لتنعيم وترطيب الشعر الجااااف---ماسك طبيعي ورائحته جميله----

[القلب الكبير]

السلام عليكم

هلا بنات

شلونكم

الشعر الجاف مشكله - يضيق الخلق - ويخلي الشكل مو حلو

الناس اول ما تطالعج تشوف وجهج وشعرج

والشعر هو البرواز

اللي لازم تهتمين بجماله

والسشوار والمصففات الكهربائية الساخنه

تزيد الجفاف والخشونه

وتخلي منظر الشعر اوووف يلوع الجبد

والحل ؟؟

الترطيب الدائم

واقوى المرطبات على الإطلاق اللي يتغلغل داخل الشعره ويخليها ناعمه صج

هو زيت الجوجوبا

واليوم انا جايبه لكم ماسك

قريت عنه بمجلة ريدرز دايجست ( امووووت على هالمجله)

وهو :

- ثمرة افوكادو مهروسه

-ملعقة زيت الجوجوبا

- ملعقة زيت جنين القمح



تمزج جيدا بشوكه او ملعقة

ثم توضع على شعر نظيف

لمدة 15 الى 30 دقيقة

وتغطى بقبعه ( كاب شاور)

ثم تغسل

وتكرر هذه العمليه حسب درجة جفاف الشعر

اذا كان جاف جدا تكرر كل اسبوع

واذا كان عادي تستخدم مره بالشهر

اتمنى لكم شعور ناااااااااعمه وتتهلهل

وان شاء اللهتجربون وتخبرونا بالنتائج

انا بديت اول وحده

حطيتها على ( رأسي الشريف) وجيت الصاله

منقول من اختي ام السنع لللأمانه

جابلت اللاب توب وكتبتها لكم

 

[om.ahmad]

رد : لتنعيم وترطيب الشعر الجااااف---ماسك طبيعي ورائحته جميله----

حلو والله..
أن شاء الله بجربها..

 

[CanDle-Kuw]

رد : لتنعيم وترطيب الشعر الجااااف---ماسك طبيعي ورائحته جميله----

يعطيج العافيه حبيبتي




الف شكر لج

 

[آه ياقلبي]

رد : لتنعيم وترطيب الشعر الجااااف---ماسك طبيعي ورائحته جميله----

شكرا الغالية على هالموضوع

 

[نور عيونه]

يزاج الله خير وطول شعرج وحلاه اكثر واكثر

 

[أ. باسمه الكوس]

بصراحه هالخلطة عجيييبه

صج تنعم الشعر من قلب

مو خرابيط

والحلو ما فيها ريحه

انا ما اواطن الريحه الشينه مثل الثوم والجرجير والحلبه

لا لا لا

للريحه القوية

ونعم

لكل ما ينعم الشعر ويقويه

برائحه لطيفه

جربوها يابنات ترى عجيبه

لأن الافوكادو يحتوي على زيوت تنعم الشعر الجاف والتالف

 

[aldana]

بجربها على راس بنتي بالأول ههههه حقل التجارب يا حبيلها ...

مشكوره يا قلبنا

 

[الم وامل]

لو سمحتو الافكادو هو الكيوي

 

[**جوريه**]

عزيزتي الم وامل اسمحيلي اجاوبك 00

لا الافوكادو مو الكيوي 00 الافوكادو يشبة الكمثرى بس لونة اخضر غامق 0

وانا بعد عندي سؤاااااااال من وين اجيب الزيوت اللي قلتوا عنها

انا في السعودية من الشرقية


ومشكورة اختي على الخلطة 0

 

[الم وامل]

مشكوره اختي جوريه على الرد والزيوت تلقينها عند العطارين

 

[سرعان ما أعود]

هالزيوت جبتها كلها من العطاريين
شكرا على الموضوع يا اكبر قلب بهالمنتدى..


ما لاحظتو شي غرييب مررره بالموضوع بالنسبه للاخت الي كاتبه الموضوع الاساسي

راسها الشريف*** طيب لو نصحتيها يا اختنا القلب الكبير بانها لا تزكي نفسها..والله صج انه ربي كرم بني ادم بس مو كذا طيب قولي جربو على روسكم الشريفه

واللهم لا تكلنا لانفسنا طرفه عيين..

 

[العذوبة]

مشكوره يالقلب علي الوصفه جت بوقتها

بس يالغاليه شو ها زيت جنين القمح ومن وين اشتريه

والف شكر غاليتي

 

[هـايدي بلقيس^_^]

الافوكادو مو مشكله احصله بسهوله بس باقي الاشياء من وين؟؟
ومشكوووووووووووووووره مره حمستيني اجربها