كيف تتعاملي مع اهل زوجك وبصراحة

و

ولدي كل حياتي

New member
إنضم
2011/09/15
المشاركات
5
اخواتي كيف تتعاملي مع اهل زوجك وكيف يعاملونك ابي استفيد من تجاربكم انا كنت عسل معاهم وكل يومين عندهم بس تفاجات انهم يتكلمون علي قدام زوجي ويسبوني وانواع التفتين زوجي مرة زل وقال لي قال انا متهاوش مع اهلي عشانك هم يقولون انت مدلعها تكفون قولوا لي كيف تتعاملون معاهم وكل كم تروحون لهم انا كنت طيبة بس مالقيت منهم الا النفور حتى بعض الاحيان اكون مسيره عليهم ويقومون ويطلعون ويخلوني تخيلوا حتى بدون مايقولون حنا بنطلع اعذرينا او خوذي راحتك والله طفشت هالحين انا صايره نوعا ما رسمية معاهم وما اجيهم الا بالاسبوع مرة ... ابغى نصائحكم وتجاربكم الله يبعد وجيهكم عن النار :24:
 


الرسميه ....وبسط الوجه ..والكلام الحلوا ... والاحسااااااااان ..احسن الى الناااس تستعبد قلوبهم ..

والاهم من ذلك كلله .. انك تحبيين نفسك وتقدريييينها ......
وما تقدير الناس لك الا هو مرآة لتقديرك لذاااتك ...
وشوفي الناااس من حولك ... الحرمه اللي يقدرونها الناس ويحترمونها ... تلقينها هي من حبت نفسها وقدرت ذاتها ..فنقلت لهم ذالك التقدير وصاروا يستشعرونه ...

وعدم مطالبة الناس برد الاحسااان .. فأنت تحسنين لوجه الله..وتردين المكافئه منه ..
وعدم محاااسبة الناااس على أخطاائهم .. بل يكون تعاملك مع ربهم ... الذي يحاسبهم في الدنيا قبل الاخره .. وكوني على يقين بأن من أخطاء فسوف يأكل مثل اساائته او اشد ...
بل ارحميه لانه جنى على نفسه .. (من احسن فلنفسه ومن اساء فعليها )
( ولا يحيط المكر السيء الا بأهله )

هذه اساااسيات في تعاملي مع اهل زوجي التي جعلتني استشعر معنى الحريه ..
وانه لا يوجد شيء يعيقني او يقف في وجه سعااااادتي ...:14:






​
 
ما حد عانى من اهل الزوج قدى بدون سبب ؟؟ بس لانى زوجته ولانه ابن عمى كل ما صارت مشكله بينهم وبين زوجى واغلبها عالفلوس يزعلوا على انا كمان بدون وجه حق واذا مافيه سبب اجدهم يعاملونى برسميه واذا زرتهم بالسنه مره للاسف ما اشوف الاحترام عالاقل او مراعاة مشاعر الضيف اللى عندهم ااااااااااااااه بس حسبى الله لا اله الا هو عليه توكلت وهو رب العرش العظيم ,, انصحك عدم الاحتكاك قدر المستطاع افرضى احترامك عندهم غصب بقلة الزيارات رغم انه ما نفع مع اهله لزوجى بسبب الحقد لانى متفقه معه ومبسوطين انا واياه وما بعرفوا بمشاكلنا الخاصه ابدااا؟؟؟؟ وادعى دوما ...اللهم اكفنيهم بماشئت,,,,,,, وربنا معاك يالغلا
 
راح اقلك نصآيح عمتي لي لمآ سألتها كيف أعآمل أهل زوجي:
الأم حاولي ماتثيرين غيرتها
إذا شفتيها جالسة وزوجك جالس لاتروحي تجلسي عند زوجك
اجلسي جنبها وخليه يجلس جنبها كمان..
تخيلي منظر الأم لما تشوف ولدها وزوجته جالسين جنب بعض ويسولفون..ومخلينها لحالها
شعور صعب بصراحة وماحد يرضاه لنفسه
لو بتروحوا مكان خذيها معاكم حتى لو رفضت قولي الطلعة ماتحلى بدونك( لو إنكم عايشين مع بعض) وخليها تجلس قدام في السيارة ..مدري وش تحس فيه الزوجه لما تخلي ام زوجها تجلس ورى وهيا قدام والله عيب
وإذا كنتي انتي وزوجك طالعين برا ورجعتوا البيت لآزم تقدمين لها اي هدية بسيطة (=

