كيف تعامل عيال زوجها

[نهااال]

بنات اختي كانت مرتبطه فترة بسيطه بشكل غير رسمي وانفصلت والان بتتزوج واحد مطلق وعنده ولد وبنت اعمارهم 10 - 8 ادعو لها بالتوفيق وانصحوني كيف تتعامل مع عياله بالطريقه الي ترضيه وتريحه وما تضرها او تخرب علاقتها بزوجها واذا عندكم رابط لناعمه الهاشمي عن هذا الموضوع ياليت تعطوني . وشكرا لكم

 

[أم الداعية طارق]

الله يوفق اختك ويتمم لها على خير
اولا/تعاملهم لله وتخلص النية في تربيتهم
ثانيا/اعمارهم كبيرة يعني يفهمون كل شي لذا لازم تصادقهم وتلعب معاهم وتذاكر لهم وبكذا راح تكسب ابوهم بإذن الله
والله يعينها على تحمل المسؤلية.

 

[نهااال]

جزاك الله خير وياليت البنات يفيدونا اكثر هم ما يعيشون عندها بس شايله هم الولد الكبير لانه فاهم وهي مستحيه وتخاف منه لا يطلع مستقوي عيها.

 

[سهم العشق]

تعاملهم كما لو كانوا اطفالها وتتكلم معاهم وتلعب معاهم وتخلص نيتها لله سبحانه وتعالى 00 ​

 

[الورده الخاصه]

الله يعينه انا عندي بنت رجلي

 

[Sقلبي كبيرS]

تعاملهم مثل اطفالها وتحتسب الاجر

 

[كشه ناعمه]

تعاملهم بما يرضي الله
واكيد امهم راح توشي وتحاول تخرب بينهم
بس لازم تكون حذره وحريصه و تحرص على الدعاء
وزوجها راح تكبر بعينه اذا اخلصت نيتها في تربيتهم
وتتاكد انهم صغار وبسرعه يتاثرون بالكلام
وبالبدايه بتلاقي مشاكل بس تتحمل وتصبر
والله يفرجها . وان شاء الله يكونون هادين
ومامنهم شر وينفعونها بس تصاحبهم وتكسبهم احسن لها ​

 

[انوا رة الرياض]

تعاملهم وكانهم اولاده وتهتم فيهم وتخاف الله فيهم اهم شي لان الشيطان راح يدخل لها من مدخل وش ذنبك ويحرضها لاكن دائمان لاتنسي انها محاسبه وتذكر الله والله يساعدها ويعطيها علا قد نيتها00000

 

[الخائفه من الله]

الله يعينها والله مسؤوليه بس هي تحاول تكون طيبه معاهم والله تكسبهم وصدقيني راح تكبر في عين زوجها انا زيها توي متزوجه والحمد لله على كل حال

 

[الخائفه من الله]

بنات صح لو عندكم رابط لكيفية التعامل تسدحو هنا الله يعطيكم العافيه

 

[المقتولة]

ليش امهم أكيد بتخرب بينهم ... يا كشة ناعمة

يمكن تكون طيبة وبنت حلال وماكان لها نصيب مع ريلها وتطلقوا بالعكس بتكون مرتاحه اذا هي عارفة انه مرت ابوهم زينه معاهم وما تضرهم ...


حبيبتي صاحبة الموضوع يكفيها تخاف الله فيهم ... تأكلهم وتلبسهم وتلاعبهم وتذاكر لهم اذا كانوا عندها وتتاكد انهم حلوا واجباتهم ورتبوا كتبهم حق اليوم الثاني اذا بيباتون بيوم دراسي وتقوم معاهم الصبح تفطرهم وتلبسهم وتستودعهم الله واذا سوا شي غلط توجهم هذا ما يصير المؤدب ما يسوي كذا وانتم مؤدبين وشاطرين .... بترضي ربها و بتكبر بعين زوجها وامهم بترتاح انها تعاملهم زين ما تضرهم بشي ...

بس نصيحتي لا تتدخل بأي شكل من الاشكال بتربيتهم (هذي خاصة للأم والأب) واذا حد فيهم يبي شي قولي اول اسألوا بابا وماما اذا وافقوا اوكي واذا ما وافقوا خلااااص اسمعوا الكلام .

والله يوفقها ويأجرها

 

[نهااال]

شكرا لكم لاكن انا اقصد كيف تكسبهم من بعيد او في القاءات العائليه انا نصحتها ما تحتك فيهم خير شر الاا ان ياتون عندها يسلمون عليها لانه بيعيشون عند اهل امهم وامهم متزوجه .