لزوجات الشمااااااااااالي

[رانسيي]

السلام عليكم ابي مشورتكم أنا لي اربع شهور عند اهلي وزوجي تتركني يقول اذا بغيتي تعالي ولا اجلسي وش الحل ؟؟؟ وأبوي رافض يقول لازم هو يجي يأخذك وهو رافض
انتظررررررررركم

 

[توفينا2]

عزيزتي ع حسب المشكله تستاهل انك تجلسي عند اهلك كل هالمده
وهل تستحق المكابره منك ومن زوجك ؟؟ومين الغلطان ؟؟

 

[العطا ماهو خطا]

ياقلبي والله حاسه فيك انازوجي شمالي وجلست بيت اهلى خمس اشهر وهو معند ماخذها مسالة كرامه ماتحرك الالما اخوه الكبير تدخل بس الله يسهلك ويتدخل احد من اهله اواهلك عندك اطفال تيب خلي ابوك يقله تبي البنت ولا طلقها لاتخليها معلقه يمكن يلين ويتنازل

 

[توفينا2]

عزيزتي كم سنه مرت ع زواجكم ؟؟
وهل لديك اطفال؟؟

 

[мιѕѕ gυ¢¢ι]

عزيزتي .. انا زوجي شمالي شرقي.. صارت بيننا مشاكل كثير وب ليله طلبت منه ينزلني بيت اهلي زياره 3 ايام. مااتصل ولا سأل ولا قال ارجعي . بعد اسبوعين اتصلت فيه واعاتبه طلع الرجل مو مهتم . تبين ترجعين ارجعي.!!

ف كلمت الوالد الله يحفظه وسلمت له زمام الامور وقالي مافي رجعه لين يصير ريال ويحترمك ويحشمك ويحطك على راسه من فوق. انا مازوجته علشان يبهدلك...الخ

وعشت 8 شهووور عند اهلي. وكنت حامل وجبت بنت وكملت 6 شهور وعقب رجعني وانا معززه مكرمه!

في الفتره اللي قعدت فيها عند اهلي كلمته مرتين او 3. بعد اسبوعين من تركني ببيت اهلي, واساله ليش ما تجي تشلنا وقال تعالي لوحدج يوم تبغين ترجعين. ف عاندت . وقلت دامك موجود انته تشيلني . ودخلنا في نقاشات عديده.
وبعدها بكم يوم اتصلت محاوله مني احل الموضوع .
3 مره اتصلت وقالي انا خلاص تزوجت عليج ! ع طووول اعتبرت علاقتنا انتهت خلاص!
(بس طلع مو متزوج بس يبغي يغيضني علشان ارجع له,, اكتشفت هالشي بعد 6 شهور)

المهم من بعدها لا اتصالات وابوي وصاني اذا اتصل ماارد عليه واذا مسجات لا!
قطعت علاقتي به وبأهله وبكل شي.
واهتميت في نفسي وعيالي, وعشت عيشه كريمه عند اهلي.

لييين بعد ما جبت البنت قام يزورني كل اسبوع مره يتطمن علينا .. ويعطينا مصروف (سابقا كان يرسل السايق وكنت ارجعهم له !!)

وشوي شوي الله هداه وسخره لي .. وتغير .. ورجعت

بس بعد مازلت اعاني منه وسأظل !!!

 

[العطا ماهو خطا]

فعلاmiss انامعها انتي اسمعي كلام ابوك لانه هومايبي يخرب بيتك لا يبي يذلك له دامك كلمتيه وسويتي اللي عليك خلاص بس استغفر وصلي الساعه ثلاث وبتشوفي النتيجه عن تجربه

 

[رانسيي]

الله يسلمممم كل الي ردو ويسعدهم
بصراحه هو الغلطان عشان كذا أبوي يقول لازم هو يجي ويكلمني وبعدين ياخذكم وأبوي معه حق بس أنا متضايقه منه لانه رافض يجي واهله رافضين يتدخلون ومعي ولد وبنت وبسس

