ريري الشرقيه
New member
- إنضم
- 2008/05/18
- المشاركات
- 4,430
حبيت أطرح موضوعي وهو إن احنا لما نقول بنسوي دايت يجينا اكتئاب وكأن الأكل بيهاجر ونحس شهيتنا تزيد والأكل يحلو والأيام تمشي والوزن قاعد يزيد واحنا من بكره ببكره وتلف السنه واحنا زي ماحنا هذا إذا مازدنا عشان كذا باقولكم طريقتي بادايت اللي نقصت عليها في سبع شهور 18 كيلو صحيح قليله بس الحلو فيها إني بعد ماتركتها برمضان مازدت على الرغم من إني ماحرمت نفسي من أي شي كل شي كلته لأن الوزن اللي ينقص شوي شوي مايرجع بسهوله المهم طريقتي هي سويت أول أسبوع رجيم التمر واللبن وهي إنك تاكلين بالفطور والغداء والعشاء سبع حبات تمر وكوب لبن مع مشي نص ساعه وبآخر الأسبوع وجبه مفتوحه والنتيجه إنك تنقصين من كيلو ونص إلى 3 كيلو أنا نقصت عليه كيلو وثمانمية جرام لأني مانزل بسرعه طبعا لما تشوفين إنك نقصتي تتحمسين أكثر الأسبوع اللي بعده تخفيف عادي وتمشين 35 دقيقه وبآخر الاسبوع وجبه مفتوحه الأسبوع اللي بعده زيه تماما بس المشي 40 دقيقه بعدين الأسبوع اللي بعده تسوين رجيم التمر واللبن مع زيادة المشي إلى45 دقيقه والنتيجه اللي احصل عليها بآخر الشهر هي 4 كيلو لأن وزني ماينقص بسرعه بس ممكن تنقصون حوالي 6 كيلو كل واحده وجسمها فايدة الوجبه المفتوحه تخدعين جسمك إنك خلاص بطلتي دايت فيحرق أكثر عشان كذا لازم وجبه مفتوحه بآخر الأسبوع يالأربعاء أو الخميس أو الجمعه ها يابنات مين تبدا معانا من السبت 11/12 هذا وتسجلي وزنك الحالي وآخر الأسبوع ندخل ونسجل الوزن اللي نقصناه واللي حابه تدخل يومي مافي مشكله وأفضل عشان الحماس باقي 3 أسابيع عالإجازه يلا ننحف لو 3 كيلو عالأقل وعد العيد إن شاء الله نتواصل ها مييييييييين اقتنعت وبتنضم معنا وتذكري الأكل موجود طالما احنا موجودين وبآخر الأسبوع يوم مفتوح ناكل فييه اللي نبغى مع الإكثار من الشاي الأخضر والزنجبيل اللي بتنضم تسجل وزنها والبدايه السبت.
