لحقوني ولا تبخلون علي بنصايحكم

[دعاني الشوق]

السلام عليكم ورحمة الله وبركاته

كيف الحال أختي ..سوبر ناني

في البدايه احب اشكرج على مد يد العون لنااا نحن الامهااات خاصه

انااا بصراحه لدي ابن عمره ثمان سنوات ..من كان صغير وهو مؤدب وهادي وخلوووق ومطيع ..
شوي بدت الحركه ..والمشاغبه ...بس في حدود المعقول ..هو عيبه انه حركي زياده عن اللزوم ..وعنده عادة الخوف مسيطره عليه تماما
يعني لو يشوف شي بسيط يخوف ماينام الليل كامل

المهم هالايام عنده عاده غريبه ساعاات ايجي من المدرسه وهو متبول في ملابسه .(.شي بسيط )كلمته قالي المس ماتخليني اروح ..
والحين بزياده يعني الاحظ عليه يتحرك كأنه يريد الحمام واقوله روح يروح بس اللي مجنني ..انه بدى يبول في زاويه مره ..والمره الثانيه على الكرسي يعني من على طرف وقف ووسخ الكرسي
ضربته وهددته اني بحرقه اذا كررهااا


والحين يكرر العاده نفسها بزياده بس بطرق مختلفه

ياليت تعطيني حل ؟؟
انااا قلت يمكن عنده مشكله في اعضاءه او انه يتبول وهو مايحس يقولي لا انااا احس بس ما اعرف ليش ابول

اتمنى تردين علي انتي واللي عنده اي راي تعطيني حل او حتى اسم دكتور اقدر اكشف على ابني عنده

ولكم الشكر​

 

[الدانه]

أختي العزيزه لاتحاتين كل مشكله ولها حل انشاءالله
يمكن الولد يكون صادق والمدرسه ماتخليه يظهر صوب الحمام
وحاولي ماتحسسينه انه عنده مشكله الله يخليج له وتحمليه شوي
واتمنــــــــــــــــــــــــــــــــــــى يفدونك البنات

 

[المسك]

الله يصلحه يا رب
يمكن ينسى مع اللعب ويمسك نفسه الى آخر لجظه حاولي تذكرينه أو يمكن يحاول يلفت انتباهج،سأليه ليش وخليه يقول كل الاسباب بدون ما يحس انج زعلانه عليه أو متضايقه منه،وبس شرحي له بعدها شلون المسلم لازم يكون نظيف عشان تخرسه الملائكه والملائكه تبتعد عن اللي ما يهتم بنظافته ،ويمكن سامع كلام من الأطفال بالمدرسه عن الجن وان مكانهم الحمام .
وهل الموضوع يتكرر كل يوم وكل مره والا بس مرات
وان شاء الله فتره وتعدي

 

[دعاني الشوق]

شكرا على الرد اخواتي

بخصوص كلامه ان المس تمنعه انااا مصدقته بس انه نفس الحاله في البيت وايد صعبه

انااا ادري انه يحب اللعب ومتأكده انه يمسك نفسه لحد ماينسى وفجأه يلقى نفسه متبلل

والله تعبت معاااه بس بحاول اني اقوله اللي نصحتيني به

وشكرا لكم

 

[هدأة الغسق]

يا أختي هذه عادة في بعض الأطفال بل كثير من الأطفال يعملها ..

أنصحك أن تعطيه نجمة على لوحة كبيرة في غرفة الجلوس عن كل يوم لايبلل فيه نفسه ..

طرق المكافآت أجدى واسرع من العقاب..​

 

[سوبر ناني]

اختي الكريمه بالنسبة لطفلك
اذهبي معه للمدرسه وتحدثي مع المدرسه بهذا الخصوص واطلبي منها عدم حرمانه من الذهاب للحمام وامامه
واخبريه بانخ ولد جيد و ضعي جدولا واطلبي منه اي يحدد هديه يرغب بها بشده واخبريه انه لو اتبع السلوك اللذي تحبينه فيه ولمدة اسبوعان سوف تشترين له الهديه وعلقي له الجدول في مكان ظاهر حتى يراه وكل ما يرجع من المدرسه وثيابه نظيفه ضعي صح والعكس
ومثلها لما يفعله في المنزل والحمام
وان شاء الله يتقوم سلوك ابنك
وفقك الله

 

[مذاق الصبر]

حبيبتي أتمنى لولدك الخلاص من مشكلته ..
ولكن انتبهي لاتهدديه بالحرق !! لايحرق بالنار إلا الله سبحانه وتعالى ..
أرجوك اعتذري منه .. وقولي أنك علمت أن الحرق بالنار حرااام ..
حتى لايتأصل في داخله المعنى فيصعب علاجه ..
وفقك الله ..

 

[دانة بعين بحارة]

الله يكون في عونج حبيبتي
و انتبهي لا تهدديه و اتسببي له مشكلة جديدة

 

[مثل الورد]

اوووووه حليلهم اخواني كلهم امي حرقتهم يوم كانوا صغار من شطانتهم...