من ناحية المشاكل
- لو صار مشكلة بين الولد وأهله :
1- لاتدخلين وكوني محايدة
أو
2- اوقفي مع اهله حتى لو كانوا غلطانين.!!
( قلت لعمتي حرام كذا اظلم زوجي كيف اوقف مع اهله واخليه؟؟)
قالت :
لو وقفتي مع اهله وقلتي له إن اهلك صادقين اعتذر انتا مهما كان هاذا اهلنا كلنا وحقهم على روسنا
اولا راح تكبري في عينه وإذا كسبتي اهله راح تخلينهم يكسبو ولدهم كمان
بس لو وقفتي مع زوجك ضد اهله
انتي الخسرانه انتي وزوجك راح يقولون لكم برااا اطلعوا من الباب
فكرت في كلامها بصراحة صادقة.
وقالت لي لاتشكي لزوجك من اهله ابدن.
تحملي اللي يجيك منهم وربنا راح يعطيك الأجر وصدقيني انه راح يجي يوم يشوفون العذاب اللي شفتيه منهم
استفدت كثير من نصايح عمتي الحكيمة وجالسة اطبقها

الله يحنن قلوبهم عليكم (=
 
غادة روعـــة كلآمك
( تلقينها هي من حبت نفسها وقدرت ذاتها ..فنقلت لهم ذالك التقدير وصاروا يستشعرونه )
(من أخطاء فسوف يأكل مثل اساائته او اشد ...
بل ارحميه لانه جنى على نفسه)
 
انثا كارزميه
كلامك جدا روووعه
 
حطيهم قاعدتين عندك :

انك تتعاملين مع الله وليس معهم او مع اي احد من البشر

اذا أحسنت المعاملة قولي لنفسك " انما نطعمكم لوجه الله لا نريد منكم جزاء ولا شكورا "

والقاعدة الثانية : كما تحبين ان تعاملك زوجة ولدك مستقبلا ، عامليهم ..
اذا شفتيهم تقبلوك .. قربي منهم
واذا كانوا من النوع اللي لهم خصوصياتهم ولا يحبون احد يقرب منهم ابعدي شوي
لكن لا تقاطعينهم ، وادي الواجب اللي عليك تجاههم ...ووقت ما يحتاجونك خليك اول وحدة توقف معاهم

وحثي زوجك وعيالك على برهم وصلتهم دائما
وادعي الله ان يؤلف بين قلوبكم على طاعته

انا هذي طريقتي معهم والحمد لله علاقتنا علاقة محبة واحترام حتى لو ماكانت الحميمية اللي كنت أتمناها لكن الحمد لله الاحترام والتقدير يكفي ووقت ما يحتاجوني او احتاجهم ولله الحمد كل يفزع للثاني اسال الله ان يبارك لنا ولكم ..
 
تذكرت شي مهم وهو الدفع بالتي هي أحسن
لانهم احيانا يسيؤون معاملتك بدون ما يقصدون
فاذا عاملتيهم بالمثل صارت العداوة ثم القطيعة بينكم
قال تعالى :" ادفع بالتي هي احسن فاذا الذي بينك وبينه عداوة كأنه ولي حميم "

احذري من تصعيد الخلاف اذا حصل لا قدر الله
ولا تقاطعيهم ابدا مهما صار
احتسبي ذلك لوجه الله تعالى
 
والله ثم والله ما حد كان عسل معاهم قدي وايدي بيدهم واشتغل وبناتهم جالسين واشيل عمتي معي كل مكان صارو يعاملوني كني خدامة روحي جيبي وبناتهم جالسين لدرجة مرة من المرات عمتي تقولي لصقي نعالي عزكم الله وبنتها جالسة والله لو امي ما قالتها لمرة اخوي لهالدرجة وصلت عندهم ويخلوني اصب القهوة لهم وسوي يا فلانة لدرجة مرة من المرات طلبت مني طبخة وقالت سويلنا قلت ما اقدر يا عمة شغالتي مب فيه قالت خل امك قلت امي فيها قرحة في بطنها بكل ادب
حطت التلفون جنبها على بالها قافلة وقالت هي مريضة وشغالتها مريضة وخالتها مريضة وعمتها مريضة وامها في قرحة في الكبد اففففففففففففففففففف لاحول ولا قوة الا بالله
لهالدرجة انا صرت عندهم يتمسخرون علي ويتهزون علي وعلى اهلي مع اني بنت رجال معروف الله يرحمه
واهلي ناس احشام والله ومحترمييييييين وهم ولا هم هنا
ومنها وعليها صرت رسمية مرررررررررررررررة معاهم
ولا اسوي لقمة وحدة بعد اروح ضيفة اتغدى واروح
ولا دعوة بهم ابدا اقروووووو مواضيعي
​
 
انا اعاملهم بالطيب

لكن في نفس الوقت مخليه حدود بيني و بينهم

محد يقدر يتعداها . و الكل عارف اني مو مسؤوله غير عن نفسي و زوجي

خصوصاً اني ساكنه مع ام زوجي في نفس الشقه

و كل اسبوووووع اولادها يتجمعو عندها

والله لو مو حاطه حدود و اني مالي دخل فيهم كان اخدمهم زي الشغاله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل