للمتـزوجات المجروحات الغافلات ...شوفي نصرة ربي لي بعد صراع دام ست سنوات

ما شاء الله حبيبتى
فى الانتظاااااااااااااااااااااااااااار
 
ما شاء الله أهنئك على صبرك وحكمتك وذكائك
حبيبتي ياريت توصفي لنا الحركات اللي سويتها له عند استقباله حتى نستفيد
ومشكورة قصتك كلها عبر ودروس جعله الله في موازين حسناتك
 
ما شاء الله عليييييييييج
الله يوفقج يااارب

في الانتضار .. لا تطولي عليينا
 
ما شاء الله عليك ............ قصتك فيها العبر والمواعظ ......... أكملي عزيزتي لعل قصتك تكون سببا في ترميم بيت آيل للسقوط ........... او زوجة أضنتها الخيانة والهجر ............ جعله الله في ميزان حسناتك ......... وحفظ زوجك وبيتك لك............... آميييييييييييييييييييين
 
قال الله يحفظ ولكن اياني واياك اشوفك راجعه هالبيت مره ثانيه الا وورقتك معك تعليق ما ابيك فاهمه
أنقر للتوسيع...
مافهمت ايش تقصدين بها الكلمتين؟؟
الله يرحم ابوك وابوي وينورلهم بقبرهم امين
ما شاء الله أهنئك على صبرك وحكمتك وذكائك
حبيبتي ياريت توصفي لنا الحركات اللي سويتها له عند استقباله حتى نستفيد
أنقر للتوسيع...
متابعينك
 
القصة مفيدة جدا ننتظر أكمالها

وتسلم أياديك التي نقلت ..


<<<<<<<< ياأخوات الأخت قالت إنها منقووووووووووولة

لاتستعجلونها يمكن صاحبة القصة تكتبها على أجزااء
 
قصتك أبكتني وأثرت فيني
ولعل في تكملتها مايثلج صدري ويفرحني
أكملي حبيبتي نحن في أنتضارك
 
قرأت هذه القصه في منتدى اخر قبل ان اعرف مملكة بلقيس وتأثرت بها..


واعدت قرائتها اليوم


احسست اليوم ان الاستشاريه التي حكت عنها هي الاستاذه ناعمه الهاشمي..


هل تؤيدونني؟؟؟؟؟؟؟؟؟؟؟؟؟؟؟؟
 
وينك منتظررررررررره بفاااااارغ الصبر اختي لاتلطعينا عاااااد
 
قصة رائعه جدا

ماشاء الله عليك اختي كنتي صابرة وحكيمه الله يثيتك ويسخر لك زوجك

الله يسخر لي زوجي ويردة لي ويبعد اهلة عنا


احسست اليوم ان الاستشاريه التي حكت عنها هي الاستاذه ناعمه الهاشمي..


هل تؤيدونني؟؟؟؟؟؟؟؟؟؟؟؟؟؟؟؟
أنقر للتوسيع...

اتوقع انها الاستاذة ناعمه ..

متايعينك حبيبتي لا تأخرين
 
اه يا قلبي .. فديتج والله اني فرحت باخر جزء .. والحمد الله انه نصرج واحلى احلى شي .. ان ريلج بروز الصورة

كانه بدا يحس ويهتم .. الله يوفقج الغالية ونتريا الاجزاء الياية
 
السحر الحلال قال:
مافهمت ايش تقصدين بها الكلمتين؟؟
الله يرحم ابوك وابوي وينورلهم بقبرهم امين

متابعينك
أنقر للتوسيع...
اول شي قصة منقولة
بعدين ابوها يقول لاترجعين بيت مرة ثانية الا ورقة طلاقك معك
معلقة لا
 
التعديل الأخير:
(9)
رجع زوجي من برا وكان منهك
قلت سلامات شوفيك وكان بيده رمل وبملابسه
قال جهزي لي شئ اكله وقولي للخدامه تجهز ملابسنا بنروح بيت اهلي
قلبي دق شكلي زوجي كان يخوف من التعب والانهاك رحت وراه
قلت شوفيك صاير شئ
قال خليني في حالي الحين
عورتني ركبي من الخوف
سويت لي اكل وانا ارتجف ما ادري شو الحاصل جهزنا اغراضنا وسمعته لما سكر باب غرفته
رحت له لقيته يصلي ويبكي
قلت هذا اكيد مسوي مصيبه اليوم خلص صلاته
قلت شو صاير شو اللي حصل طمني
ما قدر يتكلم وراح للمجلس وحاط وجهه بين كفوفه
رحت سحبت يده بقوه شو فيــــــــــك حرقة اعصابي سوت شئ قتلت احد؟!! احد من اهلنا صار له شئ
قال ابــوي مات
عمي الله يرحمه ابو زوجي اعظم رجل عرفته بحياتي صديق ابوي والسبب الرئيسي الي خلى ابوي يوافق على زواجي من ولده ولا نحن بنات ما يطلعونا ابدااا خارج القبيله
عمي الله يرحم انسان حنون جدا وحكيم ليت زوجي جاب ظفره لكن للاسف ولا طبع اخذه الا طبع الزواج الله يغفر له ويرحمه
رحنا لبيت اهل زوجي وجلست شهر مع ام زوجي نسيت كل اللي سوته فيني وقلت الحين ظرف يبان فيه الصديق ولازم اثبت وجودي
صح عمي ما كان انسان موذي بالعكس انسان حليم وصبور ومحترم الله يغفر له ويرحمه ويرحم اموات المسلمين ...
بعد شهر قالت ام زوجي لزوجي الحين انت تشوف الوضع وكيف حالنا ونحن نبيك تسكن معنا اخوانك صغار ...
جاني وقال هذا كلام امي وانا اشوف امي محتاجه لي شو رايك
قلت انت تدري انه رجوعنا بيسبب مشاكل نحن بغنا عنها وبعدين اخوانك كبار اصغر واحد عمره 16 سنه واخوانك 2 متزوجين وعندهم بالبيت ...
شاف ما في فايده مني راح لابوي الله يرحمه
قال بنتي روحي مع زوجك ارضيه نفسيته تعبانه وما يحتاج تكونين قاسيه معه ...
قلت امرك يا ابوي ورحت اخذت اغراضي ورجعت لبيت اهل زوجي وما كملت اسبوعين الا ام زوجي الله يسامحها كشرت عن انيابها وبدأت تضايقني بالكلام وتلمح اني اخذت ولدها وحرمته منها
طنشتها وشوي شوي رجعت المشاكل مره ثانيه لكن الي رحمني اني كنت مضيعه وقتي بالمدرسه المهم بدا العام الدراسي ودخلت اول ثانوي
وهنيه صار التحدي الكبير لاثبات وجودي
لانه ولدي دخل اول روضه وكنت ابي اتفرغ لتدريسه
وثاني الحال انا حامل
والثالث ام زوجي الله يسامحها ابدعت باصناف العذاب
اول شئ سوته طفشت خدامتي مني قلت عادي انا اقدر اخدم عيالي والبيت اصلن فيه خداماتهم على التنظيف بيساعدوني لكن هذا تمنى وكلام
اصدرت مرسومها انه ولا خدامه تدخل قسمي انا بالذات ما بين حريم العيال نهائيا
طنشت قلت عادي اتصلت بمدرستي الحبيبه واستشرتها
قالت حولي لنظام الصباحي احسن لك
قالت الصبح تطلعين ولما والعصر تكونين متفرغه لتدريس ولدك
قلت لكن انا عندي ولد وبنت ما دري من بيهتم فيهم
قالت خليهم عند امك وهذا الي صار ورجعت حياتي التهيت بعيالي ودراستي
وهم ام زوجي اللي سوت بعد قرار جديد على كل وحده من حريم العيال دور للطبيخ وبما اني ادرس اخذ العشى يوميا وهن يتناوبن الغداء كل يوم وحده
شوفوا العدل بس قلت اوكيه المهم افتك من حشرتها ولو تدرون نظامي كيف كان
الصبح انزل اسوي الفطور لي ولعيالي ولزوجي وانا طالعه اودي عيالي لامي واروح لمدرستي وارجع اشيلهم والحق ارتب شويه واحط الغداء يرجع زوجي وولدي يتغدون
احاول اريح جسمي بس النوم مستحيل وانا عندي طفلين صغار يبون رعايه
والعصريه اذاكر لولدي اول شئ وبعدها ارتبهم وانزلهم يلعبون
ارتب غرفي واجلس اذاكر للمغرب
اخذ عيالي سبوح عشا نوم
على عشره يجي زوجي يتعشا وينام زوجي
ما كان يطلع لكن كان يروح بغرفة اخوانه يطالع معهم التلفزيون
ينزل من العصر ما اشوفه الا قبل النوم طبعا
هالنظام خلى حليمه ترد لعادتها القديمه
شوفوا مع اني كنت اضغط على نفسي
البس
اتنزين
ارتب البيت
واتعدل واسوي كل الي يريحه ويفكني من الكلام
ولكن زوجي العزيز قرر انه يتزوج هالكلام وصلني عن طريق اخته جاتني تركض الحقي زوجك بيتزوج
قلت لها بالبركه ورحت
قالت تراني ما امزح
قلت بذمتك شو تبيني اسوي له يعني اربطه ولا امنعه
انا شفت رجاجيل مثل اخوك ما شفت
يعني انا اكرف ليل مع نهار وهو ولا حاس غير كذا مهتمه له ومنظفه بيته وعياله ومتزينه ومتعدله برغم اني بالشهر التاسع وهو يقول بيتزوج يا اختي يتزوج خلاص مليت منه مليت ورحت ابكي بفراشي
قلت شو اللي بقى وما سويته له
تغيير وتغييرت من انسانه همجيه لنعومه ...
انسانه ما تفهم باللبس صرت البس ...
لوحده مش مكمله تعليمها وكملت ...
وعيالي ومهتمه بهم وبيتي ومهتمه وهو هذا انا اتزين واترتب واسوي كل الي اقدر عليه شو الي باقي ودي افهم ...
قلت بعلم ابوي عليه وبعدين قلت لا مابي اضايقه على مشاكل تافهه احسن احلها بروحي ...
فكرت اتصل باختي
قلت لا اختي هي بعد بشهرها وما ابيها تضايق نفسها وتتعب
فضلت اني اسكت واسوي نفسي ما اعرف عن السالفه واطنش واشوف نهايتها ...
المهم حانت ساعة الصفر وعلامات الولاده بينت فيني
كان المسا اول علامه شفتها
قلت بصبر اخاف اتورط بعمليه ثانيه
جلست بالبيت التوى من المسا الين الساعه تسع الصبح ولا حد داري
اتصلت فيه قلت انا تعبانه
قال انتظريني ساعتين وبرجع
عصبت قلت تبيني اولد بالبيت
قال انتي ولادتك مرض الله يمرضك وسبني وسكر بوجهي التيلفون
جلست نص ساعه ما اقدرت اصبر
اتصلت فيه
رد علي قال جاي جاي وسكر للمره الثانيه
قلت الله موجود وما ربك بظلام للعبيد
وصل الحبيب الا وانا خلاص تعبانه تعب خيالي دخل وهو معصب يلا جهزي نفسك
قلت جاهزه
اسبقيني للسياره بجيك رحت للسياره وانا ادعي ربي سترك ما اولد بالسياره بس
قال بتمرين لامك
قلت ما في وقت
جلس يهز راسه مستهزيء بكلامي
قال تصدقين انتي نحيسه حتى بولادتك
سكتت عنه وجلس يتكلم ويتكلم وانا التوى من الالم
صرخت بوجهه قلت شوف لا تخلي ارفع يدي وادعي عليك ربي وانا بهذا الوضع الي فيني وانا انسانه مظلومه وانظلمت وانت متاكد اني مظلومه وانت تعرف رد ربك على دعوت المظلوم اسكت ووفر كلامك ويصير خير بعد الولاده
وصلت للمستشفى ودخلت اسابق الريح نسيت الالم لاني خلاص على وشك وما ابي اولد بالشارع
اول ما دخلت مسكت يد الممرضه
قالت فايل مدام
قلت لها خلاص تعبانه دخلتني للغرفه علشان تشوف ولاده والمسكينه ما لحقت تلبس القفاز الا وانا ولاده والحمد لله بدون عمليه .
نص ساعه وحولوني لغرفة بالعنبر
جا زوجي وهو ما يدري شو يقول مستحي من اسلوبه
قال ما كنت ادري انك تعبانه
قلت يكفي اني ادري
وطلعت بعد ما اخذت اسبوعين بالمستشفى
*** يتبع إن شاءالله ***​
 
(10)
طلعت من المستشفى تعبانه وامي طبعا جاتني زياره وراحت ما تقدر تجلس ببيت عمتي فيه ..
قلت لزوجي ابي خدامه
قال البيت فيه ثلاث خدامات
قلت اوكي هات وحده منهن تجلس اربع وعشرين ساعه تحت خدمتي لحد ما اقوم من فراشي
قال متى تحتاجينهم اطلبي الي تبينها من ماسكك
قلت امك ... مانعه خدامتها يدخلن قسمي وانت تدري ماله داعي كثرة الكلام واسمع ما دامني محترمتك احترمني ...
قال احترمتيني بشو بذمتك قال لي ما يكفي اني صابر عليك
قلت صابر علي ؟!! بشو صابر يالصبور
قال خلاص فكينا من الكلام شغاله وبنجيب لك
وطلع كلامه رن باذني ولثاني مره اسمع منه كلمه تسوي رنين باذني
صابر عليك صوت صدى براسي والله من قوتها ...
قلت اكيد في خلل بالموضوع يا أنا مو صاحيه يا هو الي مجنون
عشرة ايام وجات الشغاله جابها عندي فوق وقال هذي المدام
علمتها على نظامي وكيف تهتم لنتي كملت شهر رجعت لدراستي
وقلت ما دامني ما فلحت مع زوجي خليني اعوض على نفسي بدراستي ابرك لي
ورجعنا انا وزوجي نفس الشئ ولنفس الحاله وخطب زوجي بالفعل وحده امه اختارتها له وتمت مراسيم الخطبه وانا مطنشه تبون الصدق امثل اني مطنشه ولا قلبي يحترق ويغلي من النيران الي فيه ...
اتصل فيني رحمة الله عليه يطمن على حالي بعد ما درى بالموضوع
قال هاه كيف حال القلب
قلت الحمد لله على كل حال قدر الله وما شاء فعل
قال هذي هي تربية يدي الي ببفتخر فيها
كذا ابيك بنات العرب يتعادلون ولو اني ما سويتها لامك
ضحكة
قلت وليش ما سويتها
قال ما تهون علي بنت عمي
قلت الحمد لله انت قدرت بنت عمك وانا يعوضني الله بصبري بعيالي
قال ويخلي لك ابوهم
قلت امين
قال اقولك فيه خير صدقيني بس انتي لليوم يا بنتي ما مسكتي مفتاح قلبه ...
قلت والله ما خليت شئ يابوي انت تشوف تغيري الي مسوته له
قال هذا الي سويتيه لنفسك وبس
تلبسين فهو لك تتزينين بعد لك تتعطرين برضوا لك <<ياعمري على كلمة برضوا لما تطلع منه تشق القلب من حلاتها
قلت وهذي الاشياء تجذبه
بس الرجال يبي حرمه
قلت وانا شو بالله عليك مو حرمه
قال اسالي نفسك
قلت فهمني
قال ما راح افهمك شئ انتي فكري وشوفي شو اقصد ...
وسكر عني الله يرحمه ...
وقمت وقفت قدام المرايه شككني بنفسي جلست احوس وافكر وابي اوصل لسالفة الرجال يبي حرمه كيف يعني حرمه
كيــــــــــــــــــــــــــــــــــــــــــــــــ ـــف ...
وما عرفت الاجابه وخليت هالكلمه بقلبي وكنت كل ما اقراء شئ ادور معنى كلمة حرمه <<< جالسه تكتب وتضحك على نفسها وتفكيرها
المهم ي اعزيزاتي خلصنا الاول ثانوي على خير وبتوفيق من الله والحمد لله كانت النتيجه احسن من الي قبلها ...
زوجي في هذيك الفتره ما كان معترف بي نهائيا ولا تسالوني كيف تحملتي
تحملت وخلاص واهم سبب اني ما ارجع لبيت ابوي الا وانا مطلقه وكيف اطلب الطلاق وانا لي اربع اطفال
ولا ابشركم خلصت الاول ثانوي وبنتي عمرها شهرين ونص وحملت بالخامسه يعني ثتبتت مضبوط وما في فكه من زوجي ...
في الاجازه طلبت من زوجي ياخذني للعمره
قال خليها الصيف الجاي
قلت ليش
قال ما تدرين هالصيف وراي عرس
قلت اهاا <<< ما كانت كلمه قالها كانه جاب كوايه ومرره على صدري من قوه الكلمه دموعي نزلت من حرارة قلبي
رحت توجهت لربي يا رب خفف علي نار الغيره ما اقدر على اني اتحمل اكثر يا رب ....
جلست بقسمي وعند عيالي وعندي الكمبيوتر
كل مره اقراء موضوع ومن موقع لموقع
قريت مواضيع كثيره واستفدت فايده عظيمه من نصائح البنات جزاهم الله الف خير وبينما انا غرقانه اتصفح
شويه واسمع دق باب غرفتي
قلت تفضل والا اشوف عمتي جايه استغربت دخولها لقسمي والابتسامه شاقه وجهها
قلت هلا عمه
قالت انزلي تحت ضرتك تحت ...
قلت اوكي بلبس وبنزل
قالت لا تتزينن كثير علشان ما تغار منك
هههههه ضحكتني
قال حاضر
قلت شو فيها عمتي تستهبل علي شو تغار مني المفروض انا الي اغار مو هي
المهم نزلت لتحت دخلت لمجلس الحريم سلمت على الحريم
قلت اكيد العروس راحت عند اخوات زوجي يمشونها بالبيت جلست
قالت عمي هذي زوجة فلان ولدي
قالوا كيف حالك
قلت طيبه الحمد لله وقامت عمتي تعرفني عليهم وحده وحده الين قالت هذي فلانه طالعة فيها ابتسمت لها
سبحان الله شئ مثل الصاروخ دخل بقلبي لما شفتها
هالصاروخ كان منظف نظف قلبي من الغيره ما دري ليش ارتحت لها
قلت لها كيف حالك
قالت تمام وشوي جات الخدامه تقول البيبي مدام واستأذنت منهم ورحت لبنتي نص ساعه وجاتني العروس فوق
قالت ممكن ادخل
قلت تفضلي جات البنت وجلست معي ما تدري شو تقول
قلت لها تكلمي ليش محتاره
قالت ادري انك حزينه لانه زوجك بيتزوجني
قلت لها لا
طالعتني
قالت لا
قلت ايوه
قالت بس انا سمعت انك عارضتي زواجنا
قلت من قالك ؟!
قالت سمعت وخلاص
قلت اشاعه انا انسانه مؤمنه والزواج قسمه ونصيب ولو لك نصيب مع زوجي ربي بيتممه عليكم
قالت ما توقعتك انسانه طيبه
قلت ليش وصلتك اشاعه بااني شريره
قالت سمعت كلام بس فلان يقول ما فيه مثلك في هالدنيا حرمه وانا سالته ما دام ما في مثلها حرمه ليش تتزوج عليها
قال خليني احتفظ بالسبب لنفسي
ابتسمت لها وقلت لا تسائلين كثير احسن لك عيشي حياتك ...
وراحت المسكينه من عندي ...
حسيت انها مجبره على الزواج من نظرتها الحزينه ...

وكان هذاك اليوم اخر يوم اشوف فيه وجهها الين سمعت عن وفاة ابوها
رحت عزيتهم
مسكتني على طرق
قالت بطلبك طلب ممكن
قلت امري
قالت علمي فلان اني ما ابيه
طالعتها
قلت اسفه لا تحرجيني بالموضوع ورحت لبيتي ما دري افرح ولا احزن لكن قلت الحمد لله ...
هي ما تكلمت بالموضوع مع احد وانتظرت امها الين تخلص عدتها
كنت انا هذيك الساعه في الشهر السابع بحملي وكان المفروض اكمل دراستي لكن لا الظرف الصحي ولا النفسي ساعدني ففضلت اهتم ببنتي الصغيره وبحملي وبعدها خير ...

المهم ولدت على بنتي وبعد ما خلصت الاربعين سمعت خبر فسخ الملكه من اخت زوجي هي نفسها الي زفت لي الخبر وبنفس الشهر تزوج اخو زوجي على زوجته
تبون الصدق انصدمت بزواج اخو زوجي على زوجته واصلن الكل انصدم بزواجه وجاتني زوجته تدق بابي بقوه وتقول الله يخليك سامحيني بس خلاص ما اقدر اتحمل اكثر يكفيني اللي صار لي
قلت لها سلامات شو فيك يا بنت الحلال
قالت لي اوعديني تسامحيني اول شئ
قلت لها اوعدك ....
انا اختصرت لكم الاحداث كلها علشان اخلصكم واخلص لانه وراي سفره بكره ...
باقي اخر جزء بالسالفه وهو اهم جزء ...

