لا احب زوجي والسبب ....

الحالة
مغلق و غير مفتوح للمزيد من الردود.
معليش

:5:والله ثم والله اني ماارسلت هذا الكلام والله انها بنتي والله اليوم لتنظرب علشان معد ترسل هذا الكلام السامج
والبايخ:blushing: سامحيني اذا مسامحتني ردي عليه انك مسامحتني
 
اولا اسعد الله مساك وصباحك بكل خير ...
ثانيا عليك بالدعاء بجوف الليل الاخر ان ينزل الله محبة زوجك بقلبك فهذا هو الحل لن الله ينزل كل ليله لسماء الدنيا فيقول هل من تاب فاغفر له هل من سالٍ فااجبه وهل من داعيا فااعطيه اسالي الله التوبه ومحبة زوجك وباذن الله لن يردك رب العالمين فهو ارحم على عباده من الام الحنونه .. وفقك الله واصلح قلبك وبالك لمايحب ويرضى ....
اختك كيمياء الحُسن
 
يا اخوااااااات لا تتهجموا على صاحبة الموضوع...
الشيطان يفرح بردودكم التي تثبط من عزيمتها على التوبه..
وتذكروا قصة رسولنا الكريم مع ماعز وماذا قال عن توبته ...
وعن المرأه الغامدية التي زنت...
ولن في رسول الله اسوة حسنه ..
ولا تقولوا شتان بين زمن الصحابه وزمننا هذا فأنا اعلم التفوت ولكن انا اتكلم عن التوبه...
 
كل من انتقدت اسلوبي بالرد وماعجبها بكيفها
التايب يستحقر الاشياء الشينه بس ياهوووووووووووه هي تقول حبيبي الاخير وما ادري ايش
وشلون حبيبها وتايبه
وانا ويشهد علي فاطر السموات والارض ما جرحتها الا علشان تصحى لانها باقي غافله
ويسألني ربي يوم القيامه اني مو متشمته
عندي بنات وعندي خوات
لاكن الجرح طب في بعض الحالات
اتمنى اللي تمر على ردي تفهمه قبل تحكم علي واني شمتانه
 
انا بقول رايي للموضوع ..

اولآ .. ان ياصاحبه الموضوع لابد من انك راح تواجهي

الناس اللي تتقبل الموضوع وترد عليك رد حلو واللي ماراح تتقبل

الموضوع وترد عليك برد مو حلوو ..

لكن اللي استغربته من البنات اللي ردو برد ماهو بحلوو وكلام بعد قوووي

لو حطت نفسها بالمشكله وان سوت غلط كبير مو شرط

نفس الغلط اللي غلطته صاحبه الموضووع ولا تقدر تقول حق اهلها ولا احد

من حولهاا ولجأت حق منوو لجات حق احد المنتدياات اللي تطرح مشاكل وحلوول

او مثل هالمنتدى وحطت مشكلتهاا وجات لها نفس الردوود اللي ردت ع صاحبه الموضع

بالامانه وش رااح يكون ردكم لهذي البنت اللي ردك عليك برد ماهو عدل ..

