتي​


واللي اتمنى من الله ان القى لديكن الراي السديد باذن الله تعالى​


...​


أنا صار لي متزوجة من سنتين...و أنا و زوجي تزوجنا عن حب و مو منغص علينا غير حكاية الخلفه اللي تأخرت...و زوجي من النوع اللي يموت في الأطفال...
قبل فترة رحت لمستشفى حكومي عشان اسوي فحوصات لتأخر الحمل و مثل ما تعرفون يطلبون من الزوج عينه من السائل ماله عشان الفحص و طبعا زوجي ماراح لهم إلا بعد ما طلع روحي..و بعدين طلعت النتايج الدكتورة بلغتني إن أنا سليمة و ما فيني شي و يوم شافت نتيجة زوجي سكتت سألتها: في شي.. قالت: ما أعرف هو لازم يروح لمستشفى متخصص قسم جلدية و تناسلية و احنا اهنيه ما عندنا قسم متخصص في المستشفى قلتلها: دكتورة في شي في النتيجه قالت ما أعرف خليه يروح و بيعرف هناك..​

طبعا أنا تذكرت زوجي و عناده في المرة الأولى و كيف انه ما رضى لي يروح إلا بعد طلوع الروح و جاني احبااااط شديد:sadwalk: و يوم رجعت البيت طبعا هو ما سألني عن النتيجه و لا فكر حتى يسأل و استغربت لهالشي و حاولت معاااه انه يروح و طمنته انه مافي بس هو يحتاج شوية فحوصات مثل ما سويت أنا طبعا هو رفض...​

بعد فترة رحت لمستشفى خاص مدحوه لي البنات و قالولي الدكتورة شاطرة وااايد بتعجبج بس بتطلب من ريلج عينه وفي نفس الوقت تعطيج النتيجة ويوم رحت لها سألتني إذا سويت فحوصات من قبل و إذا زوجي سوى؟؟؟ تذكرت ورقة التحويل مالت زوجي اللي عطتني إياها الدكتورة اللي رحت لها من قبل عشان يروح مستشفى ثانية و لأنها كتبت فيها كلام ما فهمته و رويتها إياها و بعد ما فحصتني الدكتورة و كل شي قالت لي كل شي فيج سليم بس زوجج و اهنيه "انتفضت عظامي" و قلت يا رب استر ... قالت لي زوجج الحيوانات المنوية عنده:صفر ولازم يسوي فحوصات أكثر و يتعالج أنا سكتت و قلت في داخلي الحمدلله على كل حال و صبرت نفسي...​

المشكلة إني مب عارفه كيف أبلغ زوجي بالنتيجه عشان يتعالج؟؟؟!!! :sadwalk:جربت إني أشجعه و أحمسه إنه يروح عشان يكون عندنا أطفال حالنا حال غيرنا و نفرح بهم و يملون علينا حياتنا إذا لنا نصيب بهم في هالدنيا رفض و عصب علي و قاللي إذا لنا نصيب بهم بيجون و إذا مالنا نصيب خلاص أنا خايفه ان العلاج يكون بسيط بس احنا نطول السالفه...​

و الله ما أعرف شو أسوي معاه ما أريد أجرح مشاعره هذا زوجي اللي أحبه و ما أستغني عنه و الله أحيانا أقول ما عليه عادي الدنيا بدون أطفال و شو يعني أهم شي عندي زوجي!! و أحيانا أرجع أحن لهم و أتذكر سني اللي يزيد سنه ورا سنه...أنا ما أريد ابعد عن زوجي بس أقول إذا في علاج ليش لأ و إذا مافي نتيجه و مالنا نصيب و الله مب معترضه على حكمة رب العالمين بس لازم نحااااول على الأقل أريح بالي و أرضى باللي الله كاتبلي إياه...

سامحوني خواااتي إذا طولت عليكم :blushing:و الله تعبت و احترت شو أسوي و الصراحة تشجعت يوم قريت ردود الاستشاريات و ارتحت...

