كيف نتعامل مع الزوج الصامت؟

[شمعة لا تنطفيء]

بسم الله الرحمن الرحيم
أخواتي الحبيبات
أنا عندي مشكله
بس قبل ما اقول مشكلتي بكلمكم عن نفسي
أنا إنسانه جدا إجتماعيه
واحب الكلام والسواليف والمزح
بس مشكلتي في زوجي
ما يحب يتكلم أبد
ولو يقعد شهر كامل ما يتكلم ما عنده اي مشكله
عاااااااااااادي
ويقول لي أنا وايد استانس إذا سكتي
لأني أنا صرت أتكلم بدون ما يرد
تعودت على سكوته
وصرت ما انتظر منه الرد
وما يباني أتكلم
أنا طفشت من سكوته
وهالحين بعد بيسكتني
ومليت من اسلوبه وياي
تخيلوا انه 24 ساعه برا البيت
واذا رجع ساكت
بالله عليكم
شغله وياي ما يزعل
صرت احس اني عايشه بروحي وكأني مو متزوجه
حتى ولدي عمره 10 سنين إذا طلع ويا ابوه أي رحله
يكون ساكت وياه طول الرحله
ومن يوم يرد للبيت
ييلس يكلمني عن الرحله
ويقول لي صار وصار
ولدي اجتماعي مثلي
حتى ريلي يستغرب من ولدي وشلون يصير بهالشخصيتين المتضادتين
وانا طفشت ومليت من اسلوب ريلي
وعلى قولة المثل
الحقران يقطع المصران
والله قرب يقطع مصاريني
حتى ربيعاتي واهلي وكل الناس اللي يعرفوني
دايم يقولون لي
يا حظ ريلج فيج
من كثر ما انا اجتماعيه
وحلوه
ما يدرون انه طفشان ومطفشني
الله يخليكم اللي عندها حل
تقول لي
وعسى الله يوفقكم وينولكم اللي تتمنون على طاعة الله​

 

[ألوان الطيف]

ام لمى ويـــــــــــــــــــــــنج؟؟؟؟؟؟؟؟؟؟؟؟؟
انا اليوم ادور عن وحده مشكلتها مثل مشكلتي
اااااااااااخ تعبت واااااايد وانا اقرا موضوعج بصراااحه وش الحل؟

 

[بريق الألماسة]

عموما خواتي طبع الرجال بالعاده الصمت

لكنهم درجات

شي تتحملينه وشي نو وي

يبط الكبد

وأتوقع أن الصمت طبع والطبع صعب يتغير يمكن يخف لكن يزول اشك والله

الجئ إلى الله بالدعاء والحي عليه أنه يغير طبعه

وحاولي تتعايشين مع طبعه قدر الأمكان ولاتلحي عليه بالكلام لان النتيجه حتكون الصمت يعني عناد

شوفي أنا زوجي كان مايكلمني نهائي وتمشكلنا كثير عند هالنقطه

بعدين تركته على راحته وبالمعامله الطيبه وإختيار اوقات ومواضيع مناسبه خف شوي بدي يسولف معي بس مودايم


وقت مايكون رايق وأتمني يجي يوم يتحسن أكثر ياكريم

أنتي إذا شفتيه رايق سأليه عن رايه بالعشاء اليوم ؟وش يحب من أضافات

ناقشيه بقصه شعرك وذوقه فيها ولا تتضايقي من إجاباته المختصره شوي شوي لحد مايتعود على سوالفك؟

ربنا معك حبيبتي

 

[ألوان الطيف]

الموضوع موضوع ام لمى واخاف تزعل اذا تدخلت وشكرتك ووضعت مشكلتي في متصفحها لانه نفس المشكله تقريبا
لا تتخيلون ان الموضوع سهل ابدا ابدا بل قــــــــــــــــــاتل قـــــــــــــــــــاتل قـــــــــــــــــــاتل

 

[القلب المفتوح]

