كيف ممكن أتعامل مع هالاشكال

[ندمت بعدك]

مراحب يابلقيسيات
أنا والله من اشد المعجبات بهذا الموقع واستفدت منه كثييير
والحين عندي مشكله ارقتني
أنا متزوجه من 4 سنين ومن السعوديه وفي اتصالات من وحده غريبه ومن خارج السعوديه
وتحاول تهدم بيتي
برأيكم ايش ممكن اسوي بخاطري أزيحها من طريقي وطريق زوجي
ايش ممكن اسوي هل في طرف مثل الهيئة او غيرهم ممكن يساعدوني
خصوصا أني املك عنها بعض المعلومات
الله يريح بالها الي تفيدني والي تدعيلي براحه البال

 

[ّشموخ أنثىّّ]

ايوه حبيبتي اتصلي ع الهيئه
وعطيهم الرقم
وهو بدورهم بسرية تامه يبعدونها عنك..
موفقه عزيزتي

 

[الخط الفاصل]

يا أختي الهيئة وين تلحق البنت اللي من خارج السعودية
فكري زين كيف تحلين مشكلتك
وياريت توضحين المشكلة أكثر عشان الاخوات يساعدونك

 

[دلوعةزوجي]

مو واضحه مشكلتك
1_ انتي تعرفينها
2_هل هي على علاقه بزوجك
اتمنى تردين وتوضحين اكثر علشان نقدر نساعدك لو بشي بسيط

 

[ندمت بعدك]

والله ياغاليات هذا الي محيرني بس سببوا لي مشاكل كثيييير حسبي الله عليهم وكفى
لانها من خارج السعوديه انا طلبت مساعدتكم يالبلقيسيات وعشمي فيكم منتو بمقصرين
لو هي من السعوديه والله كان انا ذابحتها من زمان
واذا الهيئه ممكن يفيدوني الله يخليكم ارسلو لي ارقامهم ع الخاص

 

[الزوجة الصابرة]

الله يفرج همك

 

[صبرت ومليت]

اتصلي على الاتصالات وسوي حظر على الرقم

سواء جوالك او جوال زوجك

اعرف بنات سووها

 

[حزينه حد الجنون]

غيروا ارقامكم وريحوا راسكم والله يعيينكم

 

[ريانه*]

طيب في خدمه في شركة الهاتف انهم يسوون الغاء للرقم هذا او بلوك
ماادري كيف اقولها لك
بس تكلمينهم .. ويصير هذا الرقم مايقدر يدق عليك او انه لما يدق يصير مقفل
ماادري كيف الطريقه

شوفي كلميهم !​

 

[ريانه*]

((اتصلي على الاتصالات وسوي حظر على الرقم

سواء جوالك او جوال زوجك

اعرف بنات سووها))


هذا الي قصدته ...

 

[قمر بلامنازع]

الله يكون في عونك​

 

[ندمت بعدك]

الله يسعدكم على ردودكم يارب
المشكله احيانا يتصلو والرقم يكون كله اصفار وسألت قالو الاتصالات يمكن يكون من النت الاتصال
والله تعبت الله ينتقم منهم يارب الله ينتقم منهم