ثانيآآ .. البنت قالت لكم انا ابي نصايحكم ابيكم تعلموني كيف احب زوجي

او كيف اتقرب الا زوجي اكثر واكثر .. وشلون انسى حبي الاول والاخير

المفروض انك ماقلتي حبي الاول والاخير قلتي اللي كنت اعرفه سابقاا

لكن الحين شيء ماضي وانتهي ..والحمدلله انه انتهي وجيتي وقلتي

انا ابي اتوب الا رب العالمين ترى الله غفور رحيم وانا اختك ياما فيه ناس

اعظم من مصيبتك والله لكن بقدره قادر الله يسامحهم ويغفر لهم ع اللي سووه

لان لجأو لرب العالميين طول وقتهم وهم يصلوو يدعو ربهم بكل خشووع

وطمانينه ان الله يغفر لهم والحمدلله ربي يغفر لهم ولا عليك من البنات

اللي تقولك وش الله يغفر لك واللي تقول انتي ماتبي اتوبي ومدري شنوو

وكلام كثير قريته من بعض الردو ..ماعليك ولا من وحده قالت لك هالكلام يالغلاا

صدقيني اذا رب العالميين يغفر ويتووب العبد..هذيلي البشر من يكونوو

عشاان مايغفرو لك ولا تطلبي منهم المغفره ماعليك منهم لان مو بيدهم

راح يهدوك يالغلاا كل هذا بيد رب العالميين ..صدقيني اي انساان

يغلط ويسوي اللي يسويه لكنت صدقيني هذا مو عيب ولا خطأ

العيب والخطا ان احنا نتمادى بالغلط ونعرف انه هالشيء غلط ونكرره ..

وترى كل وحده عايبت عليك صدقيني الله بجازيهاا خليهم بحالهم

ولاتحرقي اعصابكم عليهم خليهم يقولوو اللي يقولووه عنك يالغلاا

لاتهتمي لهم لانك لو سمعتي فلانه ياواطيه والا ياحقير والا من الالفااظ

السوقيه اللي مالها داعي صدقيني راح تتعبي مالك الا اطنشي

وعيشي حياتك يالغلاا انتي الحمدلله جاك نصيبك والله انعم عليك

بزوج يحبك ويخاف عليك ويقولك كلام حلوو ويدلعك ويسوي لك كل شيء

تبيه صدقيني بعدين انتي مع الاياام راح تحسي وبقولي هالشخص

كل ماجااه واشوف منه اشيااء حلوه لاتذكري الشخص اللي فات شيليه

من راسك لاتقارني فيه بزوجك صدقيني كل ماقارنتي راح تتذكري

اللي كنتي تعرفييه وبترجع لك الذكرياات لا يالغلاا شيلي هذا من ذاكرتك خير

شر وصدقيني شوفي الاشيااء الحلوه اللي الحين في زوجك وقولي ياالله

كل مره يدلعني يا الله كل مره نطلع ويقولي كلام حلوو بكل شيء

تذككري الكلام الحلو اللي بزوجك الحين وكل مره تذكري شيء حلوو منه

صدقيني والله ان مع الاياام راح تحبييه اكثر من هو يحبك ..

دقي عليه بين فتره والثانيه ارسلي له مسجات كل ماصاار برا البيت

او اذا راح محل قريب تذكريه وقومي ارسلي له رساله مو شرط

فيها كلام حلوو او من هالاشيااء اذا جاب لك شيء اشكريه

حاولي كل مره تسوي شيء له وصدقيني مع الاياام راح تشوفي

راح تنجذبي لهذا الشخص اكثر واكثر .. اساليني يالغلاا

انا بدايه الخطوبه وربي ماكنت حيل احب زوجي لدرجه ان مره جاني

كره لزوجي وقلت ما ابيه وكان يدق عليي ويقولي ابي اجي

ولا دقيت وزعل هوو بس والله هالشيء مو مني وانا جلست اصيح

مو عارفه لييه بس ماخلاني وربي ع اللي سويت له جاني الحمدلله

وقالي وش فيك وانا اصيح والله ماكنت ابي اقوله ولا ابين له اني كارهتنه

او ما ابيه لكن الحمدلله بعدين تحسنت وصار الوضع عادي

وبعد الزواج والله اني ما اكذب عليك اني احبه حب بشكل ماتتورييه

لاني والله ما اتذكر الا الاشيااء الحلوه بينا ع الرغم اني زعوله حييل

لكني والله احب زوجي حييل وارتاح له بشكل ماتتصوريه لانه مو مقصر معااي ولا بحاجه

الحمدلله .. وقبل لاتنظري لي بعد انظري الا امك وابوك شوفي الحب

اللي بينهم واحسبي لهم من كم سنه وهم مع بعض وهم يحبو بعض

روحي حق امك وساليها كم سؤال قولي لها يمه قبل انتي كنتي تحبي ابوي

والا ماحبيتيه الا بعدين وهل البنت يجيها فتره وماتحب زوجها او لا ..

واذا تستحي تقولي حق امك قولي حق وحده من صديقاتك متزوجه شوفي علاقتها

مع زوجها هل قبل كانت تحب زوجها او لا صدقيني لو بتنظري لكل الناس

لابد ان فتره تجيهم مو حيل يحبو ازواجهم ولا عليك من اللي تقولك لا انا من اول احبه

ومدري شنووو الحب مايجي ع طوول وكلمه احبك ماهي كلمه بس تنقال ع اللسان

لا يالغلاا هالكلمه صحيح انها قليله لكن لها معاني حلوه ولا عليك من اللي يجي

ويقولك انا احبك من اول يووم والا بنت اول ماتعرف خطيبها تقول بخاطرها انا احبه

ماعليك منه الحب تضحيات وانا اختك الحب يباله طوله صبر صدقيني

اللي تصبر ع زوجها بكل عيوبه وبكل مافيه هذي تعتبر انسانه فعلا تحب من كل اعماق قلبهاا

ونفس الشيء الرجال اذا شفتيه صبر ع زوجته بكل شيء يعتبر هالشخص يحبك

ويمووت بتراب رجلك اللي تمشي عليهاا يالغلاا .. وصدقيني الحب مايجي ع طول

شوي شوي وتحبييه لكن كل مره بصلاتك وين مارحيت قولي يارب حببني بزوجي

يارب حببني بزوجي وحبب زوجي فيني ولا تبعدنا عن بعض دائما كرري هالمقوله ..

صلي كل صلاتك بوقتها يالغلاا وادعي من رب العالمين يغفر لك ويتوب عليك

بكل معصيه عصيتيهاا يالغلاا واستغفري ربك وتوبي توبه نصووحه ..

وابكي وانتي تدعي لرب العالمين يالغلاا وصدقيني اذا سويتي كل هالاشيااء

راح تحسي براحه ولاتهتمي لكلام البنات اللي سبتك واللي قالت عنك كلام ماله داعي ..

يمكن الله يغفر لك انتي وبعدين يبليهم اللي تشمتو فيك او قالو عنك كلمه ماهي عدله

الدنيا دوراه وانا اختك .. بس حبي زوجك يالغلاا حاولي قد ماتقدري .. وصدقيني مع الاياام

راح تحبييه وانشاء الله تحبييه وبعدين راح يربطكم بعد طفل وراح تحبو بعض اكثر واكثر ..

تمسكي بزوجك اكثر يالغلاا ..

والله يوفقك ياارب ويسعدك دنيا واخره .. واذا احتجي اي حاجه يالغلاا

مايردك الا لسانك وانا موجوده ع طول اذا بغيتي اي حاجه

ارسلي لي رساله خاصه او هنا وانا ارد عليك ولو احنا خوات

نعين ونعاون يالغلاا ..

وموفقه انشاء الله .. ​
 
عالعموم بنااااااااااااااااااااااااات ربي يقبل التوبه احنا مانقبلهاا ليش بعض النااااس يرفض المجتمع توبتهم يضطرون يرجعو للمستنقع الي كانوا فيه​
 
ربنا يهديك ويصلح حالك طرحك للموضوع يدل ع ارادتك للصلاح والتوبه ..
اللهم استرنا فوق الارض وتحت الارض ويوم العرض
 
الحمد لله انج تبتي وربي يثبتج بس ابعدي افكار الشيطان عنج لانه قاعد يزيين طريق المعصية لج يا قلبي

ربي يستر عليج ويستر على زوجج ويحببج فيه ويحببه فيج يا الغلا
 
حبي زوجك شوفي ايجابياته وصدقيني علاقتك الاولين مو احسن من زوجك لا والله لا
بس كان الشيطان معكم كان هو اللي يحليه بعينك وتشوفيه ملك جمال
كثري الاستغفار بنية انك تحبي زوجك وتدرين انك مجرد تفكرين بعلاقاتك الماضيه وزوجك جنبك هذي خيانه
وشوفي اللي مو موجود بزوجك وانتي غيريه من حركات من لبس من كل شي واقنعي نفسك وبتحبينه اما اذا طول الوقت تفكرين بالماضي ابدا ماراح تحبينه وبتهلكين نفسك دايما رددي كلمة هذا الرجال تزوجني بالحلال وافتخر فيني كزوجه
اما الباقين الماضي كان مجرد لعب وقلة ادب واستحقار ولااحد فيهم فكر يتزوجك هل هو يستاهل تفكرين فيه هل يستاهل احد منهم تضلمين زوجك عشانهم صدقيني اللي موجود فيهم موجود بزوجك لكن انتي تاركه مجال للشيطان يلعب باافكارك​
 
فيه اشياء ماهو لزم تذكر مثل الخيانه, لن في الموضوع استخفاف او تصغير للمعصيه او التهاون, فيليت ان نجعل التوبه نصوحه لوجه الكريم, والشي الثاني بمكنك تختصرين الموضوع انك تجعلين مقارنه بين زوجك وآخر بدون ذكر التفاصيل, فمجر نصيحه لله, اما بالنسبه لموضوعك فتركي عنك الشيطان ووسوسته والله انها مجرد شهوه يزينها الشيطان فعيون الذين اغواهم.وابدي حياه زوجيه بالحلال والعفه.
 
كل السبب مني قال:
يا ملكة فوق الصعاب
تعتقدين ان الواحده تحب اللي يحتقرها مهما كانت شخصيتها؟؟؟
انا ما اعتقد
عالاقل مب الكل يحب الناس تعامله بحقارة
أنقر للتوسيع...


حبيبتي لاااا تزعلين مني بس حبيت اصحيك من سباتك واقولك اذا انتي مقتنعه بفارق العمر الي بينكم احمدي الله على هذا النصيب وانا ما حقرتك لشخصك انا حقرت تلاعبك واستهتارك واعرف انه ما فيه احد يحب الي يحقره ابداً والله ما يحقر عبده اذا تاب فكيف انا اجي واحقر الناس .. لي مغزى في طريقة كلامي واسلوبي ولان لعب السنين هو السبب في عدم حبك لزوجك انتي دوبامينك مفتوووح مررره يبيلك وقت طويل عشان تحبينه وتقنعين فيه لاكن انصحك ترضين وتباديلنه الشعور لانه رجل واذا ما كنتي صادقه في مشاعرك راح يتركك ويدور البديل ..
 
وبعدين تقولين انتي مب بنت .. ؟ طيب زوجك دخل عليك ولا بس مملك .. واش بتسوين اذا تزوجين .؟
 
ملكة فوق الصعاب شكرا
كلي حنو : مشكورة يا اختي والله يريحج ان شاء الله
انتي بعد اعتبريني اختج
انا الحمد لله قاعده احاول واشتغل في نفسي صح ما احبه بس احس اني بتعود عليه
تخلصت من كل شيء يربطني بالماضي حتى سيارتي ببيعها وان شاء الله رايحة العمره تاريخ 13 عسى الله يقبل توبتي ويرزقني

اللهم إني أستغفرك من كل سيئة ارتكبتها في وضح النهار أوسواد الليل في ملأ أو خلوة في سر أو علانية فلم أستحيي منك وأنت ناظر إلي...

اشكر كل اللي ردو وادعولي
 
لمسات أثنى تسلمين ياقلبي ع كلامك الحلو..
كل السبب الله يفتحها ع قلبك ويسهل أمورك
كنت الفتره اللي طافت أفكر فيك..
وزين منك تحملتي هالردود اللي تجيب المرض..مايدرون
إن الدنيا الدواره ويمكن ربي يبلاهم..
الله يوفقك حبيبتي ويرزقك بالذريه الصالحه
ويحببك بزوجك ويسخره لك إن شالله..
 
كل السبب
الله يكتب لك الخير أن شاء الله ويرزقك من حيث لا تحتسبين.
وطمنينا عنك وبشرينا
 
الحالة
مغلق و غير مفتوح للمزيد من الردود.
عودة
أعلى أسفل