ودي احكيكي عن اختي , مملكه وهي بمدينة وزوجها بمدينة
اختي قوية وصبورة , لكن احس احيانا انها تتألم انه تمر الايام بدون مايكلمها او يسأل عنها
مره اشرت عليها بتصرف ولا ادري كلامي صح او لا , انها ترسلله مسج وكتبت له انو انت مشغول بأهلك وناسك ولا ابي احاسبك على انشغالك لان وقتك مو لك لكن انا احتاجك واحتاج وجودك وتعبت من هالحال ووو
مسج طويل , طبعا قاللها انه يعطي اهله قليل من وقته وراح يكون العمر كله بعدين لها , وقال انا شاريك وتكلم معها , طبعا هو ماكلمها على طول اتفق معها على موعد وكلمها فيه , واتفقت انا معها انو بمكالمتها معه تتناسى كل شي , وماتحاسبه ولاتناقشه وتخليه هو يتكلم , وبعدين لمى يتكلموا بمواضيع ثانيه ماتحسسه انها حزينه , يعني كأن المسج ماكان , وصار فعلا لكن ماتغير شي
تعبت اختي فترة , كانت دائماً تهتم فيه ترسل له قبل يرسل لها , لكن لاحظت انها قلبت الدور , فـ صارت هي الي تهتم فيه وهو مايهتم ولا يسأل , هو يهتم فيها لكن مو لمى يكون بعيد ..
يعني بالسؤال بالمسجات هي تبدا تسأل عنه
ودي احكي عن جانب محرج شويا , طبعا تعرفي كثير من الازواج وقت الملكة يتكلموا بالجنس والامور هذي
يعني يتكلموا وكانهم سوا .... اتوقع فهمتيني
اختي متحطمه لان هالشي مايصير الا بالويك اند واحياناا لا , وايام الاسبوع تحاول تجذبه لها , لكن مايتكلموا بشي , هي تحاول تكسبه بالكلام بالجانب هذا لان الرجل معروف انها تجيب راسه هالامور ..
مدري كيف وضعهم جداً تاعبها وتاعبني معها ..
حاولت ماتسأل عنه , ولافاد
حاولت ماتكثر من كلام الحب والخ , برضو ولا فاد
فقلت لها اذا اتصل هلي فيه ورحبي وغرقيه بالكلام الحلو ..
طبعا هي ماتحاسبه ابداً ليه ماتصلت او مارسلت , حتى لو ارسلت ومارد عليها ماتقول له ليه الا بالمره الي قلت لك اننا اتفقنا نرسل له مسج طويل تكتب فيه الي بخاطرها , لاني حسيتها تعبت ومحتاجه توصل له الي بخاطرها ..
مدري بـ ايش اشور عليها ,
هو باخر سنة دراسية له فـ يتعذر بانشغاله بدراسته دائما , لكن لمى تكلمه يقول لها انه جالس مع اهله , ودائماً يكون مع اهله , تنجرح انه يتفضى لهم وهي لا , رغم انه دائماً يوضح لها انها اغلى انسانة بحياته
هو من الكلام الحلو مايقصر يعرف يقول , وتلاحظ انها لمى تقول له انا حبيت الكلمة الفلانيه منك يكررها لها , مثلا كلمة غاليتي , تعودنا عليها من الوالد , قالت له انها تحبها من ابوي , فـ قالها لها مره وقالت انها حبتها منه وصار دائما يكررها , وكل كلمة يقولها وتعجبها يحتفظ فيها ولا ينساها
كنت دائماً اقوللها ماتحصلين رجال مثله ابد , ماشاء الله عليه , لو له اخ كان قلت لها ضبطيني معه خخخخخخ
لانه مايغلط عليها ابد , ولا يسيء لها , ويحترمها ويقدرها ودائماً يحسسها انها المره الي تناسبه والي مابيلاقي مثلها .. ودائماً يصفها بالكمال
لكن هي متألمه من بعده عنها .. فيه نقطة اخيره احب استشيرك فيها , هو على وجه تخرج وطالب منها هدية بمزح ودايم يكرر عليها وين هديتي , وهي طالبة جامعية على الله وعلى المكافئة , وهو ماسبق اهداها قبل كذا , دايم يقول لها هديتك عندي وانا بجيب لك كذا وكذا , لكن مايحدد لها يعني يجي كأنه كلام بس ! هل ينفع انها تهديه ؟ ولا راح يكون هالشي مو بصالحها ؟ وهل تتكلف على الهديه ؟
وبس بكون شاكره لك ياختي ^_^
