للي زوجها شمالي شرقي "مناقشه وحلول " ونرحب بالكل

[اضاليا]

سبحان الله كأنكم تتكلمون عن زوجي عموما الله يعينا على الرجال واللي تقول ممكن يخونك بأي لحظه فتلااك خوفتيني مرة لأني ماخذة فكرة عن الرجال الشماليين انو مالهم بهالحركات

 

[bubble]

\ زوجي شمالي شرقي

يتميز بالغرور والانانيه والتعجرف ..يعشق اصدار الاوامر والعناد وحب التملك..الخداع والمراوغه ..العدوانيه العصبيه ..البراءه المصطنعه ..الغموض والصمت..غيور جدا
اجتماعي ..طموح..يموت في اهله وكلامهم هو الصح دائما وابدا :crazy:...يتحمل المسؤوليه احيانا
كريم في الامور اللي تخصه هو واهله ..وحريص على زوجته احيانا.. ويحقد على اهلها وينتقدهم كثيرا :icon28:. .يحب المستوى الراقي والمجاملات ...الخيانه في دمه ومايصبر عنها ابدا :icon30:...يعشق مبادره الزوجه في العلاقه الخاصه..يكتم مشاعره اتجاه زوجته..يحب زوجته ان تدلله وتدلعه
انسان انتقاااامـــي جدا جدا :no:

 

[فراشة جريئه]

انا معكم واضيف اليكم انه لا ينسى الاساءه ابدا يعني "جمل" ههههههههههه
واول كلمه يقولك عند الاستئذان منه" لا " ولازم طبعا التبريرات والحوارات والاقناع
عشان يوافق وليس على كل حال خاصه اذا كان شي مادي

 

[**لين**]

كيف إنتقامي؟ممكن مثال
ولماذا يحقد؟
وهل يكرهني لو صرت أنغزبكلامي وأذكره بخيانته كل شويه؟

 

[فراشة جريئه]

اتوقع ياجودي ان الحقد يعني انه ماينسى اللي يغلط عليه ويكتمها بقلبه
ويمكن يكره الشخص او حتى ما يريد مقابلته واكيد يكره التنغيز بالكلام لانه حساس
يعني يفهمها وهي طايره

 

[أحلى فراشه]

انا زوجي مثل ماقلت شمالي شرقي عاااااااااااااااانيت من اول ماتزوجت منه كنت دايما اتحسر على نفسي اقول انا احبه واموووت فيه ليه مايتكلم معاي ليه كلا ساكت ليه تقليدي ليه منطقي وكل شي يصير ويستوي على السطر كلا روتين بديت امل امل واتفاهم واصوت معاه كثير كلا دمعتي على خدي ومدلل بنتي واموت قهر طيب هو يعرف يحب بنته ويقولها ويدللها ليه انا مايعرف واشوفه مع ربعه الضحكه شاقه حلجه وورحت افكر ابي ابي حل تعبت كلا اصيح واذل روحي
قمت صليت واستخرت ودعيت ربي من قلبي انه يسخره لي ويسخرني له وثاني يوم بديته بنشاط قلت لازم اخليه يشوفني
غيرت في الشقه وفي نفسي ومكياجي وتسريحة شعري والاهم طريقة كلامي صارت اكثر هدووء ورقه وقمت احاول اشاركه بكل اللي يحبه واتكلم باللاشياء اللي تجذبه واذا بغيت شي مايبليلها الا الدلع والصوت الهادئ ودايما امدح فيه انه مافي مثله وانه احسن رجال اني مقدره اللي يسويه لي وللعيالي وصرت مرحه واتفنن بالطبخات والعصيرات اذا جا من الشغل تعبان وحفلات المساج ووووووو................الحين يحاول مايزعلني بس ساعات تجيني حالات اتعب وارجع اعبي بطاريه وهكذا
باختصار فهمته وحاولت اكسر نفسي شوي واقرب له قبل لايضيع مني وكله من هالمنتدى الرائع اللي استفدت منه
واتمنى ان كلنا نصير احسن واحسن وان الله يهدي ازواجنا ويصبرنا عليهم

اتمنى اني ماطولت عليكم وعلمونا من اللي استفادت ............

تحياتي...

 

[ام ريمار]

يا اخوووات الشمالي الشرقي يحب السرعه بالاظافه للترتيب والنظام تايدوني ولا لا

 

[ميوسه]

ام ريمار صحيح



فراشه 11

هههههههههههههههههههههههه

اي والله لازم نعبي البطاريه بين فتره وفتره ولا راح نموت منهم

الاصحيح مايقهرني الا اذا مات من الضحك مع اصحابه ولا اهله وعندي يمد بوزه يعني ثقل

ومسكته مره بخناقه وقلت له كل مساوئه وهو كان معصب بس يوم تكلمت جلس يتبسم يقول صدق ماادري


هههههههههههههههههههههههه

الله يعينا

 

[أحلى فراشه]

ام ريمار اي الشمالي الشرقي يحب ويموووت بالنظافه والترتيب يعني يوم اللي يصير فيه شي مومرتب تلاقينه منقلب ومعصب :icon28:
ميوسه وربي موتيني ضحك ههههههههههههههههههههههه نفس سالفتي معاه بالضبط :clap:

وانا زوجي مايقصر بشي بس بعض الاشيا يحس مو مهمه ولازم الشي يصير مهم وبنمووووووووووووت من كثر ماحنا محتاجينه خخخخخخخخخخخخخ:smoke1:
والمصروف يعطيني اياه كل شهر لو اقوله زيده شوي يقعد يحسب لي ان انتي تدرين كم بالسنه تاخذين

وانا شدخلني يحسب لي بالسنه انا اخذ واصرف بالشهر :nosweat:

والله احترت شلون افهمه هههههههههههههههههههههههههههه

الله يعين:showoff:

 

[فراشة جريئه]

ضحكتيني يا فراشه 11 على سالفة المصروف لاني نفس وضعك ههههههههههه
" وليه طبعا كم تصرفين وماله داعي الكماليات و من هالكلام "

 

[شمس الرياض88]

طيب بنات هل الشمالي الشرقي يكون ماسك شوي من ناحيه الفلوس ؟؟؟

 

[فراشة جريئه]

طبعا كل قرش يعرف وين يصرفه

 

[شمس الرياض88]

مشكورررررررررررررررر ره فراشه جرئيه على الرد

 

[بيالة شاي]

اهلين فراشه

اممممممممممممم

زوجي او الشمالي الشرقي ههههههههههههههههههههه


انسان عملي لابعد حد

يحب الزوجه تبادر

لايظهر مشاعره ولكنه حسسسسسسسسسسسسسسسساس

نقطة ضعفهم اطفالهم وشوي اهلهم مو كثير


ماديا ينفق بسخاء على الماكل والمشرب والملابس الخاصه والاساسيات باهل البيت واي شي ثانوي للرفاهيه يحاسب عليها باسئلته ولماذا وبالنهايه يعطي واذا كنتي موظفه راح ترتاحين شوي من هالناحيه مثلي راتبي لي لرفاهيتي والاساسيات عليه


اممم لازم معاهم تكون شخصيتك قويه بس بدون عناد ولا رفع صوت بكل هدوء يكون لك راي يعني مو تصيرين تابعه للشمالي الشرقي لانك راح تضيعين


التردد باتخاذ القرارات ابسط مثال نلف ساعه الى ساعتين بالشوارع عشان تختار مطعم يعني حددي بالضبط اي مطعم راح تروحون او حددي طلبك منه دايم بشكل مباشر بدون مقدمات


اذا رفض لك طلب لاتناقشين انسحبي بهدوء مع كم دمعه مصطنعه بس يبي يمشي كلمته بعدين راح يلبي او يعوض اذا كان الطلب مستحيل هههههههههههههههههه


صريح جدا مايعرف المجامله

صامت بس مع الوقت يتغير حسب شخصية الزوجه وشطارتها واذا وجدوا الاطفال راح يتغير من صامت لمتحدث بارع
دايم كلموا اطفالكم وحضنوهم وبوسوهم قدامهم لانهم يشوفون انو هذا الوضع الطبيعي للتعبير عن المشاعر


يهتم للعادات والتقاليد ويحسب الف حساب لكلام الناس


ناجح جدا ودقيق في عمله دايم

عنييييييييييييد

:icon30::icon30::icon30::icon30::icon30::icon30::icon30::icon30:

كلام سليم ...وفعلا زوجي تنطبق عليه اغلب الصفات اللي ذكرتيه ماعدا

انه قد يعمل لكالم الناس حساب ولكن ليس كثيرا

وهو مش صريح ابدا بل مجامل

 

[بيالة شاي]

كنت أعاني من الشمالي
واعتبرته تحدي والحمدلله قدرت أتغلب مع شوي شوي من عيوبه وانا من حبي له عيوبه كانت بالنسبه لي مميزات :in_love:
المهم قمت أطرش له بين فتره وفتره مسجات حب ومسجات جريئة من هالمنتدى العجيب وطبعا طناش ولا كأنك اطرشين شي

طبعا أنا أتخيل انه يرد علي واصبر نفسي وأزيد عناد واستمريت على المسجات كافي مسج باليوم او كل يومين علشان ما تفقد أهميتها ( بعد اسبوعين ابو الهول نطق وقالي من وين اتييبين هالمسجات بس ما علمته وصار ينطر مسجاتي :showoff

وقمت أسولف معاه بهواياته أصلا بس أفتح الموضوع ألقاه اسولف واسولف وانا استمع له بانصات شديد وكأنه الموضوع هامني (طل) والشمالي احب اسولف عن نفسه والناس تسمعه

وخذيت لي كم حركه من الثقافه الجنسيه لان الشمالي احب المبادره بس عادي مو اتقطون روحكم قط ( الثقل زين) :msn-wink:

واذا ما عندج سالفه طلعي من الغرفه اللي قاعد فيهها (سوي نفسج مشغوله سوي نفسج تقرين كتاب )

واهو يحب القهوه دشيت طبعا قسم المشروبات من المنتدي السحري وسويت له سويت له كابتشينو واستانس قالي نفس طعم اللي شربتها توني من ستار بكس واحلا :icon30:

ويحب الاكل بس للأسف سويت البسبوسه مرتين فشلت ما اضبطت معاي صارت كيكه :thumbdown:واستغلها فرصه وضحك علي بس انا عادي ما همني قلت له راح احاول لين اضبطها(بس ما كسر بخاطري أكل الكيكه اللي المفروض انها اتكون بسبوسه:shiny: )

قبل كنت اسولف ادور لي اي شي علشان اتكلم ألحين لا خير الكلام ما قل ودل الله اخلي رفيجاتي أطلع معاهم وأطلع حرتي

وسامحوني طولت عليكم بس انشاءالله اكون قلت المفيد من اللي تعلمته من خواتي بالمنتدى:icon26:

وكأنك تتكلمين عني بالظبط ....وهذا ماافعله حاليا ..واجد ان النتيجه راااااااااائعه

عطيني طرق القهوه اللي سويتيها لان اللي عندي من عشااااااااااق القهوه :cupidarrow:

 

[شمس الرياض88]

بنات الله يخليكم الي تعرف طريقه التعامل مع الشمالي الشرقي وشلون يحب تكون شخصيه المرأه
؟؟؟؟؟؟؟؟؟؟؟؟؟؟؟

 

[شمس الرياض88]

بنات الله يخليكم الي تعرف طريقه التعامل مع الشمالي الشرقي وشلون يحب تكون شخصيه المرأه
؟؟؟؟؟؟؟؟؟؟؟؟؟؟؟

 

[أحلى فراشه]

انا بجاوبك يافراشه 11 يحب شخصية الزوجه القويه بس مو عليه
واكيد يحب هي تدلله وتدلعه وطبعا ما يراضيني دائما هو الصح
بس حبيبتي وش تقصدين بالمبادره يعني "العلاقه الجنسيه"
ومشكورين على التفاعل يالغاليييييييييييين

هذا اللي يحب ومايحب اللي تعانده وترفع صوتها لانه بيزيد ويعاند:crazy:
يحبها نظيفه ومرتبه بكل شي بفلوسها وبيتها ومع عيالها ونفسها اكيد
ومايحب اللي تراقبه وتلاحقه يحس انه مخنوق ويحب تتفنين له في الاكل واللبس:msn-wink:
اممممممممممم هذا حاليا اللي عندي انشالله البنات يفيدونك وسالي وراح البنات يجاوبونك

تحياتي............:showoff:

 

[وحدة المشاعر]

انا زوجي شمالى شرقي عصبي درجة اولى لة كبرباء مابتنازل عنة ،يحب التخطيط ,اليحب المجامة لي (صريح مرة ), يحب اهلة بس مو متعلق فيهم ,يغار علي من اقرب الناس مثل امى واختى .يعامل اولادة معاملة الكبار (6سنة .2.5سنة).يحب البنيات الصعيرات .يحب المدح في الاكل .اذااعلط ما يعتذر ولايرضى بسرعة .يحب يمدح روحة وهودائما صح والناس غلط (دائما يسال هل اعجبك ولا لا )بي شئ يسويه وانا اقول لا لا احرة

 

[الفقيره]

كل المعلومات الي قلتوها صحيحه وتختلف من شخص لشخص من حيث الترتيب والأهمية لدى الرجل الشمالي الشرقي
أضيف يحب أنه يفرض رأيه وفيلسوف لأبعد الحدود ويحب أن يكون هو أخرمن ينهي الحديث يحب جداً ان يرى الترتيب في المنزل لكن هو أول من يعمل على بعثرته ويحب جمع الأغراض حتى لو كانت (مالها داعي)ياويلك لو عقيتيها
يقولك أنا أحب المرأة المتواضعة الهادئه المكسورة وهو كذاب يعجب بالشخصيات القوية لكن مو عليه!
مايحب المرأة كثيرة الشكوى والنقاقة والأهم البكاية "يوم تبين شئ وراح تبكين أمسكي دموعك لأنها ماراح تجيب فائدة
بس خلي على وجهك ملامح الحزن والعين نفسها خليها مليانه دموع"بتشوفين النتيجه الزينة لأنها هذه الحركة تكسر قلبه
بعكس البكاء لأنه راح يطلع ويخليكي يحب بعد يختلي بعمره ويحب انت تسألينه عن مثلاً موعد الأكل متى تبغاه
وله أصدقاء محدودين ومميزين ومعدودين,يحب يستهزأ ويضحك على البشر لكن عليه هو ياويل الي يسخر عليه وينزل من قيمته,كل يوم يطلع لك بمبدأ ورأي مزاجي الطبع(هذا الي قدرت اني أتذكره)