حاولي تتمعنين في اللي اكتبه
بسم الله الرحمن الرحيم..
:icon26:صغيرتي ريشه :icon26:ورديه:icon26:
سلام الله عليج ورحمته تعالى وبركاته
حبيبتي .. ألف ألف مبروك على الزواج .. والحمدلله على نعمه الإستقرار
التي انعم الله عليج بها .. وماشاءالله عليج حبيبتي برغم من صغر سنج إلا
انج انسانه ناضجه ورزينه .. وأحييج على طهارتج في زمن المغريات
وصونج لنفسج وحفاظج على سمعتج وسمعه اهلج .. طول هالسنين
غاليتي .. ماشاءالله عليج انسانه قمه في الروعه والعطاء ..
وهذا ان دل فهو يدل على معدنج الاصيل واصلج الطيب وتربيتج الصالحه
انا ضد كل الخوات اللي قالن لا تبالغي في تدليله بالعكس زوجج يستحق منج
هالاهتمام وانتي بالمقابل تستحقين الدلال اللي هو يعيشج فيه
وواضح انج تبين تحافظين على حب زوجج واحترامه لج
عزيزتي انتي تحبين زوجج وهو يحبج ولكن
الله سبحانه خلق الانثى غير عن الرجل
المرأة عباره عن احساس وعاطفه وقلب
والرجل عباره عن احتواء وقوة و جنس
انتي وهو تكملون بعض بصفاتكم حيث ان كنتي انتي عاطفيه وهو عاطفيه
كان ما دخل عليج
ربنا خلق الحرمه خجوله وخلق الرجل مبادر
لتكتمل العلاقه الزوجيه وحميمتها بتلك الطريقه
وكل اللي تسوينه صح وتخدمين زوجج وتعبرين عن حبج
بطريقه رائعه لكن عزيزتي انتبهي
انت تعبرين له بالطريقه اللي تناسبج انتي مش اللي تناسبه هو بمعنى
انتي تقدمين له افضل ما عندج من مشاعر ودلال وتخدمينه وتعيشينه جو
رومانسي لكنه يحس انتي ما تحبينه ما فكرتي ليش
لانه مش هذا اللي يتطلع له ..؟
هذه الاشياء مهمه وما بيتطلع عليها ولها الا بعد فتره من الزواج ولما
من اعماقه بيتأكد انج له بيبدأ ينتبه لكل شئ تقومين به
لكن حبيبتي الغاليه هو حاليا ً محتاج تعبرين له عن حبج بطريقه اللي تناسبه
تعرفين زواج ومسأله الحميميه جديده عليه يبي يشبع من زوجته اللي يحبها
:blush-anim-cl:
صدقيني لو ما يحبج ما بيتمناج بطريقه هذه تكوني متجاوبه معاه
لا تضيعين اجمل لحظات عمرج بالخجل
هذا زوجج حلج وحلالج
اخجلي وتدللي باشياء ثانيه
مش بالاشياء اللي يطلبها منج او يتمناها
ادري الجرأة بتكون قاسيه عليج لكن صدقيني ان حاولتي
وخليتي في بالج انج تعيشين لحظات حميميه ورومانسيه
مع زوجج وحبيبج الاول والاخير بتفرحين وبتتلذذين بكل لحظه
عزيزتي فكري معاي في نقطه ليش شبابنا يتوجهون لبنات الهوى او الرخيصات
عزج الله عنهن لانهن يحسسن الريال بأنه مرغوب
وان كان عكس ذلك وعاد هو يصدق عمره ويبخها بالمال والجاه تعتقدين متى تقدر
هاللعوب تحسسه بشئ هذا وهي مش معاه طول اليوم
وتلعب مع غيره ولكل رجل وقته
تحسسه وهي معاه على الفراش لما تحمسه وتتفاعل معاه وتلبي طلباته
حنا المسلمات في حدود الشرع طبعا ً :shiny::shiny:
حسسيه بأنه مرغوب وانه يرضيج جنسيا ً وتفاعلي معاه
وكل ما ياج الخجل وردج المستحى تحديه بالاستعاذه
لان الشيطان ما يبيج ترضين ريلج
اختي وحبيبتي ريشه ورديه
تخيلي انج زوجج اعد لج مفاجئه وكانت عباره عن عطر ما تحبينه
يحبه هو ورحله لمكان ما تحبينه يحبه هو وبرفقه ناس ما تحبينهم
يحبهم هو ..؟ شو بيكون شعورج
بتفرحين في البدايه لكن مع مضي وقت بسيط بتقولين يعرف اني احب
عطر فلاني ليش ما جابه لي
مع انه ياب العطر وعبر عن حبه ولكن بطريقته
اخذج لرحله لكن لمكان ما بيفرحج في حين هو يعرف ذوقج لكن فضل المكان الي هو يحبه بتقل الفرحه
واخيرا ً انتي وسط ناس ما تستلطفينهم وهو يدري لكنه هو ارتاح لهم
فالاخير المفاجئه كانت له مش لج مع انها معده ومسوايه لج
ليش لانه عبر عنها باسلوبه وما فكر يعبر عنها باسلوب يرضيج ويشبع عاطفج
نفس الشئ
انت كل شئ تسوينه حلو وجميل وراقي لكنها في عين زوجج ثانويه
مش اساسيه
في حين ان هو يطالبج بلحظات حميميه جريئه وتجاوب وتفاعل
اختي انا وااااااااااااااااااايد تكلمت والله العالم اني حبيتج لله
واحس بج شرات اختي الصغيره الي متزوجه من فتره بسيطه
ونصحتج وحاولت اوصل لج الفكره لانج تستاهلين
لانج تبين تتداركين حياتج من بدايتها وعجبني هالشئ فيج
احبج في الله صغيرتي
ربي يوفقج
والسموحه عل الاطاله :harhar1:
