لاتخذلوني ياحلوووين محتاجتكم

وآحسافه

وآحسافه

New member
إنضم
2011/08/04
المشاركات
16
بسم الله الرحمن الرحيم

بلقيساتي الغاليات
لاول مره اسرد مشكله خاصه بي بعد ان عجزت في حله والتفكير فيها
لاسيم اني لااود ان يطلع عليها اي احد من العائله ..!
وذلك حتى لااجد الحل , فربما الجأ لهم :4:

:

حياتي الزوجيه مزيج من زوابع وامواج ومد وجزر
ودائما ماتصل للحضيض مدة طويله ثم تنهض قليلا حتى اكاد اطير من الفرح فتعود لتخبو !!

:

المشكله الان اني وصلت لمنحدر سلبي جدا ومنعطف سيء
اي اني اشعر وصلت للنهايه وايضا هذا شعور زوجي
للعلم :
- انا / جنوبيه غربيه
-هو / شمالي شرقي

يعني فرق السما عن الارض
تغلبني العاطفه وهو انسان مسيطر على عاطفته ..!

:

طبعا ماراح اكتب عن مشاكلي كلها لان يبي لها وقت طويييييييييل وصفحات تمتلئ
وانما اريد ان الخص لكن ماحصل وماوصلت اليه .. تحديدا

:

ارسل لي رساله يخبرني بانه قرر الزواج فأما ان ابقى معه وعلى عينه وراسه كما يقول
وابشر بالخير او الفراق اي الطلاق
ولكنه لن يطلقني الا بعد انتهاء مدة حضانه طفلي كي يضمن عدم زواجي من اخر !!
اي لن يقصر في نفقتي ومصروفي والى ما ذلك ..
وقد خيرني بهذا الامرين !!!؟

طبعا انا رددت عليه كالاتي وبشكل مختصر وملخص وايضا برساله ..

اخبرته ان كلامه ليس لدي اي رد عليه
فكيف برجل يخير زوجته بهذا الامرين!
وايها يظن ساختار ؟
اخبرته بانه لايعرف ماافكر به بعد كلامه وهو اصلا يم يعلم يوما !!
وان هذا الموضوع لاستطيع رد المكتوب به ولاهو سيقدم لي قضاء او قدرا فامر الله نافذ وهو بيني وبينه
...


انتهت المشكله
:4:


اخبروني ماذا افعل ؟
فأنا جدا محطمه واشعر بالغصه ويشهد الله ان لي كم يوم وانا احاول ان اسيطر على تركيزي .. راسي يؤلمني من التفكير ..
والنوم اقضيه بالكوابيس والارق
ويومي كئيب
الحياه اصبحت سلعه رخيصه
وانوه ان المشكله بطريقه سلسه هي عدم اتفاق وتفهم وثقه وووووووالخـ


:

اي استفسار او سؤوال انا حاضره
اتمنى تردون لاني سوف اطالب بحذف المشكله بعد يوم او يومين
تحسبا وخوفا , ولكني سابقي بالموضوع مفتوح قيد ردودكم

..

الله يجزا كل من ترد علي بالخير يارب وينولها ربي ماترغب وتريد ولايحرمها الاجر ​
 
الله يفرج همك وليش هالقد زعلانه اذا ماعندك عيال الله يعوضك من عنده خير وبعدين ليش ماتجلسون مع بعض وتتفاهمون على كل النقاط اللي انتي تطلبينها منه وهو يطلبها منك يعني تحطون اساسيات واتفاقيات لحياتكم وليش اصلا يبغى يتزوج ماسألتيه ؟؟

وقوليله واثق انك راح تعدل هذا اذا قعدتلك وهنا عيال ومنها عيال وهنا بيت وهناك بيت ومسؤوليه و وودي وجيب والمستشفى يوووه الله يعينك اما انا مااحب وجع الراس والازعاج اذا ماشاءالله تقدر على الهم والغلب الطريق قدامك وخليك واثقه من نفسك ...

وليه كذا محبطه واذا هو شمالي وانتي جنوبيه لا ياعمري مو فرق السموات عن الارض كل شي بارادة ربي مو بالانماط ...
انصحك تقرين البقره وتدعين كثير كثير كل يوم اقري البقره انا زي كذا قاعده اسوي بدل مااختم القران لا اقرا البقره كل يوم وادعي كثير وبالذات صلاة الليل لازم اصليها وادعي .
 
بصراحة قرار صعب
طيب استخيري الله
واذا ارتحتي اشرطي شروط
واذا لا هدديه انك مثل ما راح يشوف حياته
انت بعد راح تشوفين حياتك
خصوصا اذا كنت صغيرة وجميلة ومطلوبة
وشو سبب زواجه
ولا حابب يغير الاخ
ما ادري مفكرين انه ما عندنا مشاعر او احاسيس
بس شو سبب المشكلة ليش بدو يتزوج
 
قولي له وليش تحدد لي الخيارات المتاحه
فيه خيار ثالث ..شكلك ما سمعت عنه .... الخلع

منها اساعدك على زواجك و منها اهيأ لي فرصة زواج جديده ومع طفلي العزيز
 
وش هالخيارين الصعب
شووفي اذاا انتي بتطلقين منه اطلبي الطلاااق من وقتهااا مو لمااا ينتهي حضاانه ولدك
واناا اشووف لو تقوليناا ايش سبب طرح الخيارين<<اقصد شنو مشاكلم بضبط يمكن تلاقين حل...
والخيره بما اختاره الله
 
شين وقوي عين يعني يتزوج وكمان مايبغى يطلقك والله شي مضحك يا اختي قوليله انته تحدد الي تبغا وانا احدد الي ابغى بعد ماتتزوج وهذا قرارك ماالك حق ابدا انك تخيرني او تعطينين حيارات الخيارات تكون مني الك انا الي بعطيك الخيارات موب انت صيري قويه الشمالي يحب القويه لا تقوليله ماعندي رد لانه معناها بالاخير توافقي على الي يقوله هذا ماسيفهمهه منكي
واعطي خيارات وشوفي شنو راح يسوي وابد لا تعطي حلول تعرفي هو ليش اعطاكي هالخيارات لانه يريد منكي ان تعطيه الحل الشمالي لايحب ان يفكر ويجد الحلول يحب ان تاتيه الحلول جاهزة على طبق من ذهب اقلبي الطاوله عليه واعطيه الخيارات وخلي يفكر لين تطلع روحه ولا تغلطي وتعطي حلول والخيارات الي تعطيها انتي الي خليها صعبه موب تعطي خيار تعال نصلح حياتنه هذا الخيار غير موجود لانه الشمالي او الرجل بمعنى عام عندما يقرر الزواج باخرى لن يردعه رادع الا الله سبحانه وتعالي فاا اعطيتيه حل بان تحاولولن انقاذ الزواج فانه يمكن يوافق ولكن لن ولم يبذل اي جهد واي مشكله تحصل يقولك حياتنا ماتصلح ويصر على الزواج باخرى
اخر شي اقوله لكي صيري قويه المالي مايحب الي تضيع خقها يحب الي تدافع عن حقها
 
عزيزتي انصحك اول شي تحاولين تصلحين اللي بينك وبين زوجك الواضح إنه المشكله كلها في اختلاف انماطكم وانتي ماانتي قادره تتعاملي معه بالأسلوب اللي يناسبه وبنفس الوقت محتاجه عاطفه لكل مشكله حل كثير من الجنوبيات هنا قدروا يتأقلموا مع طبع الشمالي اقرأي كثير عن نمط زوجك غيري اسلوبك معاه كثفي قرأتك الأيام الجايه عنه وحاولي تطبقين قد ماتقدرين وتضغطين على نفسك هذا بيتك لازم تحافظين عليه وبينكم طفل الموضوع محتاج منك صبر ابدأي بالتغيير اللي يتناسب مع طبيعة زوجك لاتيأسي ولاتقولين مستحيل وماراح نتفق او نوصل لشي اتوكلي على الله وبادري والله معاك إن شاءالله بالنسبه لخياراته علقيه خليه بين السما والأرض جننيه لاتعطينه قرار واضح عشان تكسبين وقت لصالحك وبنفس الوقت تشغلين تفكيره قولي له خليني افكر بخياراتك اعطيني مهله لكن في حال اختياري الحل الثاني لاتفكر إني بنتظرك واصير لك مربيه ويضيع عمري عشان اربي ولدك في شي اسمه خلع وولدي بحضانتي بالشرع والقانون سواء عجبك هالشي ولا لا الخيار خياري لوحدي اذا قررت الانفصال اذا ابي اتزوج ولا لا والأرجح اني بتزوج واشوف حياتي والولد ماتقدر تآخذه القانون بصفي وماتقدر توقف حياتي عشان مصالحك طبعا الكلام هذا كله من باب التخويف وبعد لأنه الشمالي مايحب الانثى الضعيفه فراح يتفاجأ بكلامك ويعيد حساباته اخر شي قولي له بس اقرر ارسلك قراري وبعدها طنشيه ولاعاد ترسلين له مهما ارسل ولاتعطينه اي اهتمام وانشغلي عنه وحاولي على الأقل تطبقي القواعد الأساسيه في التعامل مع الشمالي عشان يلاحظ التغيير من ناحيتك والتزمي الدعاء والاستغفار وهالفتره لاتطلعين من بيتك خليك واتجاهليه بس خليك مع الله وبإذن الله ربي يفرج همك
 
مدري اختي احس شي صعب ولازم تستخيري وانتي تقرري اللي يناسبك
فكري خمس سنوات قدام هل الوضع لصالحك لو تتركيه ولا جلوسك معه افضل
القرار قرارك انتي
 
مجنونه زعلانه
حبيبتي شاركه لك ردك ..

انا عندي طفل وصغير
ومتزوجه لي مدة 6 سنواتـ
وبالنسبه للانماط انا معاك ماختلفنا واساسا انا موضعيفه وصدقيني هذا هو يمكن سبب المشاكل هو اتوقع والله اعلم اني ند او شي مدري والله !!
حقي اخذه انا بس عيبي الوحيد دموعي لكن الكلام اقول اللي بقلبي كله
اذا عالنقاط اللي لازم نتفاهم عليها مدري شلون اوضح لك
هي روتين الحياه الطبيعي كله مختلفين فيه مو شي وشي
يعني مو خلافات لالا ,, والله مدري كيف اوضح !
 
رازيا

مو مسأله تغيير بالنسبه له
لكن انعدم التوافق بيننا
يعلم الله اغليه واحس يغليني بس الحب لحاله مايأكل عيش !!
 
لغيرك لاتخليني


ياقلبي سبب مشاكلي روتين الحياه اليومي يعني طبي وتخيري :) > شر البليه مايضحك
انا حيرته بكلامي وتركته يفكر وتركني افكر
!!
 
انا رائعه

حبيبتي صعبه علي الخلع جدا ..
لانه من قرايبي وصعب صعب مهما صار
وهو ترك الخيار والرد لي حالياآ ..
 
نحمده ونشكره

انا وربي قويه بس مشكلتي دموعي ولا على الكلام اتكلم يمكن هذا هو عيبي والله مدري وش الصح من الغلط !!
بالنسبه للخيارات , انا ساكته الحين ماراح اتكلم لين تهدا نفسيتي شوي مابي العواطف تغلبني ابي اكون منطقيه
وهو ايضا اجل النقاش حاليا
شاكره لك مرورك وتحفيزك
 
حبيبتي عسى ربي يفرج هممك ويسر امرك ويلهمك الصووواب

صراحة قرار صعب !!

بينكم طفل !! ومدة 6 سنوات

!!
استخيري كثير فالله اعلم واحكم سبحاانه وعليكِ بالاستغفار والدعاء بأن ربي يصرفه عن الزواااج والله قاادر ولا يعجزه شيء في الارض ولا في السماء !!

العجيب ان ما بينتِ سبب واضح لزواجه !! وش المشكله ! لان عمر حياتكم الزوجية قصير مرة !! ولا بس بيجرب ويمتّع عمره

واضح انه يريدك لكن قال هالخيارين لك ليزيل نفسه من العتاب ،، وحتى يكون القرار لك ومااا علم ان كلا الخيارين يعود له !!! اتمنى فهمتي علي !!
لكن اجسي معه وحاوريه واشررطي عليه شروووط ان جلستي معه

وامر اخر !!

افرضي نفسك مطلقه !! واحسبي الايجابيات والسلبيات وقيسي الامور قبل ااتخاذ القرار

ايهما اكثر ايجابيه بقاءك معه ام طلاقك !! وحرمان ابنك !! ومستقبل مجهول !!

اسال الله لك التوفيق والسعادة
 
الله يفرج عليك عزيزتي ,,,, وأنا مع البنات وخاصة المبدعة نضوج أنثى في كل كلامها .
عزيزتي : المحبة والتوفيق والسعادة كلها هبة من الله يهبها لمن يشاء فلا تيأسي , بعدين إختلاف الأنماط لا يعني نهاية الحياة لا تجعليها ركيزة أساسية تعتمدين فيها على نجاح حياتك أو فشلها .
عزيزتي : أطلبي من الله الخيرة فهو وحد أعلم بما يناسبك , وتذكري كيف كانت أمهاتنا في السابق وكيف أن الواحدة منهن تصبر وتتحمل المر حتى يفتح الله عليها من الحكمة ما تدير به وطن بأكمله وليس بيتا فقط , هل كانت الواحد منهن على دراية بعلم الأنماط هذا؟؟!! ا ولكن إيمانهن بأن الله هو الرازق والمصلح والناصر والموفق كان سببا في نجاحهن وقلما تسمعي عن حالة طلاق واحدة .
لو لا قدر الله وتطلقتي وتزوجتي رجلا آخر كان على نفس نمط زوجك السابق ( أبو ولدك ) ماذا ستفعلين عند ذلك هل ستقف الحياة وتطالبين بالطلاق أم تعيشين في هم ونكد وغبن , فكري عزيزتي جيدا ولا تتسرعي في إتخاذ خطوة قد تندمين عليها فيما بعد ...... أسأل الله لك الفرج والصلاح والتوفيق ...... كان الله في عونك ,,,, تقبلي مروري .
​
 
للرفع
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل