كيف نعالج غرور الرجال يلا نحكي تجاربنا

[حياتي جروح]

اه اه يا بنات تعبت من غروره المشكله شايف نفسه وهو قروي وانا تفكيري ارقى من تفكيره مليت وانا احاول افهمه هوطيب وما يقصر بس عنده انتي حرمه تزوجتك عشان تريحيني وبس يعني مايحترمني واذاعصب يسب فيني ولايهمه ودايما يقول اني غبيه وما افهم مع ان الكل يشهد لي بالعقل والذكاء حتى هوشورو علي يا خواتي كيف اتعامل معاه

 

[Tofa]

السلام عليكم
حبيبتي هذي اول مشاركه مني حبيت أفيدك
لا تكثرون النقاش معااه ولا تحاولين تدافعين عن نفسك واكتفي بالابتسامه وتغيير الموضوع

 

[Tofa]

لان الرجل يشوفك أحسن منه بس كوني ذكيه ولا تناقشينه ولا تحااااولين أبدا تبينين له انك أحسن منه ولا تبينون زعلك من كلامه لانه بي حاول يكرر كلامه كل ماحس بغرورك:32:

 

[حياتي جروح]

تهقين انه يحس بالنقص قدامي مع اني والله مأحشه ابدا بالعكس شكرا حبيبتي على اهتمامك بس ودي اعرف ليش كل ما اكتب موضوع العضوأت في المنتدى مايردون ولايعطوني من خبراتهم احترت انا سجلت لاني حسيت بطيبتهم وقلبهم الكبير بس قليل اللي يساعدوني وينصحوني على العموم الله يوفقهم ويحنن قلبهم علي

 

[حياتي بناتي وبس]

بعض رجال كذا يحبون يكسرون مجاديفك بس لاتسمحين له يقلك غبيه وماتفهمين خليه يحترمك

 

[فاتنه*]

اذا قلك غبيه قوولي له من قال اني غبيه لو غبيه ماجيت وخطبتني.

 

[اجواااان]

دايم كذا الرجال يحسسونك فاااهمين اكثر منك وانهم مااااافيه اذكي واكثر ذكاء وفاهمين الحياااه صح ولا تجين تتفلسفين عليه بيقوووووولك وش عرفك انتي

ذكرتين زوجي مره قلت له بخلعك قاااام يضحك علي عقليتي يقولي لا والله ما تعرفين وشو الخلع
مع ان عندي ادله وعندي كل شي لو اعطيه الشيخ بيطلقني منه غصب عليه بس هو قالي انتي مسكينه ما تعرفين بالخلعع شي علي بالك بطلقك ويضحك بسخريه
قلت له مثل ما الحريم خلعو ارجالهم اقدر اخلعك مو ناقصني يد ولا رجل

 

[يالوردي]

بعض الرجال عندهم جنون العظمه
علاج هالاشكال انفخي راسه بالمدح
امدحيه انه بطل وانك معجبه فيه
بترتاحين من مشاكله..

 

[حكمت1]

اساس المشكله هو احساسه انك افضل منه او احساسه انك ترين نفسك افضل منه
لاحظي انا قلت احساسه
يمكن هالاحساس وصل له من طريقة كلامك او من طريقة مناقشتك له في الامور والمشكلات ممكن انك تحبين تتفلسفين عليه وتبحرين في عرض الامر وشرحه وتفنيده
فيشعر بمدى ثقافتك وربما هو من قليلي الكلام او ليس عنده اسلوبك هذا فيشعر بالنقص فيحاول تعويضه بتصرفاته التي تشتكين منها
كثير من الرجال يظن ان المرأة اذا كانت اكثر ثقافه منه او اكبر شهاده او افضل منه في اي ناحيه انها بتصير مغرورة وترفع خشمها عليها ولا تشوفه
فهو بطريقة الاهانة والتقليل يريد ان يحجمك ويريك انك لست مثله وانه افضل منك

والحل .....
اشعريه انه الافضل وانه الاعلم وانه صاحب الثقافة الاكبر وانه العقل الكبير والكريم الذي لا يجاريه حاتم !
حتى لو لم يكن زوجك كذلك اي حتى لو لم يكن زوجك من النوع اللي يكسر مجاديفك اشعريه انه الافضل وانه السيد والزوج المطاع
هنا سيسعد معك ويشعر بالامان على مركزة معك وسيحاول اسعادك او اقل القليل عدم اهانتك والتقليل من شأنك

حاولي انك تغيرين من طريقة تعاملك معه وحاولي انك ما تكثرين كلام وفلسفه معه
السب والاهانه لا تسمحين فيها ابد ولو تزعلين عليه وتشعرينه انه هذا غلط ما يسامح
اذا قال غبيه قولي له شكر لانك تزوجت غبيه مثلي!! يمكن هذا قدرك !!؟

الله يهدي زوجك ويسخره لك

 

[حياتي جروح]

معكم حق بس هو يسالني باي شي هو ما يعرفه ويلقى عندي الجواب دايما وبعدين يقوم يستهزئ فيني يقول يعني تعرفين كل شي ما في شي ما تعرفينه وانا اسكت بس احس بهذاك الوقت ان كلامه بسبه احراجه ولان كلمه شكرا ويعطيك العافيه محذوفه من قاموسه يحاول يحرجني بس ما اقدر اناشرقيه شماليه احب اتوسع بالموضوع وهوما شاء الله كلامه كثير حتى لو اصحابه سوو شي يجي يقولي ما يقدر يخبي ابد حتى لو شي غلط:39: وهذا اللي محببني فيه