كيف عايش معاي لكن يحب غيري.....

[نور السلطانه]

كنت مكذبه هالامر من 16سنه زواج لكن علاقتنا وهجره وبعده ونضرات الكره الي يناضرني فيها كل هالسنين تثبتلي اكثر ...
وكل فتره والثانيه يطلب مني اعيش للعيال بس ...يعني مربيه فقط
اكتشف خياناته بأستمرار وكأنه يبحث عن حب ضاااايع ولايشوفني ابد
مو مهتم بجمالي ولا بجاذبيتي ولابهدوئي وهذي افضال من ربي سبحانه ...
بس قولولي كيف اتعامل معاه ؟؟؟؟؟
موهاينه علي نفسي ...العمر يضيع والصحه تروح
من اسبوع زواجنا الى هاليوم ما اتذكر ولا يوم حسيت فيه اني متزوجه ...سفراته وحياته وشغله ومشاكله ما ادري عنها وكأني عدوته ....
ايش الحل ؟؟؟؟؟
هل انتهى كل شي وانكتب علي اكمل حياتي كذا؟؟؟؟
ياربي انت خلقتني ضعيفه وابتليتني بأحب انسان عرفته,,
ربي كما بليتني عوضني الهي انت القادر على كل شئ...​

 

[اشراقه جديده]

شئ صعب بس ايش خلاك اللحين متنبه عليه واول مو يمه
طيب خلي احد من اهلك يجلس معاه اما امساك بمعروف او تسريح با احسان
كان الله بعونك

 

[ملحاويه]

الله يفرج همك يارب

 

[بدون جروح]

ياربي انت خلقتني ضعيفه وابتليتني بأحب انسان عرفته,,
ربي كما بليتني عوضني الهي انت القادر على كل شئ...

امــــــــــــــــــين يارب

الله يسخرلك يارب ويحنن قلبه عليك
​

 

[نور السلطانه]

كنت حاسه ان قلبه مو معاي ....لكن في الفتره الاخيره
لا اهو قادر يخبي مشاعره ....ولا انا مكذبه الموضوع مثل زمان
شكرا على ردكم الطيف علي ....والله يستجيب دعاؤكم ويفرج كربي في هالايام الفضيله واسأل الله انه ما يبلى احد ويفرج عن كل مكروب....
اهلي المساكين تعبو يشوفون حالي ويتأثرون وياما كلموه وجلسو معاه
واهو يلف ويدور ويهينهم ...
الان انا لازمه اسلوب الصمت ما اشتكي ابد لاني عارفه الاسباب ومتأكده ان ما في فايده من الكلام والشكوه

 

[ice creeem]

الله يعينك اختي مالك الا الصبر والله يعوضك

 

[M.A.R.Y.A.M]

أسأل الله أن يحببه فيك ويجعلك قرة عينه..سبحان من بيده قلوب العباد..

 

[سكن قلبه]

الله يفرج همك

 

[قطـــــريه]

اختي الرسول صلى الله عليه وسلم كان يدعو الله ان يحاسبه فيما يملك ولا يحاسبه فيما لا يملك ويقصد المشاعر .. يمكن انتي جميله وبنت ناس وذوق وزوجه بكل معنى الكلمة لكنه لم يحبك فلا تلومينه .. ادعي الله يهديه ويقرب قلبه لك .. انتي تحبينه وتدعين الله انه يحببه فيك فكيف تلومين من يحب .. انا لا ادافع عنه فأسبابه خطأ ولا تجوز ولا تشفع له .. انا احاول ان اخفف عنك .. خليكي على اصلك وادبك والله بيعوضج صدقيني وبيرجع لج ..

 

[اخوي يانظر عيني]

يااااااااااااااااااحزن قلبي عليج يا اختي نور اللهم رد زوجها اليها ردا جميلااااااااااااا
مالج الا الصبر والدعاااااااااااااء وكثرة الاستغفااااااااااار وراح تشوفين العجب باذن الله

 

[توفاحه]

ايش صبرك عليه من البدايه اجلسي معاه حاولي تتفهمين ايش يبغى حاولي تتقربين منه ادعي له دايم وخليه يسمعك وانتي تدعين له ادعيه بالتوفيق وفتح باب الرزق يمكن ربي يلين قلبه وصدقيني ماتدرين لاتيأسين من رحمة ربك الله يسخره لك يارب

 

[سوسنة القدر]

طيب انتي كيف قدرانه تعيشي

كل هالسنين مع انسان مابيحبك





صعب .....صعب.......ذل​

 

[دلع النعيريه]

الله يفرررررررررررررررررررررررررج همك يارب

 

[بحر الجواهر]

اختي الرسول صلى الله عليه وسلم كان يدعو الله ان يحاسبه فيما يملك ولا يحاسبه فيما لا يملك ويقصد المشاعر .. يمكن انتي جميله وبنت ناس وذوق وزوجه بكل معنى الكلمة لكنه لم يحبك فلا تلومينه .. ادعي الله يهديه ويقرب قلبه لك .. انتي تحبينه وتدعين الله انه يحببه فيك فكيف تلومين من يحب .. انا لا ادافع عنه فأسبابه خطأ ولا تجوز ولا تشفع له .. انا احاول ان اخفف عنك .. خليكي على اصلك وادبك والله بيعوضج صدقيني وبيرجع لج ..

ياقلبي اذا ماحبها ليش يخليها تعيش معه 16 سنه مو شويه
ليش تنجب منه
طيب ماحبها يتزوج غيرها بالحلال مو بالحرام وفراغة عين

الله يسخر لك يارب الدعاء سلاح المؤمن القوي ومن حسن التكال على الله رأى مايسره من القوي العزيز

 

[ياعمري ابيك]

اختي انتي قلتي انه عايش حياته
ليه أنتي ماتعيشي حياتك ؟ أتوقع انك ملبيه كل طلباته ومدلعته
وعلشان كذا حاس انه يبي وحده هو يلبي طلباتها ويدلعها
ياقلبي
أولا:اكشخي لنفسك واتفرجي عالتلفزيون وطقطقي بالنت
عيشي حياتك وسوي بك جو فرفشي
وهو كنسليه ماعليك منه وين ماراح دامه هو مو مهتم فيك
ياقلبي الشخصيه والجاذبيه ماتبان ابداا اذا شخصيتك مو حلوه او اذا لزقتي فيه
خليك عايشه لنفسك روحي زياره لأخواتك لأمك لصديقاتك بس مو تكثري من الزيارات
حطي على وجهك خلطه وخليه يشوفك يحسك عايشه مع نفسك هههه
خليه يحس انك واثقه بفسك وانه ماهمك
الله يكون بعونك ويوفقك لأتخاذ الردود الصحيحه في المواقف

 

[ياعمري ابيك]

ياقلبي اذا ماحبها ليش يخليها تعيش معه 16 سنه مو شويه
ليش تنجب منه
طيب ماحبها يتزوج غيرها بالحلال مو بالحرام وفراغة عين

الله يسخر لك يارب الدعاء سلاح المؤمن القوي ومن حسن التكال على الله رأى مايسره من القوي العزيز

الحب مو لازم ... بالزواج
قال تعالى ( وجعلنا بينهم مودة ورحمه ) صدق الله العظيم :20:

 

[بحر الجواهر]

الحب مو لازم ... بالزواج
قال تعالى ( وجعلنا بينهم مودة ورحمه ) صدق الله العظيم :20:

حتى الموده والرحمه التي جعلها الله بينهم جعل لها حدود
لن ليس عدم الحب مبرر للخيانه

 

[اسيره الوحده]

حسبي الله لا اله الا هو عليه توكلت وهو رب العرش العظيم
الحمد الله رب العالمين الذي لا يحمد على مكروه سواه
الله يفرج همك وهمي
بس حالك احسن من حالي انتي من البدايه حسيتي انه مايحبك
بس انا كان يحبني موت الين شاف غيري يحبها موت وصرت انا ام العيال بس الخدامه حقته وللعيال لااله الا انت سبحانك اني كنت من الظالمين

 

[انا فله]

اختي والله حياتي تغيرت 180 درجه كان زوجي يقولي انا مااحبك ولا اكرهك وانا موناقصني شي الحمدلله بس بنات الحرام كرهوه فيني غير المشاكل وبعده عني الحين اللهم لك الحمد والشكر بفضل ربي يمووت علي ومايصبر بدون مايشوفني ومدلعني عالاخر كله بفضل ربي تركته وتركت الناس ولجأت ربي اشكيله وابكي له اختي عليك بالدعاء والاستغفار كل ماحسيتي بغصه روحي افرشي سجادتك وادعي ربك وصيحي واشكي لربك ربك وحده هو القادر يغييره هو خالقه سبحانه لا يعجزه شي استغلي هالشهر الفضيل وانتهزي اوقات الاجابه بين الاذان والاقامه وعند الافطار وقيام اللليل لا اوصيك اختي لو ركعتين خصوصا وحنا مقبلين عالعشر

اللهم يارب ياحي ياقيوم ملكها قلب زوجها وملك زوجها قلبها الهم يارحمن يارحيم يابديع السموات والارض ياذا الجلال والاكرام اللهم يسر امرها وفرج همها اللهم سخره لها يارب واجعلهم قرة عين لبعضهم يارب انت القادر وحدك يارب اجعلها اجمل النساء في عينه اللهم ارزقها حبه وارزقه حبها يارحمن يارحيم

 

[نور السلطانه]

الله يعطيكم على قد نياتكم ولا يبلاكم ويسعدكم في الدنيا والاخره
...انا ما ادري شنو خلاني اصبر كل هالسنين وكأن قدره الاهيه
تثبتني كل ما فكرت في تركه
لكن متألمه من عدم حبه لي ...صدقوني ما استحق كل هذا...
المنتدى غيرني ومساعدة بعض البنات جزاهم الله خير ادعمتني
لكن ما يبرح الالم حارق قلبي وكاسر خاطري ...
سبحانك لا اله الا انت اني كنت من الضالمين ,فستجبنا له ونجيناه من الغم وكذالك ننجي المؤمنين...
عرفتي ليش اختي قطريه ؟؟؟؟
انا متألمه ومحتاره كيف اعيش طبيعيه وانا مطلقه بس عايشه في بيته؟؟؟؟