شوفو يا بنات بما ان مشوارى لسه طويل فى قرءة الموضوع فاضل حوالى 100 صفحه:crazy::crazy:
اناهاقول لكم ملاحظات من خلال خبرتى المحدوده فى العالم الشمالى الشرقى
اولا من ناحية النكد والجديه حسريه على نفسه اقول لكم ازاى وفعلا جابت نتيجه طبعا مش ميه فى الميه بس احسن من الاول
فى جلسة مصارحه بعد خناقه كبيره كالعاده ربنا فتح عليا بكلمتين معرفش جولى منين:dunno:
قلت له انت برغم كل اللى بتعمله ده صعبان عليا انت مسكين مش عارف تستمتع بحياتك ولا شبابك ولا حاسس بنعم ربناعليك
بكره العمر يجرى وتتفرج على نفسك وتقول شبابى ضاع من غير مااستمتع بحياتى ولا انبسط مع مراتى واولادى
فوجئت ان الكلمه اثرت فيه لدرجة حسيته هيبكى:tears: وقال لى عندك حق
وبعد كده فى كل موقف اقول له متحسبهاش اوى المهم تنبسط المهم تستمتع الدنيا مش هتطير على مهلك على نفسك كده صحتك هتتاثر بدا يستجيب شويه ويحاول مثلا ياجل الشوبنج اللى كان مقدس عنده ويقول نريح ونروح بكره بقى يسهرمعا يا يتفرج على فيلم كوميدي كان يعتبر قبل كده هايف طبعا ده احيانا مش دايما بس نعمه كنا فين وبقينا فيين:shiny:
تانى حاجه اما تتخانقو ماتتقمصيش وتقطعى الكلام بس بيتى له انك زعلانه اما لو هو اتقمص وقطع الكلام معاكى اوعى تصالحيه ابدا لان بساطه هتبقي لعبته وهيستمتع بانك متقدريش تخاصميه وبتجرى وراه عشان يرضى وهتلاقيه بدل ما بيزعل كل شهر هيزعل كل اسبوع وبدل ما يزعل اسبوع هيزعل شهر ولا هيسال فيكى لانه اتعود انك انتى اللى تبداى:icon28: لكن لو جيتى على نفسك استحملتى زعله وبينتى له اننو عازل نفسه وانتى حياتك عاديه ومبسوطه مع اولادك :clap:مهما طول لى الزعل متضعفيش لحد ما ييجى يكلمك قولى له
ان ده اسلوب اطفال ومش متحضر ولازم نعبر عن نفسنا واللى مضايقنا اسلوب احسن من كده هيتكسف من نفس ويعرف ان الطريقه دى مش هتنفع كوسيله للضغط عليكى:sadwalk: مش معنى كده انه هيبطل لكن على الاقل هتقل شويه
اذا اتهمك بالتقصير متحاوليش تبررى له وبينى له انك راضيه تماما عن اداءك وان اكتر من كده فوق طاقتك واذااتكلم عن تقصيرك مع الاولاد قولى لهم دول اولادى وعمرى ما هاهمل فيم لان انا امهم وحريصه عليهم
واى موضوع تانى تنظيف غسيل اى حاجه فوق طاقتك مبالغ فيها ماتحاوليش تضغطى على نفسك ابداعشان ترضيه لانى اكتشفت ان الشمالى يضغط عليكى ويطلعك مقصره عشان تتفانى وتبذلى كل ماعندك عشانه لكن لو صممتى وعملتى اللى تقدرى عليه فى هدوء ولى له ده اقصى ما عندى هيعرف ان مفيش فايده وهيخف الضغط عليكي:nosweat:
واخيرا ماتبينيش ابدا انك بتنضفى او بتطبخى او بتهتمى بالاولاد عشانه وتقولى له ايه ريك انا نضفت ده عاجبك؟ عملت ده للاولاد عشان تننبسط لان ده هيزيد من تدخله وحقه فى الاشراف علييكى بينى ان كل حاجه بتعمليها لان ده العادى او عشان انتى شايفه ان ده الصح
ايه رايكم كلامى ح ولا غلط؟:msn-wink::msn-wink:
