الشمالي الشرقي بحكم خبرتي لغز محير
أحيانا أقول هذا كائن غريب عجيب
وتتطاير فوق رأسي الآف علامات التعجب والاندهاش !
وأحيانا أقسم انه لايوجد رجل مثله !
عموما
اغلب اللي كتبتوه فعلا هذه صفات الشمالي الشرقي
سألخص خلاصتي عنه في نقاط :
1- الشمالي الشرقي ما يعطي كلمات الحب والرومانسيه الا في بداية العلاقه بس ويعتبر ان الرومانسيه غير ضروريه بعد كذا لأن الاحترام وتوفير الحاجات الاساسيه أمر كافي !!
2- المال عنده بحساب كل قرش يجب ان يصرف في محله الصحيح , لايعترف بالكماليات كثيرا , انسان اقتصادي وربما يتهمه البعض بالبخل وأنا أولهم !
3- مزاجي متقلب غامض كتوم صريح <<= عاد انتو حلوها !
4- عملي جدا يحب الترتيب والنظافه , ولكن فوضوي في بيته
5- يعشق المساج وخاصة مساج الـ .. , يحب الجنس لكن اذا كان مشغول بعمل او امر ضروري ماراح يعبرك ولا كأنك موجوده لو تلبسين فستان الزواج قدامه عادي
واحسه مايحب المبادره دائما يفضل هو يبادر وهو يقود العمليه كلها
وطبعا ماعنده حركات رومانسيه الشغل عملي عملي
6- يكره الضعف ويكره ان تكون ثقتك بنفسك ضعيفه ولديه حاسه وحدس قوي جدا جدا جدا
ذكي ويعرف متى تكونين واثقه من نفسك ومتى تكونين ضعيفه ومتردده
وفي حال كنتي متردده قدامه ماراح يلبي لك اي طلب وتحسينه متضايق منك ويطنشك بدون سبب !!!
7- يكره الالتصاااق وهذه انا ابصم عليها بالعشرين !
ويكره يشعر منك بالشفقه او الرحمه ابدا ابدا واذا شعر منك بأي نوع من الشفقه راح يصدك وممكن تصدر منه تصرف مايعجبك
يعني مثلا موقف شخصي : كان راجع من الدوام وتعبان لأنه داوم اوفر تايم يعني 12 ساعه دوام واول ماوصل شلت عنه الاغراض وجلس على الكنب وجبت له ماي بارد وجلست يمه ومسحت بأيدي على ركبته وقلت له يعطيك العافيه اكيد اليوم تعبتو وقام مسك ايدي وشالها قال رجاء ماحب حركات الشفقه هذي ..:busted_red:
ماعلينا ..
نرجع حق محور حديثنا
8- طبعا اذا زعل او عصب لا اله الا الله , لسانه فعلا متبري منه , لكن اذا هدأ ينسى ولا كأنه جرحك والمفروض منك انتي بعد انك تنسين اهاناته وتجريحاته :sadwalk:
9- كل الناس في كفه وهو في كفه , ومافي انسان في مؤهلاته وشخصيته << هو كذا يشوف نفسه
بمعنى آخر شايف نفسه وواثق جدا من نفسه .
10- قليل الصبر ودمه حار , وبنفس الوقت باله طويل << برضو انتو حلوها
11- بصباص لكن من تحت لتحت , لأنه يخشى ان تظهر صورته امام الناس كمبصبص , ويقدر الجمال ويظهر عليه اعجابه بأي امرأه جميله حتى لو حاول يخفي ذلك .
12-في نظره الرجل أمـر , والمرأه طـاعه .
13 - كثير كثير كثير كثير النقد , في كل شيء , ويحب الفلسفه كثيرا ويشوف انه هو يفهم في كل شي حتى الطبخ يفهم فيه لو عملتي طبخه ممكن يسألك عن التفاصيل كلها وممكن يقولك لا هي ماتتصلح كذا انتي ماتعرفين :busted_red:
14- يعشق المأكولات الشعبيه , ويحب النوم لكن باعتدال
هذا الي اتذكره ولي عوده بإذن الله
