بالفعل هذا هو شعاري الأبدي .. بعد ماكان وزني (في الماضي طبعاً) ما ينزل عن 80 كيلو .. بفعل الماء على الريق حوالي ليتر ونص .. وماكنت متعمدة .. بس جت بظروفها الحركة .. والله العظيم يابنات ان وزني بعد مرور سنة بالضبط على بداية شربي للماي 16 كيلو .. وبشكل صحي .. يعني ما أمنع نفسي من الأكل .. كل شي آكل .. ما أخلي شي ..
بس بطريقة مرتبة وايد .. وصحية وآمنة .. بخبركم تجربتي اللي كانت من دون قصد مني .. بس متى لاحظت الموضوع هذا .. تقريباً بعد 6 أشهر وبديت أراقب نفسي وأسوي تجارب على عمري من دون ما أخبر حد عليها إلى أن أتأكد من الموضوع ...!
أولاً: على الريق كنت أشرب من ليتر إلى ليتر ونص ماي فاتر .. يعني مب بارد وايد ولا دافي .. وسط .. وآكل وجبة الريوق (الافطار) عادية جداً اللي تاكلينه كل يوم ..
ثانياً: قبل وجبة الغداء (بنص ساعة) كنت أشرب بين كوبين إلى ثلاثة أكواب ماي .. ويوم ايي وقت الغداء كنت أحس بالشبع .. وآكل أي شي موجود قدامي من رز أو لحم أو دياي .. بس بتكون بكمية بسيطة بسبب الشبع اللي حسيت فيه قبلها ..
ثالثاً: أثناء الأكل ما كنت أحط ولا قطرة ماي في حلجي .. يعني ما أشرب وأبتعد نهائياً عنه لأنه معروف عن الماي أثناء الأكل إنه يسبب انتفاخ في البطن .. وغير صحي أبداً .. وبعد الأكل بساعتين كنت أبدأ أشرب الماي ..
يعني تمتنعين عن الماي أثناء الأكل وبعده بساعتين ...
رابعاً: في العشاء نفس الشي .. قبل الأكل بنص ساعة وأثناء الأكل أمتنع عنه وبعده بساعتين أستأنف شرب الماي..
بعدها بديت أسوي بحوثي الخاصة عن فوائد الماي .. ولقيت أكثر عن موضوع طبي في الإنترنت من غير اني سألت دكتورة تغذية عن الموضوع هذا وكلهم بدون استثناء قالوا نفس الكلام وإنه صحي ..
مميزات الماي:
أولاً: مدر للبول .. ويقوي عضلة المثانة البولية ..
ثانياً: واقي من أمراض السكر ..
ثالثاً: حارق للدهون بطريقة مش طبيعية ولا حد يتخيلها ..
رابعاً: يعطي البشرة نظارة بسبب أجواءنا في الدول الخليجية .. وانتوا سيد العارفين كيف جونا في الخليج الحرارة العالية والرطوبة في بعض الأماكن ..
خامساً: يصفي الجسم من الميكروبات بخروجها من الجهاز البولي ..
سادساً: يعوض العرق اللي يطلع مننا ويمد الجسم بالأوكسجين اللازم بسبب احتوائه على الاوكسجين والهيدروجين H2O
سابعاً: متوافر في مكان وفي كل زمان .. وما يكلف شي ..
هذا من الناحية الطبية .. ولا ننسى الآية (وجعلنا من الماء كل شيء حي) ..
بس بطريقة مرتبة وايد .. وصحية وآمنة .. بخبركم تجربتي اللي كانت من دون قصد مني .. بس متى لاحظت الموضوع هذا .. تقريباً بعد 6 أشهر وبديت أراقب نفسي وأسوي تجارب على عمري من دون ما أخبر حد عليها إلى أن أتأكد من الموضوع ...!
أولاً: على الريق كنت أشرب من ليتر إلى ليتر ونص ماي فاتر .. يعني مب بارد وايد ولا دافي .. وسط .. وآكل وجبة الريوق (الافطار) عادية جداً اللي تاكلينه كل يوم ..
ثانياً: قبل وجبة الغداء (بنص ساعة) كنت أشرب بين كوبين إلى ثلاثة أكواب ماي .. ويوم ايي وقت الغداء كنت أحس بالشبع .. وآكل أي شي موجود قدامي من رز أو لحم أو دياي .. بس بتكون بكمية بسيطة بسبب الشبع اللي حسيت فيه قبلها ..
ثالثاً: أثناء الأكل ما كنت أحط ولا قطرة ماي في حلجي .. يعني ما أشرب وأبتعد نهائياً عنه لأنه معروف عن الماي أثناء الأكل إنه يسبب انتفاخ في البطن .. وغير صحي أبداً .. وبعد الأكل بساعتين كنت أبدأ أشرب الماي ..
يعني تمتنعين عن الماي أثناء الأكل وبعده بساعتين ...
رابعاً: في العشاء نفس الشي .. قبل الأكل بنص ساعة وأثناء الأكل أمتنع عنه وبعده بساعتين أستأنف شرب الماي..
بعدها بديت أسوي بحوثي الخاصة عن فوائد الماي .. ولقيت أكثر عن موضوع طبي في الإنترنت من غير اني سألت دكتورة تغذية عن الموضوع هذا وكلهم بدون استثناء قالوا نفس الكلام وإنه صحي ..
مميزات الماي:
أولاً: مدر للبول .. ويقوي عضلة المثانة البولية ..
ثانياً: واقي من أمراض السكر ..
ثالثاً: حارق للدهون بطريقة مش طبيعية ولا حد يتخيلها ..
رابعاً: يعطي البشرة نظارة بسبب أجواءنا في الدول الخليجية .. وانتوا سيد العارفين كيف جونا في الخليج الحرارة العالية والرطوبة في بعض الأماكن ..
خامساً: يصفي الجسم من الميكروبات بخروجها من الجهاز البولي ..
سادساً: يعوض العرق اللي يطلع مننا ويمد الجسم بالأوكسجين اللازم بسبب احتوائه على الاوكسجين والهيدروجين H2O
سابعاً: متوافر في مكان وفي كل زمان .. وما يكلف شي ..
هذا من الناحية الطبية .. ولا ننسى الآية (وجعلنا من الماء كل شيء حي) ..