 

[يالوردي]

اذا هو الي قايلك روحي لي اهلك ووداك لهم
فلاتروحين هو بنفسه يجي ياخذك
انتبهي تهينين نفسك عند الشمالي
مو من صالحك ابد

 

[أحساس امرأه]

اذا هو الي قايلك روحي لي اهلك ووداك لهم
فلاتروحين هو بنفسه يجي ياخذك
انتبهي تهينين نفسك عند الشمالي
مو من صالحك ابد

انامعاها ولاتكلمينة وفليهاااا
خليه يحس ان بعده موهاامك ارجعي بشكل
جديد واهتمي بنفسك هالمرة ان صبرتي
وبينضبط طول عمرة

 

[ام وليد دبي]

دام الوالد الله يحفظه موجود سلميه موضوعج و اذا اتصل و قالج ارجعي
قوليله مالي من بعد كلام ابوي كلام و انت تعرف الاصول و نصصصيحه من ذهب
ططططططططننننننننشيه حتى لو رجعتي له و صار اي شي بينكم طنشي وجوده
الرجال ما يحبون الحرمه اللي لاااااصقه فيهم
يعني خليه يحس انه مو اهم شي بالدنيا
حافظي على صلاتج و قيام الليل و حجابج و اهتمي بعيالج خليه
و اهتمي بكشختج و جسمج و بشرتج و بعيالج بأدق التفاصيل و اهو اهتمام الواجب و بس
علشان مره ثانيه يتأدب و يحسب لج مليوووووووون حساب

 

[الحياه وقفات]

الله يعينك ويسخره لك ع حسب الشمالي هو يعتبر انو انتي ياللي مو راغبه تعيشي معاه انتي شوفي طريقه مناسبه بيكون نص المهمه فيها عليك والباقي عليه يعني ممكن تكلمي احد بيعز عليه ويكلمه ولما يكلمك اتجاوبي معاه خاصة اذا كنتي باقيه على العشره معاه وانا ارى انو مافيه اي خلاف انك تتوددي له وتبيني له انك ترغبي في استمرار حياتك معاه ولاتنسي الدعاء والاستغفار فهي تفتح الاقفال

 

[السحابه الثلجيه]

الله ييسر امرك ويفرج كربك

 

[мιѕѕ gυ¢¢ι]

قوي قلبج! اسمعي كلام ابوج! ولا تنسين ربج!!
الله !! هو وحده من يستطيع حل مشكلتك ويفرج همك.
اكثري الدعاء وقيام الليل ..

 

[قصه عشق]

خليكي مع راي ابويك عارفه الامر علقم عليكي بس والله الشمالي من البدايه اعطيه خط احمر لمسار حياتك وهو راح يحفضها ويمشي معاكي وهو راضي
خلي بالك من نفسك لاتبين له انك زعلتي على فراقه وبعده اذا رجعك دلعيه على خفيف والله يصلح امورك

 

[o0o To0ota o0o]

خلي أبوك يكلمه ويقول شف لك حل

ياطلاق بمعروف او تسريح بإحسان

والبنت غاليه عندي وان اذا انت بتاخذه عشان تذلها ليها عندي

أما اذا بتعيش حياة كريمة ارجعها بس بعد ماتتعهد لي ان تحافظ عليها وتصونها

خلي أبوك يحسسه ان الحياة مو واقفة عليه .. وان اذا ماتبيها خلص موضوعك

بس بدون مايتذلل له او يلين معاه

يكون هادئ معه بالكلام وبنفس الوقت ان مو ميتين عليك وان شاء الله بيرجعك

بس كذا لاتتوقعين يتصل ويقول يالله تعالي

اذا كلش بيسوي لك مشكله عشان يرجعك بيقول ابي عيالي و لا ولا بيسوي مشكلة جديدة عشان يطلع نفسه منها

وبالتوفيق لك يارب