كيف تتعاملي مع مهرك ؟؟؟؟؟
اعلنتي خطوبتك ..... وملكتي.... ووصلك المهر....
اكيد بدا الجد والاستعداد ........
مهرك خايفه تلعبي فيه ..... او محتاره كيف تصرفيه...
محتاره كيف تقسميه ... او وش الاشياء المهمه او الغير مهمه ...
من وين تبدي ... بالفستان او بالحجوزات ...او .... ...
لا تخافي.....
من واقع تجربتي خوذي نصيحتي ... ماراح تندمي...
اليوم راح اجيب لكم مخطط كامل كيف الوحده تتصرف مع مهرها .. وتجهيزاتها ....
لاتقولي مهري شويه ... قولي فيه البركه ......
اول خطوه المفروض العروس تسويها لما تستلم مهرها .....
انو تجيب ظروف .... ايه ظروف ... عادي لو ظروف الرسايل....
وتبدا تقسم المهر.. على حسب الاحتياجات ...
مثلا ....
الظرف الاول.... مكياج وتسريحه يوم الزواج وفلوس الصبغه...
الظرف الثاني... فلوس الذهب والساعات...
الظرف الثالث... فلوس الشنط والجزم...
الظرف الرابع... فلوس المكياج والعطورات ومجموعة الجسم......
الظرف الخامس... فلوس ملابس الطلعه...
الظرف السادس... فلوس الملابس الداخليه وقمصان النوم ...
الظرف السابع .... فلوس المصوره ( اللي حابه تصور) ...
الظرف الثامن .... فلوس الي تمسح وتنقش والحمام المغربي....
الظرف التاسع ... فلوس الفستان....
الظرف العاشر.... فلوس الهديه لزوجك ..
بعد كذا ...... نبدأ ... اول الخطوات بالتجهيز...
اولا /// فلوس المكياج والتسريحه....
طبعا بعد تحديد يوم الزواج ... على طول تروحي للمشغل وتحجزي عند الكوفيره اللي تحبينها .....
وتدفعين لها عربون ... بكذا تكوني ارتحتي من هم الكوفيره وتكوني عملتي عندها بروفه مسبقا ...
وتحجزي موعد ..قبل زواجك عشان الصبغه .....
ثانيا/// فلوس الذهب....
تعودنا من امهاتنا انو لازم نشتري ذهب كثير....
هاذي العاده راحت من زمان خصوصا انو كل لبسة الحين نشتري معها الاكسسوار اللي يناسبها ...
بس هذا مايمنعنا نشري ذهب... لذلك خصصي مبلغ 8 الاف ريال..
اشتري طقم ذهب ابيض وواحد اصفر...
ولاتنسي انو جاتك شبكه ....
ولاتنسي الساعات لازم تكون فخمه .... اذا ميزانيتك ماتسمح اشتري ساعه ذهبي وفضي واسود وبيج ...
تلاقي عند الماركات ساعات بحدود 450 الى 500 و600 يعني سعرهم معقول
ثالثا/// فلوس الشنط والجزم...
راح تسالي نفسك وش اشري...
نبدا بالشنط....
فيه الوان اتوقع لازم تكون متوفره عندك بالبيت اللي هي(الاسود -الابيض- البني- البيج -الفضي -الذهبي )
واشتري شنط من الماركات تكون تليق مع اي شيء....
نجي للشوزات ... لازم يكون عندك شوزات عاليه ... وحلوه والوان مهمه مثل الوان الشنط...
ولاتنسي الجزم الفلات .. عشان السفر والطلعات مع زوجك احيان احلى الفلات....
رابعا /// فلوس المكياج والعطورات ومجموعة الجسم....
هذا الشيء خليه قبل الزواج ب3 اسابيع ... عشان الهدايا اللي تجيك اكيد اغلبها عطورات ومجموعات جسم...
الكل يعرف انو المكياج له مده محدده من تاريخ فتحه...
لذلك انصحك انو تاخذي المقاسات الصغيره من المكياج ... ولاتكثري... لانو علب المكياج مثل الشدو حساسه وتتكسر بسرعه ....
فانتي كوني لك شنطه مكياج بسيطه (كريم اساس وسط-بودره- كونسلر-شدو -بلاشر -مسكره -ارواج - كحل اسود وملون -اضاءه -كحل رسم الحواجب)
ولاتنسي تشتري شنطة الفرش فهي مهمه جدا لك
نجي للعطورات .... خوذي عطورات متنوعه مابين القوي تركيزه وبين الهاديء...
المركز يكون للمناسبات .. اما الهادئ لك بالبيت....
ومجموعات الجسم .. انصحك بمجموعه واحده من زهور الريف او بودي شوب...
وانتي كوني لك مجموعه اخري من كريمات وشامبوات ... حتى لاتملي ..
لاتنسي الاسكينول .. فهو مهم جدا للمناطق السمراء....
وايضا ..زيت جونسون حلو بعد الحمام يعطي البشره نعومه ائعه....
خامسا/// فلوس ملابس الطلعات ...
حاولي يكون لبسك منوع بين الفساتين والتيورات والبناطيل......
لاتكثري ملابس.. فانتي ماتضمنين انو جسمك يبقى زي ماهو ...... اهم شيء فستان الصبحيه...
سادسا /// فلوس الملابس الداخليه وقمصان النوم....
اول شيء خصصي مبلغ لقميص الليله الاولى... وانا انصحك يكون قميص وليس بيجامه..
ويكون طويل حتى يعطيك فخامه .. وان يكون لونه اما ابيض او اوف وايت ...
نجي للملابس الداخليه ...
احلى يكونو اطقم ... وابتعدي عن التنسيقات...
واشتري اطقم ساده واطقم مشجره...
وهناك الوان مهمه(الاسود -الابيض- الاحمر- البني-الاوف وايت-الزهري)
اما لبس البيت فاجعليه منوع بين البيجامات والانجريات وهيك... ولاتكوني على نمط واحد ....
سابعا /// فستان الزواج..
انتي مخيره اذا حابه تشتري او تستاجري...
لكن المهم ان تضعي الميزانيه المناسبه له ....
اخر شيء...
هدية زوجك يوم الصبيحة...
عشان تطلعي ذوق... لازم صباح الزواج تعطي زوجك هديه ... خليها بحدود 1500 ريال مع تغليفها وكل شيء....
انتي وذوقك...
لكن بامكانك تهديه ساعه فخمه وعطر... وكبكات ..
لاتقولي يحب او مايحب ..يلبس او مايلبس...
خوذيها قاعده اللي تجيبيه راح يستخدمه ...
وانا احب انو اهدي شيء يبقى يعني مثلا ساعه .. مو عطر فتره ويخلص...
واي استفسار انا حاضره .....
الموضوع فكرتي واجتهادي وتعبي... لااسمح نقله بدون ذكر المصدر...
تنسيقه وكتابته كلفتي ساعتين ونصف... وهو غير منقول....
التعديل الأخير:
اسم الموضوع : كيف تتعاملي مع مهرك ؟؟؟؟؟
|
المصدر : العروس وليلة الـزفاف
