لحقوني بموقف مناسب اه اه من قلة الحيله

لا تتخلى ابدا عن زوجك
ولاتتركيه
توكلى على الله وادعيه ان يرد لك
زوجك حبيب عمرك​
 
اصبري وخليك قريبه من الله بكثرة الذكر والاستغفاروقراءة القران
وعاملي زوجك بالحسنه والاحترام والقيام بواجباته
ولا تذكري زواجه ابداولاتساليه عن زوجته ولا اش بسوي
اذاجاء حياه الله واذا راح مع السلامه وعيشي لنفسك وعيالك واشتري راحتك
وبالنسبه للفلوس خذيها منه بالكلام الحلو والمسكنه
الله يكتبلك الخير ويصبرك ويسخرلك زوجك
 
ماشاء الله عليك ياثلج تصرفك كان قمه في القوه لم يبقى سوى الاهتمام ونسيانه الامن الحقوق الشرعيه طبعا وصدقيني بيرجع لك خصوصا انها هي التي عرضت نفسها عليه بس انتي طنشي ولاااااتشيلين هم مع اني عارفه انه صعب بس حاااولي وقلبي معاك
 
Butterfly sprin قال:
ماشاء الله عليك

باين انك عاقله ورزينه

اقولك وش تسوين

بس تطلعي من النفاس غيري لوك كامل

من راسك لرجولك

ولاتنسي تصلحي عملية تضييق بعد الولاده <<<مره مهمه عشان ماينبهر بالعروس وينساك

وغيري غرفة نومك ولاتتنازلي عن حقوقك

اذا يبي يتزوج خليه يتزوج بس يسوي لك نفس مايسوي لها ونفس مايجيب لها

اذا قال عروس قولي مالي خص اذا ماغيرت غرفة نومي واعطيتني المبلغ الفلاني باعيش معاك عشان الاولاد وماتقربني نهائيا

خليه يصير يشوفك وانتي متشيكه وزي القمر ويتحسر على نفسه انه تركك

وتدللي بس بيني انك زعلانه ومجروحه منه

ودايما اذا تكلم عن زواجه شككيه فيها

قولي له مثل ماكلمتك ياحبيبي بكره تمل وتكلم غيرك

خليك رقيقه ولاتجيبين انتي طاريها ابدا

كانها مو موجوده

وابدي اشتغلي من تحت لتحت

هو اكيد في البدايه بينبهر فيها شوووي

بس بعدين بيرد لك

والشك راح يملى حياتهم هي بتشك فيه وهو بيشك فيها

والله ينتقم منها خرابة البيوت ...
أنقر للتوسيع...
الأخت كفت ووفت وكلامها عين العقل
 
عين العقل الذي عملتيه الله يصبرك

ويرزقك الحكمة عزيزتي :

قولي له الشرع محلل لك أربع

وإذا هي عاجبتك الله يهنيك معها أهم شيء سعادتك

هذا أمامه لكن بينك وبين ربك ابكي واخرجي

عبرتك وأطلبي من الله أن يختار لك مافيه الخير لك

دائماً أذكري الله أستغفري أقرأي قرآن صلي على

الحبيب محمدصلى الله عليه وسلم هذا سيجعلك

نور في البصيرة وضياء في الوجه

وقناعة في القلب وسعادة في الروح

وإذا ما فيها خير أقسم بالله العظيم غير حانثه

وإن شاء الله سيتركها ولن يكرر عملته

فقط نفذي نصيحتي وأبعدي عنك وسواس

الشيطان والله يلوم الذي يلومك

وننتظر البشارة منك الله يسعدك ويرد لك

زوجك وسعادتك وفرحتك وحسبي الله ونعم الوكيل .
​
 
خافيه غلاها قال:
لا تتطلقي راجعلك راجعلك مابني ع خطا فهو خطا << المنتدى ملييييييييء بالمواضيع اللي توضحلك كيف تغيري تعاملك معاه
أنقر للتوسيع...

انا مع الاخت ...ترقبي رجوعه الى احضانك قريبا" فلا تخسرين بيتك عشان وحده ماتستاهل
صبري وان الله مع الصابرين وتصرفي بطبيعتك:2:
 
آه من قلّة الحيلة ....
كلمتك قطعت نياط قلبي !
وموقفك موقف بطولي لاتقدر عليه أي زوجة ، وصدقيني ما بُنِي على باطل فلن يستمر ، وبعون الله سيرجع لك نادماً ولن تستمر علاقتها به
حين يساوره الشك بها لأنه عرفها بطريقة محرمة .
اصبري ثم اصبري وسترين ثمرة صبراك عاجلاً بحول الله وقوّته.
 
والله مدري شو اقول

غييييييييير
كان الله بعونك

ورزقك حسن الاختيار
 
لكي مني دعوه صادقه من القلب الله يوفقك وينور دربك ويسخر زوجك علي حبك وان شاء الله مايجيه النوم الا عيونه بعيونك ااااااااااااااااااااااامين​
 
لاتخافين ربي معاك بيجي يوم تشرق فيه الشمس بعد ماغابت هذه دنيا فااااااااانية لاتعبي روحك الغالية والدنيا دوارة عليه وعليها هم الحين في نشوة خلك متماسكة وقوية ولاتناقشيه ابد واهتمي ببيتك ونفسك وعيالك بيجي اليوم اللي يتندم فيه حتى لوبعد سنين :31::31::31: انبسطي وشوفي سعادتك وبس:31:
 
ياااااااااااااااااروحي انتي جباااااااااااااااااااااااااااارة زي الجبال مشاااااااااااااااااااء الله مليون مايهزك ريح ياقوية والله انك احسن مني الي بقوله لك ترا في وحدة عقب عشرة تزوج عليها زوجها وحدة ام 18 سنة وسكنها بنفس البيت معاه تخيلي وصلت فيهم الدرجة انهم يطلعون بفوط الحمام قدامها ويلتفتون علينها ويقهرونها لكن ماستمر الزواج اكثر من سنة والمرة هذي صبرة وقدرة وظلت ببيتها ولا طلعت رجعلها زوجها والحمد لله عايشة في سبات ونبات هذي نزوه يعلهم العلة مجننينا هالرجال ....

بالعكس انتي احلا واصغر منها وانتي ام العيال اهتمي بنفسك وخليك قممممر وخليه منقع عندها صح بتنقهر بس فكررررررررري بعقلك مو بقلبك غصصصصصصصصبي روحك وقولي ربي بيقدرني ان شاء الله وربك على ظنك فيك حبيبتي انتي..
 
الله يسعد قلوبا ردت علي وبردت قلبي
بدون تحديد لكم بمثل الدعوات الطيبه الي دعيتوا لي
والله لايحطكم بنفس الموقف
قولوا آآآآآآآآآآآآآآآآآمين
الليله خرجت انا واياه عندي مراجعه افك الغرز مسويه تضيييييييييق من وقت الولادة مع اني وربي مااحتاجه بس ضمان زياده ورديت بنت
وكان معي مره عسل كل شوي يبوس ويحظن وكنه يعصرني يبيني اابكي وانا ناشفه ولمن شفته مصر يحب الدموع والتشكوااااااايه انفطر عليها ومعاه وحده ماتبقاه يشوف دموعها نزلتله شوي اش اسوي مصر يدمع عيوني
بس شوفوا النذاله
قام يتقرب اكثر ويمسح دموعي دموعك غاليه مابيها تنزل وهو من جوته يقول اخيرا شفتها ياجباره
المهم قلت اعرف ان دموعي غاليه بس تراها على روحي وعلى تقصيرك معي سابقا فما بالك الحين
لاتضنها من موضوعك انت تعرف راي فيه وخصوصا اني مو مقصرة معاك مايهمني وسبق وقلت لك الله حلل اربع ورزقنا صبر ما عطاكم عشان كذا حتى ربي خايف عليكم من عدم العدل وعواقبه
وصدقني انت غالي عندي بس ماقدرت اسقط دمعه عشانك تدري ليش قال لا قلت لانها نزوه وبتعدي واحسك كنك بتسافر وترد بس
واهم ماعلي نفسي وحقوقي واعيالي ماتقصر معانا والي كمت ساكته على قصوره وانا وحدي ماراح اسكت الحين
اما هي الله يستر حالنا وحالها
وانا متعمده دقه اخيره لاني ناويه ماعاد اجيب طاريهابس ابي اختمها بطريقتي
اما هي الله يستر حالنا وحالها تكفي الطريقه الي وصلتك ببعض هذا اولا قال ثانيا قلت وحده مو حلوه (بدا الجنوبي يتنرفز )ياساتر لو يلقاها ابليس ما طالعها واحنا الحريم ابخص بالزين منكم يالرجال قال من وين تعرفيها قلت صورها بجوالك واللابتوب تبعك وانا ما شفت الا الجوال بس اشككه اني شفت كل شي (مسكينه صدرها طايح على بطنها) ((دقه بقوه )))
من الي عرفته ان الرجال يصدق الي يسمعه ولو بعد حين خصوصا لمن يبداء يقارن وراح يشوفها شينه من كلامي كفايه
وثالثا (والاخ على اعصابه ) حبيبتك اكبر مني وسويت ضححححححححكة غنج قلت ماترزاني امورك كلها في صالحي
عصب وقال انا ما احب طوله لسانك قلت سوري حبي انا زعلتك بشي قال انا جبت سيرتك بشي وانا مفهمها ما تجيب سيرتك بباطل لي وهي تحترمني وتسمع كلامي
قلت اوكي وانت بعد حبي حق من حقوقي عليك الي بيني وبينك ما تطلعها عليه
قال وعد اساليني عنه عند ربي كذاااااااااااااااااااب
حاشاكم
قلت لاتعصب حبي اعتبر اني اتغشمر معاك
وقلت حلو انت وش ناقصك تزوج قال والله ولا شي بس نصيب
قلت خلك قد بيتين والله يهنيك والقلب داعيلك
ورجع يحضن ويبوس ويقول ان طولت لساني هي الي نرفزته وخلته يخطب ومن حبه فيني خلى زواجه بعد ولادتي عشان الثانيه تشوفني بحلاوتي وانه يحبني وقلت اوكي كيف بيكون نمط حياتنا قال كل شي بوقته حلو
واخذنا عشى وروحنا
وانا لاحظت من حياتي انه بالكلام المعسول يجي ووين ما لقيه بيبلط
ومن ردودكم الى والله اسعدتني كثيرا وخصوصا الي تقلي الشيطان يصلح بالحرام وبخربها بالحلال قلت حلو اخليهم لابليس​
 
اختي عورتي قلبي مادري انا محتره عشانك ولا عشان نفسي ولاعشان اي حرمه
الله يبرد قلبك ويرد لك زوجك ويصلح لك في عيالك وحطيهم قدام عينك واحمدي الله
الي ثبتك على الصبر وانشالله يعوضك خير في نفسك وعيالك و انت صح ونت الفايزه باذن الله
 
اللة يعين قلبك ويسخر لك زوجك
يااااحياتي مردة لك لا تقارنين طريقة زواجك فية بطريقة زوجة الثانية انتي اللي اختارها ربة لة مو مثل بنت ...... (استغفر اللة) ابليس اللي جمعهم ماااااااااااااااا فية ابد وجة مقارنة
وانا اعرف وحدة قريبة لي زوجها تزوج عليها وحدة متعرف عليها وطلبت الطلاق وطلق وبعد سنتين طلق بنت ....
وبعد كم سنة رجع يترجي زوجتة ترجع لة بس في رفضتة الي يومك هذا عايش وهو ندمااان
 
الزواجات اللي كذا نهايتها معروووووفة ,,


وحبيبتي معليش لذة ايام العرس وبعدين تخف فزته وولهه عليها


راح يخف وتصيرين انتي الغالية بعينه

وهو راح يناظر لها بعين ثانية بس خليه يعرف انها مرة زيها زي اي مرة ثانية



بس حبيبتي اشرطي عليه انه ما يجيب لها طاري عندك ابد


وافرحي بولدك وببناتك


واضحكي لان الرجال يخاف من المرة القوية ويستضعف اللي تبكي

ويضحك عليها ..


انتي خليك كوووووول ورومانس وطنشي صدقيني بيرجع لك


لانك حبيبته وام عياله الطاهرة اللي اخذك عن طريق اهلك وراسك مرفوع


مو زواج فيه العيب والشك راح يدب فيه لانه بطريقة حراااام


الله يوفقك ويعينك
​
 
اخرتها طلاق لها تاكدي وثقي ان هالاشكال
ماتستمر للابد يعيشون على قوت يومهم
من الحياة
 
حبيباتي الله يهونها ويبرد على قلبي ويجزاكم خير على ردودكم الطيبه
والله انكم احلى اخوات الله يجمعنا بمستقر رحمته مثل ماجمعنا بها المنتدى الراقي
 
والله قلبك قوي ماشالله عليك الله يزيده قوه انشالله
ياليت قلبي ربع قلبك لو انا مكانك استجنيت والحين في مستشفى المجانين اهنيك والله على عقلك الحكيم خلك كذا تدلعي ولا يهزك ريح مثل مايقولون
دام انه تزوج عشان يستانس انتي لا تضيعين شبابك على غيره اعتبريها ماكنها موجوده وعيشي حياتك عشان اعيالك
والله يقيمك بسلامه ويبلغك في عيالك ويثبتك اللهم امييين وترى بس اول الزوج حلو بعدها بيصير طبيعي
الله معك
 
ماشاء الله أنت إنسانة عاقلة وواعية وموقفك مرة حلوة
أستمري والله يقويك ويرجعه لك أفضل من الثانية
خليك قوية وترى حتى لو حسيتي أنه أنشغل فيها ببداية زواجهم تراه فترة ويرجعلك مثل الطفل لما تكون عنده لعبة جديدة وأخذه وقته وإهتمامه وشوي يمل منها
لكن الزوجة الأولى عادة لها مكانة كبيرة عند الزوج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل