لاتستهينون بالموضوع والله انه متعبني

ا

الغريبة_قطر

New member
إنضم
2010/04/05
المشاركات
2
السلام عليكم ورحمة الله وبركاته


قبل ماابدأ موضوعي ابيكم تعرفون اني جد تعبانه من هالموضوع

ومنكد علي حياتي.. احس اني كرهت كل شي بالدنيا

ابي اضحك واسولف واعيش حياتي مثل قبل بس ماني قادره

موضوعي اني عشت تجربة حب فاشلة ..فشلت غصب عنا

علاقة مدتها سنتين و5 شهور بس الحمدلله مافيها شي

لان كل واحد منا بديرة ..ومابينا الا المكالمات والانترنت

بس بعد حبينا بعض ..وحبيته وتعلقت فيه

انا حاليا عمري 28 .. وهو 37

بس والله عشت قصتي بكل صدق

ولو ماكان الهدف منها الزواج مابديتها اصلا

بس للاسف .. الظروف كلها ضدنا

ظروف مادية ... ظروف حياة نعانيها احنا الاثنين

مشاكل مالها اول ولا تالي

هو من جنسية ثانية ومن ديرة غير ديرتي

مشكلته انه متغرب ... ومو قادر يحصل وظيفه يستمر فيها

لان االولوية بالوظايف للمواطنين دايما وغالبا

ومشكلته الثانية اصدقاء السوء

بس للامانه ... انسان قلبه طيب وحنون وحبوب

بس يوم يكونون بعيد عنهم ... ومن يروح معاهم يتغير لانسان ثاني

جاحد ..قاسي ...ظالم ... كل هالصفات تجتمع فيه يوم يكونون معاه

حاولت اغير حياته ماقدرت يتغير فترة ويتركهم بس يوم يرجعون له يتدمر كل شي

عديت كل هالشغلات وقلت الغربة والوحده لها دور بس نتزوج تتغير كل هالامور

وهذا كان تفكيره هو بعد

عرفت اهله ...عرفني عليهم ...حبيتهم وحبوني

وافقوا ومااعترضوا على شي ..بالعكس رحبوا وصاروا مستعجلين على الموضوع اكثر مني ومنه

بس للاسف ... اللي حوله ماعطوه مجال يعيش حياته صح

لاعبين براسه ..ليش تبي تتزوج؟؟ وش لك بالزواج ؟

نسيت زواجك الاول والمشاكل ؟؟ <<< هو كان متزوج وطلق زوجته بسبب المشاكل وتدخل اهلها من 14 سنة

خلوه يوسوس ويتردد بالموضوع ..خايف ان هالزواج يفشل مرة ثانية

مع انه كنا نتكلم ونحلم مع بعض بهاليوم ... وكان مستعجل هو بعد على هالشي

بس كنت انا أأجل الموضوع ليحد مايستقر بوظيفة

في النهاية ومع كثرة المشاكل بينا ... انتهى كل شي

قالي انا مااقدر اتزوج ... ظروفي مو راضية تتعدل

ولاني محصل وظيفة عدلة ... شوفي طريقك احسن

عشان مااظلمك معاي ويضيع عمرك

حاولت اقنعه ... بس بعدها تعبت ..يقتنع يوم

ويوم يقولي معاي رفيجي اعرف ان في مصيبه تنتظرني والا صدمه جديدة وفعلا

تكرر نفس الموضوع ولعبوا براسه مره ثانية

قعد يسألني اسأله عن بعض المواقف والمشاكل اللي ممكن نواجهها قبل وبعد الزواج وتصرفي معاها

بعض المواقف ماعجبه ردي عليها ... قال ماينفع ..بهالتصرف بتدمرين حياتنا

قعدنا نتناقش في بعض الامور... وفجأة قالي ترى والله نفسيتي تعبت خلاااااص

ماعاد فيني ...يقولي ساعات افكر بالانتحار ابرك لي من هالحياه

انا احبج وابيج زوجة لي ... بس حلي لي مشاكلنا ؟؟ شلون بتنحل كل هالمشاكل؟؟؟

شلون بنعيش ؟؟ شلون بنتزوج؟؟؟ وين احصل وظيفة مضمونه وماتكون مؤقته؟؟؟

قلت له يعني شنو؟؟ انا تنرفزت من كلامه ..ويأسه

ابيه يتفاءل مو قادرة ... يشوف الدنيا سوده وبصوره غريبة


عصبت وتنرفزت ومع النقاش ..قلت له خلااااص شوف حياتك

واتركني في حالي... ارسل لي مسج .. وقلت له خلااااص امسح رقمي ماابيك

تركني ... ومن يومها وانا ماشفت الراحه

نفسيتي تعبانه ..صار لي اكثر من شهر

لو اضحك بالدوام .. ارجع البيت والهم بقلبي جبال

لو بكيت في البيت .. اروح الدوام متضايقة وشايله همي بقلبي


مو قادرة اركز بحياتي كلها

اكثرت اخطائي بالشغل

كثر سكوتي وانعزالي في البيت

انام بدموعي ... واصحى بدموعي

حتى بصلاتي ادعي له بالهداية وان ربي يجمعني به

وغصب عني ابكي ...

ماعرف شسوي تعبت ؟؟

دايما ادعي ربي ان يفرج همي

ويخفف علي

بس ماني عارفه شلون اطلع من هالوضع

شلون اقدر انسى ؟؟ اشلون ابدأ من جديد؟؟

كنت اعيش حياتي معاه

يوم مانتكلم ونحلم بحياتنا ومستقبلنا اعيش هاللحظات معاه حتى بالخيال

توقعت وتخيلت كل شي نقوله بيصير وااااقع

وا الله بيجمعنا وبنكون من نصيب بعض

بس هالاحلام كلها ضاعت


ابي مساعدتكم ... ماني قادره انساه

ولا اقدر اتخيل حياتي مع شخص ثاني


امااانه ساعدوني










​
 
حياتي
اول شي ماتدرين وش الخيره انكم تبعدون عن بعض..!!
((مااابني على باطل فهو باطل))
ماتدرين بعدين لما تتزوجينه وش راح يقول عنك وكيف بيتعامل معاك بحكم انك كنتي تكلمينه
الرجال من موقف وااااحد لويقول لها جيبيلي مويه وقالت لا قالها طيب يالخاينه <<بتصير هالكلمه عنده عااادي واذا قالت له لاتقول كذا قالها ليه يعني بتقنعيني ماكنتي تكلمين قبلي اوبعدي مثل ماكلمتيني اككييييد كلمتي غيري<<<<صديقتي اعرفهاااااااا شخصيا

وربي وربي قبل الزواج بيفررررررش لها الارض ورد
بعد الزواج الشباك ياويلها لوتفتحه الشكووووك جابتله وجابت لها حااااله نفسيه بقووووه
كله من تعارف قبل الزواج
احمدي ربك ياقلبي ربي ابعده عنك
ولوووووو يحبك مايستغنى عنك بهالسهوله ولاييأس الي يحب يصاااارع عشان حبيبته
وهذا مبين عليه من النوع الي بسرعه يتأثر من كلام اصحابه
بكرا لاتزوجتو وراح عندهم ماتخافين يرجع لك وهو قالب عليك من كلامهم
ممكن يغيرونه عليك ممكن يقولون اي شييي عشان بس يخربون بينكم
بكرا لاصارت بينكم مشكله صغيييره وراح وقال لاصحابه وش بيقولون؟؟على بالك بيهدون
بيقولون احنا نصحناااااااك وقلنالك لاتتزوج انت الي اصريت انت الي جبت الهم لنفسك
وبيتأثر بكلامهم وبيقلب حياتك لجحيم

والله انها خيييييييره عيوني ماتدرين وش الخيره فيها
ولانك اغضبتي ربي ربي مااعطاك الي تبينه
استغفري واشكرررررري ربك لانه ابعده عنك
الي يتأثر بكلام الناس ترا والله بكرا مايحميك ماراح يقدر
بتصير ماله شخصيه شخصيته مهزوووزه

والله يوفقك يارب ويسعدك ويرزقك الزوج الصالح يارب عاجل غير اجل...
 
كل اللي كنت ابا اقوله لج اختي غرام انسانه قالته ما قصرت كفت ووفت


والله يوفقج ان شاء الله ويبعد عنج الشر
 
لاحول ولاقوة الا بالله <أكثري منها يااختي



هلابك وكل مشكله لها حل ومشكلتك زي اغلب مشاكلنا يا البنات وبالاخير أزمه وتعدي



بقول لك شغله مهمه الرجال ان كان ماعنده أستعداد انه يتزوج فثقي ماراح يتم هالأمر وان تم فيه مشاكل كثيره بهالزواج .


الشغله الثانيه الشخص ان كان سريع التأثر بغيره فثقي حياتك بتكون معه معقده ومتعبه نفسيآ زي ماانتي شايفه ..


المسأله حلها مايعتمد عليك كونك تبغينه بالحلال وهو ايضآ لكنه الجزء المهم معتمد عليه وزي ماانتي شايفه الرجال

متحبط ,متأثر, معقد , والنتيجه تخلى بسرعه عن عن هذا الحب وان كان بقرار نفسه يريده لكن يرى انه ليس كفؤ لهذا

الزواج ومتخوف جدآ من تكرار الفشل وسلبيته أدت به الى انهاء هذه العلاقه كحل بالنسبه له ولكن بالواقع بكره ان بغى

يتزوج راح يتكرر معه هالشيء سواء أنتي أو غيرك راح يكون عنده هالتذبذب الى ان يحل مشكلته بنفسه بعيدآ

عن مايقال مابني على باطل فهو باطل أو ماشابه من هالكلام .


نجي لعندك يااختي شيء طبيعي جدآ أي علاقه قويه وانفصلنا عنها راح نتعب في البدايه والبدايه تستمر الى

بالكثير 3 شهور وبعدها الوضع يستقر ويرجع يتذبذب الى ان تعتادي على غياب ذاك الشخص من حياتك وتتأقلميين

بالعيش من دونه


طالما أنتي تبغين تعيشين مرتاحه وترجعيين زي قبل فثقي راح يكون لك هالشيء بسرعه لأنك تريديين التغيير للأفضل

لكن انتي لاتضغطين على حالك عطي مشاعرك حرية التعبير عن نفسها والفضفضه بالطرق المناسبه لك

قوي علاقتك بالله واحسني من التوكل عليه وثقي أمر المؤمن كله خير

وان كان باقي متأمله باءصلاح الحال بينكم وواثقه من أختيارك لهذا الشخص فااستمري بالدعاء له ولك

مع اليقييين اذ لم يكن لك ماتريديين فليست النهايه


اشياء كثير نتمسك بها وان فقدناها نتألم ومع الوقت نعلم الخيره لما لم تكن لنا واحيانآ كثيره نجهل حكمة الله في ذلك


انظري الى سلبيات مشكلتك : هل ينفع لك كزوج ؟

أم الأمور تعتمد عليك أنتي فقط ؟

هل ينفع الحياه معه وهو بهذه الشخصيه والتفكير ؟



قدر الله وماشاء فعل وياقلب لاتحزن ومشكله عن مشكله تهووووون


وثقي مشكلتك بتنحل ان قوية ارادتك وبتلاقين العوض



الله يسهل امرك ويفرجها عليك
 
الله يكتب لك الخيره اينما كانت
البنات ماقرو واالله...
 
عليكم السلام ورحمة الله وبركاته

اختي الغالية
انا أدري ان تعبانة والمشكلة صعبة

والحل هو انج تنسين يمكن الله بيكتب لج غيره وأحسن
توكلي على الله ودايما قولي ( ما حجبه الله عنا كان أعظم) خلي هالكلمة دايما ف بالج
وان كل شي مكتوب فيه الخير
ودايما خليج متفائلة ان رب العالمين بيسر أمورج وبيختارلج الأحسن

والله يوفقج يا ربي ويشرح صدرج
 
البنات ماقصروا الله يفتحها بوجههم بس حكمي عقلك قبل قلبك احنا النساء عاطفيات وتحكمنا قلوبنا بس اذا كنت بدك اياه وباصرار وانا ارى انه ليس صائبا استخيري واما يقرب او يبعد عن حياتك نهائيا وهو الافضل اختي ماتحزني واطلبي العوض من رب العالمين
 
الغريبة قطر

عزيزتي ماذا بعد؟

أنت الآن عمرك 28سنة يعني انسانة واعيه بما فيه الكفاية

انسانة مثقفة تفهم قوانين البلد والعائلات والعادات

هل أنت متأكدة من صحة كلامه؟
أثبتي ذلك؟
نعم ماالذي يثبت صحة كلامه

لماذا تستمرين في تصديقه؟ وإلى متى؟

كل شاب يظهر على حقيقته عندما يعلم بجدية الفتاة المسكينة بنت الناس

التي أهدرت الكثير من وقتها معه

لقد تمتع بصوتك وكلماتك الجميلة ليذهب بعدها ساخنا جنسيا لينام بين أحضان زوجته

نعم هو متزوج صدقي أو لاتصدقي

اذهبي لقسم المتزوجات اللاتي يذكرن ماذا يقول أزواجهن للبنات

إنهم يقولون أنهم غير متزوجين ومعزولين ومساكين و وحيدين

انهم يشحتون المشاعر الجياشة من طيبات القلوب فقط

يتلذذون بتلك المشاعر وكيف أنه استطاع جذب فتاة

الفتاة في نظر الرجل هي كنز ونحن لانعلم

كلما زادت كنوزه فإنه رمز لقوته الجائعه..يتباهى بها في كل مكان

حتى لو يتكلم فإنه يرضي غروره النفسي فقط فقط فقط

الرجل الذي يرضى بالعلاقات الخارجية تأكدي انه كذلك ليس إلا

صدقي أو لاتصدقي........هكذا هم

إن وضعت الله أمام عينيكِ و وتأملت في حالك المسكينة قليلا

إنك تجهدينها بشيء في الهواء لايسمن ولايغني من جوع

إلى متى عزيزتي وأنت تغرقين نفسك وتتلذذين أيضا بالألم؟؟؟؟؟؟؟؟؟؟

ماهذا عزيزتي

ماذا أبقيتي للمراهقات؟

أهدر من عمرك سنتين وربما أتاك خاطب ورفضتيه لأجله...
أهدرتي سنتين من الحب الصادق الضائع...ياخسارة

إن كنت مازلت تنتظرينه فأنت حرة

لكن ابحثي عن حب الله في قلبك واحمديه لأنه ستر عليك طييييييييييييييييلة سنتين


متى ستتزوجين وكيف ستواجهين زوجك وقد سمحتي لغيره قبله يمرح ويرتع في قلبك

ماهو شعورك لو خانك زوجك بعد الزواج او واجهتك أي مشكلة؟
كيف ستلجئين بالدعاء وتطلبين منه العون؟

هدانا الله وإياك وحفظ بناتنا وحفظك

ابدئي بشيء صغير جدا

صلي الصلوات الخمس برغبة
 
حبيبتي أنتي ..

أنسي أنسي .. أدري صعب عليك ( أنا مثلك حب 3 سنوات ) بس فشل X فشل

الحمد لله نسيته ونسيت كل شي ’ بتقوى الله والتقرب له عز وجل , والله كلما اتذكره اقوم استغفر بس عشان الشيطان ييأس مني ’ وبالفعل صرت أنساه نسيان عجيب .. صدقيني حب الله احسن .. وخبريني وش صار عليك ..

قلبي معاك .. :)
 
نصيحة لوجه الله اصحك تاخذي رجال عقله زي الكيلون كلمه تودي وكلمه تجيبه حتى لو كنتي تحبي <<< قصدها ماله شخصية محد راح يتعب غيرك والله يكون في عونك
 
الشخص اللي اصحابه يمشونه على مزاجهم
كيف تثقين فيه بأنه سوف يكون زوج المستقبل
اعتقد انه رافض يتحمل المسؤوليه بحجج واهيه
ان شاء الله ربي يعوضك احسن منه​
 
Ms Uae قال:
عليكم السلام ورحمة الله وبركاته

اختي الغالية
انا أدري ان تعبانة والمشكلة صعبة

والحل هو انج تنسين يمكن الله بيكتب لج غيره وأحسن
توكلي على الله ودايما قولي ( ما حجبه الله عنا كان أعظم) خلي هالكلمة دايما ف بالج
وان كل شي مكتوب فيه الخير
ودايما خليج متفائلة ان رب العالمين بيسر أمورج وبيختارلج الأحسن

والله يوفقج يا ربي ويشرح صدرج
أنقر للتوسيع...



ما قصرتي أختي في لله جزاك لله خير
 
اسلووووبه معك غريـــــــــب هذا من الحين شلوون لو تزوجتوا اتركيه واستغفري كثيـــــــــــــــــــــر وادعي اكثـــــــــــر..... واستخيري وماتندمـــــــــــــــي ..
ولــــــــــــــك مني دعوات بظهـــــــــــــر الغيب..........
 
