لا تستهلك وقتك في تنمية ضعفك ..اعرف مناطق قوتك

[راجيه الرضا]

نقول تانى :

مش لازم تلاقى مجال انت شغوف بيه علشان تحس بالمثابرة و الاستمرار لهدفك فيه

انا لم أكن شغوفة بعلم النفس و لا الاستشارات و لا الكتابة و انا صغيرة و لا عمرى حسيت انى مهتمة بهذا المجال

لكن لما بدأت الاختبارات الشخصية تنتشر على صفحات الويب

و لما فهمت مناطق الذكاء المرتفعة عندى

و لما فهمت طبيعتى الشخصية الى اتشكلت من الجينات و من التربية و من خبرات الحياة

و فهمت ايه المجالات الى ممكن استغل فيها هذه القدرات و هذا الذكاء و بدأت أجرب و اتعلم

من حوالى ٢٠ سنة و انا باعمل كل شوية اختبارات لاكتشاف مناطق القوة و التعرف على المجالات الى ممكن اكون فيها كويسة باستخدام السمات القوية عندى

و لما بنجح فى مجال ببقى شغوفة بيه مع الوقت

الاختبارات دى متوفرة و كتيرة أوى على الانترنت دلوقت

اكتشف نفسك
و ادخل و اعمل اختبارات كتيرة مش اختبار واحد بس

لحد ماتكون صورة واضحة بمواطن القوة و مواطن الضعف عندك

لا تستهلك وقتك و لا طاقتك فى تنمية الضعف قبل ما تكتشف القوة و نقاط التميز و ازاى ممكن تستغلها فى اكتشاف شغفك

#دعاء_راجح