و جزاااكم الله خير...​

 
حبيبتي ماعندي درايه في هذا المضوع...
بس حبيت أدعيلك من كل قلبي...
اللهم أطعمها ذرية من عندك ...صالحة هادية مهدية .... وبارك لها فيهم ... وبلغها برهم...أنت الواحد الأحد ...الفرد الصمد ... القادر على كل شيء...​
 
هلا اختي
اخبر مرة شفت برنامج يتكلمون فيه عن مشكلة ضعف الحيوانات المنوية وهكذا
لها علاج باذن الله
بعضهم ينصحون بالاعشاب الطبيعية
وبعضهم باالادوية
وبعضهم بعملية جراحية
والله العالم شنو يناسب زوجج
في مركز في الامارات مادري شو اسمه يعالج هاذي الحالات بالاعشاب الطبيعية
سمعت منها نتايج طيبة
ولج ياختي انصحك كل يوم تقرين او تشغلين سورة البقرة
يوميا باذن الواحد الاحد تحملين
سورة البقرة لها فوايد كثيرة

اللهم أطعمها ذرية من عندك ...صالحة هادية مهدية .... وبارك لها فيهم ... وبلغها برهم...أنت الواحد الأحد ...الفرد الصمد ... القادر على كل شيء...

اللهم أطعمها ذرية من عندك ...صالحة هادية مهدية .... وبارك لها فيهم ... وبلغها برهم...أنت الواحد الأحد ...الفرد الصمد ... القادر على كل شيء...

اللهم آميــن

 
أختي العزيزه ,,,,,,,, HaTTan

كل عــــــام وانتي بألف خير وإنشالله هذي السنه فال خير عليك

وما تنتهي إلا وانتي مبشرتنا بأول كتكوت :a122:

حبيبتي قال القادر:

((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

صدق الله الغظيم ,, ومن أصدق من الله قيلا ....

إن لزوم الإستغفار ,,, سبب لكل خير ,,

ومن رأيي تسألين أطباء متخصين في علاج أمراض الذكور , عن إمكانية العلاج ومدى صعوبته بالنسبة لحالة زوجك

وعلى أساس ردهم تحددين ,, هل تقدرين تواجهين زوجك وتقنعيه وإلا لا قدر الله العكس .

ولا تنسين حبيبتي إنك انتي سويتي اللي عليك واللي كاتبه ربنا فيه الخير ...

وعسى الله ينولك اللي في بالك ويرزقك الذرية الصالحه اللي تملا حياتكم سعاده وفرح .....


تحياتي لك :bye1::bye1::bye1:

​

 
حبيبتي ينفع تروحين بروحك وتعطي النتيجه لدكتور ويعطيلك العلاج من غير زوجك ماتحرجيه وتعطيله الدواء فعصي فاي شئ
اعرف اني خياليه شويه بس
اختي انا قدرالله لي عدم الانجاب والله لايكتب لكم هكذا فاعرف هذا الشعور تماما مابالك بالريال يبقي فنص هدومه
حاولي تساعديه من غير مايشعر لوقدرتي
ياربي الذي لااله الاهو الحي القيوم مغيث البشر ومجيب دعوة الداعي اذا دعي ان ترزقها الذريه الصالحه وتنعمها بالحياه المستقره الهادئه
وسخر لها زوجها وفرج همها واعطيها ماتتمناه وارزقها رزقا تتعجب له البشر ولاتكلها الي نفسها طرفة عين اللهم امين
 
وعليكم السلام ورحمة وبركاته ..

هلا هتان ..

اممممممم ..​

الموضوع شائك الصراحه ..​

ولكن الحمدلله انج انتي بخير ..هذي بحد ذاتها نعمه ..​

ومن رايي ان هذي تعتبر أنانيه من ريلج انه مايطيع يكمل علاج ..​

وليش هو رافض اصلاً العلاج .. ؟​

فهذي مالها إلا احتمالين ..​

الأول :
إما يكون خايف ان الناس تدري ان العوق منه ..(( الله يشفيه ان شاالله ))​


الثاني :​

يكون عنده علم من أول انه غير قادر على الإنجاب ..​


وبالنسبه للإحتمال الاول ..فــ مب شرط ان الناس تدري ..
حتى امه وهي امه ..
محد بيروح معاكم المستشفى ولحد بيشوف نتايج تحاليلكم ..
ليش هو معقد الأمور ..​



والإحتمال الثاني لو كان صحيح ..​

فهذا مايعطيه الحق انه يرفض العلاج ..
ولو عشان خاطرج انتي ..
ومادمتي انتي معطيته الأمان انج بتكونين معاه عالسراء والضراء .
فـ من شو خايف .. ؟​

قولي له خليني اقتنع اسمع الطبيب بنفسي يقول مافي أمل ..
ذيج الساع أوعدك ماافتح الموضوع معاك لآآآخر العمر ..​

أما انه يرفض رفض غير قابل للنقاش..​

فهذي أنانيه الصراحه .. ​



ولا تظلين ساكته وانتي تاكلين في عمرج ..
إكسري الحواجز اللي بينكم ..
حني عليه وزني بأسلوب لطيف ..
مثلاً يعني ..
تكفى حبيبي عشان خاطري ..ابا اطمن عليك ..
يمكن السالفه بسيطه ..والطب الحين تطور ..
ونبا بيبي يتوج علاقتنا ..ويقربنا ويربطنا فبعض اكثر ..​

حاولي فلا يأس مع الحياه ..​

ولا تنسين الإستغفار ..​

وقريت لإحدى الأخوات موضوع تقول فيه :
سمعت من الشيخ المغامسي في قناة المجد انه يقول :
من أراد الذريه عليه بقول :
(( رب لاتذرني فرداً وأنت خير الوارثين )) ..
40 مره في السجود ..
ففي هذا العدد سر لايعلمه إلا الله ..
وانه شخصياً جربها مع اثنين ممن لم يرزقهم الله بالأطفال ..
فبشروه بعد مده ان زوجاتهم حوامل ..
إن الله على كل شيء قدير ..


وان شاالله الإستشاريات يساعدونج بعد بالراي السديد ..


​
 
اختنا ليش هذا الخوف كله

ضعيف ولا عقيم حمدي ربي يالغاليه

انا اعرف اشخاص عديدين مثل حالة زوجج
والعلاج موجود تطمن يوما يطول بعد
حسب عاد نشاط زوجج

موفقه
 
الله يرزقك في هذه العام طفل صحيح سليم معافى ويرزق الاخت دونيا123 ايضا بالذرية الصالحه يارب
 
و الله يا خواااتي:icon26::
النقاء
نبض قلبك
مشترك
دونيا123
الحياة حلوة
شمس
ما أعرف كيف أشكركم على هالردود الغالية كفاية انكم دخلتوا و قريتوا موضوعي و عطيتوني وقت من وقتكم الثمين و فكرتوا معاااي على حل و دعيتوا لي...الله يجزيكم عني الفردوس الأعلى بإذن الله تعالى...​

و عن زوجي أنا ما أعرف كيف افتح له الموضوع أحيانا أقول ما أريد أجرح مشاعره :no:و الله صعبه عليه و بالذات شخص مثله يموت على الأطفال و يوم أحاول افاتحه بالموضوع من بعيد لبعيد يعصب و يتنرفز و يقول لي أنا ماعندي وقت لهالسوالف و يرفض و أرجع أقول لنفسي عادي و شو يعني أعيش بدون أطفال ماراح أخسر زوجي و شريك عمري عشان أطفال يمكن الله مب كاتب لي فيهم...شو أسوي بالهفه اللي داخلي أحاول إني أدفنها و أسوي روحي عادي عشان لا سمح الله لو زوجي مافي أمل في علاجه ما يحس اني ملهوفه على الأطفال و يحصل شي أنا ما أحبه بيني و بينه لأني أعرف زوجي كله ولا تعاستي...آآآآآآآآآآآه تعبت من التفكير:shutup:​
 
الله يسمع منج أختي:icon26: "شموخ القلب" و مشكووورة أختي الغالية على مرورج الذي اسعدني كثيرا...
 
أختي "الحياة حلوة" أنا معاااج في الافتراض الأول لأن زوجي من النوع اللي يحبط بسرعه و يمكن و بعد ما فكرت في الموضوع يكون و بدون ما أحس حسسته ان في شي لأن كل مرة كنت أرد من عند الدكتورة أقوله ان أنا سليمه و ما فيني شي و كل شي فيني تمام و أنا أعرف زوجي أكيد حلل داخله و قال العيب مني أنا عشان كذا هو مصر ما يروح و إذا بتقولين إنه يعرف من قبل هو كيف بيعرف الورقه مالت التحويل عندي و الكلام اللي مكتوب فيها طبي بحت لأني حاولت اترجمه من المعجم و ما فهمت شو المعنى عشان جي أنا وديتها معاي عند الدكتورة عشان تترجم لي.​

