للموجوعات من الم الخيانه حياكن الله

شربات قال:
خواتي احنا اللي جمعنا بهالموضوع انا شربنا من كاس وحدة ، الخيانة الالم كلنا نعرفه والدموع والم الغدر وشماتة الناس و و و و

المهم الحين اشلون نلملم شتات روحنا واشلون نداوي جراحنا وعقب نفكر اشلون نسترد حبنا اللي ضاااع
كافي نكد و دموع ، انا صرت من غير احساس ، خلالاص تشرب جسمي الالم ما عاد يهمني ، الحين نفكر بمستقبلنا ومستقبل عيالنا و نفكر بشي ايجابي من هالتجربة يالله بنات نتوكل على الله و كل وحدة تقول قصة وقوفها مرة ثانية على رجولها من عقب هالطيحة واللي ما قامت للحين نشيلها احنا ، احنا اكثر ناس حاسين فيها :)

ولا اشرايكم ؟؟؟؟؟ ​
أنقر للتوسيع...


أضم صوتي لصوت اختى واتمنى نتشل انفسنا مما نحن فيه وندور لحلول ايجابية ونتعاهد على اننا لازم نتخلص من تلك الحشرات

والله المستعان
 
صباح الحب حبيباتي والله العظيم ان فكري وقلبي معكم وعليكم ودوبي اوترت ودعيت لكل وحده مجروحه فيكم وجزاكن الله خير يالي دعيتو لي واعجبكن موضوعي انا اتوقع سبب خيانته لي الفراغ وصديق السوء ووللاسف انه اخوه الي يحبب له هدا الشي بدايته كان اخوه العزابي مسوي عمليه وجالس ببيتي 2غرفه نوم وصاله ومطبخ ومجلس ولمده شهر كامل بعده انجرف زوجي لهدا الدمارماسنجر وشات واسكايب وجوال وكام واشياء فضيعه ماتخطر علا البال واسترجاع لحبه القديم لدرجه سوا بيني وبينه مشكله حتى اروح لهلي ورفضت وارمني وقال ماعندك كرامه واهلك مايبغونك بعدهالكلام رحت وكان عندي اختبار وقالت لي المراقبه انتي بالك موفي الاختبارواحسك تعبانه نفسياولله صحت وانا بالقاعه وكنت ووقتها حامل وادكر لي كم يوم عايشه علا الماء والفيتامين حتى ولدي طلع هزيل جدا جداوامي كانت ماتدري بشي يمثل قدامه انه البراءه والطهر كلها لانه يخاف ويحسب حساب لاهلي لان ابوي شوييييييييي هيبه ماشاء الله تبارك الله وانا ممثله عليه انه مااحد يدري لكن للاسف اني تكلمت مع امي ببعض الامور اونقول اغلبها تتوقعون تصرفي صح اوغلط انا شخصيتي جنوبيه وهو شمالي غربي اتوقعه بنسبه كبيره تدرون انشغلت الاسبوع هدا شوي وققلللت جدا كلامي معه واسالتي احس انه مستغرب بس ماتكلم العدر منكم خواتي بس ماتوقعت انه احد بيتفرغ بيقراء جروحي ويواسيني ويرشدني فاطلعت لكم شويه منالجرووح الي بقلبي والف مليون شكر للي قلت لي فضفضي ودي اقراا جروحكم حتى نبحث عن الحلول ونرتاح شوي منالهم الله يبرد علينا ويصبرنا ويعوضنا بجنات النعيم ويقرعيوننا بصلاحنا وصلاح عيالنا ويرد ازواجنا لنا عاجلا ونفرح برمضان يارب
 
استغفر الله العظيم
واصلوا اخواتي وفضفضوا عما في قلوبكم
ونسال الله الصبر والهداية
 
ااااه يا قلبي
وانا مثل الشي شربت من مثل الكاس المرررررررررررررررررررررررررر
الله يمرهم ويعذبهم مثل ما عذبوني .. والله ساعات اقول مو ازين ادعي بس والله من حرقة قلبي
تعرفون من عمايل زوجي وخيانته لي الله مو موفقه في شغل قاعد يشتغل مع واحد مطلع روحه وهو يدور شغل ثاني ولا لااااااااااااااقي والله وتعبان من هالسالفه ويقول ليش مو محصل شغل
اقول بخاطري والله من عمايلك فيني ومن خيانتك لي اكيد ربي ما راح يوفقك .. والله قلبي يعورني عليه وما متشمته فيه بس تعرفون خرقة قلب المظلوم

انا اكتشفته في المسانجر وكنت شاكه . وواجهته لاني ما تحملت اسكت من قبل لا نتزوج فترة ايام الخطبة
وسوا روحه اني خلاص وتمت الوعود الجذابه ..
وسامحت بكل طيبة قلب وقلت خلاص بيرجع .. والمصيبة ان اكتشفت انه يكلمها تلفوووووووون وهو يقول ما تعدى ماسنجر ابي اكلمه واوجهه واخوفه بس اخاف من باجر اكون مطلقه او تكون حياتي اردى من جذي هو مو مقصر علييييييييي بو لااااااشي بس احساسي بانه مشاعره مو لي صعبه جدا بس مادري هو حبها والا يتسلى فيها .. انا قلت بواجهه واذا قال ماله علاقه فيها بقول له كلمها وانهي كل شي قداااااااااامي وبتخذ قرارات قوية وبطردهمن البيت وبقول له ما بطلع من بيتي بس انت اطلع
وااااااااااااااااااااي لا تاخذون علي يمكن خسبقت بالكلام بس والله قلبي تعباااااان ومو حاسه بطعم الحيااااة
 
وينكمممممممممممممممممممممممممممممممممممممممممممممممممممممممممممممممممممم
 
ويتنكممممممممممممممممممممممممممممممممممممممممممممممممممممممممممممممم
 
هلا ولا العدر مستعجله بس ما صدقت فتح الموقع عندي لكم احداث كثيره وموجوعه جدا دعاكم لي بالفرج وانتظركم ياحبي لكم
 
الله يكون فعونكم والله عورتوا قلبي من خيانات
ازواجكم الله يردهم لكم ويفكهم من بنات الحرام
ويسخرهم لكم ولايشوفون غيركم ياكريم
والله هالدنيا كل شي صار يخوف فيها يجيك من
يبلاك وانتي بمكانك وانا اعتقد اغلب الخيانات
موكلها من ازواجكم بنات ابليس يزينون هالشي
فنظرهم حسبي الله ونعم الوكيل فيهم الله يبلاهم
فانفسهم ان شالله:8:
 
أسأل الله ان يفرج همك وهم الجميع يارب

بإذن الله يكون تجمعنا فيه خير
وان شاء الله نكون يد وحده ونتساعد ونفكر في الحلول مع بعض
و الأهم نسعد انفسنا
 
ياحبي لكم اناتعبانه قوه قوه من زوجي يقول انتي بسجن بو غريب سافهني وتاركني انا والجدار واحد وزياده سافر وتركني شكيت لامي ويتجمل قدامه ومن وراه يورين الهوايل ربي ياخد حقي منه المشكله امي تكلمت معه بدون مايدري اني عارفه يعني كاني ماعرفت ان امي متكلمه معه المهم الي فهم من كلام امي له انه ماتبين ارجع لهم يعني اهانتني قدامه وجرحتني انا اول كنت كتومه جدا جدا الان امي عرفت عنه ولا استفدت بالعكس وخالاتي مجرد فضفضه لهم اهلي مسافرين لهم اسبوع وباقي لهم اسبوعين الله يهنيهم لا يكدر عليهم وخالاتي بعد وانا تعبت من الوحده حابسني الاسبوع الي فات بدون نت وتلفزيون وجوال وهو يطلع ويسهر ومونس عمره والحين سافر تصدقون اميس اقول مالك الادار الايتام ادا طلقتك ويقول اكرهك وما اطيق اسمع صوتك معفققققققققققققققققققققققققققققققققققققققوله كل هدا عشان رجع يكلم حبيبته الي عاش قصه حب معه وتزوجت واحد ثاني وتركته لاني لقيت رسله خطيه بورقه كاتب له مااصدق هدي نهايه حبنا وعشقنا انا الي علمني الحب مستحيل اخونه واني ماانكرجميل الي علمتني فنون الحب انامتضايقه وكلامي ملخبط بس تعبانه ونفسي مشمئزه منه ومالي خلقه ربي يهديه ويرده لي عاشق ولهان اللهم اجعلني قره عينه وبهجه عمره ودفا حياته وحبه الوحيد الله يبغضه بالحريم ويرزقه المهانه والدل منهن ترى مااحلل من تتجسس علا ملفي حسبي الله ونعم الوكيل ربي ارزقني الصبر وامسح علا قلبي باليقين
 
خيانتك سحقتني..!!

لقد وهبتك ياآنت حبا تعجز عن إعطائك إياهـ إمرآة سوآي
لقد آنفقت عليك عمري .. ولم آستكثر عليك شيئا مني
وقتي .. آعصابي .. حبي .. عطفي .. دموعي ..وحتى صحتي
وماآردت آن تخسرني آكثر ولذلك سأفارقك وآنا بكامل إرآدتي وكرآمتي !
وليس بقسوتي وآنانيتي ...؟
غفرت لك كثيراً وتحملت منك مالا تقوى على تحمله مئات آلرجال
كنت آغفر لك كأم ..!!
وكنت تعلم بي كل مره تعصني بها بأني سأغفر لك
ولكنك تماديت وتماديت وتماديت ..
متناسياً آنني في الحقيقه لست من وهنت بك ..
ولست قطعه مني ..
وليس الدمالذي يجري في عروقك هو دمي
لذلك سأرحل ..
حامله معي كرآمتي .. وجروحي .. وشموخي .. وذكرياتي

إرحـــــــــــل
فنفسي ياهذآ { آغلى منك }
لن آرهقها بعد آلآن على نوبات حزن وصرآع وتعب ووعد زآئف
ووهم وجنون وإنهيار وآحلام عاقرة
فقد قسوت عليها كثيراً وحملتها مالا تطيقه نفس بشر
فقد آبلعتها مرآرة كونك لست لها
وجــعلتها تبتسم آمام خذلانك لوعودك
وآنسيتها طعنات غدرك
وآعميتها عن زيف مشاعرك
صبرت وصبرت وصبرت
حتى قُهـــرت وغضـبت وكرهـت وحكمـت
بأن وجودك في حياتها لآيلزمها
فهي ليست بحاجة رجل مثلك لذلك
إرحل
إرحل
فقد كسرت بداخلي شي يصعب إصلاحة
وهززت عرش الثقة الذي كان متوجا في قلبي
فأخبرني كيف لي أن أعيدها..
كتبتها بعد ماتركت زوجي لكن شهرين وعدت اليه لأني احبه وتهمني سعادة طفلتاي
اود ان اعطيه فرصة اخرى بما انه اعترف بخطئة ربما يعووووود رغم اني لست على امل كبير في ذلك
ربي فوضت امري اليك ..
حسبنا الله وكفى
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل