للشفايف (فازلين & كركديه) اللي تفكر تجربه تقرا تجربتي

[قوية الساس]

السلام عليكم بلقيسات

انا قريت في اكثر من منتدى عن خلطة الفازلين و الكركديه
و الخلطه هي انج تاخذين اوراق الكركديه بالكميه اللي تبينها و تفورينها مع الماي لين ما يصير لون الماي احمممر غاامق على الماروون
بعدها تاخذين الماي الاحمر هذا و تخلطينه مع الفازلين و تستخدمينه كمرطب عادي لشفايفج و تصيير ورديه بعد فتره
و انا سويتها و حطيت الخلطه في علبه مغلقه و كنت استعملها عادي و انشغلت ايام و نسيت الخلطه .. اليوم رجعتلها و يوم فتحت العلبه شفت مثل نقط سوودا على الخلطه :surrender: شي اشبه للعفن يعني مثل الخبز يوم يعفن يكوون علييه مثل نقط سودا

مادري من شوو بصراحه خفت ارجع استخدمه و فرييت العلبه خلاص و حبييت اخبركم للاحتياط

:icon26: سلامي وحبي :icon26:

 

[رائدة التميز]

فازلين وكركديه !!!!!!!!!!

من وين بيجي العفن

مشكوووووووووره حبيبتي على إفادتنا بتجربتك

 

[حبي هلي]

صار معي نفس الشيء

 

[هموسهـ]

الكركديه ...!!


اللي اعرفه دم الغزال هو الـ OK بس شكلو الكركديه نفس المفعول

 

[ام ريما&&]

اكيد بيعفن لانه فيه ماء والرطوبة على طول تجيب العفن

 

[كلكوليت]

طيب انا عندي لك طريقه احسن وماتعفن
حطي فازلين ودم الغزال

 

[يار]

بجربها ان شاء الله تصلح على المناكق الثانيه لانها طبيعيه

خخخخخخخخخخخخخخخخخخخخخخخ صح

 

[ظمآ عاشق]

الاكيد العفن من المويه لانك غليتيها فيها ومع الرطوبه تعفن ..
انا عملت مثل خلطتك
بالكركديه لكن بدون غلي

يعني طحنته مرررره ناعم
وحطيت ملعقة فازلين ونصف ملعقة فكس وعصره شوي ليمون
وخلطتهم ولاجآها عفن ابد
واستخدمها روعه بصراحه
تورد الشفايف وتخليها ناعمه بدون قشور..:icon26:

وقد حطيت بدل الكركديه ورد جوري
جففته ونعمته وحطيته
جنآآآآن صار اللون معي
والكل سألني عنها :icon30:

حبيت افيدك
موفقه ياقلبي