حبيبتي احمدي ربك مليون مرة إنه راح بطريقة
طيب ليش ماتقولي هالحالة ألي أنا فيها عقوبة لأنك سويت شيء غلط واستمريتي على الخطأ سنتين
نصيحتي لاتفكرين كثير إنسيه نهائي ترى ابليس ألي يلعب برأسك كذا
ترضين ياحبيبتي يلعب عليك ابليس
واحمدي ربك واشكريه قايمة قاعدة
لأن لو تتزوجيه ماراح تستمروا وأساسكم غلط أصلا دايم ألي مثل كذا حالات تنتهي بالطلاق لأن الرجال مو ضامن الحرمة والحرمة كذالك
 
الله يكون بعونك حبيبتي
حاسه فيكِ ومقدره وضعك
لكن اعلمي ياغاليه
انه ماكتب الله لكِ شيئا الا وهو خيرا لكِ
وصدقيني لو كان يحبك مثل ما يقول ..
كان ما استطاع ان يتركك لاكثر من شهر ولكن يبدو
انه كان منتظر منك هذه الحركه حتى يتخلص ...
فكري تفكير اعمق من هذا واشغلي نفسك بالمفيد
واحمدي ربك ان علاقتك به انتهت على هذا
ولم يحصل اسوا من هذا
انظري للحيااااااه من جانبها المشرق
فليست الحياه محصوره في رجل ..
انا احدثكِ عن تجربه
عزيزتي احبك في الله واتمنى لك الخير
اقرائي واستمعي لقصص الاخريات الناحجه
وايضا من حدث لهن مالا تحمد عقباه وانسقن وراء
مشاعرهن وصدقن وارتكبن اخطاء ندمن عليها اشد الندم
اتمنى ان تخبرينا عنك وقد تغيرتي واصبحتي انسانه غير التي هي الان
كل التوفيق اتمناه لكي

 
مانقول شي بعد كلام مشرفتنا المميزة

والله يكون بعونك

وزي ماقالو البنات من بني على باطل فاهو باطل
 
عشان تكونين ع بينه للحكم الي راح نصدره على استشارتك ..
نسوي جدول ونحسب سلبيات هذا الرجل اجابياته .. شرايك ؟


السلبيات /

1 - مش من جنسيتك ..
2 - ماعنده وظيفه ..
3 - مطلق ..
4 - امعه متردد ..
5 - تخلى عنك ..
6 - هروبه عن الزواج ويدعي انه عاجز .. ولا كأنه هو الرجل !
7 - رفاق السوء وشدة تأثيرهم عليه ..
8 - مشاكله النفسيه واعتقاده بإنه لايتئالف معك ولا ينسجم ( لإن حلولك لمشاكله ماتعجبه )

الإيجابيات /

1 - انتي تحبينه ..

فقط
وبدون ادنى مبالغه !!!!

اما آن الأوان ياعزيزتي لـ تعلمي انك / ضيعني وقتك !
الحياة ماوقفت عليه ياما بتلاقين ناس تتمنى تراب رجولك .. بس صدي عنه
الحب .. الحب ياحبيبتي ماهو الا نتاج مواقف وآلفه وعشـره .. اي شخص تألفين الحديث معه بتحبينه

اسمعي مني يالعزيزه .. الإنسان بطبعه وليس انتي فقط عندما يألف شيء حتى وان كان حيوان ثم يفتقده فجأه سيحزن ويتألم ويشتاق له .. وهو حيوان لايحس بك ولا يحدثك .. فكيف بإنسان ؟

الامر لايتعلق بإن هذا الشخص مميـز ومختلف عن الناس .. هو اقل منك بكثير .. اقل من ان تضحين له بوقتك ومشاعرك .. اقل مماتتصورين .. ولن تتصورين حتى تهداء ثورة مشاعرك هذه ..

لاشيء ياعزيزتي عليك فعله سوى ملئ قلبك بالطاعات وانشغالك عن هذا الرجل ..
فهذه الطريقه وحدها هي الكفيله بنسيانك له تماما لهذا الماضي السخيف ومضيعة الوقت
 
الخييييييييييييييييييييرة فيما أختاااااااااااااااااااارة الله واكيد لوفيه خير كتبه الله من نصيبكوالله يوووفقك
 
سبحان الله ومشاء الله والله ربي يحبك تدرين ليش لانه ابعد عنك شر فعلا شر ترى انتي على فكره ماراح تفرقين هالشي زين لك او لا لانك خلاص عماك الحب بس احنا نشوف عشنا معك قصتك الي كلها سلبيات والله احاول القى شي ابجابي فيها لكن للاسف الحين ابداي حياتك الجديده اللي ربي اختارها لك وبالعكس ابديها وانت سعيده اقري كتب التفكير الايجابي ادعي ربك انه( يشرح صدرك وييسر امرك ) والله هالدعاء له مفعول السحر والله يييسر امرك انشاء الله للمعلومه انا في عمرك ويمكن اغلب البنات في عمرك واكبر يعني نفس التفكير فخذين بنصايحنا ابداي من هاللحظه والله ييسر امرك ويعوضك بالزوج الهني الغني اللي يسعدك انشاء الله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل