هااااااي اخباركم
انا طالبه جديده مالقيت مدرسه تستقبلني بحكم الدافورات زادوو هالايام ,,,, <من جنبها والله
وقلت اكيد لي مكان عندكم وانا داخله داخله لو اتخلوني انتساب راضيه مو مشكله ,,<احب العلم
ومشان اتشوفيني شاطره يا ابله عندي سؤال ,, <موطالبه علم جايه اتضارب !!!!!!!!؟؟
انا لي فتره بسيطه من اكلمه وهو يسال وانا اجاوب <حشى قلبتها تحقيق <,,
او هو الي يتكلم بس وساعات يتنرفز يسال ليش اسكت وكلامي قليل ,,وانا نفسي اهرج كثير معاه ,,بس بجد انا دايم كلامي قليل
بس اخاف اتكلم كثير معاه ويمسك على كلامي وانا ما احب احد يمسك علي شي او اقول شي ويفهمني غلاط ,,ومدري كثير قالو لي لا خلي كلامك قليل مو اي شي اقوله ,, لان في البدايه صارت لي معاه كنت بتكلم معاه عن اشياء عاديه يعني عن جوالي واني ان شاء الله بغيره وهو عاد سال قال ايش ناويه قلت لسى افكر وبعدها بكم يوم سال ايش الجوال الي تبغينه على اساس انه فهم اني انا كان قصدي من الكلام هذا كله ابغاه ايجيب لي وانا ابداا ما جاء في بالي انه يفكر كذا
قلت له ليش يعني مشان قلت لك عن تغيير جوالي ,, انا خلاص الجوال مو ضروري عندي بجيبه في وقت ثاني شكرا ما ابغى ,,, وانا صراحه بجد ما ابغى منه ولا شي في الوقت هذا لان ساعات بطفش منه مدري ليش وايش اسوي ,, هو كمان طنشني بدايه الملكه جلس اسبوع ووكم يوم ولا اتصل ولا سال لا والي اخذ رقمي امه ,, وبعد ما اخذت امه رقمي اتصل بعدها بكم يوم ,,واتصل بس مشان ايقولي ابغى اجيك بش اشوفك لاني صراحه لو تساليني عن شكلك بالشبكه ما اعطيك قد الشعره ناسي شكلك ..
والمعنى ابوي قاله تبغى اتشوف اهلين تعال بس هو رفض
,,وبعد ما جاء ايشوفني ما جاء بعدها بس يتصل وانا احيان صرت بطنشه ما اكلمه
ويبغى يجيني مره ثانيه وايش ايقولي كمان ابغى واحد من اخوانك يجلس معانا مشان ايحرك الجوء ,, نفسي لا جاء امسك راسه وبلجدر اطلع الهبل الي فيه ,,
وانا ابغى أأخر جيته والله احس اني بديت اكرهه
واسف طولت عليك ,, وياليت مثل ما قالت كلي انوثه اتكلمي عن فتره الملكه كثير ,,,,وشكراا