*** يتبع إن شاءالله ***​
 
الغالي::ة قال:
عزيزتي كلامك كله دروس وعبر
وبصراحه عندي نفس الحاله وانا ودي اعرف اشلون اطنشه واحسسه اني مو مهتمه له بالمرة

وقاعده احاول احسسه بهذي الاشياء بس بسرعه اضعف بس اشوفه قاعد متضايق لازم اسئله اشفيك ؟؟ محتاج شئ؟؟
تعبان ؟؟وهذا الطبع الخطأ الي فيني!!!!

ودي اعرف اطنش يا ناس ، وانا الحين ب>ات اذكر نفسي اكثر من اول وماراح اشيل هم احد الا انا وبس ؟؟

متابعينج عزيزتي
أنقر للتوسيع...
اول شي في امور تطنش في امور لا
لما تسالي زوجك بلعكس هذا شي حلو انا مؤيد على هذا الشي هذا مو ضعف بلعكس قوة
اختي مو كل موضوع يقراء نعمل مثله
اجلسي معا نفسك وشوفي ايش نوعية زوجك
مثل انا
من الناس الي احب اهتم بزوجي كثير اكثر من اطفالي
اوقف عند الباب لما يخرج لما يرجع
زوجي مايحب كذا يزعل بس كنت اطنش عارفة ليش مهم كان راح يتذكر لو يوم ابعد
ماكنت اسمع كلام الناس
حاولي تدرسي شخصية زوجك
بعض رجال لو تجري وراها تاكلي تراب وسب
واذا طنشتي يجري هو ياكلك العسل ودلع
مرة في واحدة تشتكي من زوجها
ايش قالت لها واحدة
قالت كانت اختي كذا لبس ودلع
كل مايشوفها تلبس ليش تلبسي مايخليها تجلس عند اهلها بس سب وشتم كانها شغالة
ومرة من المرات يجي اصحابة وتعمل سفرة من الاكل
ولما خرجوا وهي تقول كيف الاكل عجب اصحابك .ايش عمل تف على وجهة قالها تريد اصحابي يعجب فيك
جلست تبكي وقالت اختة .قالت اختة طنشي ولا تلبس الانادر ولا تاخذ راي ولا كان موجود
وتقول صح والان يبحث عن الرضا ويدلعة
بس زوجك من اي نوع
اعملي تجارب مثلي خليهم مثل الفيران خخ انا كذا كل مرة استخدام طريقة
اخر طريقة كانت لبس واهتم بس اطنش
زوجي يحب السهر خليت على راحتة
 
التعديل الأخير:
يجب تسجيل الدخول أو التسجيل كي تتمكن من الرد هنا.
عودة
أعلى أسفل