لحقووووووووو علي ريلي بيسافر

[روضــ ام ــه]

هلااااااا خواتي
لحقو علي ريلي بيسافر وما يبى ياااااااخذني معااااااااااااه
شوووووووو روووووعلي :tears:
مب عارفه شششواسوي بصراحه وايد متضاايقه
وبصراااااااااحة بعد تراني نقعت البكس الباارحه :icon1366: وطلع ومارد البيت وبيسافر بعد يوومين​

أتشاااور أخذ جواازه إذا طااااح بيدي
ولا أحرقله الغرفة
,لا شو قووووولووووليييييييييي بموت من الحره:icon28: ​

:blushing: :blushing: :blushing: :blushing: ​

 

[عنقود عنب]

ام روضة ...انت ما قلتي هو زوجك وين بسافر

وما فهمت وش تقصدين بانك نقعتي البكس البرحة ...

لكن كل اللي اقدر اقول لك ...((( لا تحطين راسك براسه ))

يعني شو انك تمسكين حوازة ..او تحرقين له الغرفة ..

اهدي ...في الف طريقة غير هذه الطرق ..

انت لو تحرقين نفسك ..أذا هو بسافر ما راح يمنعه شي

تحياتي

 

[اماني العمر]

اختي ام روضه ... هدي نفسك الله يبارك فيك

ماهو كذا تحل الأمور ,,,,,,,,, انتي بنفسيتك هذي راح تأزمي امور ك اكثر

كل شي بالتفاهم يمشي ,حاولي بشكل ودي تقنعيه ,

وبعدين اذا سفرته ضروريه لعمل وفتره بسيطه ,, تنازلي

اما اذا استجمام ,, حاولي اقناعه, واذا انتي عارفه نقاط ضعفه حاول الدخول عن طريقها لكسبه

ولا تتصرفي بحماسه وعصبيه قد تضرك وتكونني في النهايه انتي الخسرانه.

وادعي الله انه يهديه ويسخره لك .. وانه يلهمك التصرف الصحيح.

 

[روضــ ام ــه]

مشكوووووووره اختي عنقود عنب
نقعت البكس يعني تشادينا بالكلاام ووهددته بالطلااق لأنه مب أول مره يسافر
وفي اخر سفره رجع بفضايح وبراهين خيانه
بس الظااهر بعده ماتاب
وشو هي الحلول الثانيه؟؟؟؟؟؟؟؟؟؟؟؟

 

[روضــ ام ــه]

مشكووووره على النصيحه
أماني عمر بس السفره مب ضروريه
وهو يتعمد يسافر وقت أمتحانات العيال يعني بستهتار

 

[عنقود عنب]

لنفترض اختي انه يخونك ...وانت متأكدة من هذه المعلومات

هل تريدين الطلاق ؟؟

 

[روضــ ام ــه]

مااااااااعرف بس كل الي اعرفه ابغيه يووووووقف عند حده
ولو باتهديد وبعدين منو يعلم شو ممكن يصير بعد هالعلاقات من مصاااايب

 

[عنقود عنب]

شوفي اختي الحبيبة ام روضة

الا التهديد ...الرجال ما يخاف من التهديد ... بالعكس قد تكون عنده رد فعل عكسي

قد ينفذ التهديد اللي انت تهددينه به ...وبالاخير انت الخسرانه

هل انت متأكده انها خيانات جسديه ..عندك دليل قوي ؟؟

 

[روضــ ام ــه]

هييييييييييي طبعااااااااا وبعدين إلي ينلدغ مره يخاف من الحبل حتى

 

[عنقود عنب]

اختي الحبيبة ام روضة

كان الله في عونك

طيب انت لما تهاوشتي معة وههدتيه

وش كانت ردة فعلة ؟؟؟

 

[روضــ ام ــه]

كتبت في البدايه أنه طلع وما رجع

 

[غدير الحب]

هلا الغالية

كلنا نعاني من هالسالفة
عيل انازوجي جان يسافرمن ورا ظهري وايام الاعياد وكثيرمن المواقف الصعبة
واكييدخيانات

بالتدريج هويبطل ..ولاتحطي راسج براسه

تقدري تكلميه بهدوءقوليله اناما عندي اعتراض بس انت جرحتني وخنتي فكيف تباني استحمل
مااتوقع انك تستحمل فكرة اني اخونك او شئ
انا بشروقلبي مثل قلبك يحس ويخاف ويزعل

اتمنى تفكر فيني يوم تسير هالمكان وتفكربرب العالمين انه يمهل ولايهمل
واخاف يستوي فيك شئ ترا الامراض
وايد
وايدناس الله قبض روحهم باوضاع مخلة

والخ من امورالدين

ومن بين الرمسة اونج تطلبين منه هدايا معينة شغلات معينة لج وللعيال
حددي له وقت انه مايطول ع اسبوع

شوفي ترا مب كل الرجال سوا

يعني زوجي مايحب الدوشةوالاعصاب مسالم
فقلت له بصريح العبارة تبىالامور هاديةانت لاتسوى شئ مايعجبني
وذكرته بالله ..
وهذي نقطةساعدتني وايد
الحين من فترة فكريسافر وقاللي اياها صارحة يبىيسافر
قعدت معصبة وعصبت بس مب بصراخ بحزم
كل ماكلمتي الريال بحزم وصوت مب عالي سمعج اما الصريخ فبيطنش
وكنت متالمة بس قلت خطوة جيدة خبرني
تم فترة يماطل ويطلب وانااطنش اواتضايق
عقب نقزت فكرة براسي اني اقول له اوكي سافربس اشترى لي جي وجي وجي
اغراض ولليهال
واناعارفة طبع زوجي طبعا بدلع ووناسة وجأنه العيد انه بيسافر
لاني جربت ازعل واعصب بس هو جي والا جي مسافر؟؟ فغيرت اسلوبي

والهدف من السفر انه اييب لي اغراض ولا يهمني شئ ثاني
وسبحان الله هون عن السفر لانه عوقه الفلوس ومايبى يزعلني لونسى شئ وكل هذا بعدسنين من التعب مب بيوم وليلة

يعني خذي االامور بالتدريج وبهدوء دوسي ع خاطرج
واذا سافر لاتتصلين الا بعدها بجم يوم

وع فكرة ما يستاهل الموضوع الطلاق
وهوعنيد والعنيد ما يتاخذبالعند يتاخذ بالهدوءوافقي وكوني سعيدة مع شروط واهمها ذكريه بالخيانة
ومصايبها وجهزي جم صورة عن الامراض وقوليله عسب جي انااخاف
عليك والخ

وادعي له والله يوفقج ويحنن قلب زوجج عليكم ويشيل فكرةالسفرمن راسه

 

[روضــ ام ــه]

ماشاء الله عليج غدير الحب
كلامج مثل العسل على قلبي وماقصرتي وكلامج كله صح
بس المشكله انه الحين نحن مانتكلم وانا اصلن ما عرف هو وين ومالي خاطر ابينله أني راضيه

 

[full moon]

كلمه وحده إستشيري ناعمه.......

 

[روضــ ام ــه]

كيف أوصللها تقصدين على النت ولا اسيرلها مكتبهاااااااااااا
يااااااااااااا مراااايم

 

[آه ياقلبي]

انا مع غدير الحب
الرجل مايحب حد يعطيه امر اذا قرر انه يسافر بيسافر لو شو سويتي
اختي
استهدي بالله وخليه يسافر ...ولا تقولين له انا سمحت لك تسافر ...لا ترى هذا خطأ
اكتبي له رساله وحطيها في شنطته خليها كلها حب وغرام وقولي له انج بتشتاقين له وااايد ولا يتاخر عليج
لكن وانتي تكتبين الرساله لاتحطين فيها كلمتين ((بس ..ولكن))
رتبي شنطته ودعيه ببتسامه والله يحفظه لج ويرده بالسلامة
احيانا الرجل يبحث عن الحرية اعطيه ايام من الحرية...ولاتخافين عليه ..
الواحد اللي بيخون ..بيخون وهو عندج

 

[وجه المرايا]

الله ايعينج والله على مابلاج

هوه ويا من بيساافر ولا اروحه جيه

 

[روضــ ام ــه]

للأسف ياآه قلبي
أحس أني مب قادره أكتبله شي
لأنه في سفرته إلي اكتشفت فيها خيانته مماتتصورين شكثر رسايل حب وغرام
حطيتهم في بنطلوناته وقمصانه ولا حتى كلف نفسة أنه يتصلبي ويقلي مشكوره فهذيج السفره
وأنا قتله البارحه إني ورح استوي غبيه مثل المره إلي طافت

 

[روضــ ام ــه]

ووووووووووووووووين النصااااايح ووووووووووووالطرقققققققققققق الثااانيه

 

[غدير الحب]

هلاعزيزتي

الحين انتي ماعليج غير

دزين له مسج ع موبايله

وتكتبين فيه
انج مب معترضة ع سفره وسمحلي اذا عصبت
بس طمني متى بترجع البيت عسب اجهزلك اغراضك؟
وبس
يعني لاتبيني اي شئ
ويوم يرجع ابتسمي وقوليله بكل دلع
افاااا لهدرجة زعلك قوي ويهون عليك زوجتك حبيبتك تخليهاتخاف عليك كل هالوقت
ولو نرفزج معاليه ابتسمي

اوكي حبيبي مااخليك تعصب بس يلاتعال وارتاح

وعقبها بالتدريج رمسيه اساليه يبى شئ

وابدئي بعدين معاه حوارطيب وسلس


وانتظريالحين ليما يرجع اهم شئ دزي مسج حتى لو مسكر موبايله لابد يبطله

او اذا عندج حد ثقة من اخوانه اواخواته خلهم يسالون عنه
وبالنسبةلرسايل الغرام وغيره لا اتسوينها له يعني خلي الامرطبيعي
لانه كل مرة سويتيها يمكن قراهاماقراها ماتدرين
فانتي بس خلج جي وهوراح يفتقدبعض الامورواتوقع انه راح يستغرب تغيرج واكيد
يبى يعرف شوالسبب فانتي خبريه انج بتصارحينه لانج خايفةعليه وخايفه عليه من غضب ربالعالمين ومن غيركذا الخيانات الي سواها (لازم تذكرين هالاسباب عسب ياخذهابعقله لاتقولين هويعرف لا انتي خبريه ) بس كل هذا باسلوب هادئ وثقة
وقتهاالريال واي ريال يوم يشوف تغيربيقعد يفكر

واتكلي ع رب العالميييين

وان شاءالله الامورتكون طيبة