لاتخلوني تعالو ا ..... زوج اختي وامه واختي

[عزتي فيه]

لاتبخلون علينا بنصيحتكم املي فيكم بعد الله

اختي متزوجه ولد خالي واخذها وهو يحبها ويموت فيها واختي ماكانت موافقه لكن مع ضغط الاهل وافقت وانجن يوم وافقت ... وللمعلوميه زوجة خالي اللي هي ام الزوج ماتبي اختي لانها ماتبي من عائلة زوجها ..... الزواج من البدايه مشاكل مالها اول والا تالي وام الزوج السبب ماتبي اختي وماهي طايقتها وكل مره نقول لها تحملي المهم مرة الايام وصارت اختي تجي عندنا كثير وتقعد بالشهور اربعه شهور اوخمسه وعادي عند زوجها وكل ماتقول له تعال خذني يقول طيب او ماعندي فلوس حاليا او المهم اي عله وكانت اختي تعذره وخلفت عيالها الثلاثه كلهم عندنا ( ترى اختي ساكنه بمدينه واحنا بمدينه والمسافه 1000 كيلو ) المهم صار موقف والى الان زوجة خالي مانسيته ودايم تقول ليش احنا نقول انها ماتبغى اختي لولدها وهي اللي قالت ما ابغاها لكن نصيب ..... وقد صارت مواجهه بينهم واتخاصموا مع بعض والزوج مايحرك ساكن بس دايم يقول لاختي امي اهم شئ امي مع ان اختي والله ماخلت شئ الاوسوته لها ...............

حا اكمل ارجوكم خليكم معاي وساعدوا اختي

 

[أم الداعية طارق]

الله يصلح شانهم ويخزي شيطانهم

الله الله بالدعاء والاستغفار فإن له اثر عظيم في تفريج الكربات

سبحان الله انا من المخالفين وبشدة زواج الاقارب من بعض لما في ذلك من المشاكل ونقل الكلام وامور اخرى قد لاتحصل لمن تزوج من خارج العائلة
ويكفي الحقران يقول المثل(من عرفك صغير حقرك كبير) لو الشخص يقطع قلبه بعد الزواج(سواء الزوج او الزوجة) يضل يُنظر لماضيه وماضي اهله ثم حقرانهم
اما البعيد والغريب يُنظر له بعين الاحترام والتقدير لأنهم مايعرفون عن ماضيه شي.
وجهة نظر قد تصيب او تخطئ

تقبلي مروري​

 

[فراشة بس منحاشة]

الله يهديهم ويسخرة لها
​

 

[أميــرة الــورد]

الله يعينها

 

[أنثى لاتتكرر]

؟؟؟؟؟؟؟؟؟؟؟

 

[عزتي فيه]

مشكورات اخواتي الحبيبات ويعطيكم الف عافيه
ويارب يصلح لكم ازواجكم

بكمل معاكم قصة اختي بقولها من البدايه واتحملوني تكفووووووون والله ماعاد نعرف ايش نسوي المشاكل زادت والحال مايسر الله يفرجها علينا وعليكم
ولد خالي اتزوج اختي وهو كان بينجن عشان يتزوجه والحب كان منطرف واحد اختي ماكنت تحبها ولا تبغاه لكن بعد الزواج حبته واتعلقت فيها لكن بعد الزواج صارت شغلات الله المستعان زوجة خالي كانت تأخذ ولدها( سواق ) ماتبغى تشوفه قاعد مع اختي وحالته حاله وتتصل عليه حتى وقت النوم يوديها أي مكان واختي ساكته ...
واحنا نصبرها اصبري يافلانه وربي كريم وسافرت مع اهل زوجها وراحت بيتها ودأت المشاكل صارت تدخل في كل صغيره وكبيره وكانت تتكلم على اختي عند
جاراتها وانها اكبر منه بثلاث سنين وكلام كثير واختي ساكته واذا جاء ولدها عندها تسألها عن كل شئ حتى النوم تدخل
فيه وتقول له شوف ابوك ليش ماتكون مثله انسان عملي مو فاضي مثلك مع ان اللي يسويه حلال وهذي زوجته شرعا
صار ينفر من اختي عشان يرضي امه ودايم يقول لاختي ( لايدخل النار بار والايدخل الجنه عاق ) وكانت اختي معاه
تقول له انا ماقلت لك شئ بس حقوقي يا ابن الناس خالتي تستاهل تبرها
ومرت الايام طلبت زوجة خالي من اختي انها تأخذ المروحه اللي في صالة اختي وتحطها في التحفيظ وتعوض اختي
بنجف في الصاله قالت لها اختي ياخاله الجو الحين حر ياخاله صعبه قامت كلمت ولدها وقام ينافخ على اختي ويقول لها
لو ايش ماتسوي امي فيك تصبرين هذي امي سامعه وتقول له انا ماقلت شئ بس صعب تأخذ المروحه كيف نسوي ؟ لان
زوج اختي كان طالب وعايشين على المكافئه قال لو امي تبغى البيت كله تأخذه .....
سكتت اختي وبلعتها وبعد كم يوم طلعت بشغله ثانيه تبغى طقم للمطبخ حق اختي جابته عمتي هديه لها عشان تهديه لناس ...
قامت قالت اختي لها ياخاله بس الطقم هذا هديه من عمتي وقامت زوجة خالي سوت مشكله ثانيه واختي كانت وحام باول
ولد لها .... قامت سافرت عندنا وهي زعلانه بعد شهر من زواجها وكانت حامل في الشهر الثاني وزعل مع امه وانقلب
على اختي ومايبغى يكلمها لحد ماترضي امه .... كلمته اختي الكبيره وسألته لي شانت كذا وين حبك لها ؟ قال امي اهم
شئ اذا تبغى ترضيني ترضي امي اول مع العلم انهم هم اللي غلطو على اختي وقعدت عندنا رمضان كامل والعيد جاء
واتصالحوا وسافرت مع زوجها وقعدت شهرين وجاتنا في عيد الاضحى وقعدت عندنا 4شهور وزوجها قاعد في بيته
لوحده وكل ماتقول له تعال يقول طيب طيب ومايجي والاهل كملوا الناقص كانوا يقولون اقعدي ارتاحي لاتروحين
( احس صار بينهم فجوه عاطفيه ) احتوواه اهله ماعاد يدور الا فين وفين وولدت اختي عندنا وقعدت شهرين وحملت
بالثاني وطفش مره من الحمل وخاصم وقال لها انتي عارفه اني طالب ايش اسوي الحين ؟
فكرت اختي تنزله لكن الشيخ قال لها حرام .... وقعدت عندنا مايقارب 7سبعه شهور وهي بعيده عنه بس كان يرسل
مصروف لها وهي بعيده عنه وهو عادي بعيد ( الكل يتعجب مايشتاق مثل الرجال لزوجته ) كيف يصبر هالفتره كلها
ومرت الايام وولدت وجابت الثاني ( في شئ ابغي اقوله ان زوج اختي اذا ولدت مايجي الاوهي والده خلاص ويخرجها
من المستشفى ويسافر ..... اختي كانت بعيده عنه شويه لان اغلب حياته هني عندنا وزوجه في مدينه ثانيه
بس في شئ صار ان زوجه اضاف نفسه على ايميل اختي اللي بالجامعه واتكلم معاها وهو عارف ان اخت زوجته
وزوجته شافت المحادثه وكان يتكلم مع اختي ويحكيها عن نفسه ... سألته اختي وقالت له عن قصته هو واختي قصدها
تأخذ رايه ياترى اللي يفعل كذا يحب زوجته ؟كان يقول ايه يحبها بس هذا مايقدر يسوي شئ لان اهله ضاغطين عليه
ومايقدر يزعلهم ..ويوم قالت له اختي ليش يافلان تسوي كذا ؟ وانا عارفتك انت فلان اتقي الله في نفسك وخاف الله قبل
كل شئ قام خرج .... اختي حفظت المحادثه عشان تواجهه اختي اللي هي زوجته قام اخترق جهاز اختي واخذ المحادثه
وما لقيتها اختي ولمن تكلمت معاه اختي حلف بالله انه ماهو هو .... وسبحان الله الله فضحه قال قولي لاختك تشيل
الصوره اللي حاطتها تراها فتنه ... قالت له ايش دراك عنه ..... قال انا اعرف كل شئ في النت واختي صدقت
مع العلم ان اختي ماتضيف الابنات العائله فقط لكن جاتها الاضافه على بالها منن العيله وبعد ما اخترق ايميل اختي
كلم صديقة اختي اللي معاها في الجامعه واعجبت فيه بس اختي كلمتها وقالت لها هذا زوج اختي وتركته
(( اخواتي راجع لكم اكمل بالليل ابغى رايكم تكفون وحللوكم لاتبخلون علينا الله يسعدكم في الدارين ))
مع العلم اخواتي اننا اسة محافظه وملتزمه
ارجوكم اخواتي لاتبخلون علينا والله لا ادعي لكم في صلاة الليل

 

[مليت اقول ياليت]

الله يفرج همها يارب ويردلها زوجها ردا جميلا كنا مجربين نار ام الزوج آآآآآآآآآآآآه بس الله يعين اختك

 

[ميراااااااااال]

السكن مع اهل الزوج عذاااااااااااب حتى لو كانو طيبين لازم في مشاااااااااكل وحساسيه بين بعض

 

[ربي رضاك والجنه]

الله يفرج همكم ويسر لاختك المسكينه
طيب اذا انه يسمع كلام امه الى هالدرجه كان من اول ما تقدم يخطب اختك المسكينه
الله يفرج لها ولا تنسون الاستفغار والدعاااااء والاهم الصدقه
وربي يفرج

 

[ام رمايل]

نفسي حد يفهمني ام الزوج الي تتعامل مع زوجة ولدها بفظاظه ليش
هل هو من كثر ماتحب ولدها ولا غيرانا ولا كارهه ولدها ولاشو بالضبط
بعدين من الاساس ليش تتليقف وتروح تخطب بنت الناس وتمتحنها
ناسين ان عندهم بنات حسبي الله ونعم الوكيل ,,

 

[بسك دلع]

الله يفرج عليها

 

[متفائلة باأحلى]

احتساب الأجر في المصاب

اللجوء الى الرحيم والناس نيام

كثرة الأستغفار

إن كنت تعلمين أنك أخذت على الدهر
عهدآ أن يكون لك كما تريدين في جميع شؤونكّ
و أطوارك و ألا يعطيك إلا ما تحبين و تشتهين
فجدير بك أن تطلقي لنفسك في سبيل الحزن عنانها
كلما فاتك مأإرب و استعصى عليك مطلب
و إن كنت تعلمين أخلاق الأيام في أخذها وردها
و عطائها و منعها , و أنها لا تنام عن منحة
تمنحها حتى تكر عليها راجعه فتستردها
و أن هذه سنتها و تلك خلتها ففي جميع أبناء آدم
سواء في ذلك ساكن القصور و ساكن الأكواخ
و من يطأ بنعله هام الجوزاء
و من ينام على بساط الغبراء
فخفضي من حزنك , و كفكفي من دمعك
فما أنت بأول إنسانه أصابها سهم الزمان
و ما مصابك بأول بدعة طريفة في
جريدة المصائب و الأحزان

اشراقة

انقطعي عن تأمل الذنب
و تأملي الصفة الحسنه التي ستضعينها مكانه .

هؤلاء ليسوا في سعاده !
اشتدي أزمة تتفرجي قد آذن ليلك بالبلج
لا تنظري لأهل الترف و أهل البذخ و الإسراف
في الحياة , فإن و اقعهم يرثي له و يفرح به
فإن أناسآ كان همهم الإسراف على أنفسهم
و ملذاهم و شهواتهم
و استفراغ الجهد في طلب المتعة
و مطاردة اللذة , سواء كانت حلالا أو حراام
و هؤلاء ليسوا في سعاده , إنما هم في ضنك
و في هم و غم , لأن كل من انحرف عن منهج الله ,
وكل من ارتكب معاصي الله , فلن يجد السعادة أبدآ ,


فلا تظني أن أهل الترف و البذخ و الإسراف في نعيم و في سرور , لا .. ! ..
إن بعض الفقيرات الساكنات في يبوت الأكواخ
و الطين أسعد حالا من أولئك
الذين ينامون على ريش النعام
و على الديباج و الحرير , و في القصور المخملية
لأن الفقيرة المؤمنه العابده الزاهده أسعد حالا من
المحرفه الصاده عن منهج الله ..

إشراقه


إن السعاده موجدة فيك
و لهذا يجب أن توجهي جهودك إلى نفسك ..

مخرج // ..


لكنه يصعب على الكثيرات شراء الآليء
الثمينه الغاليه من الحكمة و الموعظة الحسنه ,
لان ثمنها نفس تواقه , و قلب محب .. .
الصدقة في السر تطفي غضب الرب

م

​

 

[عزتي فيه]

مشكورات اخواتي الله يوفقكن انتم وازواجكم في الدنيا والاخره
أخواتي اختي مو ساكنه مع اهل زوجها لا هي في حي وهم في حي ثاني
لكن بداية حياتها كان بيتها قريب منهم لكن نقلوا اهل زوجها عنهم , المهم اخواتي انا رديت اكمل لكم
اخواتي صار موقف بين ام زوج اختي واختي كانوا معزومين في استراحه مع بعض وكانت سلفة اختي حامل
وللعلم سلفة اختي ابوها وامها ميتين في حادث وتصير بنت اخت زوجة خالي وتحبها موت وخطبتها لولدها الثالث
بالترتيب , قامت زوجة خالي قالت ابغى اجيب لفلانه اللي هي بنت اختها شغاله عشانها تعبانه واخواتها صغار بالمره تساعدها فيهم , قامت اختي قالت لها , ياخاله انا لمن كنت حامل ماجبتوا لي شغاله , قامت ام زوجها تصيح عليها وتقول لها خلي زوجك يجيب لك وانواع الخصام الله لايوريك خرجت اختي وقعدت مع الاطفال برا , اتصلت على السيد بس وانتهت السهره اتصل خالي وقال لزوجته يالله عشان نروح قالت لا انا بروح مع ولدي فلاان اللي هو زوج اختي وبس ركبوا السياره قامت تصيح على ولده وتقول له يالله اشتغل شغلانه مثل الناس عشان تجيب لزوجتك شغالتين مو شغاله وحده , قام سأل امه ايش فيك ؟ قامت تحكيه عن اللي صار وقام هو يخاصم مع امه واختي تبكي من الحرقه مافي احد عندها في نفس المدينه تروح له , انهارت اختي مره وقالت لها الله حيوريك في بناتك انا ايش سويت فيك ؟ ليش تعامليني كذا ؟ قام زوج اختي ينفخ عليها ويسبها ويقول لها ياكلبه انقلعي وفيك ومايخطيك ( عذرا على الالفاظ بس عشان تعرفون ايش اللي صار ) بس بعدين اختي قعدت تصيح بغت تموت زوجها وامه كلهم عليها واولادها في حجرها يطالعون فيها واحد عمره 4سنوات والثاني 5سنوات , اختي من كثر ماحست انها بتموت وهي غايصه فهالظلم قالت وقف السياره بنزل ما ابي اقعد معاك حسبي الله ونعم الوكيل عليك , وقف السياره وقعد يقول لها يالله انزلي من السياره بس ومشي بعدها اتصلت اختي علينا وقعدت تبكي وتقول تعالوا خذوني خلاص انا تعبانه وصلوا عند بيت اهل زوجها نزلت امه ونزل زوج اختي ( حسبي الله عليه ونعم الوكيل ) ودخلوا وخلوها بالسياره تبكي خرج خالي اخو امي لزم حاول يدخلها مارضيت اختي لاتلومونها والله تعبت من ظلم زوجها وامه , بعدين خالي زعل وقال ليش ماقدرتني ودخلت عشاني , بس بعدين راحت بيتها ولمت عفشها بعد ماوصلها زوجها وجاء اخوي اخذها وجاتنا وقعدت عندنا قريب الخمسه شهور زعلانه والا فكر يراضيها مع ان اختي تموت فيه وتنجن عليه , ( وزوجة خالي كل ماراحت مكان اوجلست عند ناس حتى معانا تقول فلانه على اختي دعت على بناتي ان الله يوريني فيهم , ليش تدعي عليهم ؟ اختي تقول انا مادعيت ان قلت الله حيوريك في بناتك بس , وزوج اختي مع امه زعلان يقول مثل امه ليش تدعي على اخواتي , حتى اخته اللي عمرها 17 تقول له شفت كيف زوجتك تدعي علينا والثانيه كمان نفس الشئ مسوين حزب على اختي , وابوي ميت مافيا لا اخواني ماهم مثل الاب ولمن احد يكلمه يقول ليش دعت على اخواتي ويقول لاخته انا احبكم اكثر منها وكرهتها عشان دعت عليكم (( ماهي مشكله يحب اهله بس لايظلم زوجته )) حرام كذي وين يروح من الله حسبي الله عليه ونعم الوكيل لاتلوموني مقهوره على اختي
واختي طول شهر رمضان تبكي وتدعي تعبت حيل من ظلم الزوج وامه وكانوا يتصلون عليه اخواني عشان يجي يتفاهمون معاه يوعدهم ومايجي , بس وفي مره قلت له عشان اولادك اتصلي عليه شوفي يمكن تقدرين تحلين شئ اوتتفاهمين معاه , ولمن دقت عليه وبكت وقالت له انا احبك والله خلاص يكفي كذا .... قام راح عند امه وقال لها اتصلت عليا تترجاني اروح اجيبها ايش رايك يا امي ؟ وراحت زوجة خالي تحكي جاراتها ان ولدها مادور بس زوجتها هي اللي تجري وراه عشان يجي يأخذها
بالله ايش رايكم في زوجة خالي وام زوج اختي والله حاله
انتظركم تكفون الله يجعلكم قرة عين لا ازواجكم
لاتخلوني بعد الله احتريكم
وبرجع اكمل
الله يجعلها في موازين حسناتكم

 

[شذى القلب99]

الله يعييينهاااا