لأنج اختيه ! احدري

[غ’ـلآ الـقلپ]

مرحبا بنات شحالكن؟!

فديتكن رمستيه اليوم اعتبرنها فضفضه او خلنا نقول هي نصيحه صاااادقة لفئة موجودة بينا

هن خواتنا وبناتنا ونحبهن ونعزهن وااايد ومانرضى لهن الذل ولا الغلط ...


خواتيه يمكن هالموضوع انطرح قبل وايد في هالقسم والاقسام الباجية وانرمس عنه وايد

بس لانه مهم بعيد وبزيد فيه ولانكن تهمني بنصحكن وببري ذمتيه جدام رب العالمين ..

عزيزتي ،، اختيه ،، ربيعتي ،، انتي ياللي ترمسين شاب في التيلفون تراني وايد اعزج

ولو انتي هب غاليه عندي مابقولج هالرمسة ،،، اعتبري كلامي الي بقوله وقفه لج مع الذات

فكري فيه لو لدقايق او حتى لثواني صدقيني مابتخسرين شي انا اضمن لج .......

هالي تضيعين وقتج عشانه وتعطينه من عمرج ايامج فرحج وتعدينه كل شي في حياتج

بس اريدج تسالين عمرج هو يستاهل؟!

شو عطاني بالمقابل ؟! رمســــــــــــــــــــــــــــــه.!

هالرمسة جيمتها ترا وااااااااايد غاليه جان ماتدرين وانتي تدفعينها وتتحملينها روحج

ياما قالج اخاف عليج ،، اغليج ،، اعزج

صدقيني باجر عند اول موقف بتحصلين هالي يخاف عليج ع قولته اول انسان يبى ينتقم منج ويضرج

ومابيطوف اول فرصة توصله لها الشي..

محد يخاف عليج كثر امج وابوج واخوانج الي المفروض تحطينهم جدام عينج وتفكرين فيهم

هم الي بيوقفون وياج لو صابج شي وهم الي بيشلونج لو طحتي مب انسان تافه يمثل عليج

انا ما اعمم ع كل الشباب بس الي تحصلينه منهم ريال بكل معنى الكلمة تراه نااااااااااااااااااااااادر
والباجين ذئاب تستغلج انتي وباجي خواتج وانتن غافلات لاهيات تفكرن انه الدنيا والحياة بتوقف وبتنتهي

اذا رحل هالانسان ..

اذا تشوفين رمستيه غلط جربي !

حطيه في اي موقف صعب شوفي شو بيرد عليج وشوفي كم من الاعذار الواهية و الحجج الضعيفة

بيطلع لج .. بالملاييييييين وحياتج ... جربي قوليله انا سويت شي مايعيبك او غلط شوفي كيف بيجلب

عليج وكيف بيغدي انسان ثاني عمرج ماتوقعتيه ولا عرفتيه كل همه انه ينتقم منج ويفضحج و لا بيرده

اي شي ،،، البنات بطبعهن عاطفيات ويقدرن العشرة و الايام لكن هم لاااااااااا ولا بيحسب حساب اي

شي بالعكس عقب التهديد والمضره بتشوفينه بكل بساطه داش في لعبة يديدة مع ضحية يديدة =)



دخيلكن خواتيه فكرن في كلامي والله لو هب خوفي ع خواتيه الصغار مابرمس ولا بعني عمري وبنزل

هالموضوع بس لاني سمعت من البنات وااااااايد وتشكن لي واااااااااايد وحد منهن لازالن متورطات

ويعانن من غلطة دفعن ثمنها من صحتهن ونفسيتهن وادعي ربي يفرج كربتهن ويستر عليهن لانهن صدق في مصيبة...

انتي عزيزة وخلج عزيزة ومن اليوم اعلنيها

الي يباني يدل الطريــــــــــج,,



اللهمـ بلغتـ اللهمـ فاشهد​

 

[الوردة الفوشية]

جـــــــــزاكـ الله الفردوس الاعلى من الجنه

والله كلامكـ درر

الله يحفظنا ويحفظ بنات المسلمين من كل شر

اسال الله ان يحرم اناملكـ من النار

...استغفرالله واتوب اليه​

 

[ملكة ببلقيس]

جزاك الله خير ...

نصيحة أخويـة من قلب مخلص‘ ,,

بارك الله فيك / كلامك ..

 

[بنت نآس]

غلا القلب :icon26:
خنقتني العبره والله
توارد خواطر كنت بنزل موضوع يشبه موضوعك,,

صديقتي حبيبتي اللي مستحيييييل اتوقع انها بيوم تكلم شاب ربي بلاها بواحد عالجها وسوا نفسه العاشق المغرم فيها

تخيلي 4 سنواااااااات من عمرها ماعمره طلب صورتها ماعمره قال لها بكلمك كلام مو زين
تحلف لي تقول ماكنت اشك فيه ابددددد

تقول بعد اربع سنوات من عمري معاه واشوفه الشاب المثالي اللي عمري ما اتوقع انه يكذب علي
كيف يكذب وهو اهدافه مو مثل الشباب لا صوره ولا مكالمات وسخه وغزل

تخيلي اكتشفت بعد اربع سنوات انه كذاااااااااااااااب
وانه تمثييييييييل
يمثل الحب والخوف عليها والغيره والحنان وانه مابيضرها وانه مايبي منها شي


بس بالظاهر قاعد يتسلى فيها وتشغل له وقته

كلهم كذابين حتى لو اوووووووهمك
حتى لو ماطلب منك شي يخليك تشكين

قوليله تعال اخطبني وشوفي

صديقتي قالت له تعال اخطبني قال لها ان شااءالله مااااااااااابي غيرك بس خليني اتخرج

تقول انتظرته قال بس اتوظف
وتوظف

يوم قالت له وينك؟؟

قال صراحه اهلي رفضو ومعارضين وانا ااحاااااول فيهم ولا يبون بيتبرون مني ولا انا اتمناك انا ابيك انا احلم فيك صدقيني مابي غيرك ولا ابي اتزوج خلاص


شفتو كيف يدخلون بمداخل؟...

لاتصدقوووووووووووووووووووونهم

 

[هدواء المطر]

الله يحفظ بناتنا من كل شرر


يعطيك العافيه

 

[أخترتك A لدروبي]

الله يجزاك خير يارب ......ويكثر من امثالك...

 

[$وردة الامل$]

جـــــــــزاكـ الله الفردوس الاعلى من الجنه
​

 

[عزتي بصلاتي]

جزاك الله الف خيرا على الموضوع المفيد

 

[الحبوبة القمورة]

جزاك الله خير وجعله في ميزان حسناتك
سبحان الله وبحمده .. سبحان الله العظيم​

 

[الفراشة الثلجية]

جزاك الله الف خير

 

[وفـــــــــــاء]

يــــــ ع ـــــــــــــــطييك الف الف عافيه ع هالمششاعر الصداقه والاخويه
دمــتي بخخير

 

[طفلة الريف]

فديتك ..

وفديت رمستك

الله يجعلها بموازين حسناتك والله يهدي بنات المسلمين ،،