** للمعلمات من خدمتهن فوق عشرون سنة .. مالذي يدفعك للتقاعد ؟؟؟ **

ممكن اكون بنيت بيت وخلاص مابي اتعب زيادة
 
ممكن الروتين والخوف من الملل يمسكهم في الوظيفه لان 20 سنه عمل بعدها صعبه تترك العمل وتجلس في البيت
بعد ماكبروا اولادها وممكن اتزوجواا بيصير البيت فااضي والفراغ يسبب الملل
 
AUDI قال:
اهلين مره ثانيه
لم الاحظ اني كتبت رد قبل خخخخخخخخ الكبر شين


اما كوني اقول بان دافعي للوظيفه هو الحاجه الماديه فهو لا يعني اني لا اختسب الاجر ولا اخلص في عملي يا حلاوه ....
أنقر للتوسيع...


ضحكتيني وذكرتيني بكلمة ( الكبر شين ) اي والله انه شين لكن مرحلة لابد نعيش اذا أطال الله في أعمارنا جعلها يارب في طاعته وحدة من زميلاتي دايما تقولها ...
ممتاز غاليتي كلنا بدون مبالغة في المثالية المادة احدى اهادافنا ولكن العمل اعطانا اشياء كثيرة نحمد الله عليها
 
الله يهديهن بس اللي خدمة فوق 20سنه وتعبت ولاعاد فيه طاقه ليتها تتقاعد وتعطي مجال لغيرها من الخريجات الشابات

والله استغرب معلماتي اللي درسوني وانا بالمتوسط الى الان يدرسون
وحده من المعلمات درست عمتي ماشاء الله عمتي الحين عندها 10عيال بعدين درسات عماتي الصغار وانا لحقت عليها والحين اختي اللي بالمتوسط تدرسها بعد لا وتقول لاختي ياكثركم انتم وعماتكم مسيكينه ماحنا بكثار بس هي الله لايضرها درست اجيال وشافت بنات العايلة كلهم
 
الجوهره
المفروض النظام يتغير ويصير التقاعد 20 سنه للمعلمات

 
تقاعدوا وخلونا مكانكم جد دبدوبات
واذا تقاعدتم جددوا نشاطكم وادخلوا نوادي وكونوا صداقات
تلقون الف طريقه تتسلون شوفوا الغرب الوحده اذا وصلت الستين كانها بالعشرينات من التجديد من الحياه مو مثل اللي عندنا تجلس بالوظيفه عادي لو تجي على عكازة ماعندها مشكله​
 
اختي انوثه ...

المعلمات مالهن ذنب باننا حنا ماتوظفنا ... اللوم على وزارة الخدمة هي المفروض تتكفل بخريجين الدوله وتدبر لهم وظايف...


انا معك بالتقاعد .. لكن هن معهن حق .. دام الخدمه مانتهت فلها الحق بالبقاء ...

لان اغلبهن لم تعطى حقها الوظيفي من حيث الدرجه المستحقه ... لذلك تحاول البقاء الخدمة المطلوبه حتى يكون راتبها التقاعدي جيد ...


انا ارى لو ا ن وزارة التربيه والتعليم اعطت المعلمين والمعلمات جميع الدرجات والحقوق المستحقه ... لوجدتي الكثير منهن طلبن التقاعد وارتحن في البيوت ....​
 
كلام سليم يا ولهت عليك ..

شكل الكثيرات فاهمين الموضوع غلط و يلومون المدرسات انهم ماتقاعدو !!!!!

ياناس النظام يحتاج تصحيح وصار ضروري تقديم سن التقاعد واعطاء المعلمات حقهن

يعني بعد هالعمر تحتاج المعلمه الى دخل جيد يكفل لها الحياه الكريمه ولاننسى ان الكثير منهن تعول اسرتها غير القروض الي عليها

والله الكثر منهن ودها تقعد بالبيت وبناتها الخريجات الي جالسات بالبيت ياخذون مكانها وهي ترتاح ...
 
ياليت يقاعدوووون الامهات ونآخذ مكان امهاتنا وناصصصصصصصصصصصه تصير الوظيفه بالوراثه هع
يااستاذات لاتزعلون من كلامي بس جد ليت يتقاعدون وأولهم امي نبي مكانكم خلاص مناهج تطويريه نبي نبدع انتهى زمن التباشير هع​
 
ياسلام على الانوثه والدلع !!
تبااااااااااااااشير !!!


لازعل ولا شي
حنا هدفنا واحد وهو الراحه والامان بسسسسسسسسس
 
تقاعدوا تقاعدوا تقاعدوا مع النظام الجديد في صالحكم وصالحنا خلاص ماعاد فيه خدمة فوق 31 سنه ونااااااااااصصصصصصصصصصصصصصصصصصصصصه اقوى شي​
 
أنا معلمة 24سنة خدمة ولله الحمد
أول ثلاث سنين كان التدريس بالنسبة لي ممممل ومتتتعب ,, وكثيرا ما كنت أتمنى أن أترك الوظيفة
ويوم وراء يوم أتقنت المهنة وأصبحت أحبها وكل سنة أجد نفسي أكثر عطاءا وإبداعا وأكثرإحساسا بالأمانة الملقاه على عاتقي .
وكل مافكرت في التقاعد والله لايهمني زميلات ولا خروج . مايهمني فقط أنني سافقد هذا الخير فبين يدي الآن هذا الكم الهائل من العقول المنصته لي الصافية أسكب فيها ما أشاء ..
وأعتب على من تقول تقاعدوا ..علشان البنات يتوظفون ترى الررررررزق من الله ما أحد يتحكم برزق أحد أبداااااا الرزق بيد الله وحدة والبركة بيد الله وحدة وإنتوا شايفين أحيانا الوحدة راتبها حدود 15000 و عايشة على السلف .
وبالنسبة للمناهج الجديدة مرررررررررررررة رائعة ..
​
 
تقاعدوا تقاعدوا تقاعدوا تقاعدوا
حملة التقاعد زنقة زنقة تقاعدوووووووووووووووووووووووووووووووووووا​
 
أنا بداية اعتذر إني سأدخل بالرد على موضوع لست من الفاضلات أصحاب الخبرة ..

لكن ارتباطي وثيق جدا بهن وبغيرهن من المستجدات ..

قبل أن أدلوا برأيي , لفت انتباهي ردود عجيبة : -

فمن قائلة :-

( واني والله احيانا اخاف على المعلمات من تحسب ومظلوميه او دعوه منهن


فاليتقاعدن مشكورات )

أقول لهذه الأخت الفاضلة / ما علاقة المعلمة ذات الخبرة بدعوة إحداهن وتحسبها ؟؟؟!

سبحان الله , تأكدي أن رزق الله لا يجلبه حرص حريص ولا يرده كره كاره ..

بالأخير الموظفة ذات الخبرة ما رزقت نفسها , ولا منعت الرزق عن اللي قاعدة ما توظفت

متى يصير عندنا قناعات يقينة أن الأرزاق بيد الله , ولو شاء الله لأحد برزق ليسر له الأسباب

من دون أن يفطن العبد لها !

الحين انا عندي تعليق عام لازم ننتبه له عشان نهنأ بحياتنا ونرتاح :-

لو الله رايد لوحدة فينا رزق , كان جاها من غير ما تتلهف عليه , يعني نريح أنفسنا لا نصارخ ولا تصارخون , وتبحون حلوقكم , و نناظر لغيرنا و تناظرون لغيركم , -

ويمكن الله مو كاتب لك رزق بالتدريس , لحكمة يمكن انت تغفلين عنها ..

في ناااس في التدريس ما أخلصوا لله , وضيعوا الأمانة , هذولا الناااس تتوقعين التدريس كان لهم مكسب بحت

خالي من خشية الأوزار والذنوب , ولا الواااحد - نعوذ بالله - صار بس ينظر للعائد المادي وما فكر بمسؤولية التدريس

والأمانة والبذل لصدق إعطاء الأمانة ,

أعرف بعض الأخوااات ممن تخرجن من الجامعة بأعلى مستوى

ومع ذلك , لما أحد يقولها قدمي على الديوان تقووول :- ما ودي أخاااف من أمانة التدريس , وأنا ما عندي أعصاب

أتحمل الطالبات , وووو ,,, رحم الله امرئ عرف قدر نفسه ,

والأخت اللي تقول :-

(( الله يهديهن بس اللي خدمة فوق 20سنه وتعبت ولاعاد فيه طاقه ليتها تتقاعد وتعطي مجال لغيرها من الخريجات الشابات ))

والاخت الثانية اللي تقول : (( نبي مكانكم خلاص مناهج تطويريه نبي نبدع انتهى زمن التباشير ))


أولا :- يجب أن يعلم إن الإبداع في العطاء لا يرتبط بعمر , وإلا كيف تفسرين أم بداية زواجها وهي في بداية العشرين مهملة !

مهملة في كل شيء , في بيتها وأطفالها وزوجها و....

وأخرى في نهاية الأربعين وحريصة ومتابعة ونظيفة ... وووو


وحكاية المناهج الجديدة , أعرف معلمات يشرفن ويتابعن طالبات التربية الميدانية جدد , لسه طازه ما تخرجوا بعد ,

ويمكن بعضهم تخرجوا , تقول وحدة من هؤلاء المعلمات الخبرة المشرفات عليهن :

(( أأسف لجيل يتلقى العلم على معلمات يخطئن في كتابة موضوع الدرس )) ؟!!!


ممكن معلماتنا الأوائل ذوات الخبرة ما أذكر وحدة فيهم عندها أخطاااء إملائية ,

تعالي شوفي الآن بعض الطالبات الخريجات الجدد , بس اسمعي تلاوة بعضهم في القرآن وشوفي البدع في الأخطاء الحركية والضبط اللي هي مفتاح العلم ,


هذه شلون بتأسس , وهي بنفسها يبيلهاإعادة تأسيس ؟!!

ومو وحدة لا , للأسف عدد ما يستهان به ..


أم طالبة جات تقول لمعلمة ذات خبرة ,


تقول لها : - ترى أنا بأقولك بصراااحة بنتي , وأتوقع مو بس هي , كل فصلها

ما يفهمون من طالبات الميداااني , يقولون :- نبي أبلة فلاااانة ضيعونا بالدرووووس ..


ما أدري هنا أيش نقول :-

نصفق ( جذلا وفرح ) با لكبيرة ذات الخبرة على تألق عطائها وإخلاصها وحسن اتقانها لأساسيات العلم والإملاء واحتواء الطالبات واستيعاب اهداف العملية التعليمية !

ولا نصفق ( حزنا وأسى ) على مستجدة ليس لديها المنهجية الجيدة لفهم العملية التعليمية ..


كنت منذ زمن أوؤيد الشهادة المتخصصة لأني من أصحابها , لكن مع مواقف الحياة - بفضل ربي - تعلمت ..

فقد رأيت بأم عيني من لا يملكن مؤهلات تعليمية , لكنهن على درجة من الوعي والفطنة , استطاعت أن تحتوي الطالبات وتعالج مشاكلهن ,
وحين كنت أتتبع من ( بُعد ) كتابتها , وخطها على السبورة , وتصحيحها ومتابعتها لدفاتر تلميذاتها , تراجعت عن إصراري , وأعلنتها على الملأ :
(( أني لو كنت أم لطالبة لاخترت المعلمة الخبرة المجيدة خصوصا في المرحلة الابتدائية ))


طبعا أنا ما بتكلم عن الكل , لأنه احنا الحين قاعدين نتكلم عن بشر , ما ينفع في حقهم التعميم ,

لكن أنا أتكلم عن صورة مشرقة رأيتها بأم عيني لمعلمة ذات الخبرة , وصورة بالمقابل لم تكن موفقة لمعلمة في بدايات التعيين المبدئي ...


بس يعني أنا عندي رجاااء المفروض نلتزم فيه :-

انه يكون عندنا ذوقيات حين الحوار ,


الأخت أنوثة اللي قاعدة توصف ناس بسن أمها : دبدوبات ومثل هالكلام

مين قال : إن الكبيرات كلهم دبدوبات , أجل وايش تردين على الدراسة الحالية اللي قاعدين يبحثون وراء اسباب
انتشار السمنة المفرطة عند صغار السن في بعض الدول
, بعد نقول هذا عشانهم (( خبرة وما يتحركون على الكراسي )) ؟!!


أظن في أسلوب راقي المفروض نتحاور فيه حول مشاكلنا وهمومنا ,


بالأخير :- أقول : - [[ مو كل صاحبة خبرة نشجعها تتقاعد , ومو كل مستجدة نشجعها على طلب التعيين ]]

المسألة تخضع لضوابط وشروط !!


برأيي :-

الأكفأ يستحق أن يبقى لو زادت خدمته عن أربعـــــــــــــــين سنة !!!!!!!!

اعتذر لو ازعجت إحداكن بالكلاااام لكن الحقيقة والصراحة تفقد احيانا طريقها للمجاملات !
 
عصور كلامك جميل وفيه فنون الحوار الراقي وهذا ماندعمه في هذا المنتدى


وانا اعتب ايضا على الاخت انوثه ...

كيف نقول على معلمات في ممقام امهاتنا هذا الحكي

والله ثم والله اني يوم رحت اول السنه اطلع اختي من المدرسه ...
وشافوني المعلمات انهم لموني بالاحضان وانهم ماينادوني غير يابنتي ....


وادمعت عيناي لما رايت ملامح الكبر في وجوههم ... وقلت يالله عسى منازلكم الجنه ....
 

شكرا لتعقيبك الفااااضل والرااقي أيتها المشرفة الفاضلة / ولهت عليك ,,


(( إذا فُقِـــد َ احترام الكبير , فإن بطن الأرض حينئذ ٍ خير ٌ من ظهرها ))
 
انوثه لا المسأله مالازم لها حملات


هي دورة الحياة تعليم توظيف تقاعد والارزاق بيد الله ...



عصور انا معك بكل الي قلتيه

والله شفت بمنتدى ثاني حوار بعض العضوات عن تقاعد المعلمات وكان كلامهم يخلو من الادب والذوق !!!
وما يسمونهم الا بالعجايز !!!!!
بالله كيف هذي بتربي اجيال وتعلمهم اخترام الي اكبر منهم ؟!!!!
 
الموضوع يتكلم ... عن بعض المعلمات الذين تعدين العشرين لما اختارن التقاعد

اتمنى ان وجهات النظر لاتتعدى صلب الموضوع​
 
انا ياعضوااات قلت خلاص اللي عدت خدمتها 20 سنة وش عاد تبي زياده ليه ماتتقاعد بس طمع وربي شوفوا برى بدول الخليج ماتكمل تقاعد كامل ويفسحون مجال لغيرهم تبون توصل اعماركم 70 وتروحون بعد حتى بالنظام الجزئي مو عاجبكم عشان الراتب ماتبونه ينزل وينقسم واذا رحنا نطبق عندكم ايام الجامعه انواع التهزئ والاستهتار ويقولون انتم كيف تدرسون مو واثقين بقدراتنا هذا اللي انا اشوفه بمجتمعنا واذا نوعنا بطرق التدريس قالوا لا مايفهمون الا على معلمتهم الاساسيه كله تحطيم بالجيل الجديد
اتمنى تفهمووووووني​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل