اختي جزاك الله خيرا
انا صراحه حياتي كلها مواقف ومن كثر ماشفت من مواقف الحمدلله الدنيا ماصارت تعني لي شيء بقدر مااني ارضي ربي فوق كل شيء
اصعب موقف مر علي
وفاة احدى الطالبات كانت تدرس معاي انا بطبعي ماكان عندي اي احتكاك بالبنات كثير وهالبنت كانت مرجوجه شوي فكانت دايم تحب بالطابور تصف معي عشان محد يهزئها من المعلمات وعشان ماتتلكم
وفي يوم من الايام كان وقت امتحانات صفت معاي وكانت تقولي احس فيني تعب موطبيعي احس اني منتهيه خلاص فانا كنت اقولها تعوذي من الشيطان اكيد هذا خوف من الامتحانات وانا بروحي حدي خايفه المهم انا سرحت راح بالي في الامتحان فجئه حسيت يدها تلمس يدي زي اللي كانت تبيني امسكها وطاحت عالارض انا بعدها صرخت بقوه وصرت ارجف حسيت بيغمى علي اجو بعض البنات والمدرسات شالوها ودخلوها جوه انا مسكتني المديره الله يجزها خير وقامت تسمي علي وتحضني وتقرا علي ودخلتني معاها وعطتني كاس عصير انا صراحه حاسه اني تعبانه حيل من الموقف وصايره مصفره شوي اجاء الاسعاف اخذالبنت وودوها المستشفى انا المديره جلست يمي طول وقت الامتحان وكل شوي تجيب لي كاس مويه اوعصير خافت علي لاني انفجعت المهم عدى الامتحان وجيت خارجه اغمى علي لسى متاثره من الموقف واول ماصحيت جلست ابكي واصيح عالبنت لانهم قالو دخلوها العنايه فقمت اتذكر حركاتها وتهديد المعلمات لها واقول ياربي اهي كانت دايم لما يجي وقت الصلاه تهرب ياربي وش بيصير فيها ومن هاالوساوس اذا ماتت وش بيصير فيها يعني وساوس غير طبيعيه
جا اليوم الثاني امتحنا وبرضو بعد ماطلعت من الامتحان دخت وعلى ذا الحال لمدة اسبوع ليه لاني كل ماجيت طالعه اتذكر يد البنت لما جت بيدي ولما طاحت جنبي ومقدرت اسوي
شيء لهابعد اسبوع قالو انها طلعت من العنايه انا بديت ارتاح نوعا ماء وادعي ربي انه يقومها بالسلامه تهتدي وتعودلصوابها
المهم اخر يوم في الامتحانات كانت اهي بتخرج من المستشفى طبعا حنا بقاعة الامتحان وكانت المراقبه علينا مدرسه تكره هالبنت ودايم تسبها وتتهمها بقلة الادب وصعبة علينا الماده عشانهاشوفو الموقف حنا جالسين ننتظر يخلص الوقت ونسلم الورق ونروح نرتاح من عنا الامتحانات فجئه اجت وحده من المعلمات نادت هالمعلمه وخبرتها ان الطالبه فلانه ماتت وصرخت هالمعلمه صرخه قويه الا الان صوتها باذني قامت تقول يارب سامحني يارب انا صعبت الامتحان من اجلها ولكن امتحانك اصعب يارب ارحمها حنا تقريبا كلنا صرنا شبه تايهين وصرنا نبكي ونطالع كرسيها ومكانها واغراضها ومومستوعبين انا قمت ابكي بقوه اقول لاتكذبون لامستحيل اهي ماماتت اكيد اهي دخلت غيبوبه مني مستوعبه بس وين المهم في القصه انها لما جت تخرج من المستشفى قالت اول انا بروح استحم راحت تستحم وماتت بدورة المياده وهذا الشيء اللي عذبناانا من بعد الحادثه ذي صار يغمى علي عند اي موقف صرت خوافه صرت بس افكر بالموت
وكثير لمااسمع احمد العجمي يقرا سورة البقره ولما يوصل عند ايه(( ختم الله على قلوبهم وعلى سمعهم وعلى ابصارهم غشاوه))
على طول لما اسمع هالايه اجلس ابكي واتذكر صديقتنا اللي ماتت الله يرحمهاويغفرلها ويتجاوز عنها سيئاتها ويرحمنا اذا صرناالى ماصارت اليه تحت التراب وحدنا
هالقصه اكثر قصه اثرت علي والا الحين موقادره انساها..
ودايم افكر بالموت قبل لاانام احاسب نفسي على كل شيء وانا م نومة مودع وادعي واذا صحيت اتوقع اني باموت في اي لحظه
نسال الله ان يحسن لنا الختام وان يجعل قبورنا روضة من رياض الجنه وان يجمعنا باالصالحين في مستقر رحمته
اشكرك اختي من الاعماق وتقبلي مروري واسفه عالاطاله..
