كيف اواجه زوجي بخيانته

[حبيبي س]

السلام عليكم
اخواتي ساعدوني انا من فتره الاحظ في موبايل زوجي مسجات واتصل عليهم وتطلع حرمه ولما اواجهه يحلف وانا اصدق ودايما القى موبايل فسيارته حطه تحت الكرسي ونفس الشي لما اواجهه ينكر وانا اصدق يمكن لان شخصيتي ضعيفه او اول خيانه ما سويت شي امن الرجال لكن من شهر سافر لدوله مشبوهه وشفت مسج في تيلفونه حق بنت ونفس الشي انكر لما واجهته يا اخواتي كيف اتصرف معاه وانا شاكه بشي اكبر من جذيه للعلم هو جنوبي وايد يتاثر بربعه
انتظر شوركم كيف اتصرف معاه
ادعولي يا خواتي الله يهديه ويبعده عن عيال الحرام

 

[بسك دلع]

الله يفرج عليك

 

[رحـى]

مساك سكر يا قمورة,,
إستهدي بالله سبحانه وتعالى,,وروقي أعصابك,,
ببعض الأحيان,,المواجهة ليس الخطوة الأنسب حالياً,,
إجمعي أفكارك الأنثوية+قراءة مقالات أستاذتنا ناعمة+قبل كل شيء(التوكل على الله ثم الدعاء من قلبك)=زوجك الغالي بيكون عندك,ويعشقكي يا حلوتي,,
إلهي يسخرلك زوجك الغالي بكل جوارحه,ويحميكما من شرقضاء السوء,,اللهم آمين يا رب,,

 

[ماردينا]

يعطيكي العافيه اختي انا اقول اجلسي معاه وكلميه برواقه وبتفاهم مو بصراخ وفهميه انو يحافظ على بيته افضله

 

[بقاية جروح]

الله يعينك ويفرجها من عندة واستشيري وحدة فاهمة عشان ما تندمين ​

 

[هند بنت عتبة]

ألله يعينك ويصبرك اختي

حاولي تكلمين حد من اهلكم عاقل ويتفاهم معاه

او اجزميه معاه الموقف يا يختارج او يختارهم واكيد اذا يبحج بيختارج انتي

وعليج بالدعاء ياقلبي​

 

[عال العال]

عليك بكثرة الاستغفار
بعدين المواجهه بهذا الشكل ماتنفع خصوصا انك زي ماقلتي ضعيفة الشخصية وتصدقينه بسرعه

 

[نظرةعيوني ذلتهم]

لا تكلمين احد من اهلج ولا من اهله .... وخصوصا انه جنوبي و صورة ممكن تهتز وتتاثر و بالتالي ممكن يكرهج لا سمح الله

اول شي لازم تهدين نفسج
وتعرفين شنو نوع العلاقة بالضبط اللي تربط زوجج مع البنت ......صداقة عشق حب زواج ......

ثانيا والاهم اذا لقيتي اي شي لا تواجهين زوجج ابد ابد ابد لو شنو كاان
و حاولي تربطين وتجمييع الادلة مع بعض

وقبل لا تواجهيينه زوجج لازم تعرفين شلون تجذبينه لصفج مرة ثانية وتحاولين تخليينه يعشق
لانه بهالمرحلة اغلب الظن هو عاااشق بما معنى ان ممكن يتهور ويسوي شي يهدم علاقتكم انتي معاه
وبتكون العشيقة هي الرابحة

ادرسي نمط شخصيته زييين واجذبييه لج
والله يعينج يا رب ويسخره لج ​

 

[قصور]

حبيبتي نصيحة لوجهه الله لا تواجهينهه سوي نفسك ماشفتي شي وخلك طبيعي طنشي بس بين فتره وفتره جيبي طاري الخيانه الزوجية بقصة من القصص يعني للعظة اولا وللنقاش ثانيا ومنها تذكرينه بالله سبحانه وبالعقاب المترتب علي الخيانه بالدنيا والاخرة ..

 

[نسمة الوادي]

الله يعينك ويهديه

 

[باور قيرل]

أول شيئ استخيري بس استخيري

و إستعيني بالله و الإستغفار

و بعدين شوفي هو كيف معاملته لك يستحق إنك تقاتلي علشانه ولا لا؟

يعني طيب معاكِ كيف العشرة بينكم قيمي وضعك

بعدين شوفي نفسك بس كأن وحده غريبة تعلق عليكِ

شوفي ايجابياتك و شوفي عيوبك

و إذا قررتي تتمسكِ بزوجك إبدائي التغيير

(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)



إهتمي بنفسك بدون ما تسألي أيش رأيك

و خليكِ متعطرة طول الوقت

و أدرسي شخصيته من بوصلة الشخصية و إعرفي كيف تتعاملي معاه

من مواضيع المنتدى

و البنات ما راح يقصروا معاك


و خلي أعصابك في التلاجة و الله يهدينا و يهديلنا أزواجنا