صحيح أنا دايما أسمع عن المعاناة مع الزوج الصامت وما قد سمعت عن الزوج الثرثار لأن هذا نادر ويمكن غير موجود
وأنا معكم في المشكلة لكن الاختلاف أني أنا من النوع الصامت تقريبا ومع ذلك أتضايق لما يكون عندي سواليف ولا ألقى اللي يستمع
لكن مع الوقت عرفت أن الكلام مع الزوج له أوقات محددة تقريبا وأفضلها لما نكون برا البيت لأن التلفزيون يشده ولا يحب أحد يتكلم عليه وهو يطالع
مع أني أتنرفز منه لكن صرت أعرف وش البرامج اللي يحب يتابعها من جد واللي يناظرها بس تضييع وقت
وأحيانا لما يتكلم أسوي نفسي منسجمة مع التلفزيون وأنا مو من طبعي أنشد له لكن أبغا أنبهه أن هذا حقران
والأحوال في تحسن لكن بطيييييييييييء

 

[شمعة لا تنطفيء]

تصدقين يا الوان الطيف أنا وااااااااااااااايد مقهوره بس يوم أشوف ناس مثلي
تهون على مصيبتي أحس انه فيه احد حاس فيني
وشكرا على مرورك

 

[شمعة لا تنطفيء]

أختي بريق الألماسه والله انك صادقه يبط الجبد
وبالنسبه لريلي
وصل اقصى درجه في السكوت
وما ينفع معاه لا وقت رايق ولا شي
خلاص ميئوس منه

 

[شمعة لا تنطفيء]

أختي القلب المفتوح
تدرين يمكن هذاحسن حل
وهو اني اخصره واسوي نفسي مشغوله
وشكرا على مرورك

 

[بانة]

شوفي الرجل طبيعه صامت يعني لازم تحفظين هذي القاعده

ثانياً طبيعة الرجل تختلف عن المرأه فالمرأه تحب الكلام الكثير على عكس الرجل

فلا تقارنين نفسك بنفسه

لدي نصاح لك

حاولي تثيرين المواضيع التي يهتم فيها مثل

يعني هو يحب الاسهم

حاولي تسولفين عن الاسهم وان عندك صديقتك تبغى تدخل الاسهم

حاولي تتكلمين في مواضيع هو مبدع فيها ويفتخر فيها

مثل كمبيوتر إذا كان يحب الكمبيوتر حاولي تتكلمين تقولين عندي صديقتي تبغى كمبيوتر وش المواصفات او فيه مشكله فيها فيروس مثل كذا

لا تلاحظين انه يتكلم بس حاولي لا تقاطعينه وحاولي تأيدينه في كلامه وتحسسينه انك مفتخره في معلوماته

حاولي وانتم في السياره في سفر

تحطين أسئله مسابقه يعني

وحطي تحدي بينكم بس حطي اسئله يقدر يحلها علشان ما يحس بالاحباط بسرعه


لكن هناك معلومه يجب ان تحفظينها زيييييييييييييييييين

المرأه تريد احد يسمع لها
ولا تريد احد يحل مشكلتها

يعني المرأه ما تبحث عن احد يحل مشكلتها تبحث عن احد يسمع لها

بعكس الرجل

الرجل لا يرد احد ان يسمع له بل يريد ان يجد احد يساعده في حل مشكلته

يعني الرجال ما يهمه يتكلم عن مشكلته ويبحث عن احد يسمع له

بل يريد حلول

اسأل الله لك التوفيق والسداد

وكثر الدق في الحديد يفكه

 

[شمعة لا تنطفيء]

أختي الحبيبه بانه
تعبت منه ولاعت جبدي
طفشني خليه يسكت احسن
وعساه ما يتكلم

 

[إنسانة غير]

أختي أم المى

لا تشكين لي أبكي لك آآآآآآآآآه بس صمت زوجي مستحيل
بيموتني موته بطيئة وعلى الصامت..مشكلة زوجي مستعصية ماعنده أي موضوع يشده بهالحياة كل شي ماله طعم وكل شي ماله داعي واللي يبططططط الكبد شوفيه لو جانا ضيف مايخلي فرصة لأحد حتى أن استغرب من صوته
كأنه حاقرني ومو معطيني أي أهمية لما نصير لحالنا بالبيت:icon1366:حتى عند أصدقاءه ثرثار ومايسكت بس عندي لو أسأله مارد وإن رد يرد رد مختصر

 

[احب جنو]

مثلي تماما
ساكت ولا يصوم بديت اشك فيه
اللي يتكلم تقدرين تعرفين وش وراه تستدرجينه وتعرفين خباياه اما المنطم الساكت وش السواه؟؟ على الله

 

[اتنفس هواك]

نكلمي عن مواضيع تهمه ويحبها مو مواضيع نسوان شويه شويه يسير يهتم بأي شئ تقولينه لانك كونت حوار بينكم

 

[سكووون الليل]

عندي وعندكم خير

بس ما قلتوا انماط ازواجكم

انا زوجي شمالي غربي وطول وقته صامت وانا اكلمه

وان سألته عن شئ ما يرد لمدة دقيقة ثم يرد :قلتي شئ .....او وش تقولين ...

احس انه يحتقرني متعمد انه ما يرد ما يبني اعرف تفكيرة ....خفاياه....خططه ...مستقبله

كلش صاااااااااااااااااااااااااااااااامت

أسال الله انه يصير ابكم علشان يعرف نعمة الكلام!!!!!!!!!!!​

 

[ألوان الطيف]

ام لمى وانسانه غير وحب جنو و سكووون ليل

ما توقعت كلكم مثلي بنفس الشكوى الله يفرجها علينا ويسخرهم لنا يارب ويقذف محبتنا في قلوبهم ويجعلها جارية على السنتهم ياكريم انك على كل شي قدير وبالإجابة جدير
امنو معي يا حلوات

دايم احس اني لحالي بها العالم احس ان صفت الصمت حقت رجال اول

 

[ألوان الطيف]

ما دام مشكلتنا وحده وش رايكم نتعرف على بعض ؟؟؟؟

نتعرف على صفات بعض اولا بعد كذا نتعرف على صفات رجالنا اذا كان فيه تشابه بيننا معناها اننا احنا السبب
بعد كذا نحاول نحل المشكله بالتدريج

عموما احنا لما نتعرف اكثر بيتبين لنا كل شي
اهم شي اننا نتعاهد على اننا نكون ايجابيين في حلولنا مو سلبيين
ولكم الخيار وش رايكم حبيباتي؟؟؟

 

[شمعة لا تنطفيء]

أنا موافقه
وشكرا لكم جميعا على المشاركه
والله هالحين احس الموضوع هان على الى حد
مو مثل اول
يوم شفت ناس عايشين نفس مشكلتي
اما انت يا سكون الليل رهيييييييييييييييييبه بدعوتك انه يصير ابكم
هههههههههههههههههههه

 

[شمعة لا تنطفيء]

ولا احد يقول لي تكلمي ن مواضيع هو يحبها لأنه ما يحب ولا شي

 

[al_3anqa]

هههههههههههههههههههههههههه
ههههههههههههههههههههههههههههه
هم يبكي وهم يظحك
انا داخله القا حل لهذي المشكله لقيت عالم معاي
زوجي معاي ساكت ولظحك استانس وهذا نادر
لكن مع ربعه واخوانه سوالف وغشمره
لدرجة انا مليت من عمري ونفس ماقالت ام لمى اتكلم عن الاشياء اللي يحبها واذا رد باختصار
ودايم تعبان ويبي ينام ومن حد يجي من اهله يطير النوم والتعب

 

[flora]

الله يعينك انا اعاني من نفس الشي بس انا احسن يحب يسمع كلامي لانه يقول يحب يسمع وما يعرف يتكلم بس تخيلو وانا باهرج فجاءه الاقيه نايم ومحد يرد علي تخيلو القهر الا باعيشوه بس ولفت والله يغيرو ويريحك