لكل من يعاني مشكلة نفسية سواء فيه او في المحيطين به دخول للاهمية

الحالة
مغلق و غير مفتوح للمزيد من الردود.
شكرا دكتوره على هذي المساعدة الله يجعلها في موازين حسناتك
والله مشكلتي في الوسواس القهري في امور الدين في الوضوء والصلاةاحيانا تعاد اكثر من مرهاحس اني نسيت البسمله او ان اغسل وجهي او ان اقرى سورة الفاتحة
وحتى الصيام اذا شممت رائحة عطر قوية او بخور العود احس ان صيامي فسد وعلي قضاءه
ارجو الردلاني تعبت من حالتي
ولكي مني خالص الدعوات
 
هلا وغلا

أختي الأستاذه شيماء لك جزيل الشكر
أنا أعاني من الوسواس كل فتره تمسكني حاله وسوسه على مواضيع مختلفه وآخرها على ولدي
ولدي عمره سنه وخمسه أشهر وأشوفه قدراته أقل من الأطفال الذين بعمره أو أقل
أخاف عليه كتير ذهبت به إلى عدت أطباء كلهم أكدولي بأنهم لا يرون شيء خطأ بإبني وقالولي بأن إبني مازال صغير لكن أضل قلقانه عليه بسبب تأخر الكلام وأحس إدراكه أقل من ذويه ولا يشير للشيء الذي يريده
المشكله بأنني عندما أذهب عند صديقاتي أرى إبني شخصيه مختلفه غير عن التي بالبيت فهو يصير يقلد الأولاد ويغار ؟؟ أول مره أعرف إبني يغار ولا يرضى بإني أحمل طفل آخر وكذلك يضرب لو أحد آذاه مع العلم أنا ولا أبوه نضربه أو يرى أحد آخر يضرب ولكن بالبيت تعود شخصيته الهادئه فهو بكري ولا يوجد غيره
صديقاتي جميعهن قالوا لي إبنك طبيعي جدا وإني أتركه ليكمل سنتين ذهبت به إلى طبيب نفسي قالي إبنك طبيعي وإني أحتاج أنا إلى علاج نفسي وأعطاني دواء لتهدئتي
صراحه عندي اخ توحدي وشبح أخوي دائما أمامي وأخاف جدا
نزل وزني 5 كيلو بالشهر الواحد ولا أنام ودائما أبكي وصرت لا أخرج ولا أتكلم مع أحد وصرت أنعزل عن الناس وبدأت بالدواء منذ أسبوع وقال لي الطبيب مع الأيام تهدئي وقال لي بأن نفسيتي التعبانه تنعكس على نفسيه إبني لذلك أرى إبني غير
 
السلام عليكم غاليتي

انا نفسي تعلميني كيف اتعامل مع اختي فالمرحله المتوسطه

لان تصرفاتها اتعبتني لدرجة انها تبكيني انا اكبر منها بعشر سنوات

لان هي بمجرد ماكلمها او انصحها او شي تبكي ع طول وماابغى

شخصيتها تنهز مع انها اجتماعية بشكل موطبيعي وهي طيبه جدا

ولكن عندها تصرفات فاغلب الاحيان تتهزا بسببها وانا ماابغى

اي احد يجرحها او يهزاها وخصوصا انها فبداية فترة

النضوج والمراهقه

اتمنى سؤالي يتناسب مع طرحك لموضوعك

ولك جزيل الشكر ياغاليتي
 
السلام عليكم دكتورة شيماء
مشكلتي هي شعوري تجاه والدتي ، أحس اني ما أحبها وعندي حزن عمييييق من أثر المعاملة السيئة اللي عاملتنا بها في الصغر احنا ووالدي المتوفى ، حاليا أعاملها بس في حدود وبصراحة أتلذذ أحيانا لما أقول لها كلام يضايقها ، كانت تضربنا طوووول الوقت وتعرضت منها للظلم في مواقف كثير لدرجة اني ما أعرف أي شعور تجاهها سوى الخوف
ما أبي أطول لكن سؤالي هو : كيف أتخلص من شعور الكره تجاهها ؟ وكيف أسامحها حتى أعيش بسلام ؟
وكيف ما أخلي هذه المشاعر تؤثر علي سلبيا وجزاكي الله خيرا كثييير على المجهود الرائع الذي تبذلينه ونفع الله بك المسلمات يااارب
 
السلام عليكم ورحمة الله وبركاته
كم كنت أنتظر موضوع زي هذا وأخيراً وجدته
أنا يادكتوره مشكلتي بالخجل الزايد ( رهاب إجتماعي ) ياليت لو تقدرين تساعديني أنا ماأقدر أجتمع مع البنات ولا أسولف حتى إذا إجتمعنا وفي وحده بدت تسألني على طول أخجل ووجهي يحمر ويديني ترتجف وتتسارع نبضات قلبي
ياليت لو تساعديني للتخلص من الخجل والله إني تعبت وأبغى حل ياليت تردين علي
والله يجزاك خير الجزاء
 
السلام عليكم كيف حالك دكتوره شيماء
الحمدلله اتمنيت اتكلم معك مشكلتني جعلتني اعتزل عن الناس واولادي
ارجو التواصل معك
 
صباح الخير
اهنئ الاستاذة شيماء على الطرح المميز
المقدمة رائعة تستحق القراءة

قد نعاني من اخطا ارتكبها المجتمع المحيط بنا في طفولتنا
ولكن لانجد من يسمعنا اويفهمنا
فنبقيها في صدورنا
وبالتأكيد تؤثر على صحتنا النفسية

شاكرة لكم تعاوكم
 
السلا م عليكم ...
دكتورة شيماء أرسلتك مشكلتي عالخاص
بس مارديتي علي ...
 
ارجوكي ردي علي

السلام عليكم ورحمة الله وبراكاته
سبحان الله دخلت ها القسم وكان الله ارسلكي لي
اشكر لك مجهودك الذي تبذلينه لوجه الله ولك اجر مساعدتك للاخرين
دكتورة انا اعاني من خوف شديد جدا من كل شي وفي الاونه الاخير سمعت عن خبر ان في كوكب جديد سيضهر ويشابه موصفات الشمش وانها نهاية الدنيا احس بخوف وضربات في القلب وتعرق وبرودة في القدمين
واحيننا اذا ات شهر رمضان اخشى ان اموت قبل ان اصومه ونفس الاعراض واحس اني بموت في اي لحضه وحتى ان جاء وقت العيد وبديت في التجهيز احس بموت ونفس الاعراض تفكيري با الموت كثير وجتني حاله ان جيت بصلي السنن يجيني سوالي غريبه بتصلي اكيد اخر صلاة وصرت اتخوف من صلاة اخر اليل اخشي الموت وانا موقنه بان كلنى بنموت بس غصب علي ها التفكير تعبت كثير ارجو ان تجيبيني هاذي حالتي بختصار
 
الله يجزااااج خير ويسعدج يااااااااااااااااااااب ويزيل عنج الهموم مثل ماتخفينهاااا بفضل الله سبحانه وتعالي علي الناس
 
السلام عليكم

ماني عارفه كيف اشرح مشكلتي وسبق كتبتها لكن ما احد رد
يمكن لحساسية العلاقه بيني وبين الشخص اللي بتكلم عنه

هي امي

وراح ارجع انسخ نفس الحكي اللي كتبته عنها عشان انفعالاتي الحاليه ما تاثر على كلامي


كيف نتعامل مع اصعب نمط .. الشرقي الشمالي و الجنوبي بعد
وربي متعبيني << الشرقي الشمالي مامتي .. ما افهمها ابدا و تسأل عن كل فتفوته
.. اليوم تقول لي شطاري عليك تنامين العصر ؟؟ ليه ؟؟ انتي بالعاده ما تنامين
العصر..!! او تقول لي ليه تجلسين بالنادي اكثر من ساعه ؟؟ لان سنة الف
وتسعميه وحطبه كانت بالنادي ما تجلس الا ساعه وحده !

ياربي شلون افهمها اني ما اتحمل و لا اقدر ان احد يفصفص حياتي بهالطريقه
لدرجة اني اكذب عليها في امور بايخه مرررررره ((مثلا ما اعلمها اني اشتريت
كحل لانها بتقول لي عندك كثير وليه و اشتري ملابس احسن وانا ما فيني عالزن و
المحاضرات او الصباح وانا رايحه الدوام تسألني ليه لابسه كعب ؟؟))

اذا تعودت على روتين بحياتي وغيرته ترتاع !! والله العظيم !! شلون انا يا
غربيه اقدر اتوصل لحل مع هالنمط الصععععععععب
و لا ابي ازعلها صراحه .. يكفي ان الحياه كلها متزاعله وياها .. اعتقد انها
من النوع المتسلط لان هي صعبه جدا و مغروره جدا و تقولها بالفم المليان ((انا
ما اغلط))
صوتها عالي وهي تتكلم لدرجه مقاربه للصراخ
و كل الكلام لازم يدور حول الفضيله والاخلاق اللي تتمتع فيها ((ولا انكر انها
تحب الخلق العالي والحشمه ))
اخوي يقول لي دائما لو اني متزوج وحده زي امي كان من زمان انا مطلقها
و الكل ينظر لها انها جاااااافه و قاسيه او بالاحرى ((تخوف))
كلن يتجنب الاحتكاك الحميم معها حتى اهلها .. يعني جلسات ضحك وفله ووناسه بس
مستحيل يقربون منها في امور حميمه .. مثلا لما جينا نخطب لاخوي .. محد تدخل
لانهم يقولون امكم صعبه ما نبي نتوهق وياها
حتى بالمزح يتضايقون منها لشدة اسلوبها وجفافه
التجريح عندها سهل .. وانا ما اتحمل .. مستحيل اتقبل ولو انها امي .. فا ارد
عليها ردود قاسيه و اعرف انها تتضايق لكن عالاقل انا ما اهينها ولكني اصارحها

تنتقص قدر الناس حتى لو اهلها لانها ترى انها احسن وافضل وهالشي مأثر في
نفسية جدتي اللي هي امها
لانها ماتتعامل معهم كويس و دائما تعيرهم بانهم ما يفهمون و انهم كسلانين وان
جدتي ما تعتمد على نفسها والا على خالاتي اللي ساكنين معها بالبيت و انهم مو
سنعين ويغرقون بشبر مويه ((كلامها صح بس اسلوبها يقطع جدتي و جدتي من وفاة
جدي مهيب ناقصه))
تطلب الاحترام وتصرح بطلبها غصبا عن الكل و لكن ما حاولت تكسبه.. يتحاشونها
خوفا من المشاكل مش احتراما لشخصيتها القويه
مستحيل تطلع غلطانه
وصلت معها للطلاق من الوالد ((واللي ما اقول عنه بيرفكت ولا بسيط ولا هين
لانه قوي بعد مهوب سهل و تناطحوا 30 سنه وبالاخير طلق .. هو والدي ينكسب
بصعوبه لكن احس والدتي ما حاولت))
وما اقول كذا تحاملا عليها ولكن هي ظروفها كا امرأه بالسعوديه ما تخدمها انها
تنفر الكل من حولها
حتى عيالها بكره ما بيستحملون .. يادوب يرمون عليها كم ريال مصروف جيب و
يشوفونها خمس دقايق بالاسبوع ويهربون
وهو اللي قاعد يحصل الان .. كلن مبعد و خايف يتعرضها

هي رجل بجسد امرأه
وش اسوي معها

تكسر خاطري و بنفس الوقت تستفزني

++++++++++++++++++++++

تو امس صار موقف
وهو اني بعد العمل رحت النادي والنادي حقي جوا شاليهات السنسيت

المهم كلمتها خمسه ونص قلتلها هذاني بغير ملابسي وبدخل و عالسته ونص او سبعه بيجوني البنات نتقهوى ونتعشى و نرجع و منيب متاخره
قالت بس انا بروح الدمام علشان الدرس الديني
قلت لها روحي وانا متى ما حبيت ارجع بكلم
وسكرنا
جو البنات سبعه و كلمتني ثمانيه ونص وقلت لها نتعشى ماراح اتاخر
قالت طيب
صارت تسعه و اربعين دقيقه
دقت علي وهزأتني بدون مبالغه : وين اللي تقول ما بتاخر .. خلك تعيدينها و طراااااااخ سكرت بوجهي

على ما خلصنا طلعنا عشره من الكافيه و نزلت البنات بيت صديقتي
و عشره ونص وخمسه انا في البيت

طبعا قالت لي انتي كذابه لانك تقولين برجع الوقت الفلاني وما تصدقين ((اقول لها ترى هذا مو دوام عشان اعرف متى اطلع بالضبط !!))
تقول لي كنسلي اشتراكك واذا انتي حاسبه ان النادي بيكون عذر للهياته فا انتي تحلمين
وانتي ما خليتيني اروح الدرس بسببك وانا ما قضيت اشغالي بسببك وانتي اهم شي عندك نفسك و و و

قلت لها كان رحتي و خلصتي وبيننا تليفون بس ما تتصلين ولا تعلميني وش بتسوين و تلوميني !!! ما احد قال لك والبنزين مو منك من بابا !! عشان تسوين لي خايفه عالمصروف!

___________

اليوم اكتشفت ان الدرس هو اليوم الاثنين مو امس الاحد وانها كانت تكذب علي عشان ارجع البيت بدري

هي كدرها وضيقتها لما اسوي شي لنفسي والا اطلع مع صديقاتي .. ما تحب الصداقات

انا اعتبرها مجنونه .. وش الحل
ممكن تطلع من البيت بسببي وتروح بيت اهلها وبهالحاله ما احد بيرحمني واصير البنت العاقه اللي طلعت امها المطلقه من البيت
لكن انا ما استحمل اكثر

ياليتها تتدخل بكل اخواني زيي ! كان قلت طبع
يا ليتها توريني حسن نيتها و تبين لي اهتمام وحرص ! كان قلت اهم شي عندي ما ازعلها

تحسسني انها عدوه و انها بالمرصاد لي
ترى انا مو صغيره . عمري 30

لكن معاملتها معاي مو صاحيه
كلن يشهد بهالشي بس خايفين

جدتي ترى ما سكتت ان ماما بالبيت ويانا و بابا معاه مفاتيح البيت الا لانها ما تبيها عندها .. حمل مادي و معنوي
ماما متطلبه و غصبا عننا نسوي اللي تبيه ((اخوي على وجه زواج و مهيب مهتمه لان تعرف ان بابا ما بيخليه))
و معنويا مزعجه و حتى اهلها كذا مره قدامي يتشكون منها و انا ما اقدر ادافع لاني لايعه كبدي

من جد اكره وجودها معاي بنفس المكان
موش الانسانه اللي ارتاح لها والا احب وجودها

احس ما اقدر حتى ارسل برودكاست فيه دعاء للام !! احس نصبه
اختي اللي اصغر مني متزوجه من 7 سنين و ماما تعاملها من زمااااااااااااان احسن مني ((تفرقه واضحه مو كلامي والا احساسي بالظلم!! وبرضو بشهادة اللي حولنا))
المهم اختي هذي رغم انها احسن مني بس تقول انا لما اسمع اغنيه عن الام ما اتاثر و احس ياي ماما .. عادي
اخوي اللي خاطب و عمره 25 يقول لو انا متزوج وحده زي امي كان من زمان طلقتها

انا الوم بابا انه ما طلقها من زمان وخلاها تشوف حياتها وننشغل
بدل ما هي عايشه بالبيت زي العسكري .. موجوده عشان تعيش زي الطفيليات لان ما في احد بيقدر انه يتعامل معاها

ابي حل لها لان الحل اللي ريحني كان لما قاطعتني 5 شهور ((لاني سافرت مصر مع بابا وهي تعتبر هالشي تاييد له و هم مختلفين وانا اعتبرها رحله لي لاني 4 سنين عمل ما اخذت فيهم الا اجازات مرضيه))

كلن قال مو طبيعيه و مو من حقها
حتى لما كنت اقول لها احتمال تجيني دورات عمل خارج المملكه و اطلع مع بابا .. تززززززززززعل

لما كنا مراهقات اذا بابا ودانا البحرين وهي زعلانه بيت اهلها .. تخليه يوديها لما يتصالحون و لازم بدونا انا واختي
و نقول لها ليه يا ماما و كذا ((نرجع من المدرسه ما نلاقيها)) تقول لنا رحتوا اكثر مني

وش هالهبلا اللي ربي ابتلاني فيها

انا الوحيده اللي هي مضطهدتني و المجتمع ما يساعدني
يدرون انها تأذيني ويقولون لي معليش !! وش اللي معليش
معليش اني اموت ؟؟ صارت تجيني امراض مو لعمري بسبب ضغطها النفسي لي

ما تبيني اتنفس الا بمعرفتها وانا ما اتحمل هالسيطره

من اسبوع كنت انام العصر اول ما اجي من الدوام .. تقول لي ليه تنامين العصر وش طاري

اذا اخذت اللاب توب غرفتي تقول لي ليه وش طاري و الا تدق علي الباب .. وش تسوين
ليه تاخرتي وانتي تفتحينه ((تفكر اني فاتحه الكام اعرض لواحد يمكن))
قلت لكم خبله مو صاحيه

ودي انها تسكن مع اهلها بمنطقتهم على الاقل افتك من تسلطها او القى لها علاج
لو مخدر احطه في قهوتها عشان تفكني من وجودها
 
ارجوكي يا دكتورة شيمااااااااااااااااااااااااا لاتهملي رسالتي في صفحة 29 ارجووووووووووووووكي
 
الحالة
مغلق و غير مفتوح للمزيد من الردود.
عودة
أعلى أسفل