...​

نسيت ما أقولكم مره من المرات أصريت عليه إنه يروح و ضغطت عليه فكان رده اللي صدمني: إذا تبين عيال روحي بيت أهلج و بييج اللي بييبلج العيال أنا ما عندي شي أعطيج إياه...شفتوا كيف رده أنا و الله ما قدرت أتحمل و قلت له أنا ما أريد العيال :no:إذا بيكونون من غيرك... و سكرنا على الموضوع هالموقف صار قبل ما أعرف النتيجه المكتوبه في الورقه...شفتوا الحيرة اللي أنا فيها:sadwalk:!!!! الله المستعان...​
 
مبين على ريلج انه عارف ان السبب منه
الافضل انك تصارحيه با النتائج وتتفاهمي معاه
واحتمال منكلامه انه قد تعالج من قبل وماجاب نتيجه قولي له نحاول ماراح نخسر شي
الله يرزقج الذريه الصالحه عاجلا غير اجلا
 
هلا اختي ...

لازم تفهمينه ان احنا ناس مؤمنين وعندنا التوكل شيء أساسي في حياتنا ...

فالتوكل هو الاخذ بالاسباب وكأنها كل شيء ثم تعليق القلب بالله وكأننا لم نأخذ بالاسباب ...

يعني لازم تروحون وتكشفون وتاخذون بالاسباب وتتعالجون وتدعون الله يرزقكم بالذرية وتتصدقون وتستغفرون على طول وتقومون الليل بعد طمعاً في ما عند الله من رزق ...

قوليله ما يصير نقعد مكتوفين الايدي ونقول احنا بنتوكل على الله ...هذا اسمه تواااااااااااااكل وليس توكل ...

الله عزوجل يقول ( ومن يتوكل على الله فهو حسبه ان الله بالغ أمره ) يعني توكلي على الله والله بينولك مرادك باذن الله ...

نبي الله أيوب ...كان ممكن الله يشفيه وهو نايم على فراشه لكن الله امره انه يتحرك وقال له (اركض برجلك هذا مغتسل بارد وشراب )... فلما قام وتغسل بالماء اللي امره الله به اذهب الله عنه المرض ...

نفس الشيء مريم ابنه عمران الله عزوجل قال لها ( وهزي اليك بجذع النخله تساقط عليك رطباً جنياً ) وكان ممكن ان الله يسقط عليها الرطب وهي جالسه مكانها ...

 لكن ربي سبحانه يبغي العبد يسعى بالاخذ بالاسباب ...

والامثله كثييييييييييييييييرة ...حاولي معاه ...

وادعي ... والله يرزقك باذن الله تعالى ..​
 
ما ادرى حاسة انه حاسس ان فيه هو شىء وما يبغاك تعرفين
بس انتى قولى له بطرقة حلوة النتيجة

واحدة زوجها زى كذا وخافت على مشاعره
فى الأخير تزوج عليها
يقول تروح تتعالج وما فاد شكلها عقيييم
وما درى ان السبب منه
 
أخواتي الغاليات:
أم قلبها
ملاك 2000
أم الداعية
تشرفت وسعدت كثيرا بردودكم و مروركم...و الله يا خواتي أنا متوكله على الله و مفوضه الأمر له و صابرة بس أقول ليه منحاول أنا و زوجي؟! ليه نيأس و نفقد الأمل بدري و نحن في أول الطريق؟!
ودائما أتذكر "أسعى ياعبدي و أنا أسعى معاك" أدعو لزوجي إن الله يحنن قلبه و يرأف بحالي و يهديه...​
 
ربي سهل امرها ومن كل خير اعطها وبالذريه الصالحه فرج همها.اللهم آمين
 
آمين آمين آمين يارب العالمين

وياااج إن شاء الله جزااااج الله خير على الدعاء أختي :icon26:"الجوغيم"خير الجزاااء...​
 
شكله زوجج كان يعرف بالنتيجة .. أو حااس ان العيب منه ..

اصراحة اختي ما عندي غير ادعيليج
الله ارزقها ذرية الصالحة .. وبارك لها فيهم .. عاجلا غير اجل يا رب العاليمن
 
أختي:icon26: "قول & فعل" تسلمين الغالية ... و الله يسمع منج و ما أقول غير الله يقدم اللي فيه الخير...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل