لعيونك انت وشو فيها إذا رجعنا لطفولتنا~أَدخلي المرح لزواجك

[لعيونك انت]

مرحبا صبايا، :3:
كتار وقت يتزوجو بينقلبو للجدية وبيخلو المسؤولية تخرب حياتهم وبتتحول أيام الزواج لروتين ممل...

حلو من وقت للتاني نتصرف بشكل طفولي ونخلي قلوبنا تبتسم وزواجنا يكون مليء بالفرح والتغيير

------------------------------------------------------

كيف؟

خلينا نلعب مع أزواجنا، اي العبي مع زوجك ووين المشكلة؟
بعض الزوجات ح يحتارو، طب كيف ابتدي بلعبة ما مع زوجي؟
اولا، لازم تحضري حالك نفسيا انو في شي بدو يصير (بدي غير من روتين حياتي، بدي احظى بمرح...)
ثانيا، فكري باللعبة اللي حابة تلعبيها مع زوجك
ثالثا، حضري زوجك نفسيا من خلال وضع ورقة مكتوب فيها رسالة او من خلال مسج او قبل بيوم قوليلو انا بكرا في شي جديد حابة نعملو..

هون حطيتلكم شوية افكار عشان ندخل البهجة والتغيير لحياتنا الزوجية
وانتو خلال اللعبة بتفوتو شوية رومانسيات وحركات دلع وما تستحوا ابدا ابدا ابدا

شو ممكن نلعب!!!

1- الدب الأعمى :18:

جيبي قماشة وغطي عيون زوجك وقوليلو شايف شي؟ ولفيه حول نفسو شي اربع لفات واهربي ومن بعيد صيري صفقي وهو بدو يكمشك .....


2- لعبة التحدي :19:

اتحدي زوجك او خلي زوجك يتحداكي بشي واللي بيخسر لازم ينفذ امر التاني.. (توقف على رجل واحدة لمدة دقيقة، او توقف صنم لمدة دقيقتين الخ)\


2- المصارعة :14:
البسي الشورت الواسع مع توب ضيق والبسي قفازات او لفي قماشة على ايدك وقربي عند زوجك وقوليلو يلا قوم صارعني سأهزمك هزيمة ساحقة.ههههههههه

3- لعبة الكلمات
هي فيكم تلعبوها وانتو بمشوار بالسيارة مثلا، اعطيني 10 اسماء بنات بحرف "ف" او بلدان أو ..... طبعا بمدة معينة

4- شخصية كرتونية او مشهورة
قبل بيوم بتتفقوا سوا مثلا بدي اياك بكرا تمثل دور مستر بين ....

5- العاب فيديو

العبي مع زوجك بألعاب الفيديو واستأنسو وارقصي رقصة الفوز

6- طلب وأحرف على الجسم

بقلم الكحل اكتبوا طلبات او احرف بمناطق متفرقة من الجسم ولازم الشخص التاني يلاقيها (حبيبي انا كتبت طلب على جسمي لاقيه ونفذو، أو كلمة من 4 احرف لاقي الاحرف واجمعها وبس تربح انا بعمل ...)

7- معركة العصابات

البسي بنطلون جلد وحطي عصبة على راسك واحملي سلاحك، وقدام الباب حطي رسالة لزوجك ومعها السلاح تبعو واكتبي بالرسالة عزيزي يعطيك العافية، هيدا سلاحك وفيه رصاص الك كون جاهز للهجوم القوي واللي بيخسر هو اللي ح يطبخ أوو.. بكرا..وبالغرف حطيلو مغريات يلتهي فيها وشني هجومك الساحق عليه

طبعا في افكار كتير بعد بس ح اكتفي بهالقدر واللي عندها افكار تتطرحا

ودمتم بحب

 

[رورو الراكزة]

ههههههههه والله ضحكتيني دماتك ظراف ....بنجرب وبنحكيلك يسلمو يا قمر .....

 

[fotfota]

افكار حلوة..للتجديد وكسر الروتين راح جرب  معركة العصابات ميشان ما اطبخ ههههههه مشكووورة حبيبتي

 

[نسيم الهواء]

افكار روعة
اعجبتني لعبه الكلمات راح اسويها ان شاء الله
وبعد اذنك عندي لعبة شفتها مرة فاليوتيوب
وهي ان تقوم الزوجة بلف قماش على عيني زوجها وتمسك اصبعه السبابة وتضعه على جزء من جسمها وهو يجاوب اي هو العضو
وبعدها هو يسوي بيها نفس الشيء يعني بالتناوب
وكم هو جميل انها تسبق العلاقة الحميمة بوضع الاصبع مثلا على مناطق حساسية وكذا
ما ابغى اتعمق
هرووووووووووب??

 

[ريتاج 191]

??? عجبتني هروب

 

[لعيونك انت]

ههههههههه والله ضحكتيني دماتك ظراف ....بنجرب وبنحكيلك يسلمو يا قمر .....

:39:
نورتي حبيبتي بالتوفيق

 

[لعيونك انت]

افكار حلوة..للتجديد وكسر الروتين راح جرب  معركة العصابات ميشان ما اطبخ ههههههه مشكووورة حبيبتي

ههههههه انا كنت بتشرط انو هو يجلي لمدة اسبوع :31:

نورتي فتفوتا 

 

[لعيونك انت]

افكار روعة
اعجبتني لعبه الكلمات راح اسويها ان شاء الله
وبعد اذنك عندي لعبة شفتها مرة فاليوتيوب
وهي ان تقوم الزوجة بلف قماش على عيني زوجها وتمسك اصبعه السبابة وتضعه على جزء من جسمها وهو يجاوب اي هو العضو
وبعدها هو يسوي بيها نفس الشيء يعني بالتناوب
وكم هو جميل انها تسبق العلاقة الحميمة بوضع الاصبع مثلا على مناطق حساسية وكذا
ما ابغى اتعمق
هرووووووووووب??

هههههه حلوة الفكرة 

بس ما بقا تهربي :31:

 

[ريتاج 191]

بصراحه الدب الاعمى
ومعركة العصابات
والمصارعه ممكن مع ولدي بس زوحي لااا
لانه بفكرني هبله
اهوا انا هبله بس بوجوده انا عاقله واتفلسف بعد?

 

[لعيونك انت]

بصراحه الدب الاعمى
ومعركة العصابات
والمصارعه ممكن مع ولدي بس زوحي لااا
لانه بفكرني هبله
اهوا انا هبله بس بوجوده انا عاقله واتفلسف بعد?

طب عال العبوها انتوا ال 3 وين المشكلة

انا بحس مع زوجي بصير متل الاولاد الصغار
دايما بتزانخ عليه وبلعب معو

بس وقت الجد حدا يمسك لساني عن الفلسفة لدرجة بنطوش من حالي هههه