لكل مطلقة او غير مطلقة

[ملكة الرووح]

هلا حبيباتي ابي اكتب لكم اليوم واقول اني فسخت زوجى بالمحكمة اليوم يالغاليات والله ما سويت كدا الا علشان اقدر ارجع اولادي لي وانا والله مظلومة واستخرت الله واكيد ان الله كتب لي الخير--حبيباتي احس بشعور غريب مرة فرحانة ومرة متضايقة ابكى شوى واغنى شوى يعنى شعور متلخبط تطلقت وزواج زوجى الظالم هو واهلة قريب الله لايبلغة واولادي بعيد عني الله يعين كل ما ضاقت علي لجات لله القريب --ابي دعواتكم وش تشورون على الله لا يوريكم مكروة

 

[وصيت قلبي~~]

هذه الكلمات اهديها لكي اختى وحبيبتي اود ان تصل اليك كمايصل الماء للضمآآآن
انتهت حياتة لانه خلاها لعيون شخص واحد...او مقهور لنكران الجميل..

من هنا اناديـــــك..
.
أمد لك يد العون والقلب الحنون واللمـسه الحانيــة..
أنا مستعدة أوقـف معك وآخذ بيدك بس تساعديني بنفسك وتسمعين كلامي وتقرين كلامي مره واثنين وثلاث حتى تفهمين المضمــون*_*
أوعــــــــــديني تسمعين كلامــي وتفهمينه وتقريــنه للأخيــر..


اول شي بالنسبه للصدمة النفسية والتجربه القاسيه إلـي مريتي فيها ..

ابي اقول لك ترا مافيه اي انسان ع وجه الارض ما مر بتجربه قاسية فاشله اليمه موجعه..
وياما بتسمعين وتشوفين والله مافيه اي انسان ع وجه الارض مامر بتجربه اليمه كسرت اشياء كثيره داخله
وتحطمت احلامه بزمن قاسي وناس اقسى مافيه احد مرتاح بحياته هذي الدنيا كذا ماتسوى عند ربي جناح بعوضه ..
ولاتسوى الدنيا تنزل من عيونك الحلوة دمعه وحده ع اشياء ماتسوى ابد
ريحي قلبك وارحمي نفسك إلي صار صار وإلي انهد انهد وإلي انكسر انكسر قضاء الله وقدره ..
ماتدرين وين الخير في تشتتين تفكيرك
و تنهارين وتعيشين نفسك بقهر طول هالسنه!!
ليه..؟
حرام عليك ؟
تذبلين وانتي بعمر الزهور

إلي قاعده تسوينه غلط في غلط وحرام عليك مايجوز ترمين نفسك بيدك بالتهلكه !
عشان شي انتهى بس لاتخلين الماضي يأثر ع حياتك لانه راااح للأبــد ومستحيل يرجع لو اجتمعت الامه ع انهم يرجعون الماضي مستحيل يرجع
خلاص انتهى راح ارميه بزنزانة النسيان
لاتخافين من شي صدقيني اذا لك حق بتاخذينه
اذا كانت تجربتك المريرة وصدمتك انك فقدتي احد تحبينه صدقيني ماهو خير لك
ولو كان خير لك كان ربي جمعك معه غصب عن كل الي يرضى والي مايرضى
وان كان ظلم ريحي قلبك ونامي قريرة العين اقسم لك بجلال الله بتاخذين حقك الظلم الشي
الوحيد الي مستحيل تموتين الا وانتي شفتي حقك بعيونك بالدينا قبل الاخره

انفضي عنك غبار الهم والقلق والماضي ترا الي يفكر بالماضي حمق وجنون ومضيعة وقت
خلاص انسي الماضي لاتقولين مااقدر..!!
وش استفدتي من الماضي؟
لازم ايمانك بالله يكون اقوى من كذا
اعتبريها تجربه مرت عليك واستفدتي منها
ياما حتشوفي لازم تكوني قويه
بكره ولامل في بكره
وين القوة هنا!
وين الام الي كلها قوة ويعتمد عليها !!
بكره بتشوفين اكثر وبتنصدمين اكثر
لازم تكونين قوية وايمانك بالله كبير وتثقين برب العالمين
عشان تكونين ام قويه تخاف ربها وواثقه من نفسها يعتمد عليها وحكيمه ماتخاف الا من خالقها وبس
تؤمن بأن الله تعالى كتب مقادير الخلائق قبل أن يخلق السموات والأرض بخمسين ألف سنة .والحديث رواه مسلم

حبيبتي عيشي حياتك تراااها قصيرة مرره
وربي ماراح تحسين بنفسك الا عمرك كبير وانتي ما انجزتي شي ولاصار اي شي و من الي انتي كنتي خايفه منه
ترا 99% من الاشياء الي تخافين منها غير صحيحه..
حبيبتي اذا كان الماضي هو السبب خلاص من اليوم انسيه
وتوكلي ع ربك
اذا كان حب وعندك ذكريات من الي تحبينه ارمي كل شي يذكرك فيه ..اذا كان اي حق بتاخذينه ياقلبي وربي وربي بتاخذينه
لازم تكوني اقوى من كذا لاتتعثرين من اول صدمة..

من اليوم الماضي خلاص لازم ننساه ونتوكل ع ربي ونثق فيه ان ربي بيعوضنا خير وبنعيش حياة حلوة
إلي يرضى بالمكتوب له الرضى من رب العالمين
وإلي مايرضى بالمكتوب ويسخط له السخط من رب العالمين وعيشه ضنك وكدر..
ابدآلاتخافين من الماضي ولا من اي احد ..

تأملي معي::
ومن ترك الخوف من غير الله وإفراد الله وحده بالخوف سلم من الأوهام وأمنه الله من كل شيء فصارت مخاوفه أمنا وبردا وسلاما
لاتخافين من شي ماله اي وجود ولا اي اساس نهائي..
فليطمــئن قلبك بذكر الله سبحانه ولاتخافين من شي وعيشي بحدود يومك واقري قران وابكي لربي بنيه انه يسترك ويرحمك برحمته

من ناحية خوفك من المستقبل//
لااازم تكونين واثقه من ربي ,
قال تعالى
( إنه لا يياس من روح الله إلا القوم الكافرون )

لاتيأسين من روح الله وستره ورحمته ومغفرته ماهو بعزيز ع الله انه يسترك ويسعدك ويهنيك..
لاتخافين الا من رب العالمين وبس
ترا الخوف من البشر ومن الناس تراه لان قلبك مافيه ذكر لربي ولافيه خوف من ربي
خافي ربك وبس
,
وعدك الله ان يخلف لك بمصيبتك خيرآ.. ماذا تريدين اكثر من هذا!!
وعدك الله ان يعوضك خيرآ مما اخذ منك.. ماذا تريدين اكثر من ذلك!
ومن يتق الله يجعل له مخرجأ
واذا وثقتي بربي وتوكلــتي عليه كفاك شر من به شر..
لاتفكرين بالمستقبل وش بيصيرفيه

إحساسك بالخوف من المستقبل ..//
سببه يمكن لضغووط عشتيها
يمكن لصدمات نفسيه او عائليه اوعاطفيه
بس لازم نعرف ان هالدنيا ماتسوى عند الله جناح بعوضه وان هذا كله الى الزوال ..
لازم تثقين بربك وتتوكلين عليه مااحد يضمن عمره الحين كيف بعد كم سنه!
عيشي حدود يومك ترا الشيطان هو الي يوسوس لك بالمخاوف بالماضي عشان يكدر عليك
عيشتك والا ترا كله وهم لانه لايعلم الغيب ولانه وعد الله الى قيام الساعه انه يوسوس المؤمنين ويعيشهم بضنك ووعده الله بأنه يقبل مغفرة عبده ويرحمه برحمته الى قيام الساعه
ليش تخافين!
وكل شي مكتوب عند ربك..


عزيزتي وغاليتي ..
أوصيــــــــــك بهذي الوصايا..
فوالله الذي لا اله الا هو انها خير معين لك ع طريـــــــــق سعادتك وع بداية جديدة لحياتـك..

// تمعني معي..
ليه تمرضين نفسك ع الالـم إلي سببه لك الطرف الآخر.. بخيانته وهجرانه ونذالتـه..
فوضي امرك لخالقك وتوكلي عليه حق توكله
لاتنشغلـين فيه ابد ابد انسيه كل ماتذكرتي إلي جرحــــك وباعك تذكري انه ربي موجود وبياخذ حقك وبنصرك
انتي إلـــــــي بتمرضين وتتعبين وهو عايش حياة بالطول والعرض
انها منادة من رب عزيز مليك مقتدر
ان حـــــــقك والله الذي لا اله الا هو محفــــــوظ عند ربي..
* لازم تلجأين لربك الاستغفار باليوم 100 مره
* والصلاه تحافظين عليها بأوقاتها
* اذكار الصباح والمساء..
والأهــم من هذا كلــه..
ألجــأي الى الله بكل صدق وثقـــــــه وتوكل بدعاء صادق خاضع ذليل بثقه انه ناصرك وحافظك فهو رب مليك مقتدر ع كل شي حق العباد محفوظ عنده..
من استغفل عباد الله وظلمهم فله عذاب اليم بالدنيا قبل الاخره فوضيه الى الجبار الكبير المتعال..
ثقي بإستجابة دعائك.. بالتوكل ع الله حق توكله فهو عند حسن ظنك به ..

الين تاخذين وقت وتستقر نفسك
ترا بيكون صعب كم يوم بعدين لتقربتي من ربي وبكيتي انه يشرح صدرك بدليل قبول رحمته ومغفرته وعوض خير لك بتعيشين حياه سعيده رضيه هنيه ..
واخر نقطه احب انوه لها//
ترا هالافكار الي تجيك من وسوسه الشيطان ترا سببها الفراااااااااااااااااااااااااا اااااااااغ
الجأي لربك واشغلي نفسك بأشياء مفيده
انتبهي لدراستك لوظيفتك لقراءة الكتب وعيشي حياتك يومها بيوم
لاتخافين من البشر تراهم من ترااااااااااااااااااااب
واخراتهم تحت التراااااااااااااااب
والي فيه شر ربي بيرده بوجهه والشر يعود ع اصحابه مو عليك انتي بس في حاله كنتي محاافظه ع صلاتك وع دينك وع بر والدينك


من ناحية زواجك..
لازم اول شي تثقين بربي انه مايعجزة شي ابد
وتتوكلين عليه وانه بيده ملكوت كل شي وانه مايعجزه شي وانك صابره وماراح تستعجلين الاجابه
الدعاء من كل قلبك
افرشي سجادتك بقيام الليل وتحري اوقات الاجابه وابكي بدل الدموع دم
لو مره وحده
ادعي ربي وانتي حاسه بقربه وانه هو الوحيد العالم بحالك والي قادر ع كل شي
ابكي بحرقه ادعيه بألم بخشيه برجاء
ربي يقبل دعوة الضعيف والمضطر
استغفري باليوم بما لايقل عن 100 مره بنية ربي يشرح صدرك ولازم إننا لازم نتوكل على الله في رزقنا ..
و نتعايش مع حياتنا في استقرار و هدوء
لا نخرب الأيام الجميلة و انتي بنت بالحسرة و الندم على شيء أصلاً لم يحدث
بل نسأل الله أن يرزقنا الرضى بعد القضاء .. و نتلذذ بالنعم التي وهبنا الله تعالى ..
ألم يعطينا الله الصحة ..
ألم يعطينا الله نعمة الأهل .. نعمة الدراسة .. نعمة الوظيفة .. نعمة الصلاة ..
و الله أهم نعمة نعمة الإسلام .. نعمة الدعاء .. نعمة الصيام .. نعمة المال ..
نعمة الستر .. نعمة العفة .. نعمة التقوى

وأحذري الاعتقاد بأنك دائما حديث الآخرين فذلك قد يحط من
معنوياتك ويجعلك تظهرين أمامهم مهزوزة تفتقد إلى الثقة
بالنفس وتحدين من شموخك وتألقك أمامهم ،،
مهما كانت مكتسباتك في الحياة بسيطة فتذكري أن لك كيانـك
كأنسانة قبل كل شئ وإن هانت عليك نفسك كنت بعيون غيرك
أهون وأقل 00
وفقك الله لكل خير وسعادة وطمأنينة
اللهم لك الحمد ولك الشكر عدد خلقك ورضا نفسك وزنه عرشك ومداد كلماتك

 

[دلوعة عبدالرحمن]

الله يصبرك ويهونها عليك ويجعلها اخر الاحزان .. واشور عليك انك ماتفكرين فيه نهائيا تزوج او ما تزوج مبسوط ولا حزين بغيابك ...طلعيه من راسك ... واذا كان بالنسبة للاولاد خلي اهلك يكلمونه انه يجيبهم عندك واهم شي انك ما تقطعينهم عن ابوهم مهما كان هذا ابوهم واكيد راح يحتاجونه

 

[امرأة و لكن ...]

مبروك لك تحررك من زوجك...


لا تزعلي... ربنا بتم معك و مع عيالك

 

[الصرخة الصامته]

الله يعين ياعمري


فعلا الرجال مايستاهلون التضحيه

واحيانا حتى الدمعه في حقهم حراااااام


الي يبيعك بيعه

والله لا يوفق كل ظالم والله ياخذ الحق

ولو بعد حين

وكلا له يوم


الله ينتقم منهم يارب

 

[جنة أهلي]

الحمدلله , الله يعينك على مصيبتك , و يخلف لك خيرا منه.
و ابدا لا تغثي نفسك و تتعبيها بتفكير فيه , اللي ما قدر فيك احساس الامومه و حرمك من اطفالك لا تزعلي عليه , لانه ما يستاهل . و لو فيه ذرة انسانيه كان خلاك على الاقل تشوفين عيالك .

الله ييسر امورك , و يرزقكي من حيث لا تحتسبين , و يرجع عيالك لحضنك , و يصلحهم لك .
امين

 

[حور1402]

صح لسانك يااميره ولكن فقيره -الله يعوضك خيرا منه-ويرد اولادك لحضنك- وينصرك على من ابتلاك وظلمك-عاجلا غير اجل-نصر عزيز مقتدر-ااااااااااامييييييييين

 

[ملكة الرووح]

يشرفني وقفتك معى يا اميرة لكن فقيرة وتسلمون اخواتى على درركم والله يتقبل منكم

 

[إحساس ألماس]

الغاليه هاي فتره وبتعدي وبتنسين وصدقيني كل ماقربت من الله كان وياج
صارلي كم يوم انا قوم بنص الليل متكدره والله يوم قريت سوره البقره امس اني والله ماحسيت بدنيا لين اصبح وايد ارتحت
وانا بعد من منفصله من اسبوعين من زوجي واحن له وشتاقله بس اللي يبيع بيته وعياله حرام دمعه تنزل عليه صدقني فتره وعااااااااااااااااااااااااادي الحياه حلوه
ونسيت اقولج اني كانت عندي بنت عمره سنه ويشهرين ماتت وحزنت وعدت الايام وبعدها بسبع شهور مات ابوي
ااااااااااااااااااابوي هذا كل شي عندي يغنيني عن الناس كلهم بس راااااااح هاي كانت خسرتي بنتي وابوي
والحمدلله مرت الايام والله بتنسين واحب زوجي بس بعد راح
وانا الحينه والله بروحي امي مسافره واخوي وزجته بيسافرون شهر 7
وتخيلي بكون بروحي ف البيت وانا عمري 25 وعندي بنت ثانيه بنكون ويالخدامه وهذا وابوي ع فراش الموت موصي علي بس شو نقول غير الحمدلله وريلي تركني وراح سوري والمغرب يعني اختار البنات وسهرات ع بيته ف مايستاهل حد يذكره وانا تريا الايام شو تخبلي بس مستعده لها انا ف حرب ويالايام لين تخضع لي طبعا بالاستغفار وسوره البقره
وانتي بع الازم تكونين قويه وتستعدين ةتنسين الماضي وعيشي حياتج ترى الحياه حلوه وابد بس نحن مانعرف نسغلها ونشوفها

 

[ملكة الرووح]

الله يعينك كلي نظر وشكرا على دررك والله يحفظلك بنوتتك ويعوضك خير منة

 

[CANCRO]

السلام عليكم اختي malekh

حبيبتي سبق لي الانفصال من شخص ظالم طاغي متغطرس مريض وكل عيوب الدنيا فيه، وعن طريق الخلع زيك

وعلى كثر ما كنت فرحانة كانت تجيني احيان ابكي فيها واحس قلبي بيطلع من مكانه من البكاء

بس مع مرور الوقت صار الوضع عادي جداً

قلبي اللي تمرين فيه وضع طبيعي،
وبالنسبة لاولادك كثري الاستغفار وكرري (اللهم آجرني في مصيبتي واخلفني خيراً منها)

 

[ملكة الرووح]

الله يجزاكم خير على درركم

 

[مجروحه و أكابر]

حبيبتي ممكن تفتحين الخاص ولاعليك أمر....

ولي عوده للرد على الموضوع بإذن الله تعالي ..​

 

[ملكة الرووح]

من عيوني يا الغالية

 

[بحار الاحلام]

الله يساعدك

 

[سماصافى]

الله معاك اختى الغاليه مليكه وربى يقويك ويشد من ازرك ويعوضك خيرا ان شاء الله ........
فأنتى الان منطلقه منطلقه منطلقه وليست مطلقه
ان شاء الله تنطلقين لك خير ورضا الرب
اختى اميره بس فقيره الله يجزاك الجنه على كل كلمه لقد استفدت من نصائح ..........
كلى نظر رحم الله والدك وادخله فسيح جناته وجعل ابنتك حجاب لك من النار وحفظك وحفظ ابنتك
وربى يعوض عليك وعلى مليكه برجل صالح تقر بيه عينكما ويجعل بينكما مودة ورحمه
اللهم آآآآآآآآآآآآآآمين

 

[ملكة الرووح]

بحار الاحلام وسما صافي شكرا على درركم

 

[مؤاسم الدهر]

الله يكون في عونش عزيزتي

 

[أم الوردتين]

ماضاقت الا تفرج
اقرب مايكون العبد لربة وهوساجد وفي اوقات الكرب تعتبر من اوقات الاجابة

عليك بالدعاء والاستغفار

 

[بشايرحزينه]

والله لو اعرف بيتك لاشتري تورته واجيب الاستيريو وأفلها معك لابو الرجاجيل كلهم:clap::